| ᠲᠠᠪᠠᠯᠭᠠᠨ ᠤ ᠰᠡᠳᠬᠢᠯ ᠤᠶᠢᠷᠠ ᠶᠢᠨ ᠬᠡᠳᠦᠨ ᠡᠳᠦᠷ ᠲᠤᠭᠳᠠᠪᠤᠷᠢ ᠠᠯᠳᠠᠭᠠᠳ᠂ ᠶᠠᠭᠠᠬᠢᠵᠦ ᠪᠠᠶᠢᠵᠦ ᠯᠠ | ᠨᠢᠭᠡ ᠬᠦᠳᠡᠭᠡ ᠪᠠᠨ ᠤᠴᠢᠵᠦ ᠬᠡᠳᠦᠨ ᠮᠠᠯ ᠢᠶᠠᠨ ᠡᠷᠬᠢᠵᠦ ᠦᠵᠡᠮᠡᠷ ᠪᠤᠳᠤᠭᠳᠠᠬᠤ ᠶᠤᠮ᠃ ᠡᠨᠡ ᠠᠶᠤᠯᠳᠦ ᠬᠢᠵᠢᠭ | ᠲᠡᠯᠭᠡᠷᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠬᠤᠷᠢᠭᠠᠳ ᠬᠤᠨᠤᠴᠢᠬᠠᠯᠠ᠃ ᠬᠡᠷ ᠮᠠᠯ ᠤᠨ ᠪᠠᠷᠠ ᠬᠠᠷᠠᠭᠰᠠᠨ ᠦᠭᠡᠢ ᠬᠤᠷᠢ ᠭᠠᠷᠤᠢ | ᠡᠳᠦᠷ ᠪᠤᠯᠴᠢᠬᠠᠯᠠ᠃ ᠬᠦᠳᠡᠭᠡ ᠪᠠᠶᠢᠭᠠ ᠨᠢᠭᠡᠨ ᠢᠶᠠᠷ ᠤᠴᠢᠵᠦ ᠦᠵᠡᠬᠦᠯᠦᠶᠡ ᠬᠡᠵᠦ ᠪᠤᠳᠤᠭᠰᠠᠨ ᠪᠤᠯᠪᠠᠴᠤ | ᠲᠡᠳᠡᠨ ᠤ ᠬᠡᠷ ᠨᠢ ᠳ᠋ᠦᠩᠹᠧᠩ ᠪᠠᠯᠭᠠᠰᠤᠨ ᠠᠴᠠ ᠬᠤᠶᠠᠷ ᠵᠠᠭᠤᠨ ᠭᠠᠵᠠᠷ ᠬᠤᠯᠠ᠃ ︽ᠠᠷᠠᠢ ᠯᠡ ᠬᠦᠮᠦᠨ ᠳᠤ | ᠲᠦᠪᠡᠭ ᠲᠠᠳᠠᠬᠤ ᠶᠤᠮ ᠤᠤ︖︾ ᠬᠡᠵᠦ ᠪᠤᠳᠤᠬᠤᠯᠠᠷ ᠠᠮᠠ ᠨᠡᠭᠡᠭᠡᠬᠦ ᠠᠴᠠ ᠪᠠᠨ ᠲᠠᠳᠠᠭᠠᠯᠵᠠᠨ ᠠ᠃ | ᠪᠤᠰᠤᠳ ᠲᠤ ᠲᠦᠪᠡᠭ ᠲᠠᠳᠠᠬᠤ ᠠᠴᠠ ᠵᠤᠪᠠᠳᠠᠭ ᠲᠠᠪᠠᠯᠭᠠᠨ ᠮᠠᠨᠢ ᠬᠢᠵᠢᠭ ᠡᠪᠡᠳᠴᠢᠨ ᠲᠡᠯᠭᠡᠷᠡᠭᠰᠡᠨ ᠠᠴᠠ ᠨᠠᠭᠠᠰᠢ | ᠬᠤᠷᠢᠶᠠᠯᠠᠯ ᠤᠨ ᠢᠶᠠᠨ ᠰᠠᠶᠢᠨ ᠲᠤᠷᠠᠴᠤᠳ ᠤᠨ ᠡᠩᠨᠡᠭᠡᠨ ᠳᠤ ᠤᠷᠤᠯᠴᠠᠵᠦ᠂ ᠠᠶᠢᠯ ᠤᠳ ᠤᠨ ᠡᠳᠦᠷ ᠲᠤᠳᠤᠮ ᠤᠨ | ᠬᠡᠷᠡᠭᠯᠡᠭᠡᠨ ᠤ ᠶᠠᠭᠤᠮᠠᠰ ᠢ ᠬᠦᠷᠭᠡᠭᠡᠳ ᠬᠤᠷᠢ ᠬᠤᠨᠤᠵᠦ ᠪᠤᠢ᠃ ᠠᠶᠢᠯ ᠤᠳ ᠤᠨ ᠡᠳᠦᠷ ᠲᠤᠳᠤᠮ ᠤᠨ ᠬᠡᠷᠡᠭᠯᠡᠭᠡᠨ ᠤ | ᠶᠠᠭᠤᠮᠠᠰ ᠢ ᠬᠦᠷᠭᠡᠨᠡ ᠬᠡᠵᠦ ᠠᠷᠪᠠᠭᠠᠳᠬᠠᠨ ᠦᠬᠡᠨ ᠳᠤ ᠪᠠᠭᠳᠠᠳᠠᠭ ᠤᠴᠢᠷ ᠪᠤᠯᠪᠠᠴᠤ ᠬᠢᠵᠦ ᠦᠩᠭᠡᠷᠡᠬᠦᠯᠦᠭᠰᠡᠨ | ᠬᠦᠮᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠬᠡᠴᠢᠨᠡᠨ ᠶᠡᠭᠡ ᠬᠦᠴᠦ ᠲᠠᠮᠢᠷ᠂ ᠰᠡᠳᠬᠢᠯ ᠤᠨ ᠲᠡᠩᠭᠡᠭᠡ ᠤᠷᠤᠬᠤ ᠠᠵᠢᠯ ᠬᠡᠳᠡᠭ ᠢ | ᠪᠠᠷᠤᠭ ᠤᠨ ᠬᠦᠮᠦᠨ ᠤᠶᠢᠯᠠᠭᠠᠬᠤ ᠳᠤ ᠪᠡᠷᠭᠡ᠃ | ᠲᠠᠪᠠᠯᠭᠠᠨ ᠪᠤᠯ ᠡᠵᠡᠨᠡ ᠬᠤᠰᠢᠭᠤᠨ ᠤ ᠳ᠋ᠦᠩᠹᠧᠩ ᠪᠠᠯᠭᠠᠰᠤᠨ ᠤ ᠭᠤᠷᠤᠨᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠃ | ᠨᠢᠯᠬᠠ ᠪᠠᠯᠴᠢᠷ ᠬᠦᠦ᠂ ᠬᠡᠤᠬᠡᠨ ᠬᠤᠶᠠᠷ ᠬᠡᠤᠬᠡᠳ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠭᠤᠷᠪᠠᠨᠬᠤᠳᠳᠤᠭ ᠬᠡᠮᠡᠬᠦ ᠤᠰᠤᠨ ᠳᠤ | ᠨᠤᠳᠤᠭᠯᠠᠳᠠᠭ᠃ ᠪᠠᠶᠢᠷᠢ ᠪᠡᠯᠴᠢᠭᠡᠷ ᠤᠨ ᠲᠠᠭᠠᠭᠠᠴᠠ ᠶᠢ ᠬᠦᠩᠭᠡᠯᠡᠬᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠪᠠᠷ ᠮᠠᠯ ᠤᠨ ᠲᠤᠭᠠ | ᠲᠤᠯᠤᠭᠠᠢ ᠪᠠᠨ ᠴᠦᠭᠡᠷᠡᠬᠦᠯᠦᠭᠰᠡᠨ ᠠᠴᠠ ᠨᠠᠭᠠᠰᠢ ᠰᠤᠷᠭᠠᠭᠤᠯᠢ ᠡᠬᠢᠯᠡᠮᠡᠭᠴᠡ ᠬᠤᠶᠠᠷ ᠬᠡᠤᠭᠡᠳ ᠢᠶᠠᠨ | ᠬᠠᠷᠠᠭᠠᠯᠵᠠᠬᠤ ᠪᠠᠷ ᠬᠤᠰᠢᠭᠤᠨ ᠲᠦᠪ ᠲᠤ ᠪᠠᠶᠢᠭᠠ ᠬᠡᠷ ᠲᠡᠭᠡᠨ ᠰᠠᠭᠤᠵᠦ᠂ ᠭᠤᠷᠪᠠ ᠲᠠᠪᠤᠨ ᠬᠤᠨᠤᠭ ᠲᠤ | ᠮᠠᠯ ᠢᠶᠠᠨ ᠨᠢᠭᠡ ᠡᠷᠬᠢᠵᠦ ᠦᠵᠡᠳᠡᠭ ᠪᠠᠶᠢᠨᠠ᠃ ᠬᠡᠳᠡᠯᠡ ᠬᠡᠨᠡᠳᠳᠡ ᠶᠢᠨ ᠬᠢᠵᠢᠭ ᠡᠪᠡᠳᠴᠢᠨ ᠲᠡᠯᠭᠡᠷᠡᠭᠰᠡᠨ ᠠᠴᠠ | ᠪᠤᠯᠵᠦ ᠲᠠᠪᠠᠯᠭᠠᠨ ᠴᠤ ᠬᠦᠯ ᠬᠤᠷᠢᠭᠠᠨ ᠳᠤ ᠤᠷᠤᠪᠠ᠃ ᠲᠠᠪᠠᠯᠭᠠᠨ ᠤ ᠰᠠᠭᠤᠷᠢᠰᠢᠵᠦ ᠪᠠᠶᠢᠭᠠ ᠨᠠᠷᠠᠨᠬᠡᠷᠡᠯ | ᠬᠤᠷᠢᠶᠠᠯᠠᠯ ᠪᠤᠯ ᠮᠠᠯᠴᠢᠳ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠰᠠᠭᠤᠭᠠᠯᠢ ᠲᠤᠭᠤᠷᠢᠭ ᠶᠤᠮ᠃ ᠲᠡᠶᠢᠮᠤ ᠳᠡᠭᠡᠨ ᠬᠢᠵᠢᠭ | ᠡᠪᠡᠳᠴᠢᠨ ᠲᠡᠯᠭᠡᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠬᠤᠷᠢᠶᠠᠯᠠᠯ ᠤᠨ ᠸᠢᠴᠠᠲ ᠤᠨ ᠬᠤᠯᠪᠤᠭᠠᠨ ᠲᠡᠭᠡᠷᠡ ᠲᠠᠮᠵᠢᠭᠤᠯᠤᠭᠰᠠᠨ | ᠬᠢᠵᠢᠭ ᠢ ᠰᠡᠷᠬᠡᠶᠢᠯᠡᠨ ᠡᠵᠡᠮᠳᠡᠬᠦ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ᠂ ᠮᠡᠳᠡᠭᠳᠡᠯ ᠵᠠᠷᠯᠠᠯ ᠢ ᠬᠤᠷᠢᠶᠠᠯᠠᠯ ᠤᠨ ᠤᠯᠠᠩᠬᠢ | ᠨᠠᠰᠤᠳᠠᠶᠢᠴᠤᠳ ᠨᠢ ᠤᠶᠢᠯᠠᠭᠠᠬᠤ ᠦᠭᠡᠢ᠃ ᠵᠠᠷᠢᠮ ᠠᠵᠢᠯᠳᠠᠳ ᠤᠨ ᠬᠢᠳᠠᠳ ᠢᠶᠠᠷ ᠶᠠᠷᠢᠭᠰᠠᠨ ᠮᠡᠳᠡᠭᠳᠡᠯ ᠢ ᠨᠢ | ᠰᠤᠨᠤᠰᠴᠤ ᠲᠦᠬᠦᠬᠡᠷᠬᠦ ᠦᠭᠡᠢ ᠪᠠᠶᠢᠭᠠ ᠪᠠᠶᠢᠳᠠᠯ ᠪᠠᠶᠢᠩᠭᠤ ᠤᠷᠤᠰᠢᠵᠦ᠂ ᠬᠤᠯᠪᠤᠭᠠᠨ ᠲᠤᠳᠤᠷᠠ ᠪᠠᠶᠢᠨ ᠲᠠᠬᠢᠨ | ᠠᠰᠠᠭᠤᠵᠦ ᠯᠠᠪᠯᠠᠬᠤ ᠤᠴᠢᠷ ᠭᠠᠷᠴᠤ ᠪᠠᠶᠢᠯᠠ᠃ ᠤᠤᠯ ᠠᠴᠠ ᠪᠠᠨ ᠨᠠᠰᠤᠳᠠᠢ ᠬᠦᠮᠦᠨ ᠳᠤ ᠡᠯᠢᠭᠡᠰᠡᠭ ᠬᠠᠨᠳᠤᠳᠠᠭ | ᠲᠠᠪᠠᠯᠭᠠᠨ ᠲᠤᠰᠠᠬᠶᠢᠯᠠᠨ ᠨᠢᠭᠡ ᠸᠢᠴᠠᠲ ᠤᠨ ᠬᠤᠯᠪᠤᠭᠠ ᠪᠠᠶᠢᠭᠤᠯᠵᠦ᠂ ᠮᠡᠳᠡᠭᠳᠡᠯ᠂ ᠵᠠᠷᠯᠠᠯ ᠵᠡᠷᠭᠡ ᠶᠢ | ᠮᠤᠩᠭᠤᠯ ᠢᠶᠠᠷ ᠲᠠᠨᠢᠯᠴᠠᠭᠤᠯᠬᠤ᠂ ᠨᠠᠰᠤᠳᠠᠶᠢᠴᠦᠳ ᠤᠨ ᠰᠡᠳᠬᠢᠯ ᠢ ᠲᠠᠶᠢᠳᠬᠤᠷᠠᠭᠤᠯᠬᠤ᠂ ᠶᠠᠭᠤ ᠲᠤᠳᠠᠵᠦ | ᠪᠠᠶᠢᠭᠠ ᠶᠢ ᠨᠢ ᠠᠰᠠᠭᠤᠵᠦ ᠰᠤᠷᠠᠬᠤ ᠵᠡᠷᠭᠡ ᠤᠶᠢᠯᠡᠴᠢᠯᠡᠭᠡᠨ ᠳᠤ ᠠᠰᠢᠭᠯᠠᠬᠤ ᠪᠤᠯᠵᠡᠢ᠃ | ᠲᠠᠪᠠᠯᠭᠠᠨ ︽ᠮᠠᠨ ᠤ ᠬᠤᠷᠢᠶᠠᠯᠠᠯ ᠳᠤ ᠰᠠᠭᠤᠵᠦ ᠪᠠᠶᠢᠭᠠ ᠬᠦᠮᠦᠰ ᠤᠨ ᠤᠯᠠᠩᠬᠢ ᠨᠢ ᠦᠰᠦᠭ ᠪᠢᠴᠢᠭ | ᠲᠠᠨᠢᠬᠤ ᠦᠭᠡᠢ ᠬᠦᠳᠡᠭᠡᠨ ᠤ ᠮᠠᠯᠴᠢᠳ᠂ ᠨᠠᠰᠤᠳᠠᠶᠢᠴᠦᠳ᠂ ᠲᠡᠳᠡᠨᠡᠷ ᠤᠨ ᠦᠷᠡ ᠬᠡᠤᠭᠡᠳ ᠨᠢ ᠴᠤ ᠦᠪᠡᠷ ᠤᠨ | ᠬᠤᠷᠢᠶᠠᠯᠠᠯ ᠳᠠᠭᠠᠨ ᠬᠦᠯ ᠬᠤᠷᠢᠭᠠ ᠲᠠᠢ ᠪᠠᠶᠢᠭᠠ ᠪᠤᠯᠬᠤᠷ ᠲᠡᠷᠭᠡᠳᠡ ᠨᠢ ᠬᠠᠷᠠᠭᠠᠯᠵᠠᠵᠦ᠂ ᠲᠤᠳᠠᠭᠰᠠᠨ | ᠪᠠᠷᠢᠭᠰᠠᠨ ᠢ ᠨᠢ ᠠᠪᠴᠤ ᠦᠭᠬᠦ ᠶᠢᠨ ᠠᠷᠭᠠ ᠦᠭᠡᠢ᠃ ᠲᠡᠭᠡᠭᠡᠳ ᠯᠠ ᠪᠢ ᠡᠳᠡᠭᠡᠷ ᠬᠦᠮᠦᠰ ᠲᠤ ᠤᠶᠢᠯᠡᠴᠢᠯᠡᠶᠡ | ᠬᠡᠰᠡᠨ ᠪᠤᠳᠤᠯ ᠢᠶᠠᠷ ᠬᠤᠷᠢᠶᠠᠯᠠᠯ ᠤᠨ ᠢᠶᠠᠨ ᠰᠠᠶᠢᠨ ᠲᠤᠷᠠᠴᠤᠳ ᠤᠨ ᠡᠩᠨᠡᠭᠡᠨ ᠳᠤ ᠤᠷᠤᠭᠰᠠᠨ ᠶᠤᠮ︾ ᠬᠡᠵᠦ | ᠰᠠᠨᠠᠭᠠᠴᠢᠯᠠᠭᠠ ᠠᠴᠠ ᠪᠠᠨ ᠤᠯᠠᠨ ᠲᠦᠮᠡᠨ ᠤ ᠤᠶᠢᠯᠡᠴᠢᠯᠡᠭᠴᠢ ᠪᠤᠯᠤᠭᠰᠠᠨ ᠢᠶᠠᠨ ᠶᠠᠷᠢᠨᠠ᠃ | ᠤᠯᠠᠨ ᠲᠦᠮᠡᠨ ᠤ ᠤᠶᠢᠯᠡᠴᠢᠯᠡᠭᠴᠢ ᠪᠤᠯᠤᠨᠠ ᠬᠡᠵᠦ ᠲᠡᠶᠢᠮᠤ ᠠᠮᠠᠷᠬᠠᠨ ᠠᠵᠢᠯ ᠪᠢᠰᠢ ᠪᠠᠶᠢᠵᠡᠢ᠃ ᠡᠬᠦᠨ ᠢ | ᠲᠠᠪᠠᠯᠭᠠᠨ ᠡᠨᠡᠬᠦ ᠠᠵᠢᠯ ᠢ ᠭᠠᠷᠳᠠᠵᠦ ᠬᠢᠭᠰᠡᠨ ᠠᠩᠬᠠᠨ ᠤ ᠡᠳᠦᠷ ᠠᠴᠠ ᠮᠡᠳᠡᠷᠡᠯᠡ᠃ ᠨᠠᠷᠠᠨᠬᠡᠷᠡᠯ ᠬᠤᠷᠢᠶᠠᠯᠠᠯ ᠨᠢ | 25 ᠰᠠᠭᠤᠷᠢ 5 ᠳᠠᠪᠬᠤᠷᠭᠠ ᠠᠰᠠᠷ ᠲᠠᠢ᠂ 600 ᠭᠠᠷᠤᠢ ᠡᠷᠦᠭᠡ ᠪᠤᠢ᠂ ᠡᠵᠡᠨᠡ ᠬᠤᠰᠢᠭᠤᠨ ᠳᠠᠭᠠᠨ ᠠᠪᠴᠤ | ᠬᠡᠯᠡᠪᠡᠯ ᠨᠡᠯᠢᠶᠡᠳ ᠲᠤᠮᠤ ᠬᠤᠷᠢᠶᠠᠯᠠᠯ ᠳᠠᠭᠠᠨ ᠪᠠᠭᠳᠠᠳᠠᠭ᠃ 600 ᠭᠠᠷᠤᠢ ᠠᠶᠢᠯ ᠤᠨ ᠠᠪᠬᠤ ᠶᠠᠭᠤᠮᠠᠰ ᠨᠢ ᠪᠦᠷ | ᠲᠤᠤᠷᠠ ᠲᠤᠤᠷᠠ ᠪᠠᠨ᠃ ᠵᠠᠷᠢᠮ ᠨᠢ ᠨᠤᠭᠤᠭᠠ ᠴᠠᠭᠠ ᠠᠪᠤᠨᠠ︔ ᠵᠠᠷᠢᠮ ᠨᠢ ᠬᠦᠵᠦᠷ᠂ ᠨᠤᠮ ᠰᠤᠳᠤᠷ ᠠᠪᠤᠨᠠ︔ | ᠵᠠᠷᠢᠮ ᠨᠢ ᠭᠤᠯᠢᠷ ᠲᠤᠳᠤᠷᠭᠠ ᠠᠪᠤᠨᠠ︔ ᠪᠠᠰᠠ ᠵᠠᠷᠢᠮ ᠨᠢ ᠡᠮ ᠲᠠᠩ ᠠᠪᠤᠨᠠ᠃ ᠲᠠᠪᠤᠳᠤᠭᠠᠷ ᠠᠰᠠᠷ ᠤᠨ | ᠨᠢᠬᠡᠳᠦᠭᠡᠷ ᠤᠷᠤᠴᠠ ᠶᠢᠨ 502 ᠲᠤ ᠨᠢᠭᠡ ᠤᠭᠤᠳᠠ ᠭᠤᠯᠢᠷ᠂ ᠪᠠᠰᠠ ᠬᠡᠰᠡᠭ ᠨᠤᠭᠤᠭᠠ ᠵᠢᠮᠢᠰ ᠬᠦᠷᠭᠡᠭᠡᠳ | ᠪᠠᠭᠤᠵᠦ ᠢᠷᠡᠮᠡᠭᠴᠡ ᠬᠤᠷᠢᠳᠤᠭᠠᠷ ᠠᠰᠠᠷ ᠤᠨ ᠭᠤᠷᠪᠠᠳᠤᠭᠠᠷ ᠤᠷᠤᠴᠠ ᠶᠢᠨ 301 ᠳᠤ ᠵᠢᠷᠦᠭᠡᠨ ᠤ ᠡᠮ ᠨᠢᠭᠡ | ᠬᠠᠶᠢᠷᠴᠠᠭ ᠬᠦᠷᠬᠡᠨᠡ᠃ ᠠᠬᠢᠭᠠᠳ ᠵᠢᠵᠢᠬᠦᠷᠯᠡᠬᠦ ᠲᠠᠰᠤᠭ ᠤᠨ ᠮᠡᠳᠡᠭᠳᠡᠯ ᠲᠤᠰᠤᠭᠠᠳ ᠡᠬᠦᠳᠡᠨ ᠳᠤ ᠬᠦᠷᠬᠡᠵᠦ | ᠢᠷᠡᠭᠰᠡᠨ ᠶᠠᠭᠤᠮᠠᠰ ᠢ ᠤᠴᠢᠵᠦ ᠲᠤᠰᠤᠨᠠ᠃ ᠮᠦᠨ ᠢᠩᠬᠢᠵᠦ ᠵᠤᠭᠰᠤᠯᠳᠠ ᠦᠭᠡᠢ ︽ᠵᠢᠷᠤᠭᠠᠯᠠᠵᠦ︾ ᠪᠠᠶᠢᠭᠠᠳ | ᠪᠠᠰᠠ ︽ᠬᠡᠵᠢᠶᠡ ᠬᠡᠯᠡᠭᠰᠡᠨ ᠶᠠᠭᠤᠮᠠ ᠶᠢ ᠰᠠᠶ᠋ᠢ ᠬᠦᠷᠬᠡᠵᠦ ᠢᠷᠡᠵᠦ ᠪᠠᠶᠢᠬᠤ ᠪᠤᠢ︖ ᠬᠡᠴᠢᠨᠡᠨ ᠤᠳᠠᠭᠠᠨ | ᠬᠦᠯᠢᠶᠡᠯᠡ︾᠂ ︽ᠲᠠᠨᠠᠷ ᠲᠤ ᠦᠬᠡ ᠶᠠᠷᠢᠭᠠᠳ ᠶᠠᠭᠠᠬᠢᠭᠠᠳ ᠪᠡᠯᠡᠨ ᠬᠠᠷᠢᠭᠤᠯᠳᠠᠭ ᠦᠭᠡᠢ ᠶᠤᠮ ᠪᠤᠢ︖︾᠂ | ︽ᠶᠠᠭᠠᠬᠢᠵᠦ ᠢᠩᠬᠢᠳᠡᠯᠡ ᠤᠳᠠᠪᠠ︖︾ ᠭᠡᠬᠦ ᠬᠦᠢᠳᠡᠨ ᠴᠡᠪᠳᠡᠭ ᠦᠭᠡ ᠰᠤᠨᠤᠰᠬᠤ ᠤᠳᠠᠭᠠ ᠴᠤ ᠪᠤᠢ᠃ | ᠡᠪᠦᠯ ᠤᠨ ᠵᠤᠵᠠᠭᠠᠨ ᠬᠤᠪᠴᠠᠰᠤᠨ ᠲᠡᠭᠡᠷᠡ ᠠᠴᠠ ᠵᠢᠪᠠᠷ ᠨᠡᠪᠳᠡᠷᠡᠬᠦ ᠦᠭᠡᠢ ᠰᠦᠯᠢᠶᠤᠤ ᠬᠠᠮᠠᠭᠠᠯᠠᠯᠳᠠ ᠶᠢᠨ | ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠲᠠᠪᠠᠯᠭᠠᠨ ᠤ ᠬᠦᠯᠦᠰᠦ ᠨᠢ ᠤᠷᠤᠰᠤᠭᠠᠳ ᠬᠤᠪᠴᠠᠰᠤᠨ ᠤ ᠨᠢᠷᠤᠭᠤᠨ ᠭᠡᠰᠡᠭ ᠢ ᠨᠢ | ᠨᠡᠪᠳᠡ ᠨᠤᠷᠤᠭᠠᠭᠰᠠᠨ ᠢ ᠲᠡᠳᠡ ᠤᠯᠵᠦ ᠬᠠᠷᠠᠬᠤ ᠦᠭᠡᠢ ᠪᠤᠯᠤᠭᠠᠳ ᠯᠠ ᠲᠡᠭᠡᠵᠦ ᠶᠠᠷᠢᠳᠠᠭ ᠪᠢᠵᠠ᠃ ᠡᠰᠡᠪᠡᠯ | ᠡᠳᠦᠷᠵᠢᠨ ᠬᠡᠷ ᠲᠡᠭᠡᠨ ᠬᠤᠷᠢᠭᠳᠠᠭᠠᠳ ᠪᠤᠬᠢᠮᠳᠠᠬᠤ ᠳᠠᠭᠠᠨ ᠨᠠᠳᠠᠳᠤ ᠠᠭᠤᠷ ᠢᠶᠠᠨ ᠭᠠᠷᠭᠠᠳᠠᠭ ᠪᠢᠵᠠ ᠬᠡᠮᠡᠨ | ᠲᠠᠪᠠᠯᠭᠠᠨ ᠰᠡᠳᠬᠢᠯ ᠳᠡᠭᠡᠨ ᠠᠭᠤᠴᠢᠯᠠᠳᠠᠭ᠂ ᠤᠴᠢᠷ ᠨᠢ ᠤᠯᠠᠩᠬᠢ ᠬᠦᠮᠦᠰ ᠬᠠᠰᠢᠯᠠ ᠲᠡᠳᠡᠨᠡᠷ ᠤᠨ ᠠᠵᠢᠯ ᠤᠨ | ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠢ ᠤᠶᠢᠯᠠᠭᠠᠵᠦ᠂ ᠦᠷᠬᠦᠯᠵᠢ ᠡᠶᠡᠯᠳᠡᠭ ᠰᠠᠶᠢᠬᠠᠨ ᠠᠭᠠᠰᠢ᠂ ᠰᠡᠳᠬᠢᠯ ᠲᠤᠯᠠᠭᠠᠴᠠᠭᠤᠯᠤᠮᠠ | ᠦᠭᠡ ᠶᠠᠷᠢᠶᠠ᠂ ᠤᠶᠢᠯᠠ ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠲᠠᠪᠠᠯᠭᠠᠨ ᠳᠤ ᠰᠡᠳᠬᠢᠯ ᠤᠨ ᠲᠡᠩᠭᠡᠭᠡ ᠥᠭᠳᠡᠭ ᠪᠠᠶᠢᠨᠠ᠃ | ︽ᠮᠢᠨᠤ ᠬᠦᠦ᠂ ᠶᠠᠳᠠᠷᠠᠭᠰᠠᠨ ᠪᠠᠶᠢᠯᠬᠦᠢ᠂ ᠶᠠᠳᠠᠷᠠᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠡᠨᠡ ᠤᠯᠠᠨ ᠠᠶᠢᠯ ᠤᠨ | ᠶᠠᠭᠤᠮᠠ ᠶᠢ ᠬᠦᠷᠬᠡᠨᠡ ᠬᠡᠵᠦ ᠁︾᠂ ︽ᠬᠦᠭᠡᠷᠦᠬᠦᠢ᠂ ᠮᠠᠨᠤᠰ ᠤᠨ ᠲᠦᠯᠦᠭᠡ ᠤᠶᠢᠯᠡᠴᠢᠯᠡᠵᠦ ᠪᠠᠶᠢᠭᠠ ᠳᠤ | ᠪᠠᠶᠠᠷᠯᠠᠵᠦ ᠪᠠᠶᠢᠨᠠ ᠰᠢᠤ︾᠂ ︽ᠰᠠᠶᠢᠨ ᠪᠤᠯᠤᠯᠠ ᠰᠢᠤ᠂ ᠰᠠᠶᠢᠨ ᠬᠦᠮᠦᠨ ᠢ ᠪᠤᠷᠬᠠᠨ ᠦᠷᠦᠰᠢᠶᠡᠭ︾ ᠬᠡᠮᠡᠨ | ᠨᠠᠰᠤᠳᠠᠶᠢᠴᠦᠳ ᠢᠷᠦᠭᠡᠨ ᠵᠦᠩᠨᠡᠬᠦ ᠨᠢ ᠤᠯᠠᠨ᠃ ᠬᠡᠳᠡᠯᠡ ᠲᠠᠪᠠᠯᠭᠠᠨ ᠤ ᠬᠡᠷ ᠤᠨ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠬᠤ ᠬᠦᠮᠦᠨ | ᠦᠨᠡᠭᠡᠷ ᠴᠦᠭᠡᠨ᠃ ᠲᠠᠪᠠᠯᠭᠠᠨ ᠢ ᠡᠶᠢᠨᠬᠦ ᠤᠯᠠᠨ ᠲᠦᠮᠡᠨ ᠤ ᠤᠶᠢᠯᠡᠴᠢᠯᠡᠭᠴᠢ ᠪᠤᠯᠤᠭᠠᠳ ᠶᠠᠪᠤᠵᠦ ᠪᠠᠶᠢᠬᠤ ᠳᠤ 7 | ᠨᠠᠰᠤᠳᠠᠢ ᠬᠦᠦ ᠲᠤᠯᠭᠠᠭᠤᠷᠢ ᠪᠤᠯᠤᠨ 4 ᠨᠠᠰᠤᠳᠠᠢ ᠦᠬᠢᠨ ᠴᠢᠯᠠᠭᠤᠨᠴᠡᠴᠡᠭ ᠨᠢ ᠬᠡᠷ ᠲᠡᠭᠡᠨ ᠬᠠᠯᠠᠭᠤᠨ ᠪᠦᠯᠢᠶᠡᠨ | ᠬᠤᠭᠤᠯᠠ ᠦᠭᠡᠢ ᠰᠠᠭᠤᠵᠦ ᠪᠠᠶᠢᠳᠠᠭ ᠢ ᠲᠠᠳᠡᠨᠡᠷ ᠶᠠᠭᠠᠬᠢᠵᠦ ᠴᠤ ᠮᠡᠳᠡᠬᠦᠪ᠃ ᠤᠷᠤᠢ ᠪᠤᠯᠭᠠᠨ ᠠᠵᠢᠯ ᠢᠶᠠᠨ | ᠪᠠᠷᠠᠭᠠᠳ ᠬᠠᠷᠢᠬᠤ ᠳᠤ ᠲᠠᠪᠠᠯᠭᠠᠨ ᠤ ᠰᠡᠳᠬᠢᠯ ᠳᠤ ᠬᠤᠶᠠᠷ ᠦᠷᠡ ᠳᠡᠭᠡᠨ ᠤᠰᠤᠯᠳᠠᠬᠰᠠᠨ ᠪᠤᠳᠤᠯ ᠤᠷᠤᠳᠠᠭ᠃ | ᠨᠢᠭᠡ ᠨᠢ ᠪᠦᠬᠦᠯᠢ ᠡᠳᠦᠷᠵᠢᠨ ᠶᠠᠭᠠᠷᠠᠭᠠᠳ ᠬᠡᠤᠭᠡᠳ ᠲᠡᠭᠡᠨ ᠬᠤᠭᠤᠯᠠ ᠪᠤᠳᠠᠭᠠ ᠬᠢᠵᠦ᠂ ᠬᠢᠴᠢᠶᠡᠯ | ᠰᠤᠷᠤᠯᠭᠠ ᠶᠢ ᠨᠢ ᠬᠠᠯᠠᠮᠵᠢᠯᠠᠵᠦ ᠴᠢᠳᠠᠬᠤ ᠦᠭᠡᠢ ᠳᠡᠭᠡᠨ ᠤᠰᠤᠯ ᠲᠠᠢ ᠰᠠᠨᠠᠭᠳᠠᠨᠠ᠃ ᠨᠦᠬᠦᠭᠡ ᠨᠢ ᠬᠢᠵᠢᠭ | ᠡᠪᠡᠳᠴᠢᠨ ᠲᠡᠯᠭᠡᠷᠡᠵᠦ ᠪᠠᠶᠢᠭᠠ ᠬᠤᠭᠤᠴᠠᠭᠠᠨ ᠳᠤ ᠬᠠᠮᠢᠭᠠ ᠨᠢ᠂ ᠬᠡᠨ ᠳᠤ ᠬᠠᠯᠳᠠᠪᠤᠷᠢᠯᠠᠵᠦ ᠪᠠᠶᠢᠭᠠ ᠶᠢ ᠬᠡᠨ ᠴᠤ | ᠮᠡᠳᠡᠬᠦ ᠦᠭᠡᠢ᠂ ᠠᠶᠤᠯ ᠲᠦᠭᠰᠢᠬᠦᠷᠢ ᠶᠢᠨ ᠲᠤᠮᠳᠠ ᠦᠪᠡᠷ ᠢᠶᠠᠨ ᠶᠠᠪᠤᠬᠤ ᠴᠤ ᠶᠠᠭᠠᠬᠢᠬᠤᠪ᠂ ᠦᠪᠡᠷ ᠤᠨ | ᠰᠤᠩᠭᠤᠯᠳᠠ ᠶᠤᠮ ᠴᠢᠨᠢ᠂ ᠢᠩᠬᠢᠵᠦ ᠡᠳᠦᠷ ᠪᠦᠷᠢ ᠠᠶᠤᠯ ᠤᠨ ᠲᠤᠮᠳᠠ ᠶᠠᠪᠤᠵᠦ ᠪᠠᠶᠢᠭᠠᠳ ᠬᠡᠷ ᠲᠡᠭᠡᠨ | ᠬᠠᠷᠢᠬᠤ ᠳᠤ ᠬᠤᠶᠠᠷ ᠬᠡᠤᠭᠡᠳ ᠢᠶᠠᠨ ᠴᠤ ᠠᠶᠤᠯ ᠲᠦᠭᠰᠢᠬᠦᠷᠢ ᠶᠢᠨ ᠲᠤᠮᠳᠠ ᠠᠪᠴᠢᠷᠠᠵᠦ ᠪᠠᠶᠢᠭᠠ ᠨᠢ ᠶᠡᠭᠡ | ᠤᠰᠤᠯ ᠬᠢᠭᠰᠡᠨ ᠮᠡᠳᠦ ᠰᠠᠨᠠᠭᠳᠠᠳᠠᠭ᠃ ᠲᠡᠶᠢᠮᠤ ᠳᠡᠭᠡᠨ ᠬᠡᠷ ᠲᠡᠭᠡᠨ ᠤᠷᠤᠬᠤ ᠠᠴᠠ ᠪᠠᠨ ᠡᠮᠦᠨᠡ ᠬᠡᠳᠦ ᠲᠠᠬᠢᠨ | ᠪᠡᠶᠡ ᠪᠠᠨ ᠠᠷᠢᠭᠤᠳᠬᠠᠨᠠ᠂ ᠡᠬᠦᠳᠡ ᠪᠠᠨ ᠨᠡᠭᠡᠭᠡᠬᠦ ᠳᠤ ᠬᠤᠶᠠᠷ ᠬᠡᠤᠬᠡᠳ ᠨᠢ ︽ᠠᠪᠤ ᠶᠠᠭᠠᠬᠢᠭᠰᠠᠨ ᠤᠷᠤᠢ | ᠬᠠᠷᠢᠵᠦ ᠢᠷᠡᠳᠡᠭ ᠪᠤᠢ︖ ᠮᠠᠨᠤᠰ ᠦᠯᠦᠰᠦᠭᠡᠳ ᠦᠯᠪᠡᠷᠤᠯᠡ︾ ᠬᠡᠰᠡᠨ ᠶᠠᠭᠤᠮᠠ ᠦᠭᠡᠳᠡ ᠠᠴᠠ ᠨᠢ | ᠤᠭᠳᠤᠨᠠ᠃ ᠵᠠᠷᠢᠮ ᠳᠠᠭᠠᠨ ᠢᠳᠡᠬᠦ ᠶᠠᠭᠤᠮᠠ ᠦᠵᠡᠭᠰᠡᠨ ᠰᠢᠭ ᠬᠤᠶᠠᠷ ᠨᠢᠳᠦ ᠨᠢ ᠬᠡᠷᠡᠯᠳᠦᠭᠰᠡᠨ ᠶᠠᠭᠤᠮᠠᠰ | ᠦᠬᠡᠳᠡ ᠠᠴᠠ ᠬᠦᠶᠦᠵᠦ ᠢᠷᠡᠭᠡᠳ ᠲᠡᠪᠡᠷᠢᠵᠦ ᠦᠨᠦᠰᠦᠨᠡ᠂ ᠵᠠᠷᠢᠮ ᠳᠠᠭᠠᠨ ᠠᠪᠤ ᠪᠠᠨ ᠬᠦᠯᠢᠶᠡᠭᠡᠳ ᠲᠡᠰᠦᠭᠰᠡᠨ | ᠦᠭᠡᠢ ᠤᠨᠳᠠᠭᠰᠠᠨ ᠲᠡᠬᠦᠦ ᠪᠠᠨ ᠠᠷᠭᠠᠳᠠᠵᠦ ᠰᠠᠭᠤᠭᠰᠠᠨ ᠠᠬᠠ ᠨᠢ ᠭᠤᠮᠤᠳᠠᠯᠳᠡᠢ ᠬᠠᠷᠠᠴᠠ ᠦᠭᠬᠦᠨᠡ᠃ | ᠬᠡᠨ ᠴᠤ ᠶᠤᠮ ᠪᠤᠤ ᠮᠡᠳᠡ᠂ ᠲᠠᠪᠠᠯᠭᠠᠨ ᠤ ᠪᠠᠶᠢᠭᠤᠯᠤᠭᠰᠠᠨ ᠬᠤᠯᠪᠤᠭᠠᠨ ᠲᠡᠭᠡᠷᠡ ᠲᠡᠬᠦᠨ ᠤ ᠪᠠᠶᠢᠳᠠᠯ ᠢ | ᠬᠡᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠡᠳᠦᠷ ᠪᠦᠷᠢ ᠬᠦᠮᠦᠰ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠯᠡᠭᠡᠨ ᠤ ᠵᠦᠢᠯᠡᠰ ᠢ ᠬᠦᠷᠬᠡᠵᠦ | ᠤᠴᠢᠬᠤ ᠳᠤ ︽ᠡᠨᠡ ᠮᠢᠨᠤ ᠬᠠᠭᠠᠷᠢᠭᠰᠠᠨ ᠪᠤᠭᠤᠷᠰᠤᠭ ᠪᠠᠶᠢᠨᠠ᠂ ᠠᠪᠠᠴᠢᠭᠠᠳ ᠬᠡᠤᠬᠡᠳ ᠲᠡᠭᠡᠨ ᠢᠳᠡᠬᠦᠯ︾᠂ ︽ | ᠮᠢᠨᠤ ᠰᠠᠶ᠋ᠢ ᠶᠢᠨ ᠬᠢᠭᠰᠡᠨ ᠬᠤᠭᠤᠯᠠ᠂ ᠬᠠᠯᠠᠭᠤᠨ ᠲᠡᠭᠡᠷᠡ ᠨᠢ ᠭᠡᠤᠭᠡᠳ ᠲᠡᠭᠡᠨ ᠠᠪᠠᠴᠢᠭᠠᠳ ᠦᠭᠴᠢᠭᠡ︾ ᠬᠡᠮᠡᠨ | ᠲᠡᠬᠦᠨ ᠤ ᠬᠤᠶᠠᠷ ᠬᠡᠤᠬᠡᠳ ᠢ ᠬᠠᠯᠠᠮᠵᠢᠯᠠᠬᠤ ᠬᠦᠮᠦᠨ ᠤᠯᠠᠰᠢᠷᠠᠵᠡᠢ᠃ ᠬᠢᠵᠢᠭ ᠢ ᠰᠡᠷᠬᠡᠶᠢᠯᠡᠨ ᠡᠵᠡᠮᠳᠡᠬᠦ ᠳᠤ | ᠠᠶᠢᠯ ᠤᠳ ᠬᠤᠭᠤᠯᠠ ᠵᠠᠭᠤᠰᠢ ᠪᠠᠨ ᠬᠤᠭᠤᠷᠤᠨᠳᠤ ᠨᠢ ᠵᠦᠭᠡᠭᠡᠵᠦ ᠪᠤᠯᠬᠤ ᠦᠭᠡᠢ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠤᠯᠬᠤᠷ | ᠠᠷᠭᠠ ᠦᠭᠡᠢ ᠲᠡᠳᠡᠭᠡᠷ ᠬᠦᠮᠦᠰ ᠤᠨ ᠰᠠᠶᠢᠬᠠᠨ ᠰᠡᠳᠬᠢᠯ ᠳᠤᠨᠢ ᠲᠠᠯᠠᠷᠬᠠᠭᠠᠳ ᠦᠩᠭᠡᠷᠡᠳᠡᠭ ᠠᠵᠢ᠃ | ︽ᠭᠤᠷᠤᠨᠠᠢ ᠶᠢᠨ ᠬᠥᠮᠥᠨ ᠬᠡᠵᠦ ᠰᠤᠨᠤᠰᠤᠭᠰᠠᠨ᠃ ᠬᠤᠶᠠᠷ ᠨᠢᠯᠬᠠ ᠬᠡᠤᠬᠡᠳ ᠢᠶᠠᠨ ᠬᠡᠷ ᠲᠡᠭᠡᠨ | ᠤᠨᠢᠰᠤᠯᠠᠵᠦ ᠬᠠᠶᠠᠭᠠᠳ ᠪᠦᠳᠦᠨ ᠡᠳᠦᠷ ᠤᠯᠠᠨ ᠲᠦᠮᠡᠨ ᠳᠤ ᠤᠶᠢᠯᠡᠴᠢᠯᠡᠭᠡᠳ ᠬᠦᠶᠦᠵᠦ ᠯᠠ ᠪᠠᠶᠢᠨᠠ᠃ | ᠮᠠᠨᠠᠶᠢᠬᠢ ᠡᠬᠦᠳᠡᠨ ᠠᠰᠠᠷ ᠲᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠴᠤᠩᠬᠤ ᠪᠠᠷ ᠢᠶᠠᠨ ᠪᠠᠶᠢᠩᠭᠤ ᠲᠡᠳᠡᠨ ᠢ ᠤᠯᠵᠦ ᠬᠠᠷᠠᠳᠠᠭ᠃ ᠬᠡᠨ | ᠶᠠᠭᠤ ᠠᠪᠤᠨᠠ ᠯᠠ ᠬᠡᠪᠡᠯ ᠡᠨᠡ ᠲᠠᠪᠠᠯᠭᠠᠨ ᠴᠢᠨᠢ ᠬᠢᠯᠠᠰ ᠬᠢᠭᠡᠳ ᠠᠪᠠᠴᠢᠭᠠᠳ ᠦᠭᠴᠢᠭᠡᠳᠡᠭ ᠬᠡᠴᠡᠬᠦᠦ ᠵᠠᠯᠠᠭᠤ᠃ | ᠬᠠᠷᠠᠮᠰᠠᠯᠳᠠᠢ ᠨᠢ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠬᠤᠪᠴᠠᠰᠤ ᠡᠮᠦᠰᠴᠦ᠂ ᠠᠮᠠᠪᠴᠢ ᠵᠡᠬᠦᠭᠰᠡᠨ ᠪᠤᠯᠬᠤᠷ ᠵᠢᠰᠦ ᠴᠢᠷᠠᠢ ᠶᠢ ᠨᠢ | ᠤᠯᠵᠦ ᠦᠵᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠬᠢᠵᠢᠭ ᠡᠪᠡᠳᠴᠢᠨ ᠦᠩᠭᠡᠷᠡᠭᠰᠡᠨ ᠤ ᠲᠠᠷᠠᠭᠠ ᠲᠡᠷᠭᠡᠳᠡᠬᠦᠷ | ᠦᠩᠭᠡᠷᠡᠭᠡᠳ ᠭᠠᠷᠬᠤ ᠳᠤ ᠲᠠᠨᠢᠬᠤ ᠦᠭᠡᠢ ᠪᠠᠶᠢᠪᠠᠯ ᠶᠠᠭᠠᠬᠢᠳᠠᠭ ᠪᠢᠯᠡ︖ ᠬᠡᠵᠦ ᠤᠳᠠᠭᠠᠨ ᠵᠢᠯ ᠤᠨ ᠲᠠᠨᠢᠯ | ᠶᠠᠪᠤᠭᠰᠠᠨ ᠠᠬᠠᠮᠠᠳ ᠰᠡᠳᠬᠦᠯᠴᠢ ᠤᠷᠠᠨᠠ ᠬᠡᠯᠡᠭᠰᠡᠨ ᠶᠤᠮ᠃ ᠲᠠᠨᠠᠷ ᠰᠤᠷᠪᠤᠯᠵᠢᠯᠠᠵᠦ ᠮᠡᠳᠡᠭᠡᠯᠡᠭᠰᠡᠨ ᠨᠢ ᠰᠠᠶᠢᠨ | ᠪᠤᠯᠤᠯᠠ᠃ ᠮᠠᠯᠴᠢᠨ ᠬᠦᠮᠦᠨ ᠤ ᠴᠠᠶᠢᠯᠭᠠᠨ ᠠᠷᠠᠨᠰᠢᠨ ᠲᠠᠢ᠂ ᠬᠦᠴᠢᠷ ᠵᠤᠪᠠᠯᠠᠩ ᠠᠴᠠ ᠠᠶᠤᠳᠠᠭ ᠦᠭᠡᠢ | ᠰᠡᠳᠬᠢᠯ ᠤᠨ ᠲᠠᠮᠢᠷ ᠲᠠᠢ ᠵᠠᠯᠠᠭᠤ ᠪᠠᠶᠢᠨᠠ᠃ ᠶᠠᠪᠤᠵᠦ ᠰᠠᠭᠤᠬᠤ ᠠᠴᠠ ᠨᠢ ᠵᠠᠯᠠᠭᠤ ᠯᠠ ᠬᠦᠮᠦᠨ ᠰᠢᠭ ᠬᠠᠷᠠᠭᠳᠠᠯᠠ︾ | ᠬᠡᠵᠦ ᠲᠤᠰ ᠤᠳᠠᠭᠠᠨ ᠤ ᠰᠤᠷᠪᠤᠯᠵᠢᠯᠠᠭᠠ ᠶᠢ ᠬᠠᠷᠢᠯᠴᠠᠵᠦ ᠦᠭᠬᠦᠭᠰᠡᠨ ᠨᠠᠰᠤᠨᠴᠡᠴᠡᠭ ᠨᠠᠰᠤᠳᠠᠨ ᠤᠳᠠᠰᠤ ᠪᠠᠷ | ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ ᠰᠡᠳᠬᠢᠯ ᠤᠨ ᠦᠭᠡ ᠪᠠᠨ ᠲᠠᠮᠵᠢᠭᠤᠯᠵᠦ ᠪᠢᠯᠡ᠃ | ᠲᠠᠪᠠᠯᠭᠠᠨ ᠤ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠪᠠᠭᠠᠳᠤᠷ᠂ ᠪᠦᠷᠢᠨ᠂ ᠹᠦ᠋ ᠲᠢᠶᠧ ᠵᠢᠶᠦ᠋ᠨ ᠭᠤᠷᠪᠠᠨ ᠵᠠᠯᠠᠭᠤ ᠴᠤ | ᠨᠠᠷᠠᠨᠬᠡᠷᠡᠯ ᠬᠤᠷᠢᠶᠠᠯᠠᠯ ᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠪᠠᠶᠢᠵᠦ᠂ ᠬᠢᠵᠢᠭ ᠤᠨ ᠬᠤᠭᠤᠴᠠᠭᠠᠨ ᠳᠤ ᠲᠡᠬᠦᠨ ᠲᠠᠢ ᠠᠳᠠᠯᠢ ᠪᠠᠷ | ᠤᠯᠠᠨ ᠲᠦᠮᠡᠨ ᠳᠤ ᠤᠶᠢᠯᠡᠴᠢᠯᠡᠵᠦ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠦ ᠪᠤᠢ᠃ ᠪᠠᠰᠠ ᠠᠯᠳᠠᠠᠴᠤᠤᠵᠢ ᠬᠡᠮᠡᠬᠦ ᠲᠠᠨᠢᠯ ᠪᠤᠰᠤ | ᠪᠦᠰᠡᠬᠦᠢ ᠴᠤ ᠬᠡᠷ ᠲᠡᠭᠡᠨ ᠰᠠᠭᠤᠭᠠᠳ ᠤᠯᠠᠨ ᠳᠤ ᠮᠡᠳᠡᠭᠡ ᠵᠠᠩᠬᠢ ᠲᠠᠮᠵᠢᠭᠤᠯᠬᠤ ᠤᠶᠢᠯᠡᠴᠢᠯᠡᠭᠡ ᠬᠢᠵᠦ ᠪᠠᠶᠢᠭᠠ | ᠶᠤᠮ ᠪᠠᠶᠢᠨᠠ᠃ ᠨᠢᠭᠡᠨ ᠤᠳᠠᠭᠠᠨ ᠤ ᠬᠡᠨᠡᠳᠳᠡ ᠶᠢᠨ ᠬᠢᠵᠢᠭ ᠡᠪᠡᠳᠴᠢᠨ ᠪᠢᠳᠠᠨᠠᠷ ᠲᠤ ᠰᠤᠴᠢᠷᠳᠠᠯ᠂ ᠬᠡᠯᠮᠡᠭᠳᠡᠯ᠂ | ᠠᠶᠤᠮᠰᠢᠭ ᠢ ᠠᠪᠴᠢᠷᠠᠭᠰᠠᠨ ᠪᠤᠯᠪᠠᠴᠤ ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ ᠪᠦᠯᠬᠦᠮᠳᠡᠬᠦᠯᠤᠨ ᠨᠢᠭᠳᠠᠷᠠᠭᠤᠯᠵᠦ᠂ ᠲᠤᠩ ᠤᠯᠠᠨ | ᠨᠡᠷᠡ ᠶᠢ ᠨᠢ ᠮᠡᠳᠡᠬᠦ ᠦᠭᠡᠢ᠂ ᠵᠢᠰᠤ ᠨᠢ ᠲᠠᠨᠢᠭᠳᠠᠬᠤ ᠦᠭᠡᠢ ᠪᠠᠭᠠᠳᠤᠷᠴᠤᠳ ᠬᠦᠮᠦᠰ ᠤᠨ ᠬᠠᠷᠠᠭᠠᠨ ᠳᠤ | ᠲᠤᠳᠤᠷᠠᠵᠦ᠂ ᠤᠯᠠᠨ ᠲᠦᠮᠡᠨ ᠤ ᠰᠡᠳᠬᠢᠯ ᠢ ᠲᠤᠯᠠᠭᠠᠴᠠᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠨᠠ᠃ | ︽ᠬᠦᠮᠦᠨ ᠪᠤᠯᠭᠠᠨ ᠠᠮᠢ ᠨᠠᠰᠤᠨ ᠳᠠᠭᠠᠨ ᠬᠠᠶᠢᠷᠠᠳᠠᠢ᠃ ᠬᠡᠨ ᠴᠤ ᠬᠡᠰᠡᠨ ᠦᠪᠡᠷ ᠤᠨ ᠪᠡᠶᠡ ᠪᠠᠨ | ᠪᠤᠳᠤᠭᠠᠳ ᠭᠠᠷᠴᠤ ᠢᠷᠡᠬᠦ ᠦᠭᠡᠢ ᠪᠤᠯ ᠡᠨᠡ ᠠᠵᠢᠯ ᠢ ᠬᠢᠬᠦ ᠬᠦᠮᠦᠨ ᠦᠭᠡᠢ ᠪᠤᠯᠤᠨᠠ︾ ᠬᠡᠵᠦ ᠲᠠᠪᠠᠯᠭᠠᠨ ᠶᠠᠷᠢᠵᠦ | ᠪᠠᠶᠢᠯᠠ᠃ ᠤᠯᠠᠨ ᠬᠦᠮᠦᠰ ᠲᠠᠪᠠᠯᠭᠠᠨ ᠤ ᠵᠢᠰᠦ ᠴᠢᠷᠠᠢ ᠶᠢ ᠨᠢ ᠤᠯᠵᠦ ᠦᠵᠡᠭᠰᠡᠨ ᠦᠭᠡᠢ᠂ ᠲᠠᠭ ᠲᠠᠨᠢᠬᠤ ᠦᠭᠡᠢ | ᠵᠠᠯᠠᠭᠤ ᠪᠠᠶᠢᠨᠠ ᠬᠡᠮᠡᠨ ᠶᠠᠷᠢᠵᠦ ᠪᠠᠶᠢᠭᠰᠠᠨ ᠬᠡᠬᠦ ᠶᠢ ᠰᠤᠨᠤᠰᠤᠯᠠ᠃ ᠲᠠᠪᠠᠯᠭᠠᠨ ᠤ ᠬᠤᠪᠢ ᠳᠤ ᠤᠳᠤᠬᠠᠨ ᠤ | ᠬᠠᠮᠤᠭ ᠤᠨ ᠶᠡᠭᠡ ᠬᠦᠰᠡᠯ ᠪᠤᠯ ᠬᠢᠵᠢᠭ ᠡᠪᠡᠳᠴᠢᠨ ᠡᠷᠳᠡ ᠨᠢᠭᠡᠨ ᠡᠳᠦᠷ ᠦᠩᠭᠡᠷᠡᠵᠦ᠂ ᠬᠦᠮᠦᠰ | ᠲᠤᠰᠠᠭᠠᠷᠯᠠᠯ ᠠᠴᠠ ᠭᠠᠷᠴᠤ᠂ ᠬᠦᠯ ᠬᠤᠷᠢᠭᠠ ᠲᠠᠶᠢᠯᠤᠭᠳᠠᠬᠤ ᠳᠤ ᠬᠦᠦ᠂ ᠬᠡᠤᠬᠡᠨ ᠢᠶᠠᠨ ᠲᠠᠭᠠᠭᠤᠯᠤᠭᠠᠳ ᠬᠦᠳᠡᠭᠡ | ᠨᠤᠳᠤᠭ ᠭᠤᠷᠪᠠᠨᠬᠤᠳᠳᠤᠭ ᠲᠠᠭᠠᠨ ᠬᠠᠷᠢᠵᠦ ᠴᠡᠪᠡᠷ ᠴᠡᠩᠭᠡᠭ ᠠᠭᠠᠷ ᠠᠮᠢᠰᠬᠤᠯᠯᠠᠨ᠂ ᠮᠠᠯ ᠠᠬᠤᠢ ᠪᠠᠨ ᠡᠷᠬᠢᠵᠦ | ᠦᠵᠡᠬᠦ ᠪᠤᠯᠤᠨᠠ᠃ ᠡᠨᠡ ᠨᠢ ᠡᠵᠡᠨᠡ ᠶᠢᠨ ᠬᠡᠴᠢᠨᠡᠨ ᠴᠤ ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠬᠦᠰᠡᠯ ᠪᠤᠯᠤᠭᠰᠠᠨ ᠪᠤᠯ︖ | |