| ᠭᠠᠷ ᠤᠷᠠᠯᠠᠯ ᠪᠣᠯ ᠨᠡᠶᠢᠭᠡᠮ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠬᠦᠴᠦᠨ ᠤ ᠬᠥᠭᠵᠢᠯᠲᠡ ᠶᠢ ᠳᠠᠭᠠᠯᠳᠤᠨ᠂ | ᠬᠦᠮᠤᠰ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠭᠡᠨ ᠤ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠭᠰᠠᠨ᠂ ᠦᠷᠭᠡᠨ ᠬᠡᠪᠴᠢᠶᠡᠨ ᠤ ᠤᠷᠠ | ᠮᠡᠷᠭᠡᠵᠢᠯ ᠢ ᠢᠯᠡᠷᠡᠭᠦᠯᠦᠭᠰᠡᠨ ᠰᠣᠶᠣᠯ ᠤᠷᠠᠯᠢᠭ ᠤᠨ ᠪᠦᠲᠦᠭᠡᠭᠳᠡᠭᠦᠨ ᠮᠥᠨ᠃ ᠭᠠᠷ ᠤᠷᠠᠯᠠᠯ ᠤᠨ ᠦᠨᠳᠦᠰᠦᠨ | ᠣᠨᠴᠠᠯᠢᠭ ᠨᠢ ᠬᠦᠮᠥᠰ ᠤᠨ ᠪᠣᠳᠣᠯ ᠰᠡᠳᠭᠢᠴᠡ ᠶᠢᠨ ᠬᠢᠨᠢ ᠠᠮᠢᠳᠤᠷᠠᠯ ᠳᠤ ᠲᠤᠰᠬᠠᠳᠠᠭᠰᠠᠨ ᠭᠤᠸᠠ ᠰᠠᠶᠢᠬᠠᠨ ᠤ | ᠪᠤᠳᠠᠲᠤ ᠢᠯᠡᠷᠡᠯ ᠮᠥᠨ᠃ ᠦᠩᠭᠡᠷᠡᠭᠰᠠᠨ ᠳᠤ ᠡᠵᠡᠨᠠ ᠨᠤᠲᠤᠭ ᠲᠤ ᠭᠠᠷ ᠤᠷᠠᠯᠠᠯ ᠳᠠᠭᠠᠨ ᠠᠪᠢᠶᠠᠰ ᠲᠠᠢ | ᠮᠦᠩᠭᠦᠨ ᠤ ᠲᠠᠷᠬᠠᠨ᠂ ᠲᠡᠮᠤᠷ ᠤᠨ ᠲᠠᠷᠬᠠᠨ᠂ ᠵᠡᠰ ᠭᠠᠤᠯᠢ ᠶᠢᠨ ᠲᠠᠷᠬᠠᠨ᠂ ᠮᠣᠳᠣᠨ ᠤ ᠲᠠᠷᠬᠠᠨ᠂ ᠪᠣᠳᠣᠭᠴᠢᠨ | ᠵᠡᠷᠭᠡ ᠤᠷᠠ ᠮᠡᠷᠭᠡᠵᠢᠯ ᠲᠠᠢ ᠬᠦᠮᠤᠰ ᠨᠡᠯᠢᠶᠠᠳ ᠠᠷᠪᠢᠨ ᠪᠠᠶᠢᠵᠠᠢ᠃ ᠭᠠᠷ ᠤᠨ ᠤᠷᠠ ᠪᠠᠨ ᠭᠠᠷᠭᠠᠨ ᠮᠤᠩᠭᠤᠯ | ᠭᠡᠷ ᠤᠨ ᠤᠨᠢ᠂ ᠬᠠᠨᠠ᠂ ᠡᠭᠦᠳᠡ᠂ ᠰᠠᠪᠠ ᠰᠠᠭᠤᠯᠠᠭᠠ᠂ ᠪᠦᠷᠭᠦᠭᠡᠷ ᠬᠢᠳᠡᠭ ᠬᠥᠮᠤᠰ ᠠᠷᠪᠢᠨ ᠪᠠᠶᠢᠵᠠᠢ᠃ | ᠮᠡᠷᠭᠡᠵᠢᠯ ᠢᠶᠠᠷ ᠦᠨᠳᠤᠷ᠂ ᠲᠠᠷᠬᠠᠯᠠᠬᠤ ᠳᠤ ᠬᠦᠴᠢᠷᠲᠠᠢ ᠠᠪᠲᠡᠷᠡ ᠬᠤᠷᠭᠤ᠂ ᠰᠢᠷᠡᠭᠡ ᠰᠠᠨᠳᠠᠯᠢ᠂ ᠮᠣᠩᠭᠤᠯ ᠭᠡᠷ ᠤᠨ | ᠡᠭᠦᠳᠡ ᠲᠣᠭᠤᠨᠣ ᠬᠢᠵᠦ ᠴᠢᠳᠠᠳᠠᠭ ᠲᠠᠷᠬᠠᠨ ᠴᠤ ᠨᠡᠯᠢᠶᠠᠳ ᠪᠠᠶᠢᠵᠠᠢ᠃ ᠳᠡᠭᠡᠷᠡ ᠵᠠᠭᠤᠨ ᠤ 40 — 60 | ᠣᠨ ᠤ ᠦᠶᠡᠰ ᠢᠶᠠᠷ ᠡᠵᠡᠨᠠ ᠨᠤᠲᠤᠭ ᠲᠤ ᠭᠠᠷ ᠲᠠᠭᠠᠨ ᠤᠷᠠ ᠲᠠᠢ᠂ ᠣᠶᠢᠷᠠ ᠬᠠᠪᠢ ᠳᠠᠭᠠᠨ ᠨᠡᠷᠡ ᠲᠠᠢ | ᠲᠠᠷᠠᠬᠠᠨ ᠢ ᠴᠣᠬᠤᠰ ᠲᠤᠷᠠᠳᠪᠠᠯ᠄ ᠳᠠᠪᠬᠠᠢ᠂ ᠵᠠᠮᠢᠶᠠᠨ᠂ ᠲᠠᠮᠴᠢ᠂ ᠲᠡᠷᠵᠢᠶᠠ᠂ ᠴᠡᠷᠢᠨᠵᠢᠪ᠂ ᠰᠠᠮᠪᠤᠤ᠂ ᠰᠠᠩᠵᠢ᠂ | ᠬᠡᠯᠢᠭᠵᠡᠮᠰᠤ᠂ ᠭᠡᠨᠳᠤᠨ᠂ ᠵᠦᠩᠳᠦᠢ᠂ ᠮᠠ ᠮᠢᠩ ᠰᠢᠨ᠂ ᠼᠣᠣ ᠣᠪᠣᠭᠲᠤ ᠮᠤᠵᠢᠶᠠᠩ ᠵᠡᠷᠭᠡ ᠨᠤᠳᠤᠭ ᠤᠨ ᠤᠯᠠᠨ | ᠲᠦᠮᠡᠨ ᠳᠡᠭᠡᠨ ᠢᠳᠡᠭᠡᠯ ᠲᠠᠢ ᠬᠦᠮᠤᠰ ᠪᠠᠶᠢᠯᠠ᠃ ᠲᠡᠳᠡ ᠥᠪᠡᠷᠰᠡᠳ ᠤᠨ ᠢᠶᠠᠨ ᠤᠷᠠ ᠮᠡᠷᠭᠡᠵᠢᠯ ᠢᠶᠠᠨ | ᠪᠠᠲᠠᠷᠠᠭᠤᠯᠵᠤ᠂ ᠡᠨᠡ ᠨᠤᠳᠤᠭ ᠤᠨ ᠠᠷᠪᠢᠨ ᠠᠶᠢᠯ ᠡᠷᠦᠬᠡ ᠨᠦᠭᠦᠳ ᠲᠤ ᠮᠦᠩᠬᠦ᠂ ᠵᠡᠰ᠂ ᠭᠠᠤᠯᠢ᠂ ᠲᠡᠮᠦᠷ᠂ | ᠮᠣᠳᠣᠨ ᠡᠳᠡᠯᠡᠯ ᠬᠡᠷᠡᠭᠰᠡᠯ ᠢ ᠬᠢᠵᠤ ᠥᠭᠭᠦᠭᠰᠡᠨ ᠪᠥᠭᠡᠳ ᠵᠠᠷᠢᠮ ᠡᠳ᠋ᠯᠡᠯ ᠤᠳ ᠨᠢ ᠣᠳᠣ ᠬᠦᠷᠲᠡᠯᠡ ᠬᠡᠪ ᠢᠶᠠᠷ ᠢᠶᠠᠨ | ᠪᠠᠶᠢᠭᠰᠠᠭᠠᠷ᠃ ᠲᠡᠳᠡᠨ ᠤ ᠣᠷᠡ ᠮᠡᠷᠭᠡᠵᠢᠯ ᠨᠢ ᠡᠵᠡᠨᠡ ᠨᠤᠲᠤᠭ ᠤᠨ ᠠᠷᠠᠳ ᠢᠷᠭᠡᠳ ᠤᠨ ᠠᠮᠢᠳᠤᠷᠠᠯ ᠳᠤᠨᠢ | ᠲᠦᠢᠯ ᠤᠨ ᠲᠥᠭᠦᠮ ᠲᠦᠳᠡ ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠠᠶᠢᠯ ᠡᠷᠦᠭᠡ ᠶᠢᠨ ᠦᠩᠭᠡ ᠲᠦᠷᠰᠤ ᠶᠢ | ᠰᠢᠨᠡᠳᠭᠡᠨ᠂ ᠠᠮᠢᠳᠤᠷᠠᠯ ᠤᠨ ᠠᠭᠤᠯᠭᠠ ᠶᠢ ᠪᠠᠶᠠᠯᠢᠭᠵᠢᠭᠤᠯᠵᠤ᠂ ᠬᠦᠮᠤᠰ ᠲᠤ ᠭᠤᠸᠠ ᠰᠠᠶᠢᠬᠠᠨ ᠤ ᠬᠦᠷᠲᠡᠭᠡᠯ ᠢ | ᠤᠯᠭᠤᠨ ᠡᠵᠡᠨᠠ ᠶᠢᠨ ᠲᠤᠣᠷᠠᠢ ᠶᠢᠨ ᠰᠣᠶᠣᠯ ᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠠᠪᠳᠡᠷᠡ ᠬᠤᠷᠭᠤ ᠶᠢᠨ ᠬᠡ ᠤᠭᠠᠯᠵᠠ ᠪᠣᠯ ᠨᠢᠭᠡᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠤᠷᠠᠯᠢᠭ ᠤᠳ | ᠪᠦᠳᠦᠭᠡᠭᠳᠡᠭᠦᠨ ᠮᠥᠨ᠃ ᠡᠵᠡᠨᠠ ᠶᠢᠨ ᠬᠥᠮᠤᠰ ᠮᠣᠩᠭᠤᠯ ᠭᠡᠷ ᠤᠨ ᠠᠪᠲᠡᠷᠡ ᠬᠤᠷᠭᠤ᠂ ᠣᠷᠣ ᠶᠢᠨ ᠨᠢᠭᠤᠷ᠂ | ᠰᠢᠷᠡᠭᠡ ᠳᠡᠭᠡᠨ ᠬᠡ ᠤᠭᠠᠯᠵᠠ ᠭᠠᠷᠭᠠᠨ᠂ ᠠᠮᠢᠲᠠᠨ ᠤ ᠳᠦᠷᠰᠦ ᠲᠠᠢ ᠵᠢᠷᠤᠭ᠂ ᠳᠦᠷᠪᠡᠯᠵᠢᠨ᠂ ᠲᠣᠭᠤᠢ ᠬᠡ | ᠤᠭᠠᠯᠵᠠ ᠭᠠᠷᠭᠠᠨ ᠤᠷᠠᠯᠠᠬᠤ ᠨᠢ ᠣᠯᠠᠨ ᠬᠠᠷᠠᠭᠳᠠᠨᠠ᠃ ᠠᠪᠲᠡᠷᠡ ᠬᠤᠷᠭᠤ ᠶᠢᠨ ᠨᠢᠭᠤᠷ ᠳᠡᠭᠡᠷᠡ ᠶᠢᠰᠤᠨ ᠨᠦᠭᠡ | ᠲᠠᠢ ᠥᠯᠵᠠᠢ ᠤᠳᠠᠰᠤᠨ ᠬᠡ ᠪᠠᠷ ᠬᠥᠪᠡᠭᠡᠯᠡᠵᠤ ᠂ ᠳᠤᠮᠳᠠ ᠨᠢ ᠠᠷᠢᠶᠠᠲᠠᠨ ᠤ ᠸᠠᠩ ᠪᠣᠯᠬᠤ ᠠᠷᠰᠯᠠᠨ ᠤ ᠲᠦᠷᠰᠤ ᠶᠢ | ᠵᠢᠷᠤᠵᠤ᠂ ᠬᠦᠴᠦᠲᠣ ᠠᠮᠢᠲᠠᠨ ᠤ ᠰᠦᠷ ᠢᠶᠠᠷ ᠬᠤᠣᠷᠲᠠᠨ ᠲᠠᠶᠢᠰᠤᠨ᠂ ᠬᠤᠯᠠᠭᠠᠢ ᠳᠡᠭᠡᠷᠡᠮ᠂ ᠭᠠᠷ ᠪᠠᠷᠴᠢᠳ ᠢ | ᠦᠯᠲᠡᠨ ᠬᠥᠬᠡᠭᠡᠬᠦ ᠭᠡᠰᠡᠨ ᠤᠳᠬᠠ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠵᠦ᠂ ᠵᠣᠭᠤᠰᠤᠨ ᠬᠡ ᠲᠠᠢ ᠵᠢᠷᠤᠭ ᠢᠶᠠᠷ ᠦᠨᠢᠷ | ᠪᠠᠶᠠᠯᠢᠭ᠂ ᠦᠯᠵᠠᠢ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠯ ᠢᠶᠠᠨ ᠪᠡᠯᠭᠡᠳᠡᠵᠦ᠂ ᠶᠣᠰᠣ ᠵᠠᠩᠰᠢᠯ ᠤᠨ ᠲᠠᠯᠠ ᠪᠠᠷ ᠬᠢ ᠪᠣᠳᠣᠯ | ᠰᠠᠳᠬᠢᠴᠠ ᠶᠢᠨ ᠢᠯᠡᠷᠬᠡᠢ ᠲᠤᠰᠬᠠᠯ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | ᠡᠵᠡᠨᠠ ᠨᠤᠲᠤᠭ ᠲᠤ ︽ᠡᠳ᠋ ᠪᠥᠭᠡ ᠡᠵᠡᠨ ᠬᠡᠪᠡᠷᠡᠭ︾ ᠭᠡᠳᠡᠭ ᠦᠭᠡ ᠪᠠᠶᠢᠳᠠᠭ᠃ ᠲᠡᠷᠡᠴᠢᠯᠠᠨ ᠳᠡᠭᠡᠷᠡ | ᠵᠠᠭᠤᠨ ᠤ ᠡᠬᠢ ᠪᠤᠶᠦ ᠳᠤᠮᠳᠠ ᠦᠶᠡ ᠪᠠᠷ ᠬᠢᠭᠰᠡᠨ ᠡᠳ᠋ᠯᠡᠯ ᠬᠡᠷᠡᠭᠰᠠᠯ ᠨᠢ ᠲᠥᠷᠪᠡ ᠲᠠᠪᠤᠨ ᠦᠶᠡ ᠶᠢᠨ | ᠬᠥᠮᠤᠰ ᠤᠨ ᠠᠮᠢᠳᠤᠷᠠᠯ ᠢ ᠳᠠᠮᠵᠢᠨ ᠦᠨᠤ ᠪᠣᠯᠳᠠᠯᠠ ᠬᠠᠲᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨᠠ᠃ ᠵᠢᠱᠢᠶᠡᠯᠠᠪᠠᠯ ᠲᠠᠯᠠᠶᠢᠭᠦᠪ | ᠪᠠᠯᠭᠠᠰᠤᠨ ᠤ ᠤᠯᠠᠭᠠᠨᠭᠡᠷᠡᠯ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠰᠣᠨᠤᠮ ᠤᠨ ᠲᠣᠣᠷᠠᠢ ᠪᠠᠷ ᠬᠢᠭᠰᠡᠨ ᠬᠤᠣᠰ ᠠᠪᠳᠡᠷᠡ ᠨᠢ | ᠳᠡᠭᠡᠷᠡ ᠵᠠᠭᠤᠨ ᠤ ᠬᠤᠷᠢᠭᠠᠳ ᠣᠨ ᠤ ᠰᠡᠭᠦᠯᠴᠢ ᠪᠠᠷ ᠠᠪᠤ ᠡᠵᠢ ᠨᠢ ᠬᠡᠷᠯᠡᠬᠦ ᠳᠡᠭᠡᠨ ᠬᠢᠭᠰᠡᠨ ᠮᠤᠩᠭᠤᠯ ᠭᠡᠷ ᠤᠨ | ᠬᠤᠣᠰ ᠠᠪᠲᠠᠷᠡ ᠨᠢ ᠮᠥᠨ ᠵᠠᠭᠤᠨ ᠤ ᠲᠠᠯᠠᠭᠠᠳ ᠣᠨ ᠤ ᠡᠬᠢ ᠪᠠᠷ ᠰᠠᠯᠪᠢᠨ ᠵᠠᠰᠠᠭᠰᠠᠨ ᠠᠴᠠ ᠦᠨᠥ ᠪᠣᠯᠲᠠᠯᠠ | ᠪᠦᠳᠣᠨ ᠢᠶᠠᠷ ᠢᠶᠠᠨ ᠪᠠᠶᠢᠭᠰᠠᠭᠠᠷ᠂ ᠰᠤᠪᠨᠠᠭᠤᠷ ᠰᠤᠮᠤᠨ ᠤ ᠴᠡᠭᠡ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠰᠠᠬᠢᠯᠲᠤ ᠶᠢᠨ ᠬᠤᠣᠰ | ᠠᠪᠲᠡᠷᠡ ᠶᠢ ᠳᠡᠭᠡᠷᠡ ᠵᠠᠭᠤᠨ ᠤ ᠲᠦᠴᠢᠭᠡᠳ ᠣᠨ ᠤ ᠰᠡᠭᠦᠯᠴᠢ ᠪᠠᠷ ᠮᠠ ᠮᠢᠩ ᠰᠢᠨ ᠭᠡᠳᠡᠭ ᠮᠣᠳᠤᠴᠢᠨ | ᠲᠣᠣᠷᠠᠢ ᠪᠠᠷ ᠬᠢᠵᠦ᠂ ᠮᠥᠨ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ ᠡᠬᠢ ᠪᠠᠷ ᠪᠣᠳᠤᠭᠴᠢᠨ ᠵᠦᠩᠳᠦᠢ ᠬᠡ ᠤᠭᠠᠯᠵᠠ | ᠭᠠᠷᠭᠠᠨ ᠪᠣᠳᠤᠵᠠᠢ᠃ ᠡᠨᠡ ᠠᠪᠲᠡᠷᠠ ᠣᠳᠣ ᠮᠥᠨ ᠪᠦᠳᠣᠨ ᠰᠠᠶᠢᠬᠠᠨ ᠢᠶᠠᠷ ᠢᠶᠠᠨ ᠰᠠᠬᠢᠯᠲᠤ ᠨᠠᠰᠤᠲᠠᠨ ᠤ ᠭᠡᠷ ᠲᠤ | ᠲᠠᠯᠪᠢᠭᠠᠲᠠᠢ ᠪᠠᠶᠢᠭᠰᠠᠭᠠᠷ᠃ ᠮᠣᠩᠭᠤᠯ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠲᠠᠯᠪᠢᠳᠠᠭ ᠴᠣ ᠰᠢᠨᠡ ᠬᠢᠭᠰᠡᠨ ᠬᠡ ᠤᠭᠠᠯᠵᠠ | ᠪᠣᠳᠤᠭ ᠲᠠᠢ ᠬᠤᠣᠰ ᠠᠪᠲᠠᠷᠠ᠂ ᠬᠤᠣᠰ ᠬᠤᠷᠭᠤ ᠶᠢ ᠣᠳᠣ ᠶᠢᠨ ᠦᠨᠡ ᠪᠠᠷ ᠪᠣᠳᠣᠪᠠᠯ ᠪᠠᠷᠤᠭ1600 — | 2000 ᠲᠥᠭᠦᠷᠢᠭ ᠤᠨ ᠦᠨᠡ ᠳᠤ ᠬᠦᠷᠦᠨᠡ᠃ ︵ᠮᠣᠳᠣᠨ ᠤ ᠬᠢᠨᠢ ᠶᠠᠰᠤ ᠴᠢᠨᠠᠷ᠂ ᠬᠢᠭᠰᠡᠨ ᠤᠷᠠ ᠮᠡᠷᠭᠡᠵᠢᠯ᠂ | ᠬᠡ ᠤᠭᠠᠯᠵᠠ ᠶᠢᠨ ᠬᠢᠨᠢ ᠭᠤᠶᠤ ᠰᠠᠶᠢᠬᠠᠨ ᠵᠡᠷᠭᠡ ᠰᠢᠯᠲᠠᠭᠠᠨ ᠠᠴᠠ ᠦᠨᠡ ᠨᠢ ᠬᠤᠭᠤᠷᠣᠨᠳᠤ ᠪᠠᠨ ᠵᠥᠷᠢᠶᠡ ᠲᠠᠢ︶ | ᠣᠳᠣ ᠡᠵᠡᠨᠡ ᠶᠢᠨ ᠮᠤᠩᠭᠤᠯ ᠭᠡᠷ ᠤᠳ ᠢᠶᠠᠷ ᠬᠡ ᠤᠭᠠᠯᠵᠠ ᠪᠣᠳᠤᠭ ᠲᠠᠢ ᠣᠯᠠᠨ ᠵᠦᠢᠯ ᠤᠨ ᠡᠳᠡᠯᠡᠯ ᠬᠡᠷᠡᠭᠰᠡᠯ | ᠨᠡᠶᠢᠳᠡᠮ ᠲᠥᠭᠡᠮᠡᠯᠵᠢᠵᠦ ᠂ ᠶᠠᠰᠤ ᠴᠢᠨᠠᠷ᠂ ᠶᠠᠩᠵᠤ ᠬᠡᠯᠪᠠᠷᠢ᠂ ᠦᠩᠭᠡ ᠪᠤᠳᠤᠭ᠂ ᠤᠳᠬᠠ ᠠᠭᠤᠯᠭᠠ ᠨᠢ | ᠦᠨᠳᠦᠷ ᠲᠦᠪᠰᠢᠨ ᠳᠤ ᠬᠦᠷᠴᠤ᠂ ᠤᠯᠠᠮ ᠭᠤᠶᠤ ᠰᠠᠶᠢᠬᠠᠨ ᠦᠵᠡᠮᠵᠢ ᠲᠠᠢ᠂ ᠬᠡᠪ ᠨᠠᠮᠪᠠᠭᠠ ᠨᠢ ᠤᠯᠠᠮ | ᠭᠤᠴᠣ ᠤᠷᠠᠯᠢᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠡᠵᠡᠨᠡ ᠶᠢᠨ ᠮᠤᠩᠭᠤᠯᠴᠤᠳ ᠤᠨ ᠮᠤᠩᠭᠤᠯ ᠭᠡᠷ ᠤᠨ ᠳᠠᠪᠢᠯᠭᠠ ︵ᠬᠡᠷᠡᠭᠰᠡᠯ︶ ᠨᠢ ᠦᠨᠳᠦᠰᠤᠨ ᠳᠡᠭᠡᠨ | ᠨᠡᠯᠢᠶᠡᠳ ᠡᠮᠬᠢ ᠵᠢᠷᠤᠮ ᠲᠠᠢ᠃ ᠮᠣᠩᠭᠤᠯ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠬᠤᠣᠰ ᠠᠪᠲᠡᠷᠠ ᠶᠢ ᠵᠡᠷᠭᠡᠴᠡᠭᠦᠯᠤᠨ ᠲᠠᠯᠪᠢᠵᠤ᠂ | ᠠᠪᠲᠠᠷᠠ ᠶᠢᠨ ᠨᠢᠭᠤᠷ ᠲᠠᠯᠠ ᠳᠤᠨᠢ ᠤᠷᠳᠤᠯᠵᠢᠨ ᠮᠣᠳᠣᠨ ᠰᠢᠷᠡᠭᠡ ᠲᠠᠯᠪᠢᠳᠠᠭ᠃ ᠬᠤᠶᠢᠮᠤᠷ ᠤᠨ | ᠠᠪᠲᠡᠷᠠ ᠠᠴᠠ ᠪᠠᠨ ᠳᠣᠷᠣᠭᠰᠢ ᠵᠠᠯᠭᠠᠨ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯᠠ ᠳᠠᠭᠠᠨ ᠲᠣᠰᠪᠤᠷᠢ ᠬᠤᠶᠠᠷ ᠮᠣᠳᠣᠨ | ᠣᠷᠣ ᠲᠠᠢ᠃ ᠪᠠᠷᠠᠭᠤᠨ ᠵᠡᠭᠦᠨ ᠬᠤᠶᠠᠷ ᠣᠷᠣ ᠶᠢᠨ ᠲᠣᠣᠷᠠ ᠲᠠᠯᠠ ᠲᠣᠰᠪᠤᠷᠢ ᠬᠤᠶᠠᠷ ᠠᠪᠲᠠᠷᠠ ᠲᠠᠯᠪᠢᠨᠠ᠃ | ᠡᠭᠦᠨ ᠢ ᠨᠤᠲᠤᠭ ᠤᠨ ᠬᠢᠨ ᠬᠥᠯ ᠤᠨ ᠠᠪᠲᠡᠷᠠ ᠭᠡᠨᠡ᠃ ᠵᠡᠭᠦᠨ ᠬᠥᠯ ᠤᠨ ᠠᠪᠲᠡᠷᠠ ᠶᠢᠨ ᠲᠣᠣᠷᠠ ᠲᠠᠯᠠ ᠳᠤ | ᠦᠨᠳᠣᠷ ᠢᠶᠠᠷ ᠢᠶᠠᠨ ᠭᠡᠷ ᠤᠨ ᠬᠠᠨᠠ ᠲᠠᠢ ᠰᠠᠴᠠᠭᠤ᠂ ᠤᠷᠲᠤ ᠪᠠᠷ ᠢᠶᠠᠨ 1.2 — 1.4 ᠮᠧᠲᠷ ᠬᠢᠷᠢ᠂ ᠬᠤᠶᠠᠷ | ᠲᠠᠯᠠ ᠳᠠᠭᠠᠨ ᠮᠣᠳᠣᠨ ᠲᠦᠰᠢᠯᠭᠡ ᠲᠠᠢ ᠭᠤᠷᠪᠠᠨ ᠳᠠᠪᠬᠤᠷ ᠤᠷᠲᠤ ᠲᠣᠣᠷᠠᠢ ᠪᠠᠨᠵᠡᠨ ᠢ ᠤᠷᠠᠯᠠᠨ ᠳᠠᠭᠠᠷᠠᠭᠤᠯᠵᠤ | ᠬᠦᠨᠳᠡᠯᠠᠨ ᠲᠠᠯᠪᠢᠭᠰᠠᠨ ᠲᠠᠭ ︵ᠡᠷᠬᠢᠨᠡᠭ︶ ᠲᠠᠢ᠃ ᠡᠨᠡ ᠲᠠᠭ ᠳᠡᠭᠡᠷᠡ ᠲᠣᠭᠤᠭᠠ ᠰᠢᠨᠠᠭᠠ᠂ ᠭᠠᠲᠤᠷᠡ᠂ | ᠳᠠᠪᠤᠷᠡ᠂ ᠠᠶᠠᠭᠠ ᠫᠢᠯᠡ ᠵᠡᠷᠭᠡ ᠭᠠᠯ ᠲᠣᠭᠤᠭᠠᠨ ᠤ ᠬᠡᠷᠡᠭᠰᠡᠯ ᠤᠳ ᠢ ᠦᠷᠡᠵᠤ ᠲᠠᠯᠪᠢᠳᠠᠭ᠃ ᠡᠳᠡᠭᠡᠷ | ᠳᠠᠪᠢᠯᠭᠠ ᠨᠢ ᠦᠩᠭᠡᠷᠡᠭᠰᠡᠨ ᠦᠶᠡ ᠶᠢᠨ ᠨᠡᠯᠢᠶᠡᠳ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠲᠠᠢ᠂ ᠨᠥᠬᠦᠴᠡᠯ ᠰᠠᠶᠢᠲᠠᠢ ᠠᠶᠢᠯ | ᠡᠷᠤᠭᠡ ᠳᠤ ᠯᠠ ᠬᠠᠷᠠᠭᠳᠠᠳᠠᠭ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠠᠴᠠ ᠡᠮᠤᠨᠠ ᠡᠵᠡᠨᠠ ᠨᠤᠳᠤᠭ ᠤᠨ ᠬᠢᠨ | ᠭᠠᠳᠠᠨᠠ ᠣᠷᠣᠨ ᠠᠴᠠ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠣᠷᠣᠭᠤᠯᠳᠠᠭ ᠦᠭᠡᠢ ᠪᠥᠭᠡᠳ ᠲᠠᠶᠢᠮᠤ ᠨᠥᠭᠦᠴᠡᠯ ᠴᠤ ᠪᠠᠶᠢᠭᠰᠠᠨ | ᠦᠭᠡᠢ ᠲᠤᠯᠠ ᠮᠣᠩᠭᠤᠯ ᠠᠶᠢᠯ ᠤᠨ ᠪᠣᠢ ᠪᠦᠬᠦᠢ ᠡᠳᠡᠯᠡᠯ ᠬᠡᠷᠡᠭᠰᠡᠯ ᠤᠳ ᠢ ᠦᠨᠳᠦᠰᠦᠨ ᠳᠡᠭᠡᠨ ᠲᠣᠣᠷᠠᠢ ᠮᠣᠳᠣ ᠪᠠᠷ | ᠬᠢᠵᠤ ᠪᠠᠶᠢᠵᠠᠢ᠃ | ᠲᠣᠣᠷᠠᠢ ᠮᠣᠳᠣ ᠪᠣᠯ ᠤᠰᠤ ᠴᠢᠭᠢᠭ ᠲᠤ ᠢᠯᠵᠢᠷᠡᠬᠦ ᠦᠭᠡᠢ᠂ ᠰᠢᠷᠬᠡᠭ ᠨᠢ ᠵᠥᠭᠡᠯᠡᠨ ᠮᠥᠷᠳᠡᠭᠡᠨ ᠬᠠᠲᠠᠭᠤ | ᠪᠥᠬᠡ᠂ ᠬᠢᠷᠦᠭᠡᠲᠠᠵᠤ᠂ ᠴᠠᠪᠴᠢᠬᠤ᠂ ᠬᠠᠷᠠᠭᠤᠯᠳᠠᠬᠤ᠂ ᠵᠦᠰᠦᠬᠦ ᠳᠤ ᠬᠢᠯᠪᠠᠷ᠂ ᠬᠢᠭᠰᠡᠨ ᠡᠳ᠋ᠯᠡᠯ ᠢ ᠭᠠᠮᠲᠠᠢ | ᠡᠳ᠋ᠯᠡᠪᠡᠯ 60᠂ 70 ᠵᠢᠯ ᠴᠢᠨᠠᠭᠰᠢᠯᠠᠪᠡᠯ ᠵᠠᠭᠤ ᠭᠠᠷᠤᠢ ᠵᠢᠯ ᠪᠣᠯᠳᠠᠭ᠃ ᠡᠵᠡᠨᠠ ᠶᠢᠨ ᠮᠤᠩᠭᠤᠯᠴᠤᠳ ᠬᠠᠶᠠ | ᠨᠢᠭᠡ ᠠᠮᠢᠲᠤ ᠨᠦᠢᠲᠠᠨ ᠲᠣᠣᠷᠠᠢ ᠲᠠᠭᠠᠷᠢᠵᠤ ᠠᠪᠬᠤ ᠬᠡᠷᠡᠭᠴᠡᠭᠡ ᠲᠠᠢ ᠪᠣᠯ ᠯᠠᠮᠠ ᠮᠡᠷᠭᠡᠳ ᠢᠶᠠᠷ ᠲᠦᠯᠭᠡ | ᠦᠵᠡᠭᠦᠯᠵᠤ ᠪᠠᠶᠢᠭᠠᠳ ᠠᠪᠳᠠᠭ ᠪᠠᠶᠢᠯᠠ᠃ ᠡᠭᠴᠡ ᠪᠦᠳᠦᠭᠦᠨ᠂ ᠵᠠᠯᠠᠭᠤ᠂ ᠨᠦᠢᠲᠠᠨ ᠲᠣᠣᠷᠠᠢ ᠶᠢ ᠣᠭᠳᠤᠯᠤᠨ | ᠲᠠᠭᠠᠷᠢᠵᠤ᠂ ᠬᠠᠯᠢᠰᠤ ᠶᠢ ᠨᠢ ᠬᠠᠭᠤᠯᠵᠤ ᠠᠪᠤᠭᠠᠳ ᠵᠣᠨ ᠴᠠᠭ ᠤᠨ ᠬᠠᠯᠠᠭᠤᠨ ᠡᠯᠡᠰᠤᠨ ᠳᠤ ᠪᠤᠯᠠᠵᠤ ᠬᠠᠲᠠᠭᠠᠨᠠ᠃ | ᠢᠩᠭᠢᠵᠦ ᠬᠠᠲᠠᠭᠠᠭᠰᠠᠨ ᠲᠤᠣᠷᠠᠢ ᠶᠠᠰᠤᠯᠢᠭ ᠪᠥᠬᠡ᠂ ᠬᠤᠷᠤᠬᠠᠶᠢᠳᠤᠬᠤ ᠦᠭᠡᠢ᠂ ᠬᠠᠭᠠᠷᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ | ᠬᠠᠲᠠᠭᠠᠭᠰᠠᠨ ᠲᠤᠣᠷᠠᠢ ᠪᠠᠨ ᠬᠡᠷᠡᠭᠴᠡᠭᠡᠨ ᠳᠡᠭᠡᠨ ᠳᠣᠬᠢᠷᠠᠭᠤᠯᠤᠨ ᠨᠢᠮᠭᠡᠨ ᠵᠤᠵᠠᠭᠠᠨ ᠨᠢ ᠠᠳᠠᠯᠢ ᠦᠭᠡᠢ ᠵᠦᠰᠣᠵᠤ᠂ | ᠪᠠᠨᠵᠠ ᠪᠣᠯᠭᠠᠨ ᠮᠣᠩᠭᠤᠯ ᠭᠡᠷ ᠤᠨ ᠡᠭᠦᠳᠡ ᠬᠠᠭᠠᠯᠭᠠ᠂ ᠠᠪᠳᠡᠷᠠ ᠬᠤᠷᠭᠤ᠂ ᠰᠢᠷᠡᠭᠡ ᠰᠠᠨᠳᠠᠯᠢ᠂ ᠲᠠᠭ | ᠲᠠᠯᠪᠢᠭᠤᠷ᠂ ᠤᠷᠣ ᠶᠢᠨ ᠲᠠᠷᠠ᠂ ᠤᠷᠣ ᠶᠢᠨ ᠨᠢᠭᠤᠷ ᠬᠢᠳᠡᠭ᠃ ᠦᠩᠭᠡᠷᠡᠭᠰᠡᠨ ᠳᠤ ᠡᠵᠡᠨᠠ ᠶᠢᠨ ᠮᠤᠩᠭᠤᠯᠴᠤᠳ | ᠨᠦᠢᠲᠠᠨ ᠲᠣᠣᠷᠠᠢ ᠳᠠᠭᠠᠷᠢᠵᠤ ᠮᠠᠯ ᠤᠰᠤᠯᠠᠬᠤ ᠤᠩᠭᠤᠴᠠ ᠬᠢᠵᠦ ᠲᠡᠭᠦᠨ ᠢᠶᠠᠨ ᠲᠡᠮᠡᠭᠡᠨ ᠳᠤ ᠠᠴᠢᠵᠤ ᠨᠡᠭᠦᠳᠡᠭ | ᠪᠣᠯᠬᠤᠷ᠂ ᠤᠩᠭᠤᠴᠠ ᠪᠠᠨ ᠤᠳᠠᠭᠠᠨ ᠵᠢᠯ ᠬᠡᠷᠡᠭᠯᠡᠨᠠ᠃ ᠠᠮᠢᠲᠤ ᠲᠤᠣᠷᠠᠢ ᠲᠠᠭᠠᠷᠢᠵᠤ ᠭᠡᠷ ᠤᠨ ᠡᠳᠡᠯᠡᠯ ᠬᠢᠬᠦ ᠨᠢ | ᠴᠥᠭᠡᠨ᠂ ᠬᠠᠷᠢᠨ ᠬᠠᠲᠠᠵᠤ ᠤᠨᠠᠭᠰᠠᠨ ᠲᠤᠤᠷᠠᠢ ᠪᠠᠷ ᠡᠳ᠋ᠯᠡᠯ ᠬᠡᠷᠡᠭᠰᠠᠯ ᠬᠢᠬᠦ ᠨᠢ ᠤᠯᠠᠨ ᠪᠠᠶᠢᠳᠠᠭ᠃ | ᠭᠠᠵᠠᠷ ᠵᠦᠢ ᠶᠢᠨ ᠣᠷᠴᠢᠨ ᠲᠤᠭᠤᠷᠢᠨ ᠠᠳᠠᠯᠢ ᠦᠭᠡᠢ ᠠᠴᠠ ᠪᠣᠯᠵᠤ ᠲᠣᠣᠷᠠᠢ ᠶᠢᠨ ᠤᠷᠭᠤᠴᠠ᠂ ᠶᠠᠰᠤ | ᠴᠢᠨᠠᠷ ᠨᠢ ᠴᠦ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠭᠤᠣᠯ ᠳᠠᠭᠠᠤ ᠬᠥᠭᠰᠢᠨ ᠲᠤᠣᠷᠠᠢ ᠶᠢᠨ ᠭᠤᠣᠯ ᠨᠢ ᠠᠮᠠᠷᠬᠠᠨ | ᠬᠦᠨᠳᠡᠶᠢᠷᠡᠨ ᠦᠮᠣᠬᠢᠷᠡᠳᠡᠭ᠃ ᠭᠡᠳᠡᠯᠡ ᠭᠤᠪᠢ ᠭᠠᠵᠠᠷ᠂ ᠡᠯᠡᠰᠦ ᠴᠥᠯᠡᠷᠬᠡᠭ ᠭᠠᠵᠠᠷ ᠤᠨ ᠲᠣᠣᠷᠠᠢ ᠶᠢᠨ ᠭᠤᠣᠯ ᠨᠢ | ᠠᠮᠠᠷᠬᠠᠨ ᠬᠦᠨᠳᠡᠶᠢᠷᠡᠳᠡᠭ ᠦᠭᠡᠢ ᠪᠥᠭᠡᠳ ᠬᠦᠨᠳᠡᠶᠢᠷᠡᠭᠰᠡᠨ ᠴᠤ ᠭᠠᠳᠠᠷ ᠲᠠᠯᠠ ᠨᠢ ᠶᠠᠰᠤᠯᠢᠭ ᠪᠠᠶᠢᠳᠠᠭ᠃ | ᠲᠤᠣᠷᠠᠢ ᠶᠢᠨ ᠤᠷᠭᠤᠴᠠ ᠶᠢᠨ ᠶᠠᠩᠵᠤ ᠬᠡᠯᠪᠡᠷᠢ ᠴᠦ ᠠᠳᠠᠯᠢ ᠦᠭᠡᠢ᠂ ᠭᠤᠣᠯ ᠳᠠᠭᠠᠤ ᠣᠷᠣᠨ ᠤ ᠲᠣᠣᠷᠠᠢ ᠶᠢᠨ | ᠰᠢᠷᠬᠡᠭ ᠨᠢ ᠦᠨᠳᠦᠰᠤᠨ ᠳᠡᠭᠡᠨ ᠡᠭᠴᠠ ᠪᠠᠶᠢᠳᠠᠭ᠃ ᠭᠤᠪᠢ᠂ ᠡᠯᠡᠰᠤᠨ ᠭᠠᠵᠠᠷ ᠤᠷᠭᠤᠭᠰᠠᠨ ᠲᠣᠣᠷᠠᠢ ᠶᠢᠨ | ᠰᠢᠷᠬᠡᠭ ᠨᠢ ᠮᠤᠰᠬᠢᠭᠠ ᠮᠣᠷᠣᠢ ᠪᠠᠶᠢᠳᠠᠭ᠃ ᠮᠤᠰᠬᠢᠭᠠ ᠰᠢᠷᠬᠡᠭ ᠲᠠᠢ ᠲᠤᠣᠷᠠᠢ ᠨᠢ ᠶᠠᠰᠤᠯᠢᠭ᠂ ᠪᠥᠬᠡ᠂ ᠤᠰᠤ | ᠴᠢᠭᠢᠭ ᠲᠤ ᠠᠮᠠᠷᠬᠠᠨ ᠢᠯᠵᠠᠷᠠᠬᠤ ᠦᠭᠡᠢ᠂ ᠡᠳ᠋ᠯᠡᠬᠦ ᠳᠤ ᠲᠠᠰᠪᠤᠷᠢᠲᠠᠢ ᠮᠥᠷᠲᠡᠭᠡᠨ ᠭᠤᠶᠣ ᠰᠠᠶᠢᠬᠠᠨ ᠬᠡ | ᠤᠭᠠᠯᠵᠠ ᠲᠠᠢ ᠪᠠᠶᠢᠳᠠᠭ᠃ ᠲᠤᠷᠰᠢᠯᠭᠠ ᠲᠠᠢ ᠮᠣᠳᠣᠴᠢᠨ ᠰᠠᠭᠠᠯᠢ ᠶᠢᠨ ᠰᠠᠭᠤᠯᠠᠭᠠ᠂ ᠠᠶᠢᠷᠠᠭ ᠤᠨ ᠰᠤᠮ | ᠬᠢᠬᠦ ᠳᠡᠭᠡᠨ ᠭᠤᠪᠢ᠂ ᠡᠯᠡᠰᠤᠨ ᠴᠥᠯ ᠭᠠᠵᠠᠷ ᠤᠨ ᠲᠤᠣᠷᠠᠢ ᠠᠴᠠ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠨ ᠰᠤᠩᠭᠤᠳᠠᠭ ᠪᠢᠯᠡ᠃ | ᠴᠠᠢ ᠲᠠᠪᠤᠰᠤᠨ ᠤ ᠤᠭᠤᠷ ᠢ ᠶᠠᠰᠤᠯᠢᠭ ᠲᠤᠣᠷᠠᠢ ᠤᠯᠵᠤ ᠳᠠᠭᠠᠷᠢᠭᠠᠳ ᠭᠤᠣᠯ ᠢ ᠨᠢ ᠭᠠᠯ ᠤᠨ ᠴᠤᠭ ᠢᠶᠠᠷ ᠢᠳᠡᠭ | ᠢᠳᠡᠭ ᠢᠶᠠᠷ ᠰᠢᠳᠠᠭᠠᠨ᠂ ᠰᠢᠳᠠᠭᠳᠠᠭᠰᠠᠨ ᠭᠡᠰᠡᠭ ᠢᠶᠠᠨ ᠵᠤᠷᠠᠵᠤ ᠬᠦᠨᠳᠡᠶᠢᠯᠠᠨ ᠬᠢᠳᠡᠭ᠃ ᠠᠷᠢᠬᠢ ᠨᠡᠷᠡᠬᠦ | ᠪᠦᠷᠭᠦᠭᠡᠷ ᠢ ᠴᠤ ᠬᠠᠲᠠᠭᠰᠠᠨ ᠪᠦᠳᠦᠭᠦᠨ ᠬᠦᠨᠲᠠᠢ ᠲᠤᠣᠷᠠᠢ ᠳᠠᠭᠠᠷᠢᠵᠤ᠂ ᠪᠦᠳᠦᠭᠦᠨ ᠪᠠᠭᠠ ᠶᠢ ᠨᠢ ᠰᠠᠭᠠᠯᠢ ᠶᠢᠨ | ᠲᠣᠭᠤᠭᠠᠨ ᠤ ᠪᠠᠨ ᠬᠡᠮᠵᠢᠶᠠ ᠳᠤ ᠳᠠᠭᠠᠷᠠᠭᠤᠯᠵᠤ ᠦᠨᠳᠤᠷ ᠢᠶᠠᠷ ᠢᠶᠠᠨ ︵0.6 — 0.8 ᠮᠧᠲᠷ ᠪᠠᠶᠢᠳᠠᠭ︶᠂ | ᠳᠠᠭᠠᠷᠢᠭᠰᠠᠨ ᠲᠣᠣᠷᠠᠢ ᠶᠢᠨ ᠢᠶᠠᠨ ᠳᠣᠲᠣᠷᠠ ᠭᠠᠳᠠᠷ ᠢ ᠨᠢ ᠲᠡᠭᠰᠢ ᠰᠠᠶᠢᠬᠠᠨ ᠴᠠᠪᠴᠢᠵᠤ ᠬᠠᠷᠠᠭᠤᠯᠲᠠᠨ᠂ ᠶᠠᠷᠠ | ᠰᠢᠷᠬᠠ ᠶᠢ ᠨᠢ ᠠᠪᠤᠭᠠᠳ᠂ ᠨᠦᠬᠡ ᠶᠢ ᠨᠢ ᠦᠬᠡᠷᠡ ᠮᠣᠳᠣ ᠪᠠᠷ ᠪᠥᠭᠯᠡᠵᠤ ᠬᠢᠳᠡᠭ᠃ ᠰᠠᠭᠤᠯᠠᠭᠠ ᠰᠠᠪᠠ᠂ ᠰᠣᠮ | ᠪᠦᠷᠭᠦᠭᠡᠷ ᠤᠨ ᠭᠠᠳᠠᠭᠤᠷ ᠨᠢ ᠲᠡᠮᠦᠷ ᠴᠠᠭᠠᠷᠢᠭ ᠢᠶᠠᠷ 2 — 3 ᠪᠦᠰᠠ ᠬᠢᠵᠤ ᠪᠥᠭᠯᠡᠭᠡᠳ ᠬᠠᠲᠠᠵᠤ᠂ ᠭᠠᠵᠢᠬᠤ᠂ | ᠬᠠᠭᠠᠷᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ | ᠥᠩᠭᠡᠷᠡᠭᠰᠡᠨ ᠤ ᠡᠵᠡᠨᠠ ᠶᠢᠨ ᠬᠦᠮᠤᠰ ᠨᠠᠶᠢᠳᠠᠮ ᠭᠡᠷ ᠤᠨ ᠭᠠᠳᠠᠨᠠ ᠪᠠᠨ ᠳᠣᠣᠷᠠᠢ ᠪᠠᠷ ᠪᠠᠷᠢᠭᠰᠠᠨ ᠶᠠᠨᠳᠠᠷ | ︵ᠪᠠᠰᠠ ᠰᠦᠷᠤ ᠭᠡᠳᠡᠭ︶ ᠲᠠᠢ ᠪᠠᠶᠢᠳᠠᠭ᠃ ᠶᠠᠨᠳᠠᠷ ᠭᠡᠵᠦ ᠨᠤᠲᠤᠭ ᠤᠨ ᠬᠡᠯᠡᠯᠭᠡ᠂ ᠡᠳ᠋ ᠪᠠᠷᠠᠭᠠ ᠪᠠᠨ ᠬᠤᠷᠢᠶᠠᠬᠤ | ᠲᠥᠭᠦᠮ ᠲᠠᠯᠪᠢᠭᠤᠷ ᠶᠤᠮ᠃ ᠦᠨᠳᠤᠷ ᠪᠣᠭᠤᠨᠢ ᠨᠢ ᠠᠳᠠᠯᠢᠬᠠᠨ ᠠᠴᠠ ᠲᠠᠢ 4 ᠲᠤᠣᠷᠠᠢ ᠶᠢ ᠠᠴᠠ ᠶᠢ ᠨᠢ | ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠪᠤᠯᠠᠵᠤ᠂ ᠬᠤᠶᠠᠷ ᠤᠷᠲᠤ ᠲᠣᠣᠷᠠᠢ ᠮᠣᠳᠣ ︵ᠡᠭᠴᠠ ᠪᠠᠶᠢᠬᠤ ᠬᠡᠷᠡᠭᠲᠡᠢ︶ ᠶᠢ ᠬᠤᠶᠠᠷ | ᠬᠤᠣᠰ ᠠᠴᠠ ᠳᠡᠭᠡᠷᠡ ᠨᠢ ᠳᠠᠭᠠᠷᠠᠭᠤᠯᠤᠨ ᠬᠦᠨᠳᠠᠯᠠᠨᠲ᠋ᠠᠯᠪᠢᠵᠦ᠂ ᠳᠠᠬᠢᠨ ᠠᠷᠪᠢᠨ ᠡᠭᠴᠡ ᠮᠣᠳᠣ ᠶᠢ ᠬᠤᠶᠠᠷ | ᠬᠦᠨᠳᠡᠯᠡᠨ ᠮᠣᠳᠣ ᠲᠡᠭᠡᠷᠡ ᠵᠡᠷᠭᠡᠯᠡᠨ ᠦᠷᠡᠨᠡ᠃ ᠡᠭᠦᠨ ᠢ ᠶᠠᠨᠳᠠᠷ ᠭᠡᠨᠡ᠃ ᠡᠨᠡ ᠪᠣᠯ ᠭᠡᠷ ᠤᠨ ᠢᠯᠡᠭᠦᠦ | ᠭᠠᠷᠤᠭᠰᠠᠨ᠂ ᠦᠯᠡᠳᠡᠭᠰᠠᠨ᠂ ᠡᠰᠡᠭᠦᠯᠡ ᠮᠤᠩᠭᠤᠯ ᠭᠡᠷ ᠲᠤ ᠲᠠᠯᠪᠢᠪᠡᠯ ᠲᠣᠬᠢᠷᠠᠮᠵᠢ ᠦᠭᠡᠢ ᠡᠳ᠋ ᠪᠠᠷᠠᠭᠠ ᠪᠠᠨ | ᠶᠠᠨᠳᠠᠷ ᠲᠡᠭᠡᠷᠡ ᠪᠠᠨ ᠬᠤᠷᠢᠶᠠᠳᠠᠭ᠃ ᠦᠩᠭᠡᠷᠡᠭᠰᠡᠨ ᠳᠤ ᠡᠵᠡᠨᠠ ᠨᠤᠲᠤᠭ ᠲᠤ ᠲᠠᠶᠢᠨ ᠲᠡᠵᠢᠨ᠂ ᠬᠤᠯᠠᠭᠠᠢ | ᠲᠡᠭᠡᠷᠡᠮ ᠲᠤᠩ ᠴᠥᠬᠡᠨ᠂ ᠠᠮᠤᠷ ᠲᠠᠶᠢᠪᠦᠩ ᠨᠤᠲᠤᠭ ᠪᠠᠶᠢᠭᠰᠠᠨ ᠤᠴᠢᠷ ᠶᠠᠨᠳᠠᠷ ᠲᠡᠭᠡᠷᠡ ᠬᠤᠷᠢᠶᠠᠭᠰᠠᠨ ᠡᠳ᠋ | ᠪᠠᠷᠠᠭᠠ ᠪᠠᠨ ᠠᠯᠳᠠᠬᠤ ᠬᠡᠷᠡᠭ ᠲᠤᠩ ᠬᠤᠪᠣᠷ ᠪᠥᠭᠡᠳ ᠨᠡᠭᠦᠳᠠᠯᠴᠢᠨ ᠠᠮᠢᠳᠤᠷᠠᠯ ᠲᠠᠢ ᠮᠤᠩᠭᠤᠯᠴᠤᠳ ᠲᠤ ᠲᠤᠩ | ᠲᠣᠬᠢᠷᠠᠮᠵᠢᠲᠠᠢ ᠪᠠᠷᠠᠭᠠ ᠬᠤᠷᠢᠶᠠᠬᠤ ᠭᠠᠵᠠᠷ ᠲᠤᠯᠠ ᠦᠷᠭᠦᠯᠵᠢ ᠨᠡᠭᠦᠳᠡᠯ ᠬᠢᠳᠡᠭ ᠡᠵᠡᠨᠡ ᠶᠢᠨ ᠮᠤᠩᠭᠤᠯᠴᠤᠳ | ᠪᠣᠯᠭᠠᠨ ᠴᠥᠮ ᠶᠠᠨᠳᠠᠷ ᠲᠠᠢ ᠪᠠᠶᠢᠳᠠᠭ ᠪᠠᠶᠢᠯᠠ᠃ ᠨᠡᠭᠦᠪᠡᠯ ᠪᠠᠷᠠᠭᠠ ᠪᠠᠨ ᠠᠪᠤᠭᠠᠳ ᠶᠠᠨᠳᠠᠷ ᠢᠶᠠᠨ ᠤᠷᠬᠢᠴᠢᠬᠠᠳᠠᠭ᠃ | ᠳᠠᠬᠢᠭᠠᠳ ᠢᠷᠡᠪᠡᠯ ᠪᠡᠯᠡᠭᠡᠨ ᠶᠠᠨᠳᠠᠷ ᠳᠡᠭᠡᠷᠡ ᠪᠠᠨ ᠪᠠᠷᠠᠭᠠ ᠪᠠᠨ ᠬᠤᠷᠢᠶᠠᠳᠠᠭ ᠲᠤᠯᠠ ᠲᠣᠶᠢᠯ ᠤᠨ ᠠᠪᠰᠠᠷᠬᠠᠨ᠂ | ᠲᠥᠭᠦᠮ᠂ ᠦᠨᠡ ᠥᠷᠳᠡᠭ ᠢᠶᠠᠷ ᠳᠣᠣᠷᠠ ᠦᠢᠯᠡᠳᠤᠯ ᠢᠶᠠᠷ ᠶᠡᠭᠡ ᠪᠠᠶᠢᠳᠠᠭ᠃ | | — ᠴᠠ᠊ · ᠰᠠᠶᠢᠵᠢᠷᠠᠬᠤ ᠶᠢᠨ ︽ᠡᠵᠡᠨᠡ ᠲᠤᠤᠷᠠᠢ ᠶᠢᠨ ᠰᠤᠶᠤᠯ︾ ᠬᠡᠭᠦ ᠨᠣᠮ ᠠᠴᠠ | |