| ᠬᠤᠷᠢᠭᠤᠯ ᠳᠤ ᠤᠷᠤᠭᠰᠠᠨ ᠬᠦᠤ ᠪᠠᠨ ᠡᠵᠢ ᠨᠢ ᠡᠷᠬᠢᠵᠤ ᠤᠴᠢᠪᠠ | ᠤᠶᠠᠭᠠ ᠲᠠᠢ ᠪᠤᠳᠤᠭᠤ ᠪᠠᠨ ᠦᠨᠦᠷᠯᠡᠬᠦ ᠢᠡᠭᠬᠡᠨ ᠲᠡᠮᠡᠭᠡ ᠰᠢᠭ ᠮᠡᠯᠮᠡᠷᠡᠪᠡ | ᠡᠬᠡ ᠬᠦᠤ ᠶᠢᠨ ᠲᠤᠮᠳᠠ ᠬᠦᠢᠳᠡᠨ ᠲᠤᠤᠷ ᠱᠠᠵᠢᠬᠢᠨᠠᠪᠠ | ᠡᠷᠯᠢᠭ ᠤᠨ ᠬᠠᠳᠠᠭᠤ ᠵᠠᠶᠠᠭᠠ ᠳᠤ ᠬᠢᠯᠢᠨᠴᠡ ᠶᠢᠨ ᠭᠠᠯ ᠤᠨᠳᠠᠷᠠᠪᠠ | | ︽ᠮᠢᠨᠦ ᠮᠠᠭᠤᠬᠠᠢ ᠪᠠᠨᠳᠢ︾ ᠬᠡᠵᠤ ᠦᠬᠦᠬᠡᠷᠳᠡᠨ ᠬᠡᠯᠡᠳᠡᠭ ᠪᠠᠶᠢᠭᠰᠠᠨ ᠢ ᠨᠢ | ᠪᠤᠷᠬᠠᠨ ᠠᠨᠳᠠᠭᠤᠷᠠᠭᠠ ᠴᠤ ᠶᠤᠮ ᠤᠤ ᠬᠡᠵᠤ ᠡᠵᠢ ᠨᠢ ᠰᠠᠨᠠᠭᠠ ᠪᠠᠷ ᠤᠨᠠᠪᠠ | ᠡᠮᠴᠢ ᠳᠤ ᠬᠦᠷᠳᠡᠭ ᠰᠦᠨᠢ ᠬᠦ ᠲᠦᠷᠬᠢᠬᠡ ᠦᠬᠡᠢ ᠪᠠᠨ ᠰᠠᠨᠠᠵᠤ | ᠴᠢᠳᠬᠦᠷ ᠲᠤᠯᠢᠶᠠᠭᠠ ᠴᠤ ᠶᠤᠮ ᠤᠤ ᠬᠡᠵᠤ ᠡᠵᠢ ᠨᠢ ᠪᠡᠶᠠ ᠪᠠᠨ ᠵᠢᠮᠠᠯᠡᠪᠡ | | ᠨᠠᠭᠠᠨᠠ ᠠᠴᠠ ᠬᠠᠷᠠᠬᠤ ᠳᠤ ᠬᠦᠤ ᠨᠢ ᠲᠤᠤᠷ ᠤᠨ ᠲᠤᠳᠤᠷᠠ ᠪᠦᠤᠳᠠᠶᠢᠨᠠ | ᠨᠠᠰᠤᠨ ᠪᠠᠭᠠ ᠶᠢᠨ ᠠᠭᠠᠭ ᠢᠶᠠᠷ ᠠᠶᠤᠯ ᠬᠢᠭᠰᠡᠨ ᠢᠶᠠᠨ ᠮᠡᠳᠡᠷᠡᠨᠠ | ᠴᠠᠭᠠᠨᠠ ᠠᠴᠠ ᠬᠠᠷᠠᠬᠤ ᠳᠤ ᠡᠬᠡ ᠨᠢ ᠲᠤᠤᠷ ᠤᠨ ᠲᠤᠳᠤᠷᠠ ᠦᠵᠡᠭᠳᠡᠨᠠ | ᠴᠠᠭᠠᠨ ᠰᠦ᠋ ᠶᠢᠨ ᠬᠠᠷᠢᠭᠤ ᠳᠤ ᠤᠯᠠᠭᠠᠨ ᠴᠢᠰᠤ ᠪᠠᠶᠢᠬᠤ ᠪᠠᠷ ᠤᠢᠢᠮᠤᠷᠠᠨᠠ | | ᠤᠯᠠᠨ ᠵᠢᠯ ᠤᠨ ᠬᠤᠶᠢᠨᠠ ᠱᠤᠷᠤᠩ ᠤᠨ ᠬᠠᠭᠠᠯᠭᠠ ᠨᠡᠬᠡᠬᠡᠭᠳᠡᠪᠡ | ᠤᠮᠤᠭ ᠢᠶᠠᠷ ᠰᠢᠳᠠᠭᠰᠠᠨ ᠬᠦᠤ ᠨᠢ ᠡᠪᠤᠬᠡᠨ ᠬᠠᠶᠢᠯᠠᠰᠤ ᠰᠢᠭ ᠪᠦᠭᠳᠦ᠋ᠢᠵᠠᠢ | ᠲᠦᠷᠦᠭᠰᠡᠨ ᠬᠡᠷ ᠤᠨ ᠢᠶᠠᠨ ᠡᠬᠦᠳᠡ ᠶᠢ ᠠᠷᠠᠢ ᠶᠠᠳᠠᠨ ᠲᠦᠯᠬᠢᠪᠡ | ᠲᠦᠪᠰᠢᠨ ᠪᠤᠭᠤᠷᠤᠯ ᠡᠵᠢ ᠨᠢ ᠨᠢᠬᠦᠯ ᠢᠶᠠᠨ ᠨᠠᠮᠠᠨᠴᠢᠯᠠᠨ ᠬᠠᠯᠢᠵᠠᠢ | | ᠦᠬᠦᠬᠦ ᠲᠦᠷᠦᠬᠦ ᠬᠤᠶᠠᠷ ᠢᠶᠠᠨ ᠦᠷᠠ ᠳᠡᠭᠡᠨ ᠵᠤᠷᠢᠭᠤᠯᠳᠠᠭ ᠡᠬᠡ ᠬᠦᠮᠦᠨ | ᠦᠬᠡᠷ ᠮᠠᠯ ᠤᠨ ᠢᠶᠠᠨ ᠲᠡᠷᠬᠡᠳᠡ ᠠᠴᠠ ᠲᠤᠭᠤᠯᠠᠩ ᠨᠢᠯᠪᠤᠰᠤ ᠲᠠᠢ ᠪᠤᠴᠠᠵᠠᠢ | ᠦᠯᠡᠮᠵᠢ ᠶᠢᠨ ᠴᠢᠨᠠᠷ ᠲᠠᠢ ᠬᠤᠷᠸᠠ ᠳᠤ ᠶᠠᠯᠠᠳᠠᠨ ᠲᠦᠷᠦᠬᠦᠯᠦᠭᠰᠡᠨ ᠳᠡᠭᠡᠨ ᠵᠤᠪᠠᠨᠢᠵᠤ | ᠦᠬᠡ ᠲᠠᠭᠤ ᠦᠬᠡᠢ ᠲᠡᠭᠳᠡᠬᠡᠳ ᠭᠤᠨᠢᠭᠳᠤ ᠦᠯᠢᠬᠡᠷ ᠪᠦᠳᠦᠵᠡᠢ | | ᠡᠬᠡ ᠠᠴᠠ ᠤᠷᠭᠤᠭᠰᠠᠨ ᠪᠡᠶᠠ ᠬᠦᠷᠦᠰᠦᠳᠤ ᠶᠢᠨ ᠠᠯᠢᠬᠠᠨ ᠴᠢᠯᠦᠬᠡᠨ ᠳᠤ ᠴᠤ | ᠰᠡᠳᠬᠢᠯ ᠢᠶᠠᠷ ᠬᠡᠯᠬᠢᠶᠠ ᠲᠠᠢ ᠪᠠᠶᠢᠳᠠᠭ ᠢ ᠬᠦᠤ ᠨᠢ ᠤᠬᠠᠭᠠᠷᠠᠵᠤ ᠮᠡᠭᠰᠢᠪᠡ | ᠴᠠᠰᠤᠨ ᠳᠤ ᠠᠯᠬᠤᠭᠰᠠᠨ ᠮᠦᠷ ᠬᠠᠷᠠ ᠪᠠᠶᠢᠳᠠᠭ ᠤᠨ ᠤᠴᠢᠷ | ᠴᠠᠴᠤᠯᠢ ᠶᠢᠨ ᠰᠦ᠋ ᠪᠠᠷ ᠴᠠᠶᠢᠷᠠᠭᠤᠯᠵᠤ ᠦᠨᠦᠰᠦᠨ ᠦᠳᠡᠳᠡᠭ ᠢ ᠨᠢ ᠮᠡᠳᠡᠪᠡ | | ᠡᠷᠬᠢᠬᠦᠤ ᠮᠤᠩᠬᠠᠭ ᠤᠨ ᠭᠠᠢ ᠪᠠᠷ ᠦᠨᠦᠴᠢᠷᠡᠵᠤ ᠬᠤᠴᠤᠷᠤᠭᠰᠠᠨ ᠬᠦᠤ | ᠡᠯᠢᠬᠡ ᠵᠢᠷᠦᠬᠡ ᠪᠠᠨ ᠡᠮᠳᠡᠷᠡᠬᠦᠯᠵᠤ ᠡᠵᠢ ᠶᠢᠨ ᠢᠶᠠᠨ ᠰᠦᠨᠡᠰᠤᠨ ᠳᠤ ᠵᠠᠯᠪᠠᠷᠢᠪᠠ | ᠲᠤᠯᠤᠭᠠᠢ ᠲᠠᠰᠢ ᠪᠠᠨ ᠲᠠᠯᠪᠢᠵᠤ ᠠᠭᠠᠷᠤᠤᠯ ᠦᠭᠳᠡᠭ ᠠᠪᠳᠠᠷᠠ ᠳᠤᠨᠢ | ᠲᠤᠭᠤᠰᠤ ᠬᠦᠷᠦᠬᠡ ᠦᠬᠡᠢ ᠲᠡᠪᠡᠯ ᠵᠡᠬᠦᠤ ᠠᠴᠠ ᠰᠠᠯᠤᠭᠠ ᠦᠬᠡᠢ ᠪᠠᠶᠢᠪᠠ᠃ | | ︵ᠵᠣᠬᠢᠶᠠᠭᠴᠢ᠄ ᠳᠤᠯᠠᠮᠵᠠᠪ︶ |