| 1.ᠲᠣᠣᠷᠠᠢ ᠤᠩᠭᠤᠴᠠ | ᠲᠡᠯᠡᠶᠢᠭᠦ᠋ᠪ ᠪᠠᠯᠭᠠᠰᠤᠨ ᠠᠴᠠ ᠵᠡᠭᠦᠨᠰᠢ 10 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠭᠠᠵᠠᠷ ᠲᠤ ︽ᠤᠩᠭᠤᠴᠠ ᠶᠢᠨ ᠲᠤᠣᠷᠠᠢ︾ | ᠭᠡᠳᠡᠭ ᠨᠡᠷᠡ ᠲᠠᠢ ᠭᠠᠵᠠᠷ ᠪᠣᠢ᠃ ᠦᠩᠭᠡᠷᠡᠭᠰᠡᠨ ᠳᠤ ᠡᠵᠡᠨᠠ ᠶᠢᠨ ᠮᠤᠩᠭᠤᠯᠴᠤᠳ ᠪᠤᠳᠠ ᠪᠣᠭ ᠮᠠᠯ ᠤᠰᠤᠯᠠᠬᠤ | ᠤᠩᠭᠤᠴᠠ ᠪᠠᠨ ᠪᠦᠭᠦᠲᠡ ᠲᠣᠣᠷᠠᠢ ᠪᠠᠷ ᠬᠢᠳᠡᠭ ᠪᠠᠶᠢᠭᠰᠠᠨ ᠪᠥᠭᠡᠳ ᠮᠠᠨ ᠤ ᠲᠡᠭᠡᠳᠤᠰ ︽ᠤᠩᠭᠤᠴᠠ ᠶᠢᠨ | ᠲᠤᠣᠷᠠᠢ︾ ᠭᠡᠳᠡᠭ ᠭᠠᠵᠠᠷ ᠲᠤ ᠮᠠᠯ ᠤᠰᠤᠯᠠᠬᠤ ᠤᠩᠭᠤᠴᠠ ᠬᠢᠵᠦ ᠪᠠᠶᠢᠭᠰᠠᠨ ᠲᠡᠤᠬᠡ ᠲᠠᠢ ᠪᠣᠯᠬᠤ ᠶᠢ ᠡᠨᠡ | ᠭᠠᠵᠠᠷ ᠤᠨ ᠨᠡᠷᠡ ᠬᠡᠷᠡᠴᠢᠯᠡᠵᠤ ᠪᠠᠶᠢᠭᠠ ᠪᠣᠢ᠃ ᠤᠩᠭᠤᠴᠠ ᠬᠢᠬᠦ ᠳᠤ ᠡᠷᠬᠡᠪᠰᠢ ᠶᠠᠰᠤᠲᠠᠢ᠂ ᠶᠠᠷᠠ ᠰᠢᠷᠬᠠ | ᠦᠭᠡᠢ ᠵᠠᠯᠠᠭᠤ ᠲᠣᠣᠷᠠᠢ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠡᠭᠴᠡ ᠪᠦᠳᠦᠭᠦᠨ᠂ ᠤᠷᠲᠤ ᠲᠤᠣᠷᠠᠢ ᠪᠠᠶᠢᠬᠤ | ᠬᠡᠷᠡᠭᠲᠡᠢ᠃ ᠡᠵᠡᠨᠠ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠲᠤᠣᠷᠠᠢ ᠤᠩᠭᠤᠴᠠ ᠪᠠᠨ ᠬᠤᠶᠠᠷ ᠵᠦᠢᠯ ᠤᠨ ᠠᠷᠭᠠ ᠪᠠᠷ ᠬᠢᠳᠡᠭ᠃ | ᠨᠢᠭᠡ ᠵᠦᠢᠯ ᠨᠢ ᠴᠣᠯ ᠲᠤᠣᠷᠠᠢ ᠶᠢᠨ ᠮᠠᠯᠳᠠᠮᠠᠯ ᠤᠩᠭᠤᠴᠠ᠂ ᠡᠨᠡ ᠨᠢ ᠵᠠᠯᠠᠭᠤ ᠠᠮᠢᠲᠤ ᠨᠤᠶᠢᠳᠠᠨ ᠲᠣᠣᠷᠠᠢ | ᠳᠠᠭᠠᠷᠢᠵᠤ᠂ ᠲᠣᠷᠣᠰᠤ ᠶᠢ ᠨᠢ ᠬᠠᠭᠤᠯᠵᠤ ᠠᠪᠤᠭᠠᠳ ᠴᠥᠴᠠ᠂ ᠤᠭᠤᠯᠢ᠂ ᠰᠦᠭᠡ ᠵᠡᠷᠭᠡ ᠪᠠᠭᠠᠵᠢ ᠬᠡᠷᠡᠭᠯᠡᠨ | ᠨᠣᠶᠢᠲᠠᠨ ᠢᠶᠠᠷ ᠨᠢ ᠴᠠᠪᠴᠢᠵᠤ ᠭᠤᠣᠯ ᠢ ᠨᠢ ᠬᠦᠨᠳᠡᠶᠢᠯᠡᠪᠡᠯ ᠠᠮᠠᠷᠬᠠᠨ ᠪᠠᠶᠢᠳᠠᠭ᠃ ᠡᠩ ᠤᠨ ᠪᠠᠶᠢᠳᠠᠯ | ᠲᠣᠣᠷᠠᠣᠷᠳᠣ ᠪᠠᠷ ᠢᠶᠠᠨ 1.5— 2 ᠮᠧᠲᠷ᠂ ᠥᠷᠭᠡᠨ ᠢᠶᠠᠷ ᠢᠶᠠᠨ 0.4 ᠮᠧᠲᠷ᠂ ᠲᠣᠣᠷᠠ ᠲᠠᠯᠠ ᠨᠢ ᠲᠡᠭᠰᠢ᠂ | ᠳᠡᠭᠡᠲᠤ ᠲᠤᠤᠷᠠᠢ ᠤᠩᠭᠤᠴᠠᠤ ᠬᠤᠶᠠᠷ ᠢᠷᠮᠡᠭ ᠨᠢ ᠤᠩᠭᠤᠴᠠᠨ ᠤ ᠬᠤᠶᠠᠷ ᠲᠠᠯᠠ ᠶᠢᠨ ᠲᠠᠷᠠ ᠲᠠᠢ ᠪᠠᠨ | ᠰᠠᠴᠠᠭᠤ ᠲᠡᠭᠰᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠤᠩᠭᠤᠴᠠ ᠶᠢᠨ ᠪᠡᠶᠡ ᠶᠢᠨ ᠲᠤᠳᠤᠷᠠ ᠶᠢ ᠢᠯᠡᠭᠦᠬᠡᠨ ᠬᠦᠨᠳᠡᠶᠢᠯᠡᠪᠡᠯ | ᠣᠰᠤᠨ ᠤ ᠪᠠᠭᠳᠠᠭᠠᠮᠵᠢ ᠨᠢ ᠶᠡᠭᠡ ᠪᠤᠯᠳᠠᠭ᠃ ᠤᠩᠭᠤᠴᠠ ᠤ ᠲᠡᠭᠡᠳᠤ ᠲᠡᠭᠡᠳᠤ ᠶᠢᠨ ᠬᠤᠶᠠᠷ ᠦᠵᠦᠭᠦᠷ ᠢ | 0.3—0.4 ᠮᠧᠲᠷ ᠤᠷᠳᠤ ᠦᠯᠡᠳᠡᠭᠡᠵᠤ᠂ ᠲᠡᠭᠰᠢ ᠴᠠᠪᠴᠢᠨ ᠣᠩᠭᠤᠴᠠᠨ ᠲᠡᠷᠠ ᠪᠤᠯᠭᠠᠨᠠ᠃ ᠲᠣᠣᠷᠠᠢ | ᠤᠩᠭᠤᠴᠠ ᠪᠣᠯ ᠰᠠᠭᠤᠷᠢ ᠰᠠᠶᠢᠲᠠᠢ᠂ ᠬᠥᠳᠡᠷ ᠪᠥᠭᠡ᠂ ᠤᠰᠤᠨ ᠳᠤ ᠬᠢᠯᠪᠠᠷᠬᠠᠨ ᠢᠯᠵᠢᠷᠡᠬᠦ ᠦᠭᠡᠢ᠂ ᠪᠠᠷᠤᠭ | 40— 50 ᠵᠢᠯ ᠬᠡᠷᠡᠭᠯᠡᠳᠡᠭ᠃ ᠠᠳᠤᠭᠤ ᠮᠠᠯ ᠤᠩᠭᠤᠴᠠᠨ ᠢᠷᠮᠡᠭ ᠢ ᠬᠢᠰᠬᠢᠭᠰᠡᠨ ᠴᠦ ᠭᠢᠯᠪᠡᠷᠬᠠᠨ ᠬᠥᠯᠪᠡᠷᠢᠭᠦ | ᠦᠭᠡᠢ᠃ ᠦᠩᠭᠡᠷᠡᠭᠰᠡᠨ ᠳᠤ ᠮᠠᠯᠴᠢᠳ ᠨᠡᠭᠦᠳᠡᠯ ᠬᠢᠬᠦ ᠳᠡᠭᠡᠨ ᠬᠦᠩᠭᠡᠨ ᠪᠠᠭᠠ ᠤᠩᠭᠤᠴᠠ ᠪᠠᠨ ᠠᠴᠢᠭᠠᠳ | ᠨᠡᠭᠦᠳᠡᠭ ᠪᠠᠶᠢᠭᠰᠠᠨ᠃ ᠨᠥᠬᠦᠭᠡ ᠨᠢᠭᠡ ᠨᠢ ᠬᠦᠨᠳᠡᠢ ᠲᠣᠣᠷᠠᠢ ᠪᠠᠷ ᠬᠢᠭᠰᠡᠨ ᠲᠡᠵᠢᠭᠡᠯ ᠤᠨ ᠤᠩᠭᠤᠴᠠ ᠪᠣᠯᠣᠨᠠ᠃ | ᠡᠨᠡ ᠨᠢ ᠤᠷᠲᠤ ᠡᠭᠴᠡ ᠪᠦᠳᠦᠭᠦᠨ ᠬᠦᠨᠲᠠᠢ ᠲᠤᠣᠷᠠᠢ ᠶᠢ ᠳᠠᠭᠠᠷᠢᠭᠠᠳ ᠪᠤᠰᠬᠠᠨ ᠲᠠᠯᠪᠢᠵᠤ᠂ ᠭᠤᠣᠯ ᠢᠶᠠᠷ ᠨᠢ | ᠬᠠᠭᠠᠰᠯᠠᠨ ᠵᠦᠰᠣᠵᠤ ᠬᠤᠶᠠᠷ ᠤᠩᠭᠤᠴᠠ ᠪᠣᠯᠭᠠᠨ ᠬᠤᠪᠢᠶᠠᠵᠤ᠂ ᠬᠤᠶᠠᠷ ᠲᠠᠯᠠ ᠳᠤᠨᠢ ᠬᠦᠨᠳᠠᠯᠠᠨ ᠮᠣᠳᠣ | ᠬᠠᠲᠠᠵᠤ᠂ ᠳᠣᠲᠤᠷᠠ ᠲᠠᠯᠠ ᠶᠢ ᠨᠢ ᠴᠠᠪᠴᠢᠨ ᠬᠤᠰᠤᠵᠤ ᠴᠡᠪᠡᠷᠯᠡᠭᠡᠳ᠂ ᠮᠠᠯ ᠲᠡᠵᠢᠭᠡᠬᠦ ᠤᠩᠭᠤᠴᠠ ᠬᠢᠳᠡᠭ᠃ | ᠡᠶᠢᠮᠤ ᠤᠩᠭᠤᠴᠠ ᠬᠦᠩᠭᠡᠨ᠂ ᠠᠪᠰᠠᠷᠬᠠᠨ ᠪᠤᠳᠠ ᠪᠤᠭ ᠮᠠᠯ ᠢ ᠲᠡᠵᠢᠭᠡᠵᠦ ᠪᠣᠯᠳᠠᠭ᠃ ᠡᠶᠢᠮᠣ ᠤᠩᠭᠤᠴᠠᠨ ᠳᠤ | ᠬᠡᠷᠴᠢᠭᠰᠡᠨ ᠡᠪᠡᠰᠤ᠂ ᠲᠡᠵᠢᠭᠡᠯ ᠪᠤᠷᠲᠤᠭᠠ ᠬᠢᠭᠡᠳ ᠮᠠᠯ ᠲᠡᠵᠢᠭᠡᠬᠦ ᠳᠤ ᠠᠮᠠᠷᠬᠠᠨ ᠮᠥᠷᠲᠡᠭᠡᠨ ᠠᠰᠬᠠᠵᠤ ᠴᠢᠳᠬᠤᠬᠤ | ᠦᠭᠡᠢ ᠪᠠᠶᠢᠳᠠᠭ᠃ | 2.ᠲᠤᠣᠷᠠᠢ ᠲᠦᠯᠡᠰᠢ᠂ ᠲᠤᠣᠷᠠᠢ ᠬᠠᠰᠢᠶᠡ | ᠲᠤᠣᠷᠠᠢ ᠶᠢᠨ ᠬᠠᠲᠠᠵᠤ ᠦᠬᠢᠷᠡᠭᠡᠳ ᠤᠨᠠᠭᠰᠠᠨ ᠰᠠᠯᠠᠭᠠ ᠮᠥᠴᠢᠷ ᠤᠨ ᠬᠡᠷᠡᠭᠴᠡᠭᠡ ᠲᠤᠩ ᠦᠷᠭᠡᠨ᠃ | ᠬᠠᠳᠠᠭᠰᠠᠨ ᠵᠢᠵᠢᠭ ᠰᠠᠯᠠᠭᠠ ᠮᠦᠴᠢᠷ ᠨᠢ ᠦᠩᠭᠡᠷᠡᠭᠰᠡᠨ ᠳᠤ ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠲᠦᠯᠡᠰᠢ ᠪᠣᠯᠵᠤ ᠪᠠᠶᠢᠪᠠ᠃ | ᠲᠤᠣᠷᠠᠢ ᠮᠣᠳᠣ ᠪᠠᠷ ᠲᠦᠯᠡᠰᠢ ᠬᠢᠪᠡᠯ ᠢᠯᠴᠢ ᠶᠡᠭᠡ᠂ ᠦᠨᠡᠰᠤ ᠪᠠᠭᠠ᠂ ᠬᠤᠭᠤᠷᠠᠬᠤ ᠳᠤ ᠭᠢᠯᠪᠡᠷ᠂ ᠲᠡᠭᠦᠬᠦ ᠳᠤ | ᠲᠥᠬᠦᠮ᠃ ᠬᠠᠮᠢᠭᠠ ᠴᠦ ᠭᠡᠰᠡᠨ ᠦᠭᠡᠢ ᠭᠠᠵᠠᠷ ᠪᠣᠯᠭᠠᠨ ᠳᠤ ᠡᠯᠪᠡᠭ ᠪᠠᠶᠢᠳᠠᠭ ᠰᠠᠶᠢᠨ ᠨᠥᠬᠦᠴᠡᠯ ᠲᠠᠢ ᠤᠴᠢᠷ | ᠬᠦᠮᠤᠰ ᠲᠦᠯᠡᠰᠢ ᠪᠠᠨ ᠬᠢᠬᠦ ᠲᠤᠷᠠᠲᠠᠢ ᠪᠠᠶᠢᠳᠠᠭ᠃ ᠲᠤᠣᠷᠠᠢ ᠶᠢᠨ ᠬᠠᠲᠠᠭᠰᠠᠨ᠂ ᠦᠬᠢᠷᠠᠵᠤ ᠤᠨᠠᠭᠰᠠᠨ ᠪᠦᠳᠦᠭᠦᠨ | ᠰᠠᠯᠠᠭᠠ ᠨᠢ ᠮᠠᠯ ᠤᠨ ᠬᠠᠰᠢᠶᠠ ᠰᠠᠷᠠᠪᠴᠢ᠂ ᠲᠦᠯ ᠤᠨ ᠲᠤᠯᠠᠭᠠᠨ ᠫᠧᠩ ᠪᠠᠷᠢᠬᠤ᠂ ᠬᠤᠳᠳᠤᠭ ᠤᠨ ᠱᠠᠳᠣ ᠬᠢᠬᠦ᠂ | ᠣᠨᠤᠭᠠ ᠮᠠᠯ ᠤᠶᠠᠬᠤ ᠱᠤᠩ᠂ ᠲᠣᠭᠤᠯ ᠤᠨ ᠵᠠᠯᠠ ᠲᠠᠲᠠᠬᠤ᠂ ᠭᠠᠳᠠᠰᠤ ᠮᠣᠳᠣ ᠪᠣᠯᠠᠬᠤ ᠳᠤ ᠴᠢᠬᠤᠯᠠ ᠪᠣᠯᠬᠤ | ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠮᠥᠨ᠃ ᠮᠠᠯ ᠤᠨ ᠬᠠᠰᠢᠶᠠ ᠶᠢ ᠤᠯᠠᠩᠬᠢ ᠳᠠᠭᠠᠨ ᠲᠤᠣᠷᠠᠢ ᠮᠣᠳᠣ ᠪᠠᠷ ᠪᠠᠷᠢᠵᠤ ᠪᠠᠶᠢᠭᠠ | ᠶᠠᠪᠤᠳᠠᠯ ᠪᠣᠯ ᠲᠤᠣᠷᠠᠢ ᠮᠣᠳᠣ ᠡᠯᠪᠡᠭ᠂ ᠲᠡᠭᠦᠵᠤ ᠴᠤᠭᠯᠠᠭᠤᠯᠬᠤ ᠳᠤ ᠬᠢᠯᠪᠠᠷ᠂ ᠬᠠᠰᠢᠶᠠᠨ ᠳᠤ ᠨᠥᠮᠣᠷᠢ ᠲᠠᠢ᠂ | ᠰᠠᠯᠬᠢ ᠪᠤᠷᠣᠭᠠᠨ ᠳᠤ ᠲᠠᠰᠪᠦᠷᠢ ᠲᠠᠢ ᠵᠡᠷᠭᠡ ᠰᠠᠶᠢᠨ ᠲᠠᠯᠠ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠡᠵᠡᠨᠠ ᠶᠢᠨ ᠮᠤᠩᠭᠤᠯᠴᠤᠳ ︽ | ᠲᠤᠤᠷᠠᠢ ᠬᠠᠰᠢᠶᠠ ᠵᠠᠭᠤᠨ ᠵᠢᠯ ᠲᠡᠰᠳᠡᠭ︾ ᠭᠡᠳᠡᠭ ᠶᠤᠮ᠃ | 3.ᠲᠤᠣᠷᠠᠢ ᠶᠢᠨ ᠮᠥᠬᠦ | ᠲᠤᠣᠷᠠᠢ ᠮᠣᠳᠣᠨ ᠠᠴᠠ ᠲᠣᠣᠷᠠᠢ ᠶᠢᠨ ᠬᠤᠵᠢᠷ᠂ ᠲᠣᠣᠷᠠᠢ ᠶᠢᠨ ᠪᠠᠭ᠋ᠤᠤ᠂ ᠲᠤᠣᠷᠠᠢ ᠶᠢᠨ ᠲᠠᠯᠠᠩ | ᠭᠠᠷᠬᠤ ᠠᠴᠠ ᠭᠠᠳᠠᠨᠠ ᠪᠠᠰᠠ ᠲᠤᠣᠷᠠᠢ ᠶᠢᠨ ᠮᠥᠬᠦ ᠤᠷᠭᠤᠳᠠᠭ ᠪᠢᠯᠡ᠃ ᠲᠤᠣᠷᠠᠢ ᠶᠢᠨ ᠮᠥᠬᠦ ᠪᠣᠯ ᠭᠤᠣᠯ ᠤᠨ | ᠤᠷᠤᠰᠬᠠᠯ ᠳᠠᠭᠠᠤ ᠣᠷᠣᠨ ᠤ ᠲᠣᠣᠷᠠᠢ ᠣᠢ ᠲᠣᠲᠣᠷᠠ ᠤᠷᠭᠤᠳᠠᠭ ᠮᠥᠬᠦ ᠶᠢᠨ ᠨᠢᠭᠡ ᠲᠦᠷᠤᠯ ᠵᠦᠢᠯ ᠮᠥᠨ᠃ | ᠦᠩ ᠲᠠᠢ ᠵᠢᠯ ᠤᠨ ᠵᠣᠨ ᠨᠠᠮᠤᠷ ᠤᠨ ᠴᠠᠭ ᠢᠶᠠᠷ ᠲᠤᠤᠷᠠᠢ ᠶᠢᠨ ᠤᠩᠬᠢ᠂ ᠲᠤᠣᠷᠠᠢ ᠮᠣᠳᠣᠨ ᠤ ᠬᠠᠵᠠᠭᠤ ᠠᠴᠠ | ᠲᠤᠣᠷᠠᠢ ᠶᠢᠨ ᠮᠥᠬᠦ ᠤᠷᠭᠤᠳᠠᠭ᠃ ᠲᠤᠣᠷᠠᠢ ᠮᠣᠳᠣ ᠪᠠᠷ ᠱᠠᠲᠤᠯᠠᠭᠰᠠᠨ ᠬᠤᠳᠳᠤᠭ ᠤᠨ ᠱᠠᠳᠤᠨ ᠠᠴᠠ ᠪᠠᠰᠠ | ᠲᠣᠣᠷᠠᠢ ᠮᠥᠬᠦ ᠤᠷᠭᠤᠳᠠᠭ ᠪᠢᠯᠡ᠃ ᠲᠤᠣᠷᠠᠢ ᠮᠥᠬᠦ ᠨᠢ ᠭᠠᠵᠠᠷ ᠤᠨ ᠮᠥᠬᠦ ᠶᠢ ᠪᠤᠳᠣᠪᠠᠯ ᠨᠠᠷᠢᠨ ᠮᠥᠷᠲᠡᠭᠡᠨ | ᠵᠢᠵᠢᠭ ᠤᠷᠭᠤᠳᠠᠭ᠃ ᠳᠤᠣᠷᠠᠢ ᠶᠢᠨ ᠮᠥᠬᠦ ᠭᠠᠭᠴᠠ ᠭᠠᠭᠴᠠ ᠪᠠᠷ ᠢᠶᠠᠨ ᠤᠷᠭᠤᠬᠤ ᠠᠴᠠ ᠭᠠᠳᠠᠨᠠ ᠤᠯᠠᠨ ᠮᠥᠬᠦ | ᠨᠢᠭᠡ ᠲᠣᠣᠷᠠ ᠪᠠᠭᠰᠢᠷᠠᠨ ᠤᠷᠭᠤᠳᠠᠭ ᠴᠤ ᠪᠠᠶᠢᠳᠠᠭ᠃ ᠲᠤᠣᠷᠠᠢ ᠶᠢᠨ ᠮᠥᠬᠦ ᠪᠣᠯ ᠠᠮᠲᠠᠯᠢᠭ᠂ ᠵᠦᠭᠡᠯᠡᠨ᠂ | ᠦᠴᠦᠭᠡᠨ ᠲᠠᠪᠤᠰᠤᠯᠢᠭ᠂ ᠲᠣᠰᠣᠷᠬᠠᠭ᠂ ᠰᠡᠷᠢᠭᠦᠨ ᠵᠡᠷᠭᠡ ᠣᠨᠴᠠᠯᠢᠭ ᠰᠢᠨᠵᠢ ᠲᠠᠢ᠃ ᠲᠤᠣᠷᠠᠢ ᠶᠢᠨ ᠮᠥᠬᠦ ᠪᠠᠷ | ᠬᠠᠭᠤᠷᠤᠯᠭᠠ ᠬᠢᠬᠦ᠂ ᠱᠦᠯᠤ ᠬᠢᠬᠦ ᠳᠤ ᠲᠣᠬᠢᠷᠠᠮᠵᠢᠲᠠᠢ᠃ ᠲᠤᠣᠷᠠᠢ ᠶᠢᠨ ᠮᠥᠬᠦ ᠪᠣᠯ ᠬᠡᠢ ᠶᠢ ᠳᠠᠷᠤᠨ ᠰᠢᠷᠠ ᠶᠢ | ᠠᠷᠢᠯᠭᠠᠵᠤ᠂ ᠮᠢᠬᠠᠨ ᠤ ᠬᠤᠣᠷᠠ ᠶᠢ ᠲᠠᠶᠢᠯᠬᠤ᠂ ᠰᠢᠷᠬᠠ ᠶᠢ ᠡᠳᠡᠭᠡᠬᠦ ᠦᠢᠯᠡᠳᠤᠯ ᠲᠠᠢ ᠲᠤᠯᠠ ᠰᠢᠮᠡ ᠲᠡᠵᠢᠭᠡᠯ | ᠲᠠᠢ ᠢᠳᠡᠭᠡᠨ ᠪᠣᠯᠬᠤ ᠶᠤᠮ᠃ ᠲᠤᠣᠷᠠᠢ ᠶᠢᠨ ᠮᠥᠬᠦ ᠨᠢ ᠴᠢᠨᠠᠷ ᠪᠠ ᠴᠢᠳᠠᠯ ᠤᠨ ᠲᠠᠯᠠ ᠪᠠᠷ ᠬᠡᠲᠤᠶᠢᠪᠡᠷ ᠭᠠᠵᠠᠷ ᠤᠨ | ᠮᠥᠬᠦ ᠶᠢ ᠬᠦᠷᠬᠦ ᠦᠭᠡᠢ ᠪᠣᠯᠪᠠᠴᠤ ᠣᠳᠣ ᠨᠡᠶᠢᠭᠡᠮ ᠲᠠᠶᠠᠭᠠᠷ ︽ᠪᠤᠬᠢᠷᠳᠤᠭᠰᠠᠨ ᠢᠳᠡᠭᠡᠨ︾ ᠭᠠᠵᠠᠷ ᠰᠠᠢ ᠦᠭᠡᠢ | ᠭᠠᠷᠤᠭᠠᠳ ᠬᠦᠮᠤᠨ ᠲᠦᠷᠤᠯᠬᠢᠲᠡᠨ ᠤ ᠡᠷᠡᠭᠦᠯ ᠮᠠᠨᠳᠦ ᠶᠢ ᠬᠦᠨᠳᠦ ᠨᠤᠴᠢᠲᠠᠢ ᠰᠦᠷᠳᠡᠭᠦᠯᠵᠦ ᠪᠠᠶᠢᠭᠠ ᠡᠨᠡ | ᠡᠷᠡᠨ ᠳᠤ ᠲᠣᠣᠷᠠᠢ ᠶᠢᠨ ᠮᠥᠬᠦ ᠶᠢ ᠲᠡᠳᠡᠭᠡᠷ ︽ᠪᠣᠬᠢᠷᠲᠤᠭᠰᠠᠨ ᠢᠳᠡᠭᠡᠨ︾ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠶᠢᠨ ᠠᠷᠭᠠ | ᠦᠭᠡᠢ ᠳᠠᠪᠠᠭᠤᠯᠢᠭ ᠲᠠᠯᠠ ᠲᠠᠢ ᠴᠡᠪᠡᠷ ᠰᠠᠶᠢᠬᠠᠨ ᠪᠠᠶᠢᠭᠠᠯᠢᠯᠢᠭ ᠢᠳᠡᠭᠡᠨ ᠪᠣᠯᠬᠤ ᠶᠤᠮ᠃ | | — ᠴᠠ᠊ · ᠰᠠᠶᠢᠵᠢᠷᠠᠬᠤ ᠶᠢᠨ ︽ᠡᠵᠡᠨᠡ ᠲᠤᠤᠷᠠᠢ ᠶᠢᠨ ᠰᠤᠶᠤᠯ︾ ᠬᠡᠭᠦ ᠨᠣᠮ ᠠᠴᠠ | | | |