| ᠬᠠᠳᠠᠭᠤ ᠬᠠᠷᠠ ᠠᠷᠭᠠᠯ᠄ ᠬᠠᠪᠤᠷ ᠴᠠᠰᠤ ᠬᠠᠶᠢᠯᠵᠦ᠂ ᠦᠭᠡᠷ ᠤᠨ ᠪᠠᠭᠠᠰᠤ ᠬᠦᠯᠳᠡᠬᠦ ᠦᠭᠡᠢ ᠪᠤᠯᠬᠤ ᠠᠴᠠ | ᠨᠤᠭᠤᠭᠠᠨ ᠳᠤ ᠴᠠᠳᠳᠠᠯᠠᠬᠢ ᠬᠤᠭᠤᠴᠠᠭᠠᠨ ᠳᠠᠬᠢ ᠦᠬᠡᠷ ᠤᠨ ᠪᠠᠭᠠᠰᠤ ᠶᠢ ᠬᠠᠪᠤᠷ ᠤᠨ ᠬᠠᠳᠠᠭᠤ ᠬᠠᠷᠠ ᠭᠡᠳᠡᠭ᠃ | ᠠᠷᠭᠠᠯ ᠳᠤᠳᠤᠷᠠ ᠪᠠᠨ ᠬᠠᠪᠤᠷ ᠤᠨ ᠬᠠᠳᠠᠭᠤ ᠬᠠᠷᠠ ᠶᠢᠨ ᠢᠯᠴᠢ ᠢᠯᠭᠠᠷᠠᠬᠤ ᠨᠢ ᠤᠳᠠᠭᠠᠨ ᠲᠠᠭᠠᠴᠢᠲᠠᠢ | ᠪᠠᠶᠢᠳᠠᠭ ᠠᠴᠠ ᠶᠡᠬᠡᠩᠬᠢ ᠳᠡᠭᠡᠨ ᠵᠤᠨ ᠳᠠᠭᠠᠨ ᠪᠤᠯ ᠴᠠᠭᠠ ᠪᠤᠴᠠᠯᠭᠠᠬᠤ ᠪᠤᠶᠤ ᠠᠶᠢᠷᠠᠭ ᠨᠡᠷᠡᠬᠦ ᠳᠤ ᠭᠤᠤᠯᠴᠢᠯᠠᠨ | ᠲᠦᠯᠡᠳᠡᠭ᠃ | ᠬᠠᠭᠤᠳᠠᠰᠤ᠄ ᠵᠤᠨ ᠤ ᠴᠠᠭ ᠤᠨ ᠨᠤᠭᠤᠭᠠᠨ ᠤ ᠰᠢᠩᠭᠡᠨ ᠪᠠᠭᠠᠰᠤ ᠶᠢ ᠳᠡᠯᠭᠡᠵᠦ ᠡᠷᠬᠢᠬᠦᠯᠬᠦ ᠦᠭᠡᠢ ᠪᠠᠷ | ᠬᠤᠷᠤᠬᠠᠢ ᠳᠤ ᠢᠳᠡᠭᠦᠯᠦᠭᠰᠡᠨ ᠢᠶᠠᠷ ᠢᠶᠠᠨ ᠬᠠᠳᠠᠭᠰᠠᠨ ᠦᠭᠡᠷ ᠤᠨ ᠪᠠᠭᠠᠰᠤ ᠶᠢ ᠭᠡᠯᠡᠳᠡᠭ᠃ ᠭᠤᠤᠯ ᠢ ᠨᠢ ᠪᠦᠷ | ᠬᠤᠷᠤᠬᠠᠢ ᠢᠳᠡᠴᠢᠬᠡᠬᠦ ᠤᠴᠢᠷ ᠬᠠᠭᠤᠳᠠᠰᠤ ᠯᠠ ᠦᠯᠡᠳᠡᠳᠡᠭ᠃ ᠢᠯᠴᠢ ᠮᠠᠭᠤᠲᠠᠢ᠂ ᠦᠨᠡᠰᠤ ᠶᠡᠬᠡᠲᠡᠢ ᠠᠷᠪᠢ ᠪᠠᠷ | ᠵᠢᠭᠠᠬᠠᠨ ᠠᠨᠠᠢ ᠲᠦᠯᠡᠰᠢ᠃ ᠵᠤᠨ ᠤ ᠭᠤᠤᠯ ᠤᠨ ᠬᠠᠯᠠᠭᠤᠨ ᠳᠤ ᠴᠠᠢ ᠬᠤᠭᠤᠯᠨ ᠪᠡᠯᠡᠳᠭᠡᠬᠦ ᠳᠤ ᠭᠤᠤᠯᠳᠠᠭᠤ | ᠭᠡᠷᠡᠭᠯᠡᠳᠡᠭ᠃ | ᠵᠤᠨ ᠤ ᠴᠠᠭᠠᠨ ᠠᠷᠭᠠᠯ᠄ ᠵᠤᠨ ᠤ ᠴᠠᠭ ᠤᠨ ᠨᠤᠭᠤᠭᠠᠨ ᠤ ᠰᠢᠩᠭᠡᠨ ᠪᠠᠭᠠᠰᠤ ᠶᠢ ᠰᠠᠪᠠᠷ ᠢᠶᠠᠷ ᠡᠷᠭᠢᠬᠦᠯᠵᠦ | ᠲᠡᠯᠭᠡᠭᠡᠳ ᠬᠠᠳᠠᠭᠠᠪᠠᠯ ᠨᠡᠯᠢᠶᠡᠳ ᠢᠯᠴᠢᠯᠢᠭ ᠴᠠᠭᠠᠨ ᠦᠩᠭᠡᠲᠡᠢ ᠠᠷᠭᠠᠯ ᠪᠤᠯᠳᠠᠭ᠃ ᠡᠨᠡ ᠶᠢ ᠨᠢ ᠵᠤᠨ ᠤ ᠴᠠᠭᠠᠨ | ᠠᠷᠭᠠᠯ ᠭᠡᠵᠤ ᠵᠤᠰᠠᠮᠠᠯ ᠤᠨ ᠲᠦᠯᠡᠰᠢ ᠪᠤᠯᠭᠠᠳᠠᠭ᠃ ᠵᠤᠨ ᠤ ᠴᠠᠭ ᠤᠨ ᠨᠤᠭᠤᠭᠠᠨ ᠤ ᠰᠢᠩᠭᠡᠨ ᠪᠠᠭᠠᠰᠤ ᠶᠢ | ᠰᠢᠭᠤᠳ ᠰᠠᠪᠠᠷ ᠢᠶᠠᠷ ᠠᠪᠤᠭᠠᠳ ᠲᠠᠯᠠᠩ ᠲᠠᠢ ᠠᠷᠭᠠᠯ ᠢᠶᠠᠨ ᠰᠢᠪᠡᠪᠡᠯ ᠪᠤᠷᠤᠭᠠᠨ ᠤ ᠤᠰᠤ ᠨᠡᠪᠳᠡᠷᠡᠬᠦ ᠦᠭᠡᠢ | ᠮᠦᠷᠳᠡᠭᠡᠨ ᠲᠠᠯᠠᠩ ᠲᠠᠢ ᠠᠷᠭᠠᠯ ᠨᠤᠷᠠᠵᠦ ᠰᠦᠢᠳᠬᠦ ᠦᠭᠡᠢ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ | ᠨᠠᠮᠤᠷ ᠤᠨ ᠰᠢᠷᠠ ᠠᠷᠭᠠᠯ᠄ ᠨᠠᠮᠤᠷ ᠡᠪᠡᠰᠤ ᠬᠠᠯᠳᠠᠷᠳᠠᠬᠤ ᠠᠴᠠ ᠡᠬᠢᠯᠡᠨ ᠦᠭᠡᠷ ᠤᠨ ᠪᠠᠭᠠᠰᠤ ᠬᠦᠯᠳᠡᠬᠦ | ᠪᠤᠯᠳᠠᠯᠠᠬᠢ ᠬᠤᠭᠤᠴᠠᠭᠠᠨ ᠤ ᠦᠬᠡᠷ ᠤᠨ ᠪᠠᠭᠠᠰᠤ ᠶᠢ ᠨᠠᠮᠤᠷ ᠤᠨ ᠰᠢᠷᠠ ᠠᠷᠭᠠᠯ ᠭᠡᠳᠡᠭ᠃ ᠠᠷᠭᠠᠯ ᠳᠤᠳᠤᠷᠠ ᠪᠠᠨ | ᠰᠢᠷᠠ ᠠᠷᠭᠠᠯ ᠤᠨ ᠢᠯᠴᠢ ᠢᠯᠭᠠᠷᠠᠬᠤ ᠭᠡᠮᠵᠢᠶᠡ ᠨᠢ ᠬᠠᠮᠤᠭ ᠦᠨᠳᠦᠷ ᠮᠦᠷᠳᠡᠭᠡᠨ ᠳᠠᠭᠠᠴᠢᠲᠠᠢ ᠪᠠᠶᠢᠳᠠᠭ᠃ | ᠶᠢᠰᠤ ᠶᠢᠨ ᠭᠤᠤᠯ ᠤᠨ ᠬᠦᠢᠳᠡᠨ ᠤ ᠤᠯᠳᠠᠰᠢ ᠦᠭᠡᠢ ᠲᠦᠯᠡᠰᠢ᠃ | ᠡᠪᠦᠯ ᠤᠨ ᠬᠦᠯᠳᠡᠭᠦᠰᠤᠨ ᠠᠷᠭᠠᠯ᠄ ᠬᠦᠯᠳᠡᠵᠦ ᠬᠠᠳᠠᠭᠰᠠᠨ ᠦᠭᠡᠷ ᠤᠨ ᠪᠠᠭᠠᠰᠤ ᠪᠦᠬᠦᠨ ᠢ ᠬᠦᠯᠳᠡᠬᠦᠰᠦᠨ | ᠠᠷᠭᠠᠯ ᠭᠡᠳᠡᠭ᠃ ᠤᠯᠠᠪᠢᠷ ᠰᠢᠷᠠᠪᠳᠤᠷ ᠦᠩᠭᠡᠳᠠᠢ ᠵᠦᠭᠡᠯᠡᠨ᠂ ᠲᠠᠭᠠᠴᠢ ᠮᠠᠭᠤᠲᠠᠢ ᠪᠤᠯᠪᠠᠴᠤ ᠢᠯᠴᠢᠯᠢᠭ ᠪᠠᠶᠢᠳᠠᠭ᠃ | ᠭᠠᠯ ᠨᠤᠴᠤᠭᠠᠬᠤ ᠪᠤᠶᠤ ᠬᠦᠭᠵᠢᠭᠡᠬᠦ ᠳᠤ ᠰᠠᠶᠢᠨ ᠪᠠᠶᠢᠳᠠᠭ᠃ ᠠᠷᠠᠰᠤ ᠤᠳᠤᠬᠤ ᠳᠤ ᠲᠠᠯᠠᠩ ᠲᠠᠢ ᠬᠦᠯᠳᠡᠭᠦᠰᠤᠨ | ᠳᠤᠳᠤᠷᠠ ᠠᠴᠠ ᠤᠯᠠᠪᠢᠷ ᠰᠢᠷᠠ ᠦᠩᠭᠡᠲᠡᠢ ᠶᠢ ᠨᠢ ᠰᠢᠯᠢᠵᠦ ᠤᠳᠤᠪᠠᠯ ᠦᠩᠭᠡ ᠲᠡᠪᠡᠯ ᠤᠨ ᠦᠩᠭᠡ ᠨᠡᠩ ᠭᠤᠶᠤ | ᠪᠤᠯᠳᠠᠭ᠃ | ᠵᠢᠯ ᠦᠨᠵᠢᠭᠰᠡᠨ ᠬᠦᠭᠡ ᠠᠷᠭᠠᠯ᠄ ᠭᠡᠳᠤᠨ ᠵᠢᠯ ᠪᠤᠯᠤᠭᠰᠠᠨ ᠬᠦᠬᠡ ᠠᠷᠭᠠᠯ ᠢ ᠤᠳᠤᠯᠭᠠᠨ ᠤ ᠨᠤᠷᠮᠠᠨ ᠳᠤ | ᠭᠤᠤᠯᠳᠠᠭᠤ ᠭᠡᠷᠡᠭᠯᠡᠳᠡᠭ ᠠᠴᠠ ᠭᠠᠳᠠᠨᠠ ᠰᠢᠭᠤᠳ ᠤᠳᠤᠯᠭᠠ ᠪᠠᠷ ᠭᠡᠷᠡᠭᠯᠡᠳᠡᠭ ᠴᠤ ᠤᠴᠢᠷ ᠪᠤᠢ᠃ ᠬᠦᠬᠡ | ᠠᠷᠭᠠᠯ ᠪᠠᠷ ᠤᠳᠤᠬᠤ ᠨᠢ ᠨᠢᠶᠠᠨ ᠲᠠᠷᠤᠵᠦ᠂ ᠵᠢᠷᠤᠭᠡᠨ ᠤ ᠠᠵᠢᠯᠯᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠳᠠᠭ ᠲᠠᠮᠢᠷᠵᠠᠭᠤᠯᠬᠤ | ᠤᠳᠤᠯᠭᠠ ᠭᠡᠵᠤ ᠦᠵᠡᠳᠡᠭ᠃ | ᠬᠤᠮᠤᠤᠯ᠄ ᠠᠳᠤᠭᠤᠨ ᠤ ᠪᠠᠭᠠᠰᠤ ᠶᠤᠮ᠃ ᠦᠩᠭᠡ ᠪᠠᠷ ᠨᠢ ᠰᠢᠷᠠ ᠬᠤᠮᠤᠤᠯ ᠪᠤᠶᠤ ᠬᠦᠬᠡ ᠬᠤᠮᠤᠤᠯ | ᠭᠡᠳᠡᠭ᠃ ᠰᠢᠷᠠ ᠬᠤᠮᠤᠤᠯ ᠢ ᠨᠢ ᠠᠷᠠᠰᠤ ᠤᠳᠤᠬᠤ ᠳᠤ ᠭᠡᠷᠡᠭᠯᠡᠪᠡᠯ ᠬᠦᠨ ᠰᠢᠷᠭᠠᠯ ᠦᠩᠭᠡᠲᠡᠢ ᠤᠳᠤᠭᠠ | ᠰᠠᠭᠤᠳᠠᠭ᠃ ᠠᠳᠤᠭᠤᠨ ᠤ ᠬᠤᠮᠤᠤᠯ ᠢᠶᠠᠷ ᠦᠷᠦᠮᠡ ᠬᠦᠰᠢᠭᠡᠬᠦ ᠪᠤᠶᠤ ᠦᠷᠦᠮᠡ ᠬᠤᠷᠢᠶᠠᠬᠤ ᠳᠤ ᠲᠤᠰᠬᠠᠢ | ᠵᠤᠷᠢᠭᠤᠯᠤᠯᠲᠠ ᠲᠠᠢ ᠲᠦᠯᠡᠰᠢ ᠯᠠ ᠭᠡᠵᠤ ᠬᠡᠯᠡᠬᠦ ᠳᠤ ᠢᠯᠡᠬᠦᠳᠡᠬᠦ ᠦᠭᠡᠢ ᠶᠤᠮ᠃ ᠬᠤᠮᠤᠤᠯ ᠪᠤᠯ ᠭᠡᠳᠡ | ᠴᠠᠬᠢᠭᠤᠷ ᠢᠶᠠᠷ ᠭᠠᠯ ᠨᠤᠴᠤᠭᠠᠵᠦ ᠪᠠᠶᠢᠬᠰᠠᠨ ᠦᠶᠡ ᠳᠤ ᠤᠯᠨ ᠡᠪᠡᠰᠤᠨ ᠤ ᠲᠤᠤᠷᠠ ᠲᠠᠯᠪᠢᠨ ᠭᠠᠯ | ᠬᠠᠯᠳᠠᠭᠠᠬᠤ ᠳᠤ ᠬᠠᠮᠤᠭ ᠠᠮᠠᠷᠬᠠᠨ ᠤᠩᠭᠤᠳᠳᠠᠳᠠᠭ ᠲᠦᠯᠡᠰᠢ ᠶᠤᠮ᠃ | ᠬᠤᠷᠭᠤᠯ᠄ ᠬᠤᠨᠢᠨ ᠤ ᠬᠤᠷᠭᠤᠤᠯ ᠢᠶᠠᠷ ᠰᠢᠷᠭᠡᠭᠴᠢᠯᠡᠭᠰᠡᠨ ᠪᠠᠭᠠᠰᠤ᠂ ᠪᠠᠰᠠ ᠬᠤᠭ ᠴᠤ ᠭᠡᠳᠡᠭ᠃ | ᠭᠤᠤᠯᠳᠠᠭᠤ ᠬᠠᠪᠤᠷ ᠨᠠᠮᠤᠷ ᠤᠨ ᠳᠠᠭᠠᠨ ᠬᠤᠲᠠᠨ ᠤ ᠬᠤᠭ ᠪᠠᠨ ᠱᠦᠬᠦᠷᠳᠡᠨ ᠠᠪᠤᠭᠠᠳ ᠬᠠᠷᠤᠭᠤᠯ ᠢᠶᠠᠷ ᠭᠡᠶᠢᠰᠭᠡᠨ | ᠲᠤᠮᠤᠷᠠᠴᠢᠯᠠᠵᠦ ᠠᠪᠤᠭᠠᠳ ᠤᠪᠤᠭᠠᠯᠠᠨ ᠡᠪᠦᠯ ᠤᠨ ᠲᠦᠯᠡᠰᠢᠨ ᠳᠡᠭᠡᠨ ᠪᠡᠯᠡᠳᠭᠡᠳᠡᠭ᠃ ᠲᠦᠯᠡᠰᠢ ᠬᠤᠪᠤᠷᠳᠠᠪᠠᠯ | ᠡᠪᠦᠯ ᠤᠨ ᠴᠠᠭ ᠤᠨ ᠬᠦᠯᠳᠡᠭᠦᠦ ᠬᠤᠭ ᠢ ᠲᠦᠯᠡᠳᠡᠭ᠃ | ᠬᠤᠭ᠄ ᠠᠷᠭᠠᠯ ᠬᠤᠷᠭᠤᠤᠯ ᠤᠨ ᠬᠡᠮᠭᠡᠳᠡᠭ ᠢ ᠬᠡᠯᠡᠳᠡᠭ᠃ ᠡᠬᠦᠨ ᠢ ᠲᠦᠯᠡᠰᠢᠨ ᠳᠤ ᠭᠡᠷᠡᠭᠯᠡᠳᠡᠭ ᠦᠭᠡᠢ ᠴᠤ | ᠬᠠᠪᠤᠷ ᠳᠠᠭᠠᠨ ᠤᠪᠤᠭᠠᠯᠠᠨ ᠠᠪᠴᠤ ᠭᠠᠳᠠᠭᠤᠷ ᠨᠢ ᠨᠤᠭᠤᠭᠠᠨ ᠤ ᠪᠠᠭᠠᠰᠤ ᠪᠠᠷ ᠰᠢᠪᠠᠨ ᠲᠠᠯᠠᠩᠯᠠᠵᠦ ᠠᠪᠤᠨ᠂ | ᠵᠤᠳ ᠲᠠᠢ ᠡᠪᠦᠯ ᠳᠡᠭᠡᠨ ᠦᠭᠡᠷ ᠤᠨ ᠭᠡᠪᠳᠡᠯᠭᠡ ᠪᠠᠨ ᠬᠠᠭᠤᠷᠠᠶᠢᠯᠠᠳᠠᠭ᠃ ᠱᠡᠭᠡᠮᠢ ᠪᠤᠯ ᠬᠤᠨᠢᠨ ᠤ ᠪᠠᠭᠠᠰᠤ ᠶᠤᠮ᠃ | ᠵᠤᠨ ᠡᠬᠢᠨ ᠰᠠᠷᠠ ᠶᠢᠨ ᠨᠤᠭᠤᠭᠠᠨ ᠲᠦᠷᠦᠬᠦᠨ ᠦᠶᠡ ᠳᠤ ᠪᠤᠯᠤᠨ ᠨᠠᠮᠤᠷ ᠤᠨ ᠡᠪᠡᠰᠤ ᠬᠠᠯᠳᠠᠷᠳᠤᠬᠤ ᠦᠶᠡ ᠳᠤ | ᠬᠤᠨᠢᠨ ᠤ ᠪᠠᠭᠠᠰᠤ ᠬᠤᠷᠭᠤᠤᠯ ᠢᠶᠠᠷ ᠰᠢᠷᠭᠡᠭᠴᠢᠯᠡᠬᠦ ᠪᠢᠰᠢ᠂ ᠠᠷᠭᠠᠯ ᠰᠢᠭ᠋ ᠪᠤᠯᠳᠠᠭ ᠢ ᠨᠢ ᠱᠡᠭᠡᠮᠢ ᠭᠡᠳᠡᠭ᠃ | ᠬᠤᠷᠳᠤᠨ ᠨᠤᠴᠤᠳᠠᠭ ᠰᠠᠶᠢᠨ ᠲᠦᠯᠡᠰᠢ ᠶᠤᠮ᠃ | ᠬᠦᠷᠵᠡᠩ᠄ ᠡᠪᠦᠯ ᠤᠨ ᠴᠠᠭ ᠤᠨ ᠬᠤᠨᠢᠨ ᠤ ᠬᠤᠷᠭᠤᠤᠯ ᠤᠳ ᠬᠤᠨᠢᠨ ᠤ ᠬᠦᠯ ᠳᠤ ᠬᠢᠰᠬᠢᠯᠡᠭᠳᠡᠨ | ᠡᠳᠦᠷ ᠤᠨ ᠤᠳᠠᠭᠠᠨ ᠳᠠᠭᠠᠨ ᠲᠠᠭᠰᠢᠷᠠᠵᠦ ᠵᠤᠵᠠᠭᠠᠷᠠᠭᠠᠳ ᠬᠦᠷᠵᠩ ᠪᠤᠯᠳᠠᠭ᠃ ᠡᠶᠢᠮᠤ ᠠᠴᠠ ᠬᠦᠷᠵᠡᠩ | ᠭᠤᠤᠯᠳᠠᠭᠤ ᠡᠪᠦᠯᠵᠢᠶᠠᠨ ᠤ ᠨᠤᠳᠤᠭ ᠠᠴᠠ ᠭᠠᠷᠳᠠᠭ᠃ ᠵᠤᠨ ᠤ ᠭᠡᠳᠤ ᠤᠳᠠᠭᠠᠨ ᠤ ᠪᠤᠷᠤᠭᠠᠨ ᠢ ᠦᠩᠭᠡᠷᠡᠭᠡᠳ | ᠬᠦᠷᠵᠡᠩ ᠴᠢᠩᠭᠠᠷᠠᠭᠰᠠᠨ ᠬᠤᠶᠢᠨᠠ ᠨᠢ ᠬᠦᠷᠵᠡ ᠪᠠᠷ ᠬᠢᠰᠬᠢᠵᠦ ᠡᠷᠭᠢᠬᠦᠯᠦᠭᠡᠳ ᠬᠠᠳᠠᠭᠠᠭᠠᠳ ᠬᠤᠷᠢᠶᠡᠨ | ᠲᠡᠯᠡᠩᠯᠬᠤ ᠳᠠᠭᠠᠨ ᠰᠠᠭᠤᠷᠢᠴᠢᠯᠡᠨ ᠵᠡᠷᠭᠡᠯᠡᠳᠡᠭ᠃ ᠬᠦᠷᠵᠡᠩ ᠪᠤᠯ ᠮᠠᠰᠢ ᠤᠳᠠᠭᠠᠨ ᠲᠠᠭᠠᠴᠢᠲᠠᠢ ᠨᠤᠴᠤᠳᠠᠭ | ᠲᠦᠯᠡᠰᠢ᠃ ᠬᠦᠮᠦᠰ ︿ᠮᠤᠩᠭᠤᠯ ᠨᠡᠬᠦᠷᠡᠰᠤ﹀ ᠴᠤ ᠭᠡᠳᠡᠭ᠃ ᠬᠦᠷᠵᠡᠩ ᠪᠤᠯ ᠬᠦᠭᠡᠷᠭᠡ ᠶᠡᠬᠡᠲᠡᠢ ᠤᠴᠢᠷ | ᠶᠡᠬᠡᠩᠬᠢ ᠳᠡᠭᠡᠨ ᠡᠪᠦᠯ ᠤᠨ ᠭᠤᠤᠯ ᠳᠤ ᠶᠢᠰᠤ ᠡᠬᠢᠯᠡᠬᠦ ᠪᠠᠷ ᠡᠬᠢᠯᠡᠨ ᠲᠦᠯᠡᠵᠦ ᠬᠠᠪᠤᠷᠰᠢᠵᠦ ᠢᠷᠡᠬᠦ ᠪᠠᠷ ᠨᠢ | ᠲᠦᠯᠡᠬᠦ ᠪᠠᠨ ᠵᠤᠭᠰᠤᠨᠠ᠃ ᠦᠭᠡᠢ ᠪᠤᠯ ᠶᠠᠮᠠ ᠬᠦᠳᠡᠯᠦᠨᠠ ᠭᠡᠳᠡᠭ᠃ ᠬᠦᠷᠵᠡᠩ ᠤᠨ ᠴᠠᠭᠠᠨ ᠦᠨᠡᠰᠤ ᠶᠢ ᠬᠠᠮᠠᠷ | ᠲᠠᠮᠠᠬᠢ ᠨᠠᠶᠢᠷᠠᠬᠤ ᠳᠤ ᠭᠡᠷᠡᠭᠯᠡᠳᠡᠭ᠃ |