| ᠲᠤᠣᠷᠠᠢ ᠪᠣᠯ ᠦᠷᠡ ᠪᠠ ᠦᠨᠳᠦᠰᠣ ᠪᠠᠷ ᠢᠶᠠᠨ ᠤᠷᠭᠤᠳᠠᠭ ᠤᠷᠭᠤᠮᠠᠯ ᠶᠤᠮ᠃ ᠲᠤᠣᠷᠠᠢ᠂ ᠬᠠᠪᠤᠷ ᠤᠨ | ᠳᠤᠮᠳᠠᠴᠢ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠠᠴᠠ ᠡᠬᠢᠯᠡᠨ ᠬᠦᠷᠡᠩᠳᠦᠬᠦ᠂ ᠬᠦᠷᠡᠩ ᠤᠨᠠᠬᠤ᠂ ᠨᠡᠪᠴᠢᠯᠠᠬᠤ᠂ ᠦᠷᠡᠯᠡᠬᠦ᠂ | ᠦᠷᠡ ᠨᠢ ᠤᠨᠠᠬᠤ᠂ ᠰᠢᠷᠡᠯᠠᠬᠤ᠂ ᠨᠡᠪᠴᠢ ᠨᠢ ᠤᠨᠠᠬᠤ ᠵᠡᠷᠭᠡ ᠲᠣᠯᠣᠭᠠᠨ ᠶᠠᠪᠤᠴᠠ ᠶᠢ ᠦᠩᠭᠡᠷᠡᠭᠡᠨ᠂ ᠬᠠᠪᠤᠷ ᠤᠨ | ᠳᠤᠮᠳᠠᠴᠢ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠠᠴᠠ ᠨᠠᠮᠤᠷ ᠤᠨ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠦᠩᠭᠡᠷᠡᠲᠡᠯᠠ ᠲᠣᠯᠣᠭᠠᠨ ᠰᠠᠷᠠ | ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠ ᠶᠢ ᠬᠡᠷᠡᠭᠰᠡᠳᠡᠭ᠃ ᠡᠨᠡ ᠪᠣᠯ ᠨᠢᠭᠡ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠲᠣᠲᠤᠷᠠᠬᠢ ᠲᠣᠣᠷᠠᠢ | ᠮᠣᠳᠣᠨ ᠤ ᠦᠷᠡᠵᠢᠨ ᠤᠷᠭᠤᠬᠤ ᠪᠦᠬᠦ ᠶᠠᠪᠤᠴᠠ ᠶᠢᠨ ᠬᠢᠨᠢ ᠬᠤᠪᠢᠷᠠᠯᠲᠠ ᠶᠢᠨ ᠬᠤᠭᠤᠴᠠᠭᠠ ᠪᠣᠯᠬᠤ ᠶᠤᠮ᠃ | 1.ᠲᠤᠣᠷᠠᠢ ᠬᠦᠷᠡᠩᠳᠦᠬᠦ᠃ ᠡᠵᠡᠨᠡ ᠶᠢᠨ ᠮᠤᠩᠭᠤᠯᠴᠤᠣᠳ ︽ᠲᠤᠣᠷᠠᠢ ᠴᠡᠴᠡᠭᠯᠡᠨᠡ︾ ᠭᠡᠵᠦ ᠬᠡᠯᠡᠬᠦ ᠦᠭᠡᠢ᠂ | ᠬᠠᠷᠢᠨ ︽ᠲᠤᠣᠷᠠᠢ ᠬᠦᠷᠷᠡᠩᠳᠦᠨᠡ︾ ᠬᠡᠮᠡᠨ ᠲᠣᠣᠷᠠᠢ ᠴᠡᠴᠡᠭᠯᠡᠵᠦ ᠪᠠᠶᠢᠭᠠ ᠦᠶᠡ ᠶᠢᠨ ᠬᠢᠨᠢ ᠴᠡᠴᠡᠭ ᠤᠨ | ᠦᠩᠭᠡ ᠪᠠᠷ ᠡᠶᠢᠨ ᠬᠦ ᠨᠡᠷᠡᠯᠡᠨ ᠬᠡᠯᠡᠳᠡᠭ᠃ ᠬᠠᠪᠤᠷ ᠤᠨ ᠳᠤᠮᠳᠠᠴᠢ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠠᠴᠠ ᠡᠬᠢᠯᠡᠨ | ᠲᠣᠣᠷᠠᠢ ᠶᠢᠨ ᠵᠢᠵᠢᠭ ᠨᠠᠮᠠᠭᠠ ᠮᠥᠴᠢᠷ ᠤᠳ ᠨᠢ ᠪᠠᠷᠵᠠᠶᠢᠨ ᠰᠣᠶᠣᠭᠠᠯᠠᠵᠤ ᠡᠬᠢᠯᠡᠳᠡᠭ᠃ ᠨᠤᠲᠤᠭ ᠤᠨ | ᠮᠤᠩᠭᠤᠯᠴᠤᠳ ᠲᠣᠣᠷᠠᠢ ᠰᠣᠶᠣᠭᠠᠯᠠᠬᠤ ᠶᠢ ︽ᠲᠤᠣᠷᠠᠢ ᠨᠢᠳᠤᠯᠠᠨᠠ︾ ᠭᠡᠵᠦ ᠬᠡᠯᠡᠳᠡᠭ᠃ ᠲᠣᠣᠷᠠᠢ | ᠰᠣᠶᠣᠭᠠᠯᠠᠬᠤ ᠳᠠᠭᠠᠨ ᠰᠣᠶᠣᠭᠠᠨ ᠤ ᠬᠢᠨᠢ ᠭᠠᠳᠠᠭᠤᠷ ᠰᠢᠷᠠ ᠬᠠᠯᠢᠰᠤ ᠲᠠᠢ ᠰᠢᠷᠠ ᠪᠤᠷᠴᠠᠭ ᠤᠨ ᠴᠢᠨᠡᠭᠡᠨ | ᠬᠤᠩᠬᠤᠷᠤᠰᠤ ᠰᠠᠭᠤᠵᠤ᠂ 7— 10 ᠡᠳᠦᠷ ᠤᠨ ᠳᠣᠲᠣᠷᠠ ᠲᠠᠯᠠᠵᠤ ᠪᠦᠳᠦᠭᠦᠷᠡᠨ᠂ ᠭᠠᠳᠠᠷ ᠬᠤᠩᠬᠤᠷᠤᠰᠤ ᠨᠢ | ᠠᠩᠭᠠᠶᠢᠨ᠂ ᠬᠦᠷᠡᠩ ᠦᠩᠭᠡ ᠲᠠᠢ ᠤᠷᠳᠤᠯᠵᠢᠨ ᠱᠣᠪᠣᠭᠤᠷ | ᠴᠡᠴᠡᠭ ᠪᠣᠯᠳᠠᠶᠢᠨ ᠭᠠᠷᠴᠤ᠂ 3 — 5 ᠡᠳᠣᠷ ᠤᠨ ᠳᠣᠲᠣᠷᠠ ᠲᠣᠣᠷᠠᠢ ᠶᠢᠨ ᠬᠦᠷᠡᠩ ᠨᠢ ᠰᠣᠨᠵᠤ ᠪᠦᠳᠦᠭᠦᠷᠡᠨ᠂ | ᠬᠥᠬᠡ ᠪᠣᠷᠣ ᠦᠩᠭᠡ ᠲᠠᠢ ᠪᠣᠯᠵᠤ ᠬᠤᠪᠢᠷᠠᠨᠠ᠃ ᠬᠤᠯᠠ ᠠᠴᠠ ᠬᠠᠷᠠᠪᠠᠯ ᠨᠤᠭᠤᠭᠠᠪᠲᠤᠷ ᠦᠩᠭᠡ ᠲᠠᠢ | ᠬᠠᠷᠠᠭᠳᠠᠵᠤ᠂ ᠭᠠᠳᠠᠷ ᠬᠤᠩᠬᠤᠷᠤᠰᠤ ᠨᠢ ᠰᠠᠯᠬᠢᠨ ᠳᠤ ᠬᠡᠶᠢᠰᠤᠨ ᠤᠨᠠᠭᠰᠠᠨ ᠤ ᠲᠠᠷᠠᠭᠠ ᠪᠠᠷᠤᠭ 5 ᠡᠳᠤᠷ ᠤᠨ | ᠲᠠᠷᠠᠭᠠ ᠲᠣᠣᠷᠠᠢ ᠶᠢᠨ ᠬᠦᠷᠡᠩ ᠰᠠᠯᠬᠢᠨ ᠤ ᠬᠦᠴᠤ ᠪᠠᠷ ᠶᠡᠭᠡ ᠬᠡᠮᠵᠢᠶᠠ ᠪᠠᠷ ᠭᠠᠵᠠᠷ ᠤᠨᠠᠵᠤ᠂ ᠬᠠᠪᠤᠷ ᠤᠨ | ᠬᠠᠭᠰᠠᠷᠭᠠᠨ ᠳᠤ ᠶᠠᠳᠠᠷᠠᠵᠤ ᠲᠣᠶᠢᠯᠳᠠᠭᠰᠠᠨ ᠪᠣᠭ ᠮᠠᠯ ᠤᠨ ᠲᠡᠵᠢᠭᠡᠯ ᠪᠣᠯᠵᠤ᠂ ᠮᠠᠯ ᠴᠠᠳᠴᠤ ᠬᠥᠯ ᠳᠤ ᠣᠷᠣᠨ | ᠳᠡᠩᠭᠡᠷᠡᠬᠦ ᠳᠤᠨᠢ ᠲᠤᠩ ᠶᠡᠭᠡ ᠦᠢᠯᠡᠳᠤᠯ ᠦᠵᠡᠭᠦᠯᠳᠡᠭ᠃ | 2.ᠲᠣᠣᠷᠠᠢ ᠨᠠᠪᠴᠢᠯᠠᠬᠤ᠃ ᠲᠤᠣᠷᠠᠢ ᠶᠢᠨ ᠬᠦᠷᠡᠩ ᠤᠨᠠᠭᠰᠠᠨ ᠤ ᠲᠠᠷᠠᠭᠠ 4 ᠰᠠᠷᠠ ᠶᠢᠨ ᠬᠤᠷᠢᠳ ᠠᠴᠠ 4 | ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠬᠦᠷᠲᠡᠯᠡᠬᠢ ᠬᠤᠭᠤᠴᠠᠭᠠᠨ ᠳᠤ ᠲᠣᠣᠷᠠᠢ ᠶᠢᠨ ᠵᠢᠵᠢᠭ ᠨᠠᠮᠠᠭᠠ ᠮᠥᠴᠢᠷ ᠤᠳ ᠨᠢᠳᠤᠯᠡᠨ | ᠨᠠᠬᠢᠶᠠ ᠰᠠᠭᠤᠵᠤ᠂ ᠨᠠᠬᠢᠶᠠ ᠠᠴᠠ ᠪᠠᠨ ᠲᠤᠭᠤᠢ ᠬᠡᠯᠪᠡᠷᠢ ᠲᠠᠢ ᠵᠢᠵᠢᠭ ᠨᠡᠪᠴᠢ ᠪᠣᠯᠣᠨ ᠬᠤᠪᠢᠷᠡᠨᠠ᠃ | ᠲᠣᠣᠷᠠᠢ ᠶᠢᠨ ᠵᠢᠵᠢᠭ ᠨᠠᠪᠴᠢ ᠨᠤᠭᠤᠳ ᠨᠢ ᠡᠬᠢᠯᠡᠭᠡᠳ ᠨᠠᠶᠢᠳᠠᠮ ᠰᠢᠷᠠ ᠨᠤᠭᠤᠭᠠᠨ ᠦᠩᠭᠡ ᠲᠠᠢ ᠪᠠᠶᠢᠭᠰᠠᠨ | ᠠᠴᠠ ᠪᠠᠨ ᠨᠡᠪᠴᠢ ᠨᠢ ᠠᠭᠠᠵᠢᠮ ᠢᠶᠠᠷ ᠲᠣᠮᠣᠷᠠᠬᠤ ᠶᠢ ᠳᠠᠭᠠᠯᠳᠤᠨ ᠨᠡᠪᠴᠢᠨ ᠤ ᠦᠩᠭᠡ ᠨᠢ ᠴᠤ ᠭᠦᠨ ᠨᠤᠭᠤᠭᠠᠨ | ᠦᠩᠭᠡ ᠲᠠᠢ ᠪᠣᠯᠵᠤ ᠬᠤᠪᠢᠷᠠᠨᠠ᠃ ᠲᠤᠣᠷᠠᠢ ᠨᠠᠪᠴᠢᠯᠠᠬᠤ ᠳᠠᠭᠠᠨ ᠲᠤᠣᠷᠠᠢ ᠶᠢᠨ ᠲᠤᠣᠷᠠᠲᠤ ᠰᠠᠯᠠᠭᠠ ᠨᠢ ᠡᠬᠢᠯᠡᠨ | ᠨᠡᠪᠴᠢᠯᠠᠵᠤ᠂ ᠠᠭᠠᠵᠢᠮ ᠢᠶᠠᠷ ᠳᠤᠣᠷᠠᠲᠤ ᠰᠠᠯᠠᠭᠠᠨ ᠠᠴᠠ ᠳᠡᠭᠡᠲᠤ ᠰᠠᠯᠠᠭᠠ ᠵᠦᠭ ᠰᠢᠯᠵᠢᠨ ᠨᠡᠪᠴᠢᠯᠠᠵᠤ᠂ ᠡᠴᠣᠰ | ᠲᠡᠭᠡᠨ ᠳᠣᠣᠷᠠᠢ ᠶᠢᠨ ᠪᠣᠢ ᠪᠦᠬᠦᠢ ᠰᠠᠯᠠᠭᠠ ᠨᠠᠮᠠᠭᠠ ᠴᠥᠮ ᠨᠠᠪᠴᠢᠯᠠᠵᠤ ᠭᠦᠢᠴᠡᠨᠡ᠃ ᠲᠣᠣᠷᠠᠢ ᠶᠢᠨ ᠨᠡᠪᠴᠢ | ᠵᠢᠵᠢᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠲᠣᠮᠣᠷᠠᠵᠤ ᠪᠦᠷᠢᠨ ᠭᠦᠢᠴᠡᠳ ᠥᠰᠴᠤ ᠭᠦᠢᠴᠡᠳᠡᠯᠠ ᠨᠢᠭᠡ ᠰᠠᠷᠠ ᠶᠢᠨ | ᠬᠤᠭᠤᠴᠠᠭᠠ ᠬᠡᠷᠡᠭᠰᠡᠳᠡᠭ᠃ ᠳᠣᠣᠷᠠᠢ ᠨᠠᠪᠴᠢᠯᠠᠬᠤ ᠳᠠᠭᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠲᠠᠯᠠ ᠪᠠᠷ ᠬᠤᠭᠤᠷᠣᠨᠳᠣ ᠪᠠᠨ | ᠨᠡᠯᠢᠶᠡᠳ ᠵᠦᠷᠢᠶᠠ ᠲᠠᠢ ᠪᠠᠶᠢᠳᠠᠭ᠃ ᠭᠤᠣᠯ ᠤᠨ ᠤᠷᠣᠰᠬᠠᠯ ᠲᠠᠭᠠᠤ ᠣᠷᠣᠨ ᠤ ᠭᠠᠵᠠᠷ ᠤᠨ ᠬᠦᠷᠤᠰᠤᠨ ᠳᠣᠣᠷᠠᠬᠢ | ᠤᠰᠤ ᠴᠢᠭᠢᠭ ᠡᠯᠪᠡᠭ᠂ ᠭᠤᠪᠢ ᠪᠤᠶᠤ ᠡᠯᠡᠰᠤᠨ ᠴᠥᠯ ᠤᠨ ᠬᠦᠷᠤᠰᠤᠨ ᠤ ᠨᠣᠰᠤ ᠴᠢᠬᠢᠭ ᠬᠤᠪᠣᠷ ᠵᠡᠷᠭᠡ | ᠵᠥᠷᠢᠶᠠ ᠠᠴᠠ ᠪᠣᠯᠵᠤ᠂ ᠭᠤᠣᠯ ᠳᠠᠭᠠᠤ ᠲᠣᠣᠷᠠᠢ ᠶᠢᠨ ᠨᠡᠪᠴᠢᠯᠠᠬᠤ ᠨᠢ ᠭᠤᠪᠢ ᠡᠯᠡᠰᠦᠨ ᠭᠠᠵᠠᠷ ᠤᠨ ᠳᠤᠣᠷᠠᠢ | ᠨᠡᠪᠴᠢᠯᠠᠬᠤ ᠠᠴᠠ ᠡᠷᠲᠡ᠂ ᠪᠠᠷᠤᠭ 10 — 15 ᠡᠳᠦᠷ ᠤᠨ ᠵᠥᠷᠢᠶᠡ ᠲᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠦᠩ | ᠲᠠᠢ ᠵᠢᠯ ᠡᠷᠲᠡ ᠨᠡᠪᠴᠢᠯᠡᠵᠤ᠂ ᠭᠠᠩ ᠲᠠᠢ ᠵᠢᠯ ᠪᠤᠶᠤ ᠬᠤᠷᠣᠬᠠᠢ ᠶᠢᠨ ᠭᠠᠮᠰᠢᠭ ᠲᠤ ᠤᠴᠠᠷᠠᠭᠰᠠᠨ ᠵᠢᠯ ᠲᠣᠣᠷᠠᠢ | ᠣᠷᠣᠢ ᠰᠢᠭ᠋ ᠨᠡᠪᠴᠢᠯᠠᠬᠤ ᠪᠤᠶᠤ ᠡᠰᠡᠭᠦᠯᠡ ᠨᠡᠪᠴᠢ ᠨᠢ ᠰᠠᠶᠢᠷᠡᠭ ᠪᠠᠶᠢᠳᠠᠭ᠃ ᠬᠡᠷᠪᠡ ᠬᠠᠪᠤᠷ ᠤᠨ ᠰᠡᠭᠦᠯᠴᠢ᠂ | ᠵᠣᠨ ᠤ ᠡᠬᠢ ᠪᠠᠷ ᠰᠢᠪᠧᠷᠢᠶᠡ ᠶᠢᠨ ᠭᠦᠢᠲᠡᠨ ᠤᠷᠣᠰᠬᠠᠯ ᠮᠠᠨ ᠤ ᠨᠤᠲᠤᠭ ᠢ ᠨᠥᠯᠥᠭᠡᠯᠡᠬᠦ ᠳᠤ ᠬᠦᠷᠪᠡᠯ᠂ | ᠲᠤᠣᠷᠠᠢ ᠶᠢᠨ ᠨᠡᠪᠴᠢᠯᠠᠬᠤ ᠳᠤ ᠬᠠᠷᠰᠢ ᠰᠠᠭᠠᠳ ᠤᠴᠠᠷᠠᠭᠤᠯᠵᠤ᠂ 5ᠡᠳᠦᠷ ᠬᠤᠶᠢᠰᠢᠯᠠᠬᠤ ᠦᠵᠡᠭᠳᠡᠯ ᠢᠯᠡᠷᠡᠳᠡᠭ᠃ | ᠨᠤᠲᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠤᠨ ᠬᠡᠯᠡᠬᠦ ᠪᠠᠷ ᠮᠠᠨ ᠤ ᠡᠵᠡᠨᠠ ᠶᠢᠨ ᠲᠤᠣᠷᠠᠢ ᠨᠢ ᠭᠤᠣᠯ ᠤᠨ ᠤᠰᠤᠨ ᠤ | ᠣᠷᠣᠰᠬᠠᠯ ᠵᠶ᠋ᠠᠨᠲ᠋ᠠᠭᠠᠵᠤ᠂ ︽ᠡᠬᠢᠨ ᠨᠢ ᠡᠷᠳᠡᠳᠠᠵᠤ᠂ ᠠᠳᠠᠭ ᠨᠢ ᠤᠷᠤᠶᠢᠳᠠᠳᠠᠭ︾ ᠭᠡᠰᠡᠨ ᠬᠡᠯᠡᠯᠭᠡ ᠲᠠᠢ᠂ | ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠭᠤᠣᠯ ᠤᠨ ᠤᠷᠤᠰᠬᠠᠯ ᠤᠨ ᠡᠬᠢᠨ ᠤ ᠲᠣᠣᠷᠠᠢ ᠡᠷᠲᠡᠰᠢᠭ ᠬᠦᠷᠡᠩᠳᠦᠵᠤ᠂ ᠨᠡᠪᠴᠢᠯᠠᠬᠤ ᠳᠤ | ᠭᠤᠣᠯ ᠤᠨ ᠤᠷᠤᠰᠬᠠᠯ ᠤᠨ ᠠᠳᠠᠭ ᠤᠨ ᠳᠣᠣᠷᠠᠢ ᠣᠷᠣᠢ ᠰᠢᠭ᠋ ᠬᠦᠷᠡᠩᠳᠦᠵᠤ ᠨᠡᠪᠴᠢᠯᠡᠳᠠᠭ᠃ ᠬᠤᠭᠤᠷᠣᠨᠳᠣ ᠪᠠᠨ | ᠪᠠᠷᠤᠭ 10—1 5 ᠡᠳᠦᠷ ᠤᠨ ᠵᠠᠢ ᠲᠠᠢ ᠪᠠᠶᠢᠳᠠᠭ᠃ | ᠮᠠᠨ ᠤ ᠡᠵᠡᠨᠡ ᠨᠤᠲᠤᠭ ᠲᠤ ᠠᠯᠢ ᠡᠷᠲᠡ ᠠᠴᠠ ︽ᠰᠠᠶᠢᠨ ᠬᠠᠩᠰᠢ ᠢᠳᠡᠳᠡᠭ ᠮᠠᠭᠤ ᠬᠠᠩᠰᠢ ᠦᠵᠡᠳᠡᠭ︾ | ᠭᠡᠰᠡᠨ ᠬᠡᠯᠡᠯᠭᠡ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠲᠡᠷᠤᠢ ᠦᠩ ᠲᠠᠢ ᠵᠢᠯ ᠤᠨ ᠬᠠᠩᠰᠢ ᠨᠡᠬᠡᠭᠡᠬᠦ ᠦᠶᠡ ᠳᠤ ᠪᠣᠭ ᠮᠠᠯ | ᠰᠢᠨᠡ ᠨᠣᠭᠤᠭᠠ ᠢᠳᠡᠳᠡᠭ᠂ ᠭᠠᠩ ᠲᠠᠢ ᠵᠢᠯ ᠳᠤ ᠪᠣᠯ ᠰᠠᠶ᠋ᠢ ᠴᠣᠬᠤᠶᠢᠭᠰᠠᠨ ᠨᠣᠭᠤᠭᠠ ᠶᠢ ᠦᠵᠡᠬᠦ ᠶᠢᠨ ᠲᠡᠳᠦᠢ | ᠢᠳᠡᠵᠤ ᠴᠠᠳᠳᠠᠭ ᠦᠭᠡᠢ ᠭᠡᠰᠡᠨ ᠤᠳᠬᠠ ᠲᠠᠢ ᠶᠤᠮ᠃ ᠭᠠᠩ ᠬᠠᠭᠰᠠᠷᠠᠭᠠᠨ ᠭᠠᠯᠵᠠᠭᠤᠷᠠᠭᠰᠠᠨ ᠣᠳᠣ ᠶᠢᠨ | ᠴᠠᠭ ᠲᠤ ᠡᠨᠡ ᠬᠡᠯᠡᠯᠭᠡ ᠨᠢ ᠲᠣᠬᠢᠷᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠬᠠᠷᠢᠨ ᠬᠠᠩᠰᠢ ᠨᠡᠬᠡᠭᠡᠬᠦ ᠦᠶᠡ ᠪᠠᠷ ᠭᠤᠣᠯ ᠤᠨ | ᠡᠬᠢᠨ ᠳᠤ ᠢᠳᠡᠵᠤ᠂ ᠭᠤᠣᠯ ᠤᠨ ᠠᠳᠠᠭ ᠲᠤ ᠦᠵᠡᠳᠡᠭ ᠭᠡᠵᠦ ᠬᠡᠯᠡᠪᠡᠯ ᠨᠡᠯᠢᠶᠡᠳ ᠲᠣᠬᠢᠷᠡᠮᠵᠢᠲᠡᠢ ᠰᠢᠭ᠋ | ᠰᠠᠨᠠᠭᠲᠠᠨᠠ᠃ ᠮᠠᠨ ᠤ ᠡᠵᠡᠨᠡ ᠨᠤᠲᠤᠭ ᠤᠨ ᠤᠷᠭᠤᠮᠠᠯ ᠤᠨ ᠤᠷᠭᠤᠴᠠ ᠨᠢ ᠭᠤᠣᠯ ᠤᠨ ᠡᠬᠢᠨ ᠪᠠ ᠠᠳᠠᠭ | ᠬᠤᠭᠤᠷᠤᠨᠳᠤ ᠪᠠᠨ ᠶᠡᠬᠡᠭᠡᠨ ᠵᠥᠷᠢᠶᠡ ᠲᠠᠢ᠃ ᠬᠠᠪᠤᠷ ᠤᠨ ᠰᠡᠭᠦᠯᠴᠢ ᠵᠣᠨ ᠤ ᠡᠬᠢ ᠪᠠᠷ ᠭᠤᠣᠯ ᠤᠨ ᠡᠬᠢᠨ ᠤ ᠮᠠᠯ | ᠰᠢᠨᠡ ᠨᠣᠭᠤᠭᠠ ᠢᠳᠡᠭᠡᠳ ᠴᠠᠳᠴᠢᠬᠠᠭᠰᠠᠨ ᠪᠠᠶᠢᠳᠠᠯᠠ ᠭᠤᠣᠯ ᠤᠨ ᠠᠳᠠᠭ ᠤᠨ ᠮᠠᠯ ᠰᠠᠶ᠋ᠢ ᠡᠬᠢᠯᠡᠵᠦ ᠨᠣᠭᠤᠭᠠ | ᠢᠳᠡᠵᠤ᠂ ᠬᠤᠭᠤᠷᠣᠨᠲᠤ ᠪᠠᠨ ᠬᠤᠷᠢᠭᠠᠳ ᠡᠳᠤᠷ ᠤᠨ ᠵᠥᠷᠢᠶᠠ ᠲᠠᠢ ᠪᠠᠶᠢᠳᠠᠭ᠃ ᠪᠤᠰᠤᠳ ᠲᠦᠷᠤᠯ ᠤᠨ ᠡᠪᠡᠰᠦ | ᠤᠷᠭᠤᠮᠠᠯ ᠲᠠᠢ ᠠᠳᠠᠯᠢ ᠪᠠᠷ ᠲᠣᠣᠷᠠᠢ ᠮᠣᠳᠣᠨ ᠤ ᠤᠷᠭᠤᠴᠠ ᠬᠦᠷᠡᠩᠳᠦᠬᠦ᠂ ᠨᠤᠭᠤᠭᠠᠷᠠᠬᠤ᠂ ᠰᠢᠷᠡᠯᠠᠬᠤ ᠨᠢ ᠴᠤ | ᠬᠤᠭᠤᠷᠤᠨᠲᠤ ᠪᠠᠨ ᠨᠡᠯᠢᠶᠡᠳ ᠵᠥᠷᠢᠶᠡ ᠲᠠᠢ᠃ ᠭᠤᠣᠯ ᠳᠠᠭᠠᠤ ᠲᠤᠣᠷᠠᠢ ᠪᠣᠯᠣᠨ ᠭᠤᠪᠢ ᠡᠯᠡᠰᠦᠨ ᠤ ᠲᠣᠣᠷᠠᠢ ᠶᠢᠨ | ᠤᠷᠭᠤᠴᠠ ᠬᠤᠭᠤᠷᠣᠨᠲᠤ ᠪᠠᠨ ᠠᠳᠠᠯᠢ ᠦᠭᠡᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠭᠤᠣᠯ ᠳᠠᠭᠠᠤ ᠲᠤᠣᠷᠠᠢ ᠴᠤ ᠡᠬᠢᠨ | ᠠᠳᠠᠭ ᠤᠨ ᠵᠦᠷᠢᠶᠠ ᠲᠠᠢ᠂ ᠭᠤᠣᠯ ᠤᠨ ᠤᠷᠣᠰᠬᠠᠯ ᠢᠶᠠᠨ ᠳᠠᠭᠠᠭᠠᠳ ᠭᠤᠣᠯ ᠤᠨ ᠡᠬᠢᠨ ᠤ ᠲᠣᠣᠷᠠᠢ ᠨᠢ | ᠭᠤᠣᠯ ᠤᠨ ᠠᠳᠠᠭ ᠤᠨ ᠲᠤᠣᠷᠠᠢ ᠠᠴᠠ ᠪᠠᠷᠤᠭ 10— 15 ᠡᠳᠤᠷ ᠤᠨ ᠡᠮᠤᠨᠠ ᠬᠦᠷᠡᠩᠳᠤᠵᠤ᠂ ᠨᠡᠪᠴᠢᠯᠡᠵᠦ᠂ | ᠰᠢᠷᠡᠯᠠᠬᠤ ᠦᠵᠡᠭᠳᠡᠯ ᠢᠯᠡᠷᠡᠳᠡᠭ᠃ ᠭᠤᠣᠯ ᠤᠨ ᠡᠬᠢᠨ ᠠᠳᠠᠭ᠂ ᠭᠤᠣᠯ ᠭᠤᠪᠢ ᠶᠢᠨ ᠵᠥᠷᠢᠶᠡ ᠠᠴᠠ ᠭᠠᠳᠠᠨᠠ | ᠨᠢᠭᠡ ᠯᠡ ᠭᠠᠵᠠᠷ ᠬᠠᠮᠲᠤ ᠤᠷᠭᠤᠭᠰᠠᠨ ᠲᠤᠣᠷᠠᠢ ᠶᠢᠨ ᠬᠦᠷᠷᠡᠩᠳᠦᠬᠦ᠂ ᠨᠡᠪᠴᠢᠯᠠᠬᠤ᠂ ᠦᠷᠡᠯᠡᠬᠦ᠂ ᠰᠢᠷᠡᠯᠠᠬᠤ᠂ | ᠦᠷᠡ ᠤᠨᠠᠬᠤ᠂ ᠨᠡᠪᠴᠢ ᠤᠨᠠᠬᠤ ᠨᠢ ᠴᠤ ᠬᠤᠭᠤᠷᠤᠨᠳᠣ ᠪᠠᠨ ᠵᠦᠷᠢᠶᠡ ᠲᠠᠢ ᠪᠠᠶᠢᠳᠠᠭ᠃ ᠲᠤᠣᠷᠠᠢ ᠮᠣᠳᠣᠨ ᠤ | ᠤᠷᠭᠤᠴᠠ ᠶᠢᠨ ᠵᠥᠷᠢᠶᠡ ᠨᠢ ᠤᠯᠠᠨ ᠲᠠᠯᠠ ᠶᠢᠨ ᠰᠢᠯᠳᠠᠭᠠᠨ ᠲᠠᠢ᠃ ᠡᠭᠦᠨ ᠳᠤ ᠤᠰᠤ ᠴᠢᠬᠢᠭ᠂ ᠬᠦᠷᠤᠰᠤᠨ | ᠴᠢᠨᠠᠷ ᠠᠴᠠ ᠭᠠᠳᠠᠨᠠ ᠠᠭᠤᠷ ᠠᠮᠢᠰᠬᠤᠯ᠂ ᠣᠷᠴᠢᠨ ᠲᠣᠭᠤᠷᠢᠨ᠂ ᠦᠨᠳᠦᠰᠤ ᠬᠠᠳᠬᠤᠭᠰᠠᠨ ᠪᠠᠶᠢᠳᠠᠯ ᠵᠢᠴᠢ | ᠲᠣᠣᠷᠠᠢ ᠶᠢᠨ ᠲᠣᠰ ᠪᠡᠶᠡ ᠶᠢᠨ ᠬᠢᠨᠢ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ ᠪᠠᠶᠢᠳᠠᠯ ᠲᠠᠢ ᠰᠢᠭᠤᠳ ᠬᠤᠯᠪᠣᠭᠠ ᠲᠠᠢ᠃ | ᠲᠤᠣᠷᠠᠢ ᠶᠢᠨ ᠭᠠᠩ ᠳᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ᠂ ᠭᠠᠩ ᠬᠠᠭᠤᠷᠠᠢ᠂ | ᠬᠤᠷᠣᠬᠠᠢ ᠶᠢᠨ ᠭᠠᠮᠰᠢᠭ᠂ ᠰᠠᠯᠬᠢ ᠰᠢᠭᠤᠷᠭᠠᠨ᠂ ᠬᠦᠢᠲᠡᠨ ᠤᠷᠣᠰᠬᠠᠯ ᠵᠡᠷᠭᠡ ᠬᠤᠣᠷ ᠬᠦᠨᠣᠭᠡᠯ ᠤᠨ ᠰᠢᠯᠭᠠᠯᠲᠠ ᠶᠢ | ᠵᠠᠷᠢᠮ ᠳᠤᠣᠷᠠᠢ ᠳᠠᠭᠠᠭᠠᠵᠤ ᠴᠢᠳᠠᠬᠤ ᠳᠤ ᠵᠠᠷᠢᠮ ᠳᠤᠣᠷᠠᠢ ᠦᠭᠦᠵᠦ ᠰᠦᠨᠦᠳᠡᠭ ᠪᠠᠶᠢᠨᠠ᠃ | 3 . ᠳᠤᠣᠷᠠᠢ ᠦᠷᠡᠯᠡᠬᠦ᠃ ᠲᠤᠣᠷᠠᠢ ᠶᠢᠨ ᠬᠦᠷᠡᠩ ᠪᠥᠬᠦᠨ ᠢᠶᠠᠷ ᠢᠶᠠᠨ ᠭᠠᠵᠠᠷ ᠤᠨᠠᠳᠠᠭ ᠪᠢᠰᠢ᠃ | ᠲᠤᠣᠷᠠᠢ ᠶᠢᠨ ᠬᠦᠷᠠᠩ ᠤᠨ ᠶᠡᠬᠡᠩᠬᠢ ᠲᠤᠭᠠᠨ ᠤ ᠬᠡᠰᠡᠭ ᠨᠢ ᠭᠠᠵᠠᠷ ᠤᠨᠠᠵᠤ ᠮᠠᠯ ᠤᠨ ᠬᠤᠭᠤᠯᠠ ᠪᠣᠯᠬᠤ ᠳᠤ | ᠴᠦᠬᠡᠩᠬᠢ ᠬᠡᠰᠡᠭ ᠨᠢ ᠲᠣᠣᠷᠠᠢ ᠶᠢᠨ ᠨᠠᠮᠠᠭᠠ ᠮᠥᠴᠢᠷ ᠳᠡᠭᠡᠷᠡ ᠪᠠᠨ ᠦᠯᠡᠳᠡᠵᠦ ᠮᠥᠴᠢᠯᠡᠵᠦ ᠲᠤᠮᠤᠷᠠᠭᠠᠳ | ᠦᠷᠡ ᠰᠠᠭᠤᠳᠠᠭ᠃ ᠲᠣᠣᠷᠠᠢ ᠶᠢᠨ ᠬᠦᠷᠡᠩ ᠪᠣᠯ ᠬᠤᠶᠠᠷ ᠲᠠᠯᠠᠲᠤ ᠴᠢᠨᠠᠷ ᠲᠠᠢ᠃ ᠦᠬᠦᠯ ᠪᠠ ᠦᠷᠡᠵᠢᠯ ᠤᠨ | ᠬᠤᠣᠰ ᠬᠤᠪᠢ ᠵᠠᠶᠠᠭᠠ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠯᠡᠳᠡᠬᠦ ᠪᠠ ᠤᠨᠠᠬᠤ ᠶᠢᠨ ᠬᠤᠶᠠᠷ ᠳᠠᠪᠢᠯᠡᠩ ᠲᠠᠢ᠃ | ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠳᠣᠣᠷᠠᠢ ᠶᠢᠨ ᠨᠡᠪᠴᠢᠯᠠᠬᠤ ᠨᠠᠮᠠᠭᠠᠨ ᠤ ᠬᠦᠷᠠᠩ ᠨᠢ ᠤᠨᠠᠵᠤ᠂ ᠦᠷᠡᠯᠡᠬᠦ ᠨᠠᠮᠠᠭᠠᠨ ᠤ | ᠬᠦᠷᠠᠩ ᠨᠢ ᠦᠯᠡᠳᠡᠳᠡᠭ᠃ ᠲᠣᠣᠷᠠᠢ ᠵᠢᠨᠨᠡᠠᠮᠠᠭᠠᠨ ᠳᠠᠭᠠᠨ ᠦᠯᠡᠳᠡᠭᠰᠡᠨ ᠬᠦᠷᠩ ᠤᠳ ᠨᠢ ᠳᠥᠷᠪᠡᠨ ᠰᠠᠷᠠ ᠶᠢᠨ | ᠰᠡᠭᠦᠯᠴᠢ ᠠᠴᠠ ᠡᠬᠢᠯᠡᠨ ᠨᠤᠭᠤᠭᠠᠨ ᠥᠩᠭᠡ ᠲᠠᠢ ᠵᠢᠵᠢᠭ ᠦᠷᠡ ᠶᠢᠨ ᠮᠣᠨᠴᠤᠭ ᠪᠣᠯᠣᠨ ᠬᠤᠪᠢᠷᠠᠵᠤ᠂ ᠶᠠᠪᠤᠬᠤ | ᠲᠣᠳᠤᠮ ᠲᠣᠮᠣᠷᠠᠨ᠂ ᠬᠦᠷᠠᠩ ᠦᠩᠭᠡ ᠠᠴᠠ ᠬᠤᠪᠢᠷᠠᠭᠠᠳ ᠨᠤᠭᠤᠭᠠᠨ ᠦᠩᠭᠡ ᠲᠠᠢ ᠪᠣᠯᠵᠤ᠂ ᠪᠣᠷᠣ ᠪᠤᠷᠴᠠᠭ ᠤᠨ | ᠴᠢᠨᠡᠬᠡᠨ ᠪᠡᠶᠡ ᠲᠠᠢ ᠱᠣᠪᠣᠭᠤᠷ ᠬᠤᠰᠢᠭᠤ ᠲᠠᠢ ᠨᠤᠭᠤᠭᠠᠨ ᠦᠩᠭᠡ ᠲᠠᠢ ᠦᠷᠡ ᠶᠢᠨ ᠬᠤᠩᠭᠤᠷᠴᠠᠭ ︵ ᠮᠤᠨᠴᠤᠭ︶ | ᠰᠠᠭᠤᠵᠤ᠂ 7 ᠰᠠᠷᠠ ᠶᠢᠨ ᠬᠤᠷᠢᠳ ᠠᠴᠠ 8 ᠰᠠᠷᠠ ᠶᠢᠨ ᠡᠬᠢ ᠬᠦᠷᠲᠡᠯᠡᠬᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ | ᠲᠣᠣᠷᠠᠢ ᠶᠢᠨ ᠦᠷᠡ ᠠᠭᠠᠵᠢᠮ ᠢᠶᠠᠷ ᠪᠣᠯᠪᠠᠰᠤᠷᠠᠵᠤ᠂ ᠦᠷᠡ ᠶᠢᠨ ᠬᠤᠩᠭᠤᠷᠴᠠᠭ ᠨᠢ ᠰᠢᠷᠡᠯᠡᠵᠤ᠂ | ᠬᠤᠰᠢᠭᠤ ᠠᠴᠠ ᠪᠠᠨ ᠡᠬᠢᠯᠡᠨ ᠬᠠᠲᠠᠵᠤ ᠬᠠᠭᠠᠷᠠᠭᠠᠳ ᠬᠦᠪᠥᠩ ᠰᠢᠭ ᠵᠢᠵᠢᠭ ᠴᠠᠭᠠᠨ ᠦᠩᠭᠡ ᠲᠠᠢ ᠰᠠᠪᠰᠡᠭᠡᠷ | ᠤᠩᠭᠠᠷᠢᠯ ᠪᠣᠯᠳᠠᠶᠢᠨ ᠭᠠᠷᠳᠠᠭ᠃ ᠲᠤᠣᠷᠠᠢ ᠶᠢᠨ ᠦᠷᠡ ᠨᠢ ᠬᠠᠷᠠ ᠦᠩᠭᠡ ᠲᠠᠢ᠂ ᠲᠣᠶᠢᠯ ᠤᠨ ᠵᠢᠵᠢᠭ ᠪᠡᠶᠡ ᠲᠠᠢ᠂ | ᠰᠠᠪᠰᠡᠭᠡᠷ ᠴᠠᠭᠠᠨ ᠤᠩᠭᠠᠷᠢᠯ ᠤᠨ ᠳᠤᠮᠳᠠ ᠨᠠᠭᠠᠯᠳᠤᠵᠤ ᠪᠠᠶᠢᠳᠠᠭ᠃ | 4 . ᠲᠤᠣᠷᠠᠢ ᠶᠢᠨ ᠦᠷᠡ ᠤᠨᠠᠬᠤ᠃ ᠲᠣᠣᠷᠠᠢ ᠶᠢᠨ ᠦᠷᠡ ᠶᠢᠨ ᠬᠤᠩᠭᠤᠷᠴᠠᠭ ᠤᠨ ᠬᠠᠯᠢᠰᠤ ᠨᠢ | ᠨᠤᠭᠤᠭᠠᠨ ᠦᠩᠭᠡ ᠠᠴᠠ ᠪᠠᠨ ᠠᠭᠠᠵᠢᠮ ᠢᠶᠠᠷ ᠰᠢᠷᠠᠯᠠᠭᠠᠳ᠂ ᠱᠣᠪᠣᠭᠤᠷ ᠬᠤᠰᠢᠭᠤ ᠨᠢ ᠬᠠᠭᠠᠷᠠᠨ ᠵᠠᠳᠠᠷᠠᠭᠠᠳ᠂ | ᠬᠠᠯᠢᠰᠤ ᠨᠢ ᠤᠷᠪᠠᠶᠢᠨ ᠬᠠᠲᠠᠳᠠᠭ᠃ ᠡᠨᠡ ᠦᠶᠡ ᠳᠤ ᠲᠤᠣᠷᠠᠢ ᠶᠢᠨ ᠦᠷᠡ ᠨᠠᠭᠠᠯᠳᠤᠭᠰᠠᠨ ᠵᠢᠵᠢᠭ ᠴᠠᠭᠠᠨ | ᠤᠩᠭᠠᠷᠢᠯ ᠤᠳ ᠰᠠᠯᠬᠢᠨ ᠳᠤ ᠬᠡᠶᠢᠰᠦᠨ ᠭᠠᠵᠠᠷ ᠤᠨᠠᠭᠠᠳ ᠪᠦᠭᠡᠮᠨᠡᠷᠢᠨ ᠨᠡᠶᠢᠯᠡᠯᠳᠤᠵᠤ᠂ ᠰᠠᠯᠬᠢᠨ ᠤ ᠠᠶᠠ ᠪᠠᠷ | ᠭᠠᠵᠠᠷ ᠰᠠᠢ ᠦᠭᠡᠢ ᠡᠶᠢᠰᠢ ᠲᠠᠶᠢᠰᠢ ᠪᠠᠨ ᠬᠡᠶᠢᠰᠬᠦ ᠪᠤᠶᠤ ᠬᠡᠢ ᠳᠡᠭᠳᠡᠵᠤ᠂ ᠰᠤᠬᠠᠢ ᠪᠤᠳᠠᠨ ᠤ ᠨᠦᠮᠣᠷᠢ ᠳᠤ ᠬᠤᠷᠠᠨ | ᠴᠤᠭᠯᠠᠷᠠᠵᠤ ᠶᠠᠭ ᠯᠠ ᠭᠠᠵᠠᠷ ᠲᠡᠭᠡᠷᠡ ᠴᠠᠭᠠᠨ ᠢᠰᠡᠬᠡᠢ ᠳᠡᠪᠢᠰᠦᠭᠰᠡᠨ ᠮᠡᠳᠣ ᠬᠠᠷᠠᠷᠠᠭᠳᠠᠳᠠᠭ᠃ ᠲᠣᠣᠷᠠᠢ ᠶᠢᠨ | ᠦᠷᠡ ᠶᠢᠨ ᠤᠩᠭᠠᠷᠢᠯ ᠨᠢ ᠲᠣᠶᠢᠯ ᠤᠨ ᠰᠢᠳᠠᠮᠠᠬᠠᠢ ᠴᠢᠨᠠᠷ ᠲᠠᠢ ᠲᠤᠯᠠ᠂ 8 ᠰᠠᠷᠠ ᠪᠣᠯ ᠲᠣᠣᠷᠠᠢ ᠣᠢ ᠳᠣᠲᠣᠷᠠ | ᠭᠠᠯ ᠤᠨ ᠠᠶᠤᠯ ᠭᠠᠷᠬᠤ ᠠᠶᠤᠮᠰᠢᠭᠲᠤ ᠴᠠᠭ ᠬᠤᠭᠤᠴᠠᠭᠠ ᠲᠤᠯᠠ ᠬᠦᠮᠤᠨ ᠪᠥᠬᠦᠨ ᠰᠡᠷᠡᠮᠵᠢᠯᠡᠬᠦ ᠴᠢᠬᠤᠯᠠ ᠲᠠᠢ | ᠴᠠᠭ ᠦᠶᠡ ᠪᠢᠯᠡ᠃ | ᠵᠣᠨ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠲᠣᠣᠷᠠᠢ ᠶᠢᠨ ᠦᠷᠡ ᠶᠢᠨ ᠤᠩᠭᠠᠷᠢᠯ ᠭᠠᠵᠠᠷ ᠪᠣᠯᠭᠠᠨ ᠳᠤ ᠬᠡᠶᠢᠰᠴᠦ᠂ | ᠭᠤᠣᠯ ᠤᠨ ᠲᠠᠩ᠂ ᠭᠤᠣᠯ ᠤᠨ ᠬᠥᠪᠡᠭᠡᠨ ᠤ ᠲᠤᠣᠷᠠᠢ᠂ ᠰᠤᠬᠠᠢ ᠶᠢᠨ ᠤᠢ ᠳᠤᠮᠳᠠᠭᠤᠷ ᠨᠠᠶᠢᠳᠠᠮ ᠪᠤᠲᠠᠷᠠᠵᠤ | ᠪᠠᠶᠢᠪᠠᠴᠤ ᠬᠠᠷᠢᠨ ᠲᠡᠭᠦᠨ ᠤ ᠠᠮᠢᠳᠤᠷᠠᠬᠤ ᠨᠣᠷᠮᠠ ᠨᠢ ᠲᠣᠶᠢᠯ ᠤᠨ ᠳᠣᠣᠷᠠ ᠪᠠᠶᠢᠳᠠᠭ᠃ ᠡᠵᠡᠨᠡ ᠭᠤᠣᠯ ᠡᠪᠦᠯ | ᠬᠠᠪᠤᠷ ᠲᠠᠭᠠᠨ ᠪᠠᠭᠠ ᠤᠰᠤ ᠲᠠᠢ ᠪᠣᠯᠪᠠᠴᠤ ᠵᠤᠨ ᠨᠠᠮᠤᠷ ᠲᠠᠭᠠᠨ ᠬᠠᠭᠤᠷᠠᠢ᠂ ᠲᠣᠣᠷᠠᠢ ᠶᠢᠨ ᠦᠷᠡ ᠤᠨᠠᠬᠤ | ᠦᠶᠡ ᠪᠠᠷ ᠡᠵᠡᠨᠠ ᠨᠤᠳᠤᠭ ᠠᠭᠠᠬᠢᠮᠠ ᠬᠠᠯᠠᠭᠤᠨ᠂ ᠬᠤᠷᠠ ᠪᠤᠷᠣᠭᠠᠨ ᠤᠷᠣᠳᠠᠭ ᠦᠭᠡᠢ ︵ᠬᠠᠪᠤᠷ᠂ ᠵᠣᠨ ᠳᠠᠭᠠᠨ | ᠬᠤᠷᠠ ᠦᠭᠡᠢ᠂ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠠᠷ ᠪᠠᠭᠠ ᠪᠤᠷᠣᠭᠠᠨ ᠲᠠᠢ︶ ᠭᠤᠣᠯ ᠤᠨ ᠤᠰᠤ ᠬᠠᠲᠠᠭᠰᠠᠨ ᠲᠤᠯᠠ | ᠲᠣᠣᠷᠠᠢ ᠶᠢᠨ ᠦᠷᠡ ᠨᠢ ᠰᠠᠯᠬᠢᠨ ᠲᠠᠢ ᠲᠣᠭᠯᠠᠬᠤ ᠠᠴᠠ ᠪᠢᠰᠢ ᠬᠦᠷᠤᠰᠤᠨ ᠳᠤ ᠰᠢᠩᠭᠡᠳᠡᠭ ᠦᠭᠡᠢ ᠮᠠᠭᠤ ᠳᠡᠪᠢᠯᠠᠩ | ᠲᠠᠢ ᠶᠤᠮ᠃ ᠭᠤᠣᠯ ᠤᠨ ᠤᠷᠤᠰᠬᠠᠯ ᠳᠠᠭᠠᠤ ᠬᠠᠶᠠ ᠵᠠᠷᠢᠮ ᠤᠰᠤ ︵ᠬᠦᠪ︶ ᠴᠢᠭᠢᠭ ᠲᠠᠢ ᠨᠠᠭᠤᠷ᠂ ᠨᠠᠮᠤᠭ ᠤᠨ | ᠬᠥᠪᠡᠭᠡ ᠪᠠᠷ ᠲᠣᠣᠷᠠᠢ ᠶᠢᠨ ᠦᠷᠡ ᠬᠡᠶᠢᠰᠤᠨ ᠬᠦᠷᠴᠦ ᠴᠢᠬᠢᠭ ᠲᠤ ᠲᠡᠪᠳᠤᠨ᠂ ᠬᠦᠷᠤᠰᠤᠨ ᠳᠤ ᠰᠣᠶᠣᠭᠠᠯᠠᠵᠤ᠂ | ᠵᠢᠵᠢᠭ ᠨᠠᠶᠢᠯᠴᠠᠭ ᠭᠠᠷᠤᠭᠰᠠᠨ ᠬᠠᠷᠠᠭᠳᠠᠳᠠᠭ ᠪᠣᠯᠪᠠᠴᠤ ᠡᠳᠡᠭᠡᠷ ᠵᠤᠯᠵᠠᠭᠠᠨ ᠳᠤᠣᠷᠠᠢ ᠶᠢᠨ ᠤᠨᠳᠤᠷᠤᠬᠤ ᠨᠣᠷᠮᠠ ᠨᠢ | ᠲᠣᠶᠢᠯ ᠤᠨ ᠲᠤᠤᠷᠠ ᠪᠠᠶᠢᠳᠠᠭ᠃ ᠮᠠᠯᠠᠳᠤᠭᠤᠰᠤ ᠶᠢᠨ ᠬᠦᠨᠣᠭᠡᠯ ᠪᠠ ᠤᠰᠤ ᠴᠢᠭᠢᠭ ᠨᠢ ᠬᠠᠲᠠᠵᠤ᠂ ᠦᠬᠦᠬᠦ | ᠪᠣᠯᠤᠯᠴᠠᠭᠠ ᠶᠡᠭᠡ ᠪᠠᠶᠢᠳᠠᠭ ᠲᠤᠯᠠ ᠦᠷᠡ ᠪᠠᠷ ᠤᠷᠭᠤᠭᠰᠠᠨ ᠲᠤᠣᠷᠠᠢ ᠲᠤᠩ ᠬᠤᠪᠣᠷ ᠪᠠᠶᠢᠳᠠᠭ᠃ ᠬᠠᠷᠢᠨ ᠤᠯᠤᠰ | ᠪᠠ ᠬᠤᠪᠢ ᠬᠦᠮᠤᠨ ᠤ ᠲᠣᠣᠷᠠᠢ ᠣᠢ ᠶᠢ ᠬᠠᠰᠢᠶᠠᠯᠠᠵᠤ ᠪᠢᠲᠡᠭᠦᠮᠵᠢᠯᠡᠭᠰᠡᠨ ᠭᠠᠵᠠᠷ ᠤᠨ ᠭᠤᠣᠯ ᠳᠠᠭᠠᠤ ᠤᠰᠤ | ᠴᠢᠬᠢᠭ ᠲᠠᠢ ᠭᠠᠵᠠᠷ ᠵᠢᠵᠢᠭ ᠵᠢᠵᠢᠭ ᠵᠤᠯᠵᠠᠭᠠᠨ ᠲᠤᠣᠷᠠᠢ ᠨᠤᠭᠤᠳ ᠤᠷᠭᠤᠭᠰᠠᠨ ᠬᠠᠷᠠᠭᠳᠠᠵᠤ ᠪᠠᠶᠢᠯᠠ᠃ ᠬᠡᠷᠪᠡ | ᠬᠦᠮᠤᠨ ᠤ ᠬᠦᠴᠤ ᠪᠠᠷ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠷᠭᠠ ᠪᠠᠷᠢᠯ ᠢ ᠬᠡᠷᠡᠭᠯᠡᠨ ᠲᠤᠣᠷᠠᠢ ᠶᠢᠨ ᠦᠷᠡ ᠶᠢ ᠰᠤᠩᠭᠤᠨ | ᠴᠤᠭᠯᠠᠭᠤᠯᠵᠤ᠂ ᠬᠦᠷᠤᠰᠤᠨ ᠴᠢᠨᠠᠷ ᠢᠶᠠᠷ ᠰᠠᠶᠢᠨ᠂ ᠡᠯᠡᠰᠦᠷᠬᠡᠭ ᠵᠥᠭᠡᠯᠡᠨ ᠭᠠᠵᠠᠷ ᠲᠤ ᠲᠠᠷᠢᠵᠤ᠂ ᠤᠰᠤ | ᠴᠢᠬᠢᠭ ᠢ ᠪᠠᠲᠤᠯᠡᠨ ᠬᠤᠷᠣᠬᠠᠢ ᠪᠠ ᠬᠦᠮᠤᠨ ᠮᠠᠯ ᠤᠨ ᠬᠦᠨᠣᠭᠡᠯ ᠠᠴᠠ ᠬᠠᠮᠠᠭᠠᠯᠠᠵᠤ ᠴᠢᠳᠠᠪᠠᠯ 2 — 3 ᠵᠢᠯ | ᠳᠣᠲᠣᠷᠠ ᠨᠡᠶᠢᠯᠴᠠᠭ ᠲᠣᠣᠷᠠᠢ ᠨᠠᠬᠢᠶᠠᠯᠠᠨ ᠤᠷᠭᠤᠵᠤ ᠣᠨᠳᠤᠷᠤᠵᠤ ᠴᠢᠳᠠᠬᠤ ᠨᠢ ᠵᠠᠶᠢᠯᠠᠰᠢ ᠦᠭᠡᠢ᠃ | ᠲᠠᠶᠢᠮᠤ ᠪᠢᠰᠢ ᠪᠣᠯ ᠵᠢᠯ ᠪᠦᠷᠢ ᠶᠢᠨ ᠲᠣᠣᠷᠠᠢ ᠶᠢᠨ ᠦᠷᠡ ᠰᠠᠯᠬᠢᠨ ᠳᠤ ᠲᠡᠭᠲᠠᠨ ᠭᠠᠵᠠᠷ ᠰᠠᠢ ᠦᠭᠡᠢ | ᠪᠤᠲᠠᠷᠠᠵᠤ᠂ ᠤᠷᠣᠰᠢᠨ ᠲᠣᠭᠲᠠᠨᠢᠬᠤ ᠪᠠᠶᠢᠷᠢ ᠪᠠᠨ ᠠᠯᠲᠠᠨ᠂ ᠠᠯᠤᠰ | ᠬᠡᠶᠢᠰᠦᠨ᠂ ᠡᠯᠡᠰᠤᠨ ᠳᠤ ᠪᠤᠯᠠᠭᠳᠠᠵᠤ᠂ ᠤᠯᠠᠷᠢᠨ ᠤᠰᠠᠳᠬᠤ ᠬᠤᠪᠢ ᠵᠠᠶᠠᠭᠠᠨ ᠠᠴᠠ ᠪᠠᠨ ᠮᠤᠯᠳᠤᠷᠠᠵᠤ ᠴᠢᠳᠠᠬᠤ | ᠦᠭᠡᠢ ᠶᠤᠮ᠃ | 5 . ᠲᠣᠣᠷᠠᠢ ᠰᠢᠷᠠᠯᠠᠬᠤ᠃ ᠲᠤᠣᠷᠠᠢ ᠪᠣᠯ ᠠᠮᠢ ᠪᠥᠬᠡ᠂ ᠠᠮᠢᠳᠤᠷᠠᠬᠤ ᠬᠦᠴᠤᠨ ᠲᠠᠢ ᠮᠣᠳᠣ ᠤᠴᠢᠷ | ᠨᠠᠪᠴᠢ ᠨᠠᠮᠠᠭᠠ ᠨᠢ ᠬᠡᠵᠢᠶᠠᠳᠡ ᠰᠠᠬᠤᠯᠢᠭ ᠵᠤᠵᠠᠭᠠᠨ ᠨᠣᠪ ᠨᠣᠭᠤᠭᠠᠨ ᠦᠩᠭᠡ ᠲᠠᠢ ᠪᠠᠶᠢᠳᠠᠭ᠃ ᠢᠯᠠᠩᠭᠤᠶᠠ | ᠲᠤᠣᠷᠠᠢ ᠶᠢᠨ ᠨᠠᠷᠡᠨ ᠤ ᠲᠠᠯᠠ ᠶᠢᠨ ᠨᠡᠪᠴᠢ ᠨᠢ ᠭᠡᠷᠡᠯ ᠪᠠ ᠢᠯᠴᠢ ᠶᠢᠨ ᠬᠦᠢᠴᠡᠳ ᠬᠠᠩᠭᠠᠯᠲᠠ ᠲᠠᠢ ᠠᠴᠠ ᠪᠣᠯᠵᠤ᠂ | ᠰᠡᠭᠦᠳᠡᠷ ᠲᠠᠯᠠ ᠠᠴᠠ ᠪᠠᠨ ᠨᠡᠩ ᠢᠭᠴᠤ ᠰᠠᠬᠤᠯᠢᠭ᠂ ᠨᠡᠩ ᠦᠩᠭᠡ ᠰᠠᠶᠢᠲᠠᠢ ᠤᠷᠭᠤᠳᠠᠭ᠃ ᠭᠡᠲᠡᠯᠠ | ᠤᠯᠠᠷᠢᠯ ᠤᠨ ᠬᠤᠪᠢᠷᠠᠯᠲᠠ᠂ ᠪᠠᠶᠢᠭᠠᠯᠢ ᠶᠢᠨ ᠰᠢᠨᠡ ᠬᠠᠭᠤᠴᠢᠨ ᠤ ᠰᠣᠯᠢᠭᠳᠠᠯ ᠤᠨ ᠬᠠᠲᠠᠭᠤ ᠬᠠᠤᠯᠢ ᠠᠴᠠ ᠪᠣᠯᠵᠤ | ᠲᠣᠣᠷᠠᠢ ᠶᠢᠨ ᠨᠡᠪᠴᠢ ᠬᠡᠵᠢᠶᠠᠳᠡ ᠮᠦᠩᠬᠡ ᠨᠤᠭᠤᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠭᠡᠢ᠃ ᠵᠢᠯ ᠪᠦᠷᠢ ᠶᠢᠨ 9 | ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠠᠴᠠ 10 ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠬᠦᠷᠲᠡᠯᠠ ᠰᠠᠷᠠ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ | ᠲᠣᠣᠷᠠᠢ ᠶᠢᠨ ᠨᠡᠪᠴᠢ ᠠᠭᠠᠵᠢᠮ ᠢᠶᠠᠷ ᠰᠢᠷᠡᠯᠡᠨᠡ᠃ ᠭᠤᠪᠢ ᠬᠠᠩᠭᠠᠢ ᠪᠠ ᠡᠯᠡᠰᠦᠨ ᠴᠥᠯ ᠭᠠᠵᠠᠷ ᠤᠨ ᠳᠤᠣᠷᠠᠢ 8 | ᠰᠠᠷᠠ ᠶᠢᠨ ᠰᠡᠭᠦᠯᠴᠢ᠂ 9 ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠡᠬᠢᠯᠡᠨ ᠰᠢᠷᠡᠯᠡᠵᠦ᠂ ᠭᠤᠣᠯ ᠤᠨ ᠰᠠᠪᠠ ᠳᠠᠭᠠᠤ ᠲᠣᠣᠷᠠᠢ | ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠤᠶᠤ ᠬᠤᠷᠢᠳ ᠠᠴᠠ ᠡᠬᠢᠯᠡᠨ ᠰᠢᠷᠡᠯᠡᠨᠡ᠃ ᠬᠡᠷᠪᠡ ᠴᠠᠭ ᠠᠭᠤᠷ ᠬᠤᠪᠢᠷᠡᠯᠲᠠ ᠭᠠᠷᠴᠤ᠂ | ᠬᠦᠢᠲᠡᠨ ᠤᠷᠤᠰᠬᠠᠯ ᠳᠤ ᠨᠦᠯᠥᠭᠡᠯᠡᠭᠳᠡᠪᠡᠯ ᠲᠣᠣᠷᠠᠢ ᠰᠢᠷᠠᠯᠠᠬᠤ ᠴᠠᠭ ᠬᠤᠭᠤᠴᠠᠭᠠ ᠨᠢ ᠵᠠᠶᠢᠯᠠᠰᠢ ᠦᠭᠡᠢ | ᠡᠷᠳᠡᠳᠡᠭ ᠶᠠᠪᠤᠳᠠᠯ ᠭᠠᠷᠳᠠᠭ᠃ ᠡᠵᠡᠨᠡ ᠨᠤᠲᠤᠭ ᠤᠨ ᠠᠷᠪᠠᠨ ᠰᠠᠷᠠ ᠪᠣᠯ ᠲᠤᠣᠷᠠᠢ ᠶᠢᠨ ᠮᠣᠳᠣ ᠠᠯᠲᠠᠨ ᠰᠢᠷᠭᠠᠯ | ᠦᠩᠭᠡ ᠪᠠᠷ ᠢᠶᠠᠨ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠶᠢ ᠴᠢᠮᠡᠭᠯᠡᠭᠰᠡᠨ ᠴᠠᠭ ᠦᠶᠡ ᠮᠥᠨ᠃ ᠲᠤᠣᠷᠠᠢ ᠶᠢᠨ ᠠᠯᠲᠠᠨ | ᠰᠢᠷᠭᠠᠯ ᠦᠩᠭᠡ ᠨᠢ ᠪᠠᠶᠠᠨ ᠳᠠᠩᠰᠤᠭ ᠠᠮᠢᠳᠤᠷᠠᠯ ᠢ ᠪᠡᠯᠭᠡᠳᠡᠵᠤ᠂ ᠡᠨᠡ ᠬᠦ ᠭᠤᠶᠣ ᠰᠠᠶᠢᠬᠠᠨ ᠦᠵᠡᠮᠵᠢ ᠳᠤ | ᠰᠣᠭᠲᠤᠭᠤᠷᠬᠠᠭᠰᠠᠨ ᠭᠠᠳᠠᠨᠠ ᠲᠣᠳᠤᠨᠠ ᠶᠢᠨ ᠲᠦᠮᠡ ᠪᠤᠮᠠᠨ ᠬᠦᠮᠤᠰ ᠢ ᠲᠠᠯᠠᠯᠵᠤ ᠪᠠᠶᠢᠳᠠᠭ ᠪᠤᠶᠠᠨ ᠲᠠᠢ ᠲᠤᠣᠷᠠᠢ | ᠶᠢᠨ ᠣᠢ ᠪᠢᠯᠡ᠃ | 6 . ᠳᠤᠣᠷᠠᠢ ᠶᠢᠨ ᠨᠡᠪᠴᠢ ᠤᠨᠠᠬᠤ᠃ ᠲᠣᠣᠷᠠᠢ ᠶᠢᠨ ᠨᠡᠪᠴᠢ ᠨᠢ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠠᠷ ᠶᠡᠭᠡ | ᠬᠡᠮᠵᠢᠶᠠ ᠪᠠᠷ ᠤᠨᠠᠵᠤ᠂ ᠡᠪᠦᠯ ᠤᠨ ᠡᠬᠢ ᠪᠣᠯᠬᠤ ᠳᠤ ᠨᠡᠶᠢᠳᠡᠮ ᠳᠡᠭᠡᠨ ᠤᠨᠠᠵᠤ ᠳᠠᠭᠤᠰᠳᠠᠭ᠃ ᠶᠠᠷᠢᠶᠠᠨ ᠦᠭᠡᠢ | ᠲᠤᠬᠠᠢ ᠶᠢᠨ ᠵᠢᠯ ᠤᠨ ᠴᠠᠭ ᠤᠯᠠᠷᠢᠯ ᠤᠨ ᠬᠤᠪᠢᠷᠠᠯᠲᠠ᠂ ᠬᠦᠢᠲᠠᠨ ᠲᠤᠯᠠᠭᠠᠨ ᠤ ᠪᠠᠶᠢᠳᠠᠯ᠂ ᠰᠠᠯᠬᠢᠨ ᠤ | ᠬᠦᠴᠤ ᠶᠢᠨ ᠶᠡᠭᠡ ᠪᠠᠭᠠ ᠵᠡᠷᠭᠡ ᠰᠢᠯᠳᠠᠭᠠᠨ ᠠᠴᠠ ᠪᠣᠯᠵᠤ ᠲᠤᠣᠷᠠᠢ ᠶᠢᠨ ᠨᠡᠪᠴᠢ ᠤᠨᠠᠬᠤ ᠬᠤᠭᠤᠴᠠᠭᠠ ᠨᠢ | ᠡᠷᠳᠡᠯᠡᠬᠦ ᠪᠤᠶᠤ ᠣᠷᠤᠶᠢᠲᠠᠬᠤ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ ᠡᠭᠦᠨ ᠠᠴᠠ ᠭᠠᠲᠠᠨᠠ ᠲᠤᠣᠷᠠᠢ ᠣᠢ ᠶᠢᠨ ᠪᠦᠷᠭᠦᠴᠡ ᠶᠢᠨ | ᠭᠠᠵᠠᠷ ᠣᠷᠣᠨ ᠠᠳᠠᠯᠢ ᠦᠭᠡᠢ ᠠᠴᠠ ᠪᠣᠯᠵᠤ ᠭᠤᠣᠯ ᠪᠠ ᠭᠤᠪᠢ ᠶᠢᠨ ᠵᠥᠷᠢᠶᠠ ᠣᠷᠣᠰᠢᠳᠠᠭ᠃ ᠨᠢᠭᠡ ᠯᠠ | ᠭᠠᠵᠠᠷ ᠲᠤ ᠤᠷᠭᠤᠭᠰᠠᠨ ᠲᠤᠣᠷᠠᠢ ᠣᠢ ᠶᠢᠨ ᠨᠡᠪᠴᠢ ᠤᠨᠠᠬᠤ ᠴᠠᠭ ᠨᠢ ᠬᠤᠭᠤᠷᠤᠨᠲᠣ ᠪᠠᠨ ᠠᠷᠪᠠᠭᠠᠳ ᠡᠳᠤᠷ | ᠴᠢᠨᠠᠭᠰᠢᠯᠠᠨ ᠬᠠᠭᠠᠰ ᠰᠠᠷᠠ ᠶᠢᠨ ᠵᠥᠷᠢᠶᠠ ᠲᠠᠢ ᠪᠠᠶᠢᠳᠠᠭ᠃ ᠳᠤᠣᠷᠠᠢ ᠶᠢᠨ ᠨᠠᠪᠴᠢ ᠨᠢᠭᠡ ᠯᠡ ᠡᠳᠦᠷ ᠤᠨ ᠶᠡᠭᠡ | ᠰᠠᠯᠬᠢᠨ ᠳᠤ ᠪᠥᠬᠦᠨ ᠢᠶᠠᠷ ᠢᠶᠠᠨ ᠤᠨᠠᠵᠤ ᠳᠠᠭᠤᠰᠳᠠᠭ ᠪᠢᠰᠢ᠂ ᠬᠠᠷᠢᠨ ᠰᠠᠷᠠ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ | ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ᠂ ᠪᠠᠭᠠ ᠪᠠᠭᠠ ᠪᠠᠷ ᠤᠨᠠᠭᠰᠠᠭᠠᠷ ᠪᠠᠶᠢᠭᠠᠳ ᠳᠠᠭᠤᠰᠳᠠᠭ᠃ ᠡᠩ ᠤᠨ ᠪᠠᠶᠢᠳᠠᠯ ᠲᠣᠣᠷᠠ | ᠠᠭᠤᠷ ᠠᠮᠢᠰᠬᠤᠯ ᠤᠨ ᠣᠨᠴᠠᠭᠠᠢ ᠬᠤᠪᠢᠷᠠᠯᠲᠠ ᠦᠭᠡᠢ ᠦᠶᠡ ᠳᠤ ᠪᠠᠷᠤᠭ ᠲᠠᠭᠠᠨ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠠᠴᠠ 11 | ᠰᠠᠷᠠ ᠶᠢᠨ ᠡᠬᠢ ᠬᠦᠷᠬᠦ ᠳᠤ ᠲᠣᠣᠷᠠᠢ ᠶᠢᠨ ᠨᠡᠪᠴᠢ ᠦᠨᠳᠦᠰᠤᠨ ᠳᠡᠭᠡᠨ ᠤᠨᠠᠵᠤ ᠳᠠᠭᠤᠰᠤᠨᠠ᠃ ᠭᠡᠳᠡᠯᠡ ᠣᠨᠴᠠ | ᠶᠡᠭᠡ ᠬᠦᠲᠡᠨᠤᠷᠣᠰᠬᠠᠯ ᠤᠨ ᠨᠥᠯᠥᠭᠡ ᠠᠴᠠ ᠪᠣᠯᠵᠤ ᠨᠡᠪᠴᠢ ᠤᠨᠠᠬᠤ ᠴᠠᠭ ᠨᠢ ᠤᠷᠢᠳᠴᠢᠯᠠᠬᠤ ᠪᠤᠶᠤ ᠵᠠᠷᠢᠮ | ᠲᠤᠣᠷᠠᠢ ᠶᠢᠨ ᠨᠡᠪᠴᠢ ᠨᠢ ᠲᠤᠣᠷᠠᠢ ᠶᠢᠨ ᠨᠠᠮᠠᠭᠠᠨ ᠳᠡᠭᠡᠷᠡ ᠪᠠᠨ ᠬᠥᠯᠳᠡᠵᠤ᠂ ᠠᠭᠠᠵᠢᠮ ᠢᠶᠠᠷ ᠬᠠᠲᠠᠭᠠᠳ ᠳᠠᠷᠠᠭᠠ | ᠵᠢᠯ ᠤᠨ ᠬᠠᠪᠤᠷ ᠰᠠᠶ᠋ᠢ ᠤᠨᠠᠵᠤ ᠳᠠᠭᠤᠰᠳᠠᠭ ᠪᠠᠶᠢᠨᠠ᠃ | 7 .ᠳᠤᠣᠷᠠᠢ ᠶᠢᠨ ᠬᠠᠯᠢᠰᠤ᠂ ᠲᠤᠣᠷᠠᠢ ᠶᠢᠨ ᠴᠢᠰᠤ — ᠤᠰᠤ᠃ ᠲᠣᠣᠷᠠᠢ ᠪᠣᠯ ᠢᠵᠢᠯ ᠢᠵᠠᠭᠤᠷ ᠲᠠᠢ | ᠳᠣᠷᠤᠭ ᠮᠣᠳᠣᠳ ᠲᠠᠢ ᠬᠡᠯᠪᠡᠷᠢ ᠳᠦᠷᠰᠤ᠂ ᠣᠨᠴᠠᠯᠢᠭ ᠰᠢᠨᠵᠢ ᠶᠢᠨ ᠲᠠᠯᠠ ᠪᠠᠷ ᠠᠳᠠᠯᠢ ᠦᠭᠡᠢ ᠮᠥᠷᠲᠡᠭᠡᠨ | ᠪᠤᠰᠤᠳ ᠲᠥᠷᠥᠯ ᠤᠨ ᠲᠣᠷᠤᠭ ᠮᠣᠳᠤᠳ ᠲᠠᠢ ᠢᠯᠭᠠᠭᠠ ᠨᠡᠩ ᠶᠡᠭᠡ ᠪᠠᠶᠢᠳᠠᠭ᠃ ᠡᠵᠡᠨᠠ ᠨᠤᠳᠤᠭ ᠤᠨ ᠭᠠᠩ | ᠬᠠᠭᠤᠷᠠᠢ᠂ ᠬᠠᠯᠠᠭᠤᠨ ᠭᠦᠢᠲᠡᠨ ᠤ ᠵᠥᠷᠢᠶᠡ ᠶᠡᠭᠡ᠂ ᠰᠠᠯᠬᠢ ᠰᠢᠭᠤᠷᠭᠠᠨ ᠲᠠᠰᠤᠷᠠᠳᠠᠭ ᠦᠭᠡᠢ᠂ ᠭᠤᠪᠢ ᠬᠠᠩᠭᠠᠢ᠂ | ᠡᠯᠡᠰᠤ ᠮᠠᠩᠬᠠ᠂ ᠴᠦᠯᠡᠷᠬᠡᠭ ᠬᠦᠷᠤᠰᠤ ᠰᠢᠷᠤᠢ ᠪᠠᠷ ᠭᠤᠣᠯᠳᠠᠭᠰᠠᠨ ᠡᠶᠢᠮᠤ ᠲᠦᠭᠰᠢᠭᠦᠷᠢᠲᠠᠢ ᠮᠠᠭᠤ ᠣᠷᠴᠢᠨ | ᠲᠣᠭᠤᠷᠢᠨ ᠳᠤ ᠭᠠᠭᠴᠠ ᠬᠦ ᠲᠣᠣᠷᠠᠢ ᠮᠣᠳᠣ ᠯᠠ ᠤᠷᠭᠤᠵᠤ ᠴᠢᠳᠠᠬᠤ ᠠᠴᠠ ᠪᠢᠰᠢ ᠪᠣᠰᠤᠳ ᠲᠦᠷᠤᠯ ᠵᠦᠢᠯ ᠤᠨ | ᠲᠣᠷᠤᠭ ᠮᠣᠳᠣ ᠠᠮᠢᠳᠤᠷᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ ᠲᠣᠣᠷᠠᠢ ᠨᠠᠷᠠᠰᠤᠨ ᠮᠣᠳᠣ ᠰᠢᠭ᠋ ᠲᠡᠭᠷᠢ ᠲᠣᠯᠣᠭᠰᠠᠨ | ᠦᠨᠳᠣᠷ ᠮᠣᠳᠣ ᠪᠢᠰᠢ ᠪᠣᠯᠣᠭᠰᠠᠨ ᠴᠤ ᠪᠡᠶᠡ ᠶᠢᠨ ᠪᠦᠳᠦᠭᠦᠨ ᠢᠶᠠᠷ ᠢᠶᠠᠨ ᠨᠠᠷᠠᠰᠤ ᠮᠠᠶᠢᠯᠠᠰᠤ ᠠᠴᠠ ᠳᠠᠪᠠᠨᠠ᠃ | ᠲᠣᠣᠷᠠᠢ ᠮᠣᠳᠣᠨ ᠤ ᠦᠨᠳᠣᠰᠤ ᠬᠠᠳᠬᠤᠬᠤ ᠬᠡᠮᠵᠢᠶᠠ ᠨᠢ ᠶᠠᠮᠠᠷ ᠴᠤ ᠲᠣᠷᠤᠭ ᠮᠣᠳᠣ ᠲᠠᠢ ᠠᠳᠠᠯᠢᠳᠬᠠᠬᠤ ᠶᠢᠨ | ᠠᠷᠭᠠ ᠦᠭᠡᠢ ᠤᠷᠲᠤ ᠪᠠᠶᠢᠳᠠᠭ᠃ ᠲᠤᠣᠷᠠᠢ ᠮᠣᠳᠣ ᠦᠨᠳᠦᠰᠣ ᠶᠢᠨ ᠰᠠᠶᠢᠨ ᠢᠶᠠᠷ ᠰᠠᠶ᠋ᠢ ᠭᠠᠩ ᠬᠠᠭᠤᠷᠠᠢ ᠲᠠᠢ | ᠲᠡᠮᠡᠴᠡᠯᠳᠤᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠶᠤᠮ᠃ ᠲᠤᠣᠷᠠᠢ ᠮᠣᠳᠣᠨ ᠤ ᠬᠠᠯᠢᠰᠤ ᠶᠢ ᠡᠵᠡᠨᠠ ᠶᠢᠨ ᠮᠤᠩᠭᠤᠯᠴᠤᠳ | ︽ᠲᠣᠣᠷᠠᠢ ᠶᠢᠨ ᠲᠤᠷᠣᠰᠤ︾ ᠭᠡᠵᠦ ᠬᠡᠯᠡᠳᠡᠭ᠃ ᠠᠯᠢ ᠴᠤ ᠮᠣᠳᠣᠨ ᠠᠴᠠ ᠵᠤᠵᠠᠭᠠᠨ ᠪᠠᠶᠢᠳᠠᠭ᠃ ᠲᠤᠣᠷᠠᠢ ᠶᠢᠨ | ᠬᠠᠯᠢᠰᠤ ᠶᠢ ᠵᠤᠯᠵᠠᠭᠠᠨ ᠲᠤᠣᠷᠠᠢ᠂ ᠵᠠᠯᠠᠭᠤ ᠲᠣᠣᠷᠠᠢ᠂ ᠪᠤᠭᠤᠷᠤᠯ ᠲᠤᠣᠷᠠᠢ ᠭᠡᠵᠤ ᠭᠤᠷᠪᠠ ᠬᠤᠪᠢᠶᠠᠨᠠ᠃ | ᠵᠤᠯᠵᠠᠭᠠᠨ ᠲᠣᠣᠷᠠᠢ ᠶᠢᠨ ᠬᠠᠯᠢᠰᠤ ᠶᠢᠨ ᠭᠠᠲᠠᠷ ᠲᠠᠯᠠ ᠨᠢ ᠪᠣᠷᠣ ᠦᠩᠭᠡ ᠲᠠᠢ᠂ ᠳᠣᠲᠣᠷᠠ ᠲᠠᠯᠠ ᠨᠢ ᠴᠠᠶᠢᠪᠤᠷ | ᠰᠢᠷᠠ ᠦᠩᠭᠡ ᠲᠠᠢ᠃ ᠬᠠᠯᠢᠰᠤ ᠨᠢ ᠲᠠᠩ ᠨᠢᠮᠭᠡᠨ ᠪᠠᠶᠢᠳᠠᠭ᠃ ᠵᠠᠯᠠᠭᠤ ᠳᠣᠣᠷᠠᠢ ᠶᠢᠨ ᠬᠠᠯᠢᠰᠤ ᠨᠢ ᠬᠤᠶᠠᠷ | ᠳᠠᠪᠬᠤᠷ ᠪᠠᠶᠢᠳᠠᠭ᠃ ᠳᠣᠲᠣᠷᠠ ᠬᠠᠯᠢᠰᠤ ᠨᠢ ᠨᠢᠮᠭᠡᠨ᠂ ᠤᠯᠠᠪᠤᠷ ᠦᠩᠭᠡ ᠲᠠᠢ᠂ ᠭᠠᠳᠠᠷ ᠬᠠᠯᠢᠰᠤ ᠨᠢ ᠵᠤᠵᠠᠭᠠᠨ | ᠪᠣᠷᠣ ᠦᠩᠭᠡ ᠲᠠᠢ᠃ ᠭᠠᠳᠠᠷ ᠬᠠᠯᠢᠰᠤ ᠨᠢ ᠭᠤᠯᠲᠤ ᠪᠠᠷ ᠢᠶᠠᠨ ᠨᠠᠶᠢᠳᠠᠮ ᠬᠠᠭᠠᠷᠠᠨ ᠠᠩ ᠭᠠᠷᠤᠭᠰᠠᠨ ᠪᠠᠶᠢᠳᠠᠭ᠃ | ᠨᠠᠰᠤᠨ ᠳᠤ ᠬᠦᠷᠥᠭᠰᠠᠨ ᠵᠠᠯᠠᠭᠤ ᠲᠤᠣᠷᠠᠢ ᠶᠢᠨ ᠬᠠᠯᠢᠰᠤ ᠶᠢᠨ ᠵᠤᠵᠠᠭᠠᠨ ᠨᠢ ᠠᠳᠠᠯᠢ ᠦᠭᠡᠢ ᠬᠠᠮᠤᠭ ᠵᠤᠵᠠᠭᠠᠨ ᠨᠢ | 6 — 8 ᠰᠡᠨᠲ᠋ᠢᠮᠧᠲᠷ ᠪᠠᠶᠢᠳᠠᠭ᠃ ᠪᠣᠭᠤᠷᠤᠯ ᠲᠣᠣᠷᠠᠢ ︵100 —200 ᠨᠠᠰᠤ ᠲᠠᠢ︶ ᠶᠢᠨ ᠬᠠᠯᠢᠰᠤ ᠨᠢ | ᠮᠥᠨ ᠲᠣᠲᠣᠷ ᠭᠠᠲᠠᠷ ᠬᠠᠯᠢᠰᠤ ᠭᠡᠵᠦ ᠬᠤᠪᠢᠶᠠᠨᠠ᠃ | ᠳᠣᠲᠣᠷᠠ ᠬᠠᠯᠢᠰᠤ ᠨᠢ 2 —3 ᠰᠠᠨᠲ᠋ᠢᠮᠧᠲᠷ ᠵᠤᠵᠠᠭᠠᠨ᠂ ᠤᠯᠠᠪᠤᠷ ᠰᠢᠷᠠ ᠦᠩᠭᠡ ᠲᠠᠢ᠂ ᠭᠠᠳᠠᠷ ᠬᠠᠯᠢᠰᠤ | ᠨᠢ ᠬᠦᠷᠡᠩ ᠪᠣᠷᠣ ᠦᠩᠭᠡ ᠲᠠᠢ᠂ ᠲᠤᠩ ᠵᠤᠵᠠᠭᠠᠨ ᠮᠦᠷᠲᠡᠭᠡᠨ ᠲᠡᠭᠡᠭᠡᠰᠢ ᠲᠤᠷᠤᠭᠰᠢ ᠪᠠᠨ ᠬᠠᠭᠠᠷᠠᠭᠰᠠᠨ | ᠭᠦᠨ ᠠᠩ ᠴᠠᠪᠠ ᠲᠠᠢ᠃ ᠪᠤᠭᠤᠷᠤᠯ ᠳᠣᠣᠷᠠᠢ ᠶᠢᠨ ᠬᠠᠯᠢᠰᠤ ᠪᠠᠷ ᠬᠠᠰᠢᠶᠠ ᠰᠠᠷᠠᠪᠴᠢ ᠰᠡᠯᠪᠢᠬᠦ᠂ ᠲᠦᠯᠡᠰᠢ | ᠬᠢᠬᠦ ᠳᠤ ᠬᠡᠷᠡᠭᠯᠡᠳᠡᠭ᠃ ᠵᠠᠭᠤ ᠭᠠᠷᠤᠢ ᠨᠠᠰᠤᠳᠠᠢ ᠪᠤᠭᠤᠷᠤᠯ ᠲᠣᠤᠷᠠᠢ ᠶᠢᠨ ᠬᠠᠯᠢᠰᠤᠨ ᠤ ᠵᠤᠵᠠᠭᠠᠨ ᠨᠢ 15 — | 18CM ᠪᠠᠶᠢᠨᠠ᠃ ᠵᠤᠵᠠᠭᠠᠨ ᠬᠠᠯᠢᠰᠤ ᠨᠢ ᠪᠡᠶᠡ ᠶᠢᠨ ᠢᠯᠴᠢ ᠪᠠ ᠪᠡᠶᠡ ᠶᠢᠨ ᠢᠶᠠᠨ ᠳᠣᠲᠤᠷᠠᠬᠢ ᠤᠰᠤ | ᠴᠢᠬᠢᠭ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠵᠣᠨ ᠤ ᠠᠭᠠᠬᠢᠮᠡ ᠬᠠᠯᠠᠭᠤᠨ᠂ ᠡᠪᠦᠯ ᠤᠨ ᠳᠡᠰᠬᠢᠮᠠ ᠬᠦᠢᠲᠡᠨ ᠠᠴᠠ ᠠᠶᠤᠳᠠᠭ | ᠦᠭᠡᠢ᠃ ᠲᠤᠣᠷᠠᠢ ᠶᠢᠨ ᠪᠡᠶᠡ ᠶᠢᠨ ᠤᠰᠤᠨ ᠤ ᠬᠡᠮᠵᠢᠶᠡ ᠲᠣᠶᠢᠯ ᠤᠨ ᠦᠨᠳᠤᠷ᠃ ᠳᠤᠣᠷᠠᠢ ᠶᠢᠨ ᠤᠷᠲᠤ ᠮᠥᠷᠳᠡᠭᠡᠨ | ᠭᠦᠨ ᠦᠨᠳᠦᠰᠦ ᠨᠢ ᠭᠠᠵᠠᠷ ᠤᠨ ᠬᠦᠷᠤᠰᠤᠨ ᠲᠣᠣᠷᠠᠬᠢ ᠤᠰᠤ ᠶᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠣᠷᠣᠨ ᠠᠪᠴᠤ | ᠪᠡᠶᠡ ᠳᠡᠭᠡᠨ ᠰᠢᠩᠭᠡᠭᠡᠵᠦ ᠬᠠᠲᠠᠭᠠᠯᠠᠳᠠᠭ᠃ ᠡᠨᠡ ᠨᠢ ᠳᠠᠷᠤᠢ ᠲᠤᠣᠷᠠᠢ ᠠᠮᠢᠳᠤᠷᠠᠬᠤ ᠶᠢᠨ ᠠᠮᠢᠨ ᠴᠢᠰᠤ— ᠤᠰᠤ | ᠪᠣᠯᠣᠨᠠ᠃ ᠨᠠᠰᠤ ᠭᠦᠢᠴᠡᠭᠰᠠᠨ ᠲᠣᠣᠷᠠᠢ ᠶᠢ ᠰᠦᠬᠡ ᠪᠠᠷ ᠤᠭᠳᠤᠯᠵᠤ ᠪᠠᠶᠢᠳᠠᠯᠠ ᠲᠣᠣᠷᠠᠢ ᠶᠢᠨ ᠭᠤᠣᠯ | ᠬᠠᠪᠢ ᠠᠴᠠ ᠤᠰᠤ ᠴᠣᠷᠬᠢᠨ ᠰᠠᠴᠤᠭᠳᠠᠵᠤ ᠪᠠᠶᠢᠭᠰᠠᠨ ᠭᠡᠵᠤ ᠬᠦᠮᠤᠰ ᠬᠡᠯᠡᠯᠴᠡᠳᠡᠭ᠃ ᠳᠡᠭᠡᠷᠡ ᠵᠠᠭᠤᠨ ᠤ | ᠲᠦᠴᠢᠭᠡᠳ ᠣᠨ ᠤ ᠡᠬᠢ ᠪᠠᠷ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠰᠠᠶᠢᠬᠠᠨᠳᠤᠤᠷᠠᠢ ᠭᠡᠳᠡᠭ ᠪᠦᠳᠦᠭᠦᠨ ᠲᠤᠣᠷᠠᠢ ᠶᠢ | ᠤᠭᠳᠤᠯᠵᠤ ᠪᠠᠶᠢᠵᠠᠢ᠃ ᠨᠢᠭᠡ ᠴᠡᠷᠢᠭ ᠪᠦᠳᠦᠭᠦᠨ ᠲᠣᠣᠷᠠᠢ ᠶᠢᠨ ᠤᠩᠭᠢ ᠶᠢ ᠬᠤᠷᠴᠠ ᠰᠦᠭᠡ ᠪᠠᠷ ᠴᠠᠪᠴᠢᠵᠤ | ᠪᠠᠶᠢᠲᠠᠯᠠ ᠭᠡᠨᠡᠳᠳᠡ ᠲᠤᠣᠷᠠᠢ ᠶᠢᠨ ᠭᠤᠣᠯ ᠠᠴᠠ ᠰᠦ ᠰᠢᠭ ᠴᠠᠭᠠᠨ ᠥᠩᠭᠡ ᠲᠠᠢ ᠤᠰᠤ ᠪᠣᠷᠭᠢᠯᠤᠨ ᠭᠠᠷᠴᠤ᠂ | ᠠᠷᠪᠠᠭᠠᠳ ᠲᠣᠬᠤᠢ ᠦᠨᠳᠤᠷ ᠲᠡᠭᠡᠭᠰᠢ ᠪᠠᠨ ᠪᠤᠷᠭᠢᠯᠤᠨ ᠤᠯᠭᠤᠶᠢᠳᠠᠭᠰᠠᠨ ᠳᠤ ᠲᠡᠷᠡ ᠴᠡᠷᠢᠭ ᠠᠶᠤᠬᠤ ᠳᠠᠭᠠᠨ | ᠡᠷᠢᠶᠡᠨ ᠮᠠᠷᠢᠶᠠᠨ ᠢᠶᠠᠷ ᠣᠷᠢᠯᠠᠨ ᠳᠤᠲᠠᠭᠠᠵᠤ ᠵᠠᠶᠢᠯᠠᠭᠰᠠᠨ ᠭᠡᠰᠡᠨ ᠦᠯᠢᠭᠡᠷ ᠢ ᠨᠢᠭᠡ ᠨᠠᠰᠤᠲᠠᠢ ᠪᠤᠭᠤᠷᠤᠯ ᠡᠪᠦᠭᠡᠨ | ᠨᠠᠳᠠ ᠶᠠᠷᠢᠵᠤ ᠪᠢᠯᠡ᠃ ᠲᠤᠤᠷᠠᠢ ᠶᠢᠨ ᠪᠡᠶᠡ ᠶᠢᠨ ᠤᠰᠤ ᠲᠤᠩ ᠶᠡᠭᠡ ᠤᠴᠢᠷ ᠠᠴᠠ ᠭᠠᠩ ᠠᠴᠠ ᠠᠶᠤᠳᠠᠭ ᠦᠭᠡᠢ | ᠶᠤᠮ᠃ ᠲᠤᠣᠷᠠᠢ ᠮᠣᠳᠣᠨ ᠤ ᠰᠠᠯᠠᠭᠠ ᠨᠠᠮᠠᠭᠠ ᠤᠯᠠᠨ᠂ ᠰᠠᠯᠠᠭᠠ ᠤᠯᠠᠨ ᠳᠠᠭᠠᠨ ᠰᠠᠭᠯᠠᠭᠠᠷ ᠪᠦᠳᠦᠭᠦᠨ | ᠬᠠᠷᠠᠭᠳᠠᠳᠠᠭ᠃ ᠪᠤᠰᠤᠳ ᠲᠦᠷᠤᠯ ᠢᠵᠠᠭᠤᠷ ᠲᠠᠢ ᠲᠣᠷᠤᠭ ᠮᠣᠳᠣᠨ ᠳᠤ ᠲᠣᠣᠷᠠᠢ ᠰᠢᠭ᠋ ᠪᠦᠳᠦᠭᠦᠨ ᠰᠠᠯᠠᠭᠠ ᠲᠠᠢ | ᠮᠣᠳᠣ ᠲᠤᠩ ᠬᠤᠪᠣᠷ ᠪᠠᠶᠢᠳᠠᠭ᠃ ᠨᠠᠰᠤ ᠬᠦᠢᠴᠡᠭᠰᠡᠨ ᠪᠦᠳᠦᠭᠦᠨ ᠲᠤᠤᠷᠠᠢ ᠶᠢᠨ ᠦᠭᠡᠶᠢᠷᠡᠭᠰᠡᠨ ᠰᠠᠯᠠᠭᠠ | ᠮᠥᠴᠢᠷ᠂ ᠬᠠᠲᠠᠵᠤ ᠦᠬᠦᠭᠰᠡᠨ ᠬᠡᠰᠡᠭ ᠢ ᠨᠢ ᠬᠤᠭᠤᠴᠢᠵᠤ ᠠᠪᠤᠭᠠᠳ ᠰᠠᠶᠢᠬᠠᠨ ᠵᠠᠰᠠᠪᠠᠯ ᠲᠣᠤᠷᠠᠢ ᠶᠢᠨ ᠠᠮᠢ | ᠨᠠᠰᠤ ᠶᠢ ᠪᠠᠲᠤᠯᠠᠵᠤ᠂ ᠲᠤᠣᠷᠠᠢ ᠬᠡᠵᠢᠶᠡᠳᠡ ᠵᠠᠯᠠᠭᠤ ᠪᠠᠷ ᠢᠶᠠᠨ ᠪᠠᠶᠢᠳᠠᠭ ᠤᠨᠴᠠᠯᠢᠭ ᠲᠠᠢ᠃ ᠲᠤᠤᠷᠠᠢ | ᠮᠤᠳᠣᠨ ᠳᠤ ᠡᠶᠢᠮᠤ ᠠᠷᠪᠢᠨ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠠᠴᠠ ᠡᠵᠡᠨᠡ ᠨᠤᠳᠤᠭ ᠤᠨ ᠡᠯᠡᠰᠤᠨ | ᠴᠦᠯ ᠤᠨ ᠪᠠᠭᠠᠳᠤᠷ ᠮᠤᠳᠤ ᠬᠡᠮᠡᠨ ᠠᠯᠳᠠᠷᠰᠢᠵᠡᠢ᠃ | 8 . ᠳᠤᠣᠷᠠᠢ ᠳᠤᠤᠭᠠᠷᠬᠤ᠃ ᠳᠤᠣᠷᠠᠢ ᠳᠤᠤᠭᠠᠷᠳᠠᠭ ᠭᠡᠪᠡᠯ ᠳᠤᠣᠷᠠᠢ ᠣᠢ ᠶᠢᠨ ᠲᠤᠬᠠᠢ ᠣᠶᠢᠯᠭᠠᠮᠵᠢ ᠠᠨᠠᠢ | ᠬᠦᠮᠤᠰ ᠭᠠᠶᠢᠬᠠᠬᠤ ᠪᠠᠶᠢᠬᠠ᠃ ᠭᠡᠲᠡᠯᠠ ᠲᠤᠣᠷᠠᠢ ᠦᠨᠡᠬᠡᠷ ᠳᠤᠤᠭᠠᠷᠳᠠᠭ ᠶᠤᠮ᠃ ᠬᠠᠷᠢᠨ ᠴᠠᠭ ᠴᠠᠭ ᠢᠶᠠᠷ | ᠳᠤᠤᠭᠠᠷᠬᠤ ᠦᠭᠡᠢ᠂ ᠶᠢᠰᠤ ᠶᠢᠨ ᠬᠦᠢᠲᠡᠨ ᠢᠶᠠᠷ ᠳᠤᠤᠭᠠᠷᠳᠠᠭ ᠪᠢᠯᠡ᠃ ᠡᠵᠡᠨᠠ ᠨᠤᠳᠤᠭ ᠤᠨ ᠡᠪᠦᠯ ᠤᠨ ᠶᠢᠰᠣ | ᠶᠢᠨ ᠬᠦᠢᠲᠡᠨ ᠲᠤᠩ ᠠᠶᠤᠮᠠᠷ᠃ ᠶᠢᠰᠦ ᠶᠢᠨ ᠬᠦᠢᠲᠡᠨ ᠪᠣᠯᠣᠭᠰᠠᠭᠠᠷ ᠡᠵᠡᠨᠠ ᠶᠢᠨ ᠲᠤᠣᠷᠠᠢ ᠣᠢ ᠨᠡᠶᠢᠳᠡᠮ ᠳᠡᠭᠡᠨ | ᠲᠠᠭ ᠨᠢᠭ᠋ ᠬᠡᠮᠡᠨ ᠲᠤᠤᠭᠠᠷᠳᠠᠭ᠃ ᠶᠠᠷᠢᠶᠡᠨ ᠦᠭᠡᠢ ᠲᠤᠣᠷᠠᠢ ᠲᠤᠤᠭᠠᠷᠬᠤ ᠳᠠᠭᠠᠨ ᠶᠡᠭᠡ ᠬᠡᠮᠵᠢᠶᠡ ᠪᠠᠷ | ᠦᠷᠭᠦᠯᠵᠢᠯᠡᠭᠰᠡᠨ ᠲᠠᠭᠤ ᠭᠠᠷᠳᠠᠭ ᠦᠭᠡᠢ ᠪᠣᠯᠪᠠᠴᠦ ᠬᠠᠶᠠ ᠠᠳᠠ ᠲᠠᠭ ᠲᠠᠨᠳᠠ ᠨᠢᠭ᠋ ᠭᠡᠵᠦ ᠲᠠᠭᠤ ᠭᠠᠷᠴᠤ | ᠪᠠᠶᠢᠳᠠᠭ᠃ ᠶᠢᠰᠤ ᠶᠢᠨ ᠬᠦᠢᠲᠠᠨ ᠳᠤ ᠳᠤᠣᠷᠠᠢ ᠳᠤᠤᠭᠠᠷᠬᠤ ᠨᠢ ᠴᠦᠬᠡᠨ᠂ ᠰᠥᠨᠢ ᠶᠢᠨ ᠭᠦᠨ ᠠᠴᠠ ᠬᠤᠶᠢᠰᠢ | ᠦᠣᠷ ᠴᠠᠶᠢᠳᠠᠯᠠ ᠳᠤᠤᠭᠠᠷᠷᠬᠤ ᠨᠢ ᠤᠯᠠᠨ ᠪᠠᠶᠢᠳᠠᠭ᠃ ᠲᠤᠣᠷᠠᠢ ᠲᠤᠤᠭᠠᠷᠬᠤ ᠶᠢᠨ ᠭᠤᠣᠯ ᠰᠢᠯᠳᠠᠭᠠᠨ ᠨᠢ | ᠬᠦᠢᠲᠡᠨ ᠲᠠᠢ ᠰᠢᠭᠤᠳ ᠬᠤᠯᠪᠣᠭᠠ ᠲᠠᠢ᠃ ᠲᠡᠰᠬᠢᠮᠡ ᠬᠦᠢᠲᠡᠨ ᠳᠤ ᠲᠤᠣᠷᠠᠢ ᠮᠣᠳᠣ ᠬᠦᠯᠳᠡᠬᠦ ᠳᠡᠭᠡᠨ ᠳᠠᠭᠤ | ᠭᠠᠷᠴᠤ ᠪᠠᠶᠢᠭᠠ ᠶᠤᠮ᠃ ᠲᠣᠣᠷᠠᠢ ᠶᠢᠨ ᠲᠤᠤᠭᠠᠷᠬᠤ ᠶᠢᠨ ᠳᠣᠲᠤᠭᠠᠲᠤ ᠰᠢᠯᠳᠠᠭᠠᠨ ᠨᠢ ᠴᠣᠬᠤᠮ ᠶᠠᠭᠤ ᠪᠣᠯᠬᠤ ᠶᠢ | ᠬᠠᠷᠠᠬᠠᠨ ᠮᠡᠳᠡᠭᠡᠳᠤᠢ ᠲᠤᠯᠠ ᠰᠤᠳᠤᠯᠤᠭᠤᠰᠢᠲᠠᠢ ᠰᠡᠲᠦᠪ | ᠪᠣᠯᠬᠤ ᠶᠤᠮ᠃ | | |