| ᠪᠢ ᠪᠢᠴᠢᠬᠠᠨ ᠬᠡᠤᠬᠡᠨ ᠲᠠᠢ ᠭᠤᠷᠪᠠᠳᠠᠬᠢ ᠤᠳᠠᠭᠠ ᠤᠴᠠᠷᠠᠬᠤ ᠦᠶᠠ ᠳᠤ ᠲᠡᠷᠡ ᠮᠦᠨ ᠯᠡ | ᠬᠠᠭᠤᠴᠢᠷᠠᠭᠰᠠᠨ ᠪᠤᠯᠪᠠᠴᠤ ᠴᠡᠪᠡᠷ ᠴᠡᠮᠴᠡᠭᠡᠷ ᠪᠦᠰ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠤ ᠮᠢᠨᠤ ᠲᠡᠷᠭᠡᠨ ᠬᠦᠷᠳᠦ ᠶᠢ | ᠵᠦᠯᠬᠦᠨᠠ᠃ ᠪᠡᠶᠠ ᠪᠠᠨ ᠪᠦᠬᠦ᠋ᠢᠯᠭᠡᠨ ᠵᠦᠯᠬᠦᠬᠦ ᠲᠡᠭᠦᠨ ᠢ ᠬᠠᠷᠠᠬᠤ ᠳᠤ ᠲᠡᠶᠢᠮᠤ ᠯᠡ ᠡᠴᠡᠩᠬᠢᠷ ᠪᠠᠶᠢᠯᠠ᠃ | ᠤᠤᠯ ᠨᠢ ᠪᠢ ᠲᠡᠭᠦᠨ ᠢ ᠠᠮᠢᠳᠤᠷᠠᠯ ᠨᠢ ᠬᠦᠴᠢᠷᠳᠡᠢ ᠪᠠᠶᠢᠵᠤ ᠡᠶᠢᠮᠤᠷᠬᠦ ᠠᠷᠭᠠ ᠪᠠᠷ ᠵᠤᠭᠤᠰ ᠤᠯᠳᠠᠭ | ᠭᠡᠵᠤ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠪᠢ ᠬᠡᠤᠭᠡᠨ ᠤ ᠲᠤᠯᠤᠭᠠᠢ ᠶᠢ ᠢᠯᠪᠢᠬᠦ ᠳᠤ ᠲᠡᠷᠡ ᠰᠤᠴᠢᠰᠬᠢᠨ ᠬᠦᠶᠦᠵᠤ | ᠪᠤᠰᠤᠭᠰᠠᠨ ᠢᠶᠠᠨ ᠴᠢᠷᠠᠢ ᠪᠠᠨ ᠤᠯᠠᠶᠢᠯᠭᠠᠨ ᠭᠠᠷ ᠢᠶᠠᠨ ᠠᠷᠤ ᠳᠠᠭᠠᠨ ᠨᠢᠭᠤᠵᠤ᠄ ︽ᠲᠠ ᠰᠠᠶᠢᠨ ᠤᠤ︖ | ᠮᠦᠸᠧᠯᠦ᠋ᠨ ᠠᠪᠠᠭᠠ ᠡ᠂ ᠮᠢᠨᠤ ᠨᠠᠷᠠ ᠱᠠᠯᠢ ᠭᠡᠳᠡᠭ︾ ᠭᠡᠯᠠ᠃ | ᠪᠢ ᠲᠡᠷᠭᠡᠨ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠤ ᠮᠦᠡᠭᠭᠦ ᠶᠢ ᠨᠢ ᠦᠭᠭᠦ ᠭᠡᠬᠦ ᠪᠠᠷ ᠬᠡᠤᠬᠡᠨ ᠰᠠᠨᠳᠤᠷᠤᠨ ᠲᠤᠯᠤᠭᠠᠢ | ᠰᠠᠵᠢᠵᠤ᠄ ︽ᠮᠦᠸᠧᠯᠦ᠋ᠨ ᠠᠪᠠᠭᠠ ᠡ᠂ ᠪᠢ ᠵᠤᠭᠤᠰ ᠠᠪᠬᠤ ᠦᠭᠡᠢ︾ ᠭᠡᠪᠡ᠃ ︽ᠵᠤᠭᠤᠰ ᠠᠪᠬᠤ ᠦᠭᠡᠢ | ᠲᠡᠭᠡᠭᠡᠳ ᠨᠠᠳᠠ ᠲᠠᠢ ᠨᠠᠶᠢᠵᠢ ᠪᠤᠯᠤᠶᠠ ᠭᠡᠵᠤ ᠰᠠᠨᠠᠵᠤ ᠪᠠᠶᠢᠨᠠᠤ︖︾ ᠭᠡᠵᠤ ᠪᠢ ᠢᠨᠢᠶᠡᠨ ᠭᠡᠯᠡᠬᠦ ᠪᠠᠷ ᠬᠡᠤᠬᠡᠨ ︽ | ᠬᠢᠳ ᠬᠢᠳ︾ ᠭᠡᠵᠤ ᠢᠨᠢᠶᠡᠭᠰᠡᠨ ᠢᠶᠠᠨ ︽ᠤᠴᠢᠷ ᠨᠢ ᠴᠢ ᠮᠢᠨᠤ ᠠᠪᠤ ᠲᠠᠢ ᠠᠪ ᠠᠳᠠᠯᠢᠬᠠᠨ︕︾ ᠭᠡᠪᠡ᠃ | ᠱᠠᠯᠢ ᠡᠨᠡ ᠦᠭᠡ ᠶᠢ ᠬᠡᠯᠡᠬᠦ ᠳᠤ ᠬᠡᠳᠤᠢ ᠶᠡᠭᠡ ᠵᠤᠷᠢᠭᠯᠠᠭᠰᠠᠨ ᠨᠢ ᠮᠡᠳᠡᠭᠡᠵᠢ᠂ ᠮᠦᠨ ᠲᠡᠭᠡᠭᠡᠳ ︽ᠠᠪᠤ | ︾ ᠭᠡᠵᠤ ᠶᠡᠷᠢᠬᠤ ᠪᠠᠷ ᠨᠢᠳᠤᠨ ᠳᠤᠨᠢ ᠨᠢᠯᠪᠤᠰᠤ ᠪᠦᠷᠬᠦᠭᠰᠡᠨ ᠨᠢ ᠬᠠᠷᠠᠭᠳᠠᠯᠠ᠃ ᠮᠢᠨᠤ ᠲᠤᠳᠤᠷᠠ ᠦᠭᠡ ᠬᠡᠯᠡ ᠪᠠᠷ | ᠢᠯᠡᠳᠭᠡᠭᠦᠶᠠ ᠪᠡᠷᠭᠡ ᠲᠦᠷᠦᠭᠳᠡᠯ ᠤᠷᠤᠵᠤ ᠶᠠᠭ ᠯᠡ ᠦᠪᠡᠷ ᠤᠨ ᠬᠡᠤᠬᠡᠨ ᠲᠠᠢ ᠪᠠᠨ ᠵᠤᠭᠤᠭᠳᠠᠵᠤ ᠪᠠᠶᠢᠬᠤ ᠰᠢᠭ᠋ | ᠰᠠᠨᠠᠭᠳᠠᠯᠠ᠃ ︽ᠪᠢ ᠴᠢᠮᠠ ᠶᠢ ᠲᠡᠷᠭᠡᠨ ᠳᠤ ᠰᠠᠭᠤᠯᠭᠠᠵᠤ ᠲᠤᠭᠤᠷᠢᠭᠤᠯᠤᠶᠠ︾ ᠭᠡᠬᠦ ᠪᠠᠷ ᠬᠡᠤᠭᠡᠨ ᠢᠳᠡᠭᠡᠵᠤ | ᠶᠠᠳᠠᠭᠰᠠᠨ ᠮᠠᠶ᠋ᠢᠭᠳᠠᠢ ᠪᠠᠶᠢᠭᠰᠠᠨ ᠢᠶᠠᠨ ᠦᠰᠦᠷᠦᠨ ᠲᠡᠪᠭᠡᠷᠦᠭᠰᠡᠭᠡᠷ ᠲᠡᠷᠭᠡᠨ ᠳᠤ ᠭᠠᠷᠤᠯᠠ᠃ | ᠠᠷᠪᠠᠭᠠᠳ ᠨᠠᠰᠤᠳᠠᠢ ᠬᠡᠤᠬᠡᠨ ᠤ ᠪᠦᠱᠦᠭᠦᠷᠬᠡᠯ ᠤᠳᠠᠯ ᠦᠭᠡᠢ ᠠᠯᠠᠭᠠ ᠪᠤᠯᠵᠤ ᠨᠠᠳᠠ ᠲᠠᠢ ᠡᠷᠡᠭᠡ | ᠵᠢᠷᠤᠭᠠ ᠦᠭᠡᠢ ᠵᠤᠭᠤᠭᠳᠠᠵᠤ ᠡᠬᠢᠯᠡᠯᠠ᠃ ᠬᠡᠤᠬᠡᠨ ᠤ ᠠᠪᠤ ᠨᠢ ᠲᠤᠩ ᠬᠠᠩᠬᠠᠭᠠᠷ ᠰᠦᠷᠯᠢᠭ ᠪᠦᠬᠡᠳ ᠱᠤᠭ | ᠶᠦᠮᠦᠷᠯᠢᠭ ᠪᠠᠶᠢᠵᠤ ᠲᠡᠭᠦᠨ ᠢ ᠬᠤᠶᠠᠷ ᠨᠠᠰᠤᠳᠠᠢ ᠳᠤᠨᠢ ᠠᠮᠰᠢᠲ᠋ᠧᠷᠳᠠᠮ ᠳᠤ ᠠᠷᠠᠯᠵᠢᠶᠠ ᠬᠢᠬᠦ ᠪᠠᠷ ᠶᠠᠪᠤᠪᠠ᠃ ᠶᠡᠭᠡ | ᠮᠦᠡᠭᠭᠦ ᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠤᠯᠠᠭᠠᠨ ᠦᠡᠭᠭᠡ ᠲᠠᠢ ᠤᠷᠤᠯᠳᠤᠭᠠᠨ ᠤ ᠲᠡᠷᠭᠡ ᠵᠢᠯᠤᠭᠤᠳᠴᠤ ᠡᠬᠡᠨᠡᠷ ᠬᠡᠤᠬᠡᠨ | ᠢᠶᠠᠨ ᠲᠤᠰᠬᠤ ᠮᠦᠷᠳᠡᠭᠡᠨ ᠪᠠᠰᠠ ᠰᠦᠷᠦᠭ ᠬᠤᠨᠢ ᠪᠡᠯᠴᠢᠭᠰᠡᠨ ᠨᠤᠮᠢᠨ ᠨᠤᠭᠤᠭᠠᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ | ᠪᠠᠶᠢᠭᠤᠯᠬᠤ ᠶᠤᠮ ᠭᠡᠨᠠ ᠁ | ᠱᠠᠯᠢ ᠦᠯᠢᠭᠡᠷ ᠢᠶᠠᠨ ᠶᠠᠷᠢᠵᠤ ᠪᠠᠷᠠᠬᠤ ᠠᠴᠠ ᠡᠮᠤᠨᠠ ᠪᠢ ᠰᠠᠨᠠᠭᠠ ᠶᠢ ᠨᠢ ᠮᠡᠳᠡᠯᠠ᠃ ᠲᠡᠭᠦᠨ ᠤ ᠡᠵᠢ | ᠨᠢ ᠤᠳᠠᠯ ᠦᠭᠡᠢ ᠡᠨᠡ ᠶᠢᠷᠳᠢᠨᠴᠤ ᠠᠴᠠ ᠡᠭᠦᠷᠢᠳᠡ ᠠᠩᠭᠢᠵᠢᠷᠠᠬᠤ ᠪᠤᠯᠵᠠᠢ᠃ ᠱᠠᠯᠢ ᠠᠪᠤ ᠲᠠᠢ ᠪᠠᠨ ᠠᠳᠠᠯᠢᠬᠠᠨ᠂ | ᠲᠡᠷᠡ ᠮᠦᠷᠳᠡᠭᠡᠨ ᠰᠢᠪ ᠰᠢᠨᠡᠭᠡᠨ ᠤᠷᠤᠯᠳᠤᠭᠠᠨ ᠤ ᠲᠡᠷᠭᠡ ᠪᠠ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠲᠠᠢ ᠡᠷᠡᠭᠳᠡᠢ ᠤᠯᠵᠤ᠂ ᠡᠵᠢ | ᠶᠢᠨ ᠢᠶᠠᠨ ᠤᠳᠠᠭᠠᠨ ᠵᠢᠯ ᠤᠨ ᠰᠡᠳᠬᠢᠯ ᠤᠨ ᠬᠦᠮᠦᠨ ᠢᠶᠠᠨ ᠬᠦᠯᠢᠶᠡᠭᠰᠡᠨ ᠬᠦᠰᠡᠯ ᠢ ᠨᠢ ᠪᠡᠶᠡᠯᠡᠭᠦᠯᠬᠦ ᠭᠡᠰᠡᠨ | ᠪᠠᠶᠢᠵᠠᠢ᠃ ︽ᠮᠦᠸᠧᠯᠦ᠋ᠨ ᠠᠪᠠᠭᠠ ᠡ᠂ ᠡᠨᠡ ᠬᠠᠭᠠᠰ ᠵᠢᠯ ᠳᠤ ᠪᠢ ᠤᠯᠠᠨ ᠠᠪᠠᠭᠠ ᠶᠢ ᠡᠷᠢᠯᠠ᠂ ᠭᠡᠪᠡᠴᠤ ᠪᠦᠷ | ᠮᠢᠨᠤ ᠦᠯᠢᠭᠡᠷ ᠢ ᠰᠤᠨᠤᠰᠤᠭᠰᠠᠨ ᠦᠭᠡᠢ᠂ ᠲᠡ ᠯᠠ ᠬᠠᠮᠤᠭ ᠲᠦᠷᠦᠭᠦᠤ ᠰᠤᠨᠤᠰᠴᠤ ᠪᠠᠶᠢᠨᠠ ᠰᠢᠤ︾ ᠭᠡᠰᠡᠨ ᠢᠶᠠᠨ | ᠬᠡᠤᠬᠡᠨ ᠬᠠᠷᠮᠠᠨ ᠠᠴᠠ ᠪᠠᠨ 15 ᠵᠢᠯ ᠤᠨ ᠡᠮᠦᠨᠡᠬᠢ ᠠᠪᠤ ᠶᠢᠨ ᠢᠶᠠᠨ ᠰᠡᠭᠦᠳᠡᠷ ᠢ ᠭᠠᠷᠭᠠᠵᠤ ᠦᠵᠡᠭᠦᠯᠪᠡ᠃ ᠠᠪᠤ | ᠨᠢ ᠨᠡᠬᠡᠷᠡᠨ ᠰᠦᠷᠯᠢᠭ ᠬᠠᠩᠬᠠᠭᠠᠷ ᠵᠠᠯᠠᠭᠤ ᠪᠠᠶᠢᠵᠠᠢ᠃ ᠭᠡᠬᠦ ᠳᠤ ᠬᠡᠤᠬᠡᠨ ᠤ ᠬᠡᠯᠡᠭᠰᠡᠨ ᠰᠢᠭ ᠨᠠᠳᠡ ᠲᠠᠢ ᠠᠪ | ᠠᠳᠠᠯᠢᠬᠠᠨ ᠪᠢᠰᠢ ᠪᠠᠶᠢᠯᠠ᠃ | ᠱᠠᠯᠢ ᠶᠢᠨ ᠴᠢᠷᠠᠢ ᠳᠤ ᠪᠠᠶᠠᠷ ᠪᠠᠶᠠᠰᠤᠯ ᠪᠢᠯᠬᠠᠵᠤ᠂ ᠬᠠᠷᠠᠴᠨ ᠠᠴᠠ ᠨᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠵᠢᠷᠭᠠᠯ ᠤᠨ | ᠤᠴᠢ ᠪᠠᠳᠠᠷᠠᠵᠤ ᠪᠠᠶᠢᠯᠠ᠃ ᠨᠠᠳᠠ ᠳᠤ ᠪᠢᠴᠢᠬᠠᠨ ᠬᠡᠤᠬᠡᠨ ᠤ ᠡᠨᠡ ᠮᠡᠳᠦ ᠶᠢᠨ ᠴᠠᠭᠠᠪᠤᠷ ᠴᠠᠶᠢᠯᠭᠠᠨ ᠱᠠᠭᠠᠷᠳᠠᠯᠭᠠ | ᠶᠢ ᠲᠡᠪᠴᠢᠬᠦ ᠶᠢᠨ ᠰᠢᠯᠳᠠᠭᠠᠨ ᠤᠭᠳᠤᠬᠠᠨ ᠴᠤ ᠪᠠᠶᠢᠭᠰᠠᠨ ᠦᠭᠡᠢ᠃ | ᠨᠠᠷᠠ ᠲᠤᠯᠠᠶᠢᠭᠰᠠᠨ ᠨᠢᠭᠡ ᠦᠳᠡ ᠶᠢᠨ ᠬᠤᠶᠢᠨᠠ ᠪᠢ ᠪᠢᠴᠢᠬᠠᠨ ᠬᠡᠤᠬᠡᠨ ᠢ ᠲᠡᠷᠭᠡᠨ ᠳᠡᠭᠡᠨ ᠰᠠᠭᠤᠯᠭᠠᠵᠤ | ᠂ ︽ᠨᠠᠨᠺᠢ ᠮᠡᠳᠡᠷᠡᠯ ᠤᠨ ᠡᠪᠳᠴᠢᠨ ᠤ ᠬᠤᠷᠢᠶᠠ︾ ᠵᠦᠭ ᠴᠢᠭᠯᠡᠯᠠ᠃ ᠱᠠᠯᠢ ᠶᠢᠨ ᠡᠵᠢ ᠨᠢ ᠶᠠᠭ ᠤᠨᠳᠠᠵᠤ | ᠪᠠᠶᠢᠪᠠ᠃ ᠲᠤᠷᠠᠰᠤᠨ ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ ᠪᠠ ᠡᠪᠡᠳᠴᠢᠨ ᠡᠮᠬᠡᠭ ᠲᠤ ᠤᠷᠢᠶᠠᠭᠳᠠᠭᠰᠠᠨ ᠡᠨᠡ ᠡᠮᠡᠭᠳᠡᠢ | ᠬᠡᠳᠦ᠋ᠢᠪᠡᠷ ᠬᠦᠮᠦᠨ ᠤ ᠲᠦᠷᠢ ᠪᠠᠨ ᠠᠯᠳᠠᠭᠰᠠᠨ ᠪᠤᠯᠪᠠᠴᠤ᠂ ᠪᠢᠴᠢᠬᠠᠨ ᠬᠡᠤᠬᠡᠨ ᠤ ᠬᠠᠷᠠᠭᠠᠯᠵᠠᠯ ᠢᠶᠠᠷ ᠰᠠᠭᠤᠵᠤ | ᠪᠠᠷᠢᠭᠰᠠᠨ ᠪᠦᠬᠦᠨ ᠨᠢ ᠲᠦᠢᠯ ᠤᠨ ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠯᠠ᠃ | ᠱᠠᠯᠢ ᠶᠢᠨ ᠡᠵᠢ ᠨᠢ ᠰᠡᠷᠢᠯᠠ᠃ ᠲᠡᠷᠡ ᠭᠡᠨᠡᠳᠳᠡ ᠮᠢᠨᠤ ᠦᠭᠡᠳᠡ ᠠᠴᠠ ᠨᠦᠷᠢᠨ ᠢᠷᠡᠵᠤ ᠡᠭᠡᠭ ᠲᠠᠭᠤ | ᠲᠠᠯᠪᠢᠨ ᠤᠬᠢᠯᠠᠨᠠ᠃ ᠲᠠᠷᠡ ᠦᠨᠡᠭᠡᠷ ᠨᠠᠮᠠ ᠶᠢ ᠤᠯᠠᠨ ᠵᠢᠯ ᠬᠦᠯᠢᠶᠡᠵᠤ ᠤᠳᠠᠭᠰᠠᠨ ᠨᠦᠬᠦᠷ ᠨᠢ ᠪᠤᠴᠠᠭᠠᠳ | ᠢᠷᠡᠴᠢᠬᠡᠵᠠᠢ ᠭᠡᠵᠤ ᠪᠤᠳᠤᠭᠰᠠᠨ ᠪᠠᠶᠢᠵᠠᠢ᠃ ᠪᠢ ᠬᠠᠵᠠᠭᠤ ᠳᠤ ᠰᠡᠳᠬᠢᠯ ᠲᠤᠭᠳᠤᠯᠤᠨ ᠵᠤᠭᠰᠤᠬᠤ ᠱᠠᠯᠢ ᠶᠢ | ᠬᠠᠷᠠᠭᠠᠳ ᠠᠮᠢ ᠨᠠᠰᠤ ᠮᠢᠨᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠤᠳᠬᠠ ᠠᠭᠤᠯᠭᠠ ᠲᠠᠢ ᠪᠤᠯᠵᠤ ᠰᠠᠨᠠᠭᠳᠠᠯᠠ᠃ | ᠭᠡᠬᠦ ᠳᠤ ᠱᠠᠯᠢ ᠡᠳᠡᠭᠡᠷ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠳ ᠦᠯᠦ ᠢᠳᠡᠭᠡᠭᠰᠡᠨ ᠰᠢᠭ ᠪᠤᠯᠵᠤ ᠰᠡᠮᠡᠬᠡᠷ ᠭᠠᠷ ᠤᠨ ᠠᠷᠤ | ᠪᠠᠨ ᠱᠦᠷᠭᠦᠭᠡᠨ ᠵᠤᠭᠰᠤᠬᠤ ᠪᠤᠯᠪᠠᠴᠤ ᠨᠢᠳᠤᠨ ᠳᠤᠨᠢ ᠬᠠᠨᠤᠮᠵᠢᠳᠠᠢ ᠪᠠᠶᠢᠳᠠᠯ ᠢᠯᠡᠷᠡᠵᠤ ᠪᠠᠶᠢᠯᠠ᠃ ᠪᠢ ᠱᠠᠯᠢ ᠶᠢᠨ | ᠵᠦᠭ ︽ᠶᠠᠭᠤᠨ ᠳᠤ ᠠᠪᠤ ᠭᠡᠵᠤ ᠲᠠᠭᠤᠳᠠᠬᠤ ᠦᠭᠡᠢ ᠪᠤᠢ︖︾ ᠭᠡᠬᠦ ᠪᠠᠷ ᠱᠠᠯᠢ ᠬᠡᠰᠡᠭ ᠲᠦᠳᠡᠭᠡᠯᠵᠡᠭᠰᠡᠨ ᠢᠶᠠᠨ | ᠬᠠᠵᠠᠭᠤ ᠳᠤ ᠢᠷᠡᠵᠤ ᠨᠠᠮᠠ ᠶᠢ ᠨᠠᠭᠠᠯᠳᠤᠵᠤ ᠵᠤᠭᠰᠤᠭᠠᠳ ︽ᠠᠪᠤ ᠡ︾ ᠭᠡᠵᠤ ᠠᠶᠠᠷᠬᠠᠨ ᠲᠠᠭᠤᠳᠠᠯᠠ ᠁ | ᠨᠢᠭᠡ ᠴᠠᠭ ᠤᠨ ᠲᠠᠷᠠᠭᠠ ᠪᠢ ᠱᠠᠯᠢ ᠪᠤᠯᠤᠨ ᠡᠵᠢ ᠶᠢ ᠨᠢ ᠲᠠᠭᠠᠭᠤᠯᠵᠤ ᠠᠰᠠᠷ ᠠᠴᠠ ᠪᠠᠭᠤᠪᠠ᠂ ᠱᠠᠯᠢ | ᠶᠢᠨ ᠡᠵᠢ ᠰᠢᠪ ᠰᠢᠨᠡᠭᠡᠨ ᠤᠷᠤᠯᠳᠤᠭᠠᠨ ᠤ ᠲᠠᠷᠭᠡ ᠶᠢ ᠬᠤᠯᠠ ᠠᠴᠠ ᠬᠠᠷᠠᠭᠰᠠᠨ ᠢᠶᠠᠨ ᠮᠢᠨᠤ ᠭᠠᠷ ᠢ ᠴᠢᠩᠭᠠ | ᠠᠳᠬᠤᠵᠤ᠄ ︽ᠬᠠᠶᠢᠷᠠᠳᠤ ᠮᠢᠨᠢ᠂ ᠪᠢ ᠴᠢᠨᠤ ᠡᠷᠬᠢᠵᠤ ᠢᠷᠡᠬᠦ ᠶᠢ ᠴᠢᠨᠢ ᠮᠡᠳᠡᠵᠤ ᠪᠠᠶᠢᠭᠰᠠᠨ ᠶᠤᠮ᠂ ᠪᠢ ᠴᠢᠨᠤ | ᠢᠷᠡᠬᠦ ᠶᠢ ᠴᠢᠨᠢ ᠬᠦᠯᠢᠶᠡᠭᠡᠳ ᠲᠡᠶᠢᠯᠴᠢᠬᠡᠭᠰᠡᠨ ᠰᠢᠤ︾ ᠭᠡᠪᠡ᠃ ︽ᠲᠡᠶᠢᠮᠤ ᠡ᠂ ᠪᠢ ᠪᠤᠴᠠᠭᠠᠳ ᠢᠷᠡᠴᠢᠬᠡᠵᠡᠢ᠂ | ᠲᠡᠭᠡᠬᠦ ᠳᠡᠭᠡᠨ ᠮᠦᠨ ᠠᠮᠠᠯᠠᠭᠰᠠᠨ ᠰᠢᠭ᠋ ᠢᠶᠠᠨ ᠲᠤᠮᠤ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠲᠠᠢ ᠴᠤ ᠪᠤᠯᠴᠢᠬᠠᠯᠠ︾ ᠲᠡᠷᠡ ᠤᠷᠤᠢ | ᠨᠢ ᠪᠢ ᠱᠠᠯᠢ ᠪᠠ ᠲᠡᠭᠦᠨ ᠤ ᠡᠵᠢ ᠶᠢ ᠨᠢ ᠦᠪᠡᠷ ᠤᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠠᠷ ᠢᠶᠠᠨ ᠲᠤᠭᠤᠷᠢᠭᠤᠯᠤᠯᠠ᠃ ᠡᠨᠡ | ᠦᠶᠠ ᠳᠤ ᠪᠢ ᠭᠡᠨᠡᠳᠳᠡ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠲᠠᠢ ᠦᠨᠡᠨ ᠵᠢᠷᠤᠮ ᠲᠠᠢ ᠡᠷᠡᠭᠳᠡᠢ ᠬᠦᠮᠦᠨ ᠪᠤᠯᠬᠤ ᠭᠡᠭᠴᠢ | ᠬᠡᠴᠦᠨᠡᠨ ᠵᠢᠷᠭᠠᠯ ᠲᠠᠢ ᠪᠠᠶᠢᠳᠠᠭ ᠭᠡᠳᠡᠭ ᠢ ᠤᠬᠠᠮᠰᠠᠷᠠᠨ ᠮᠡᠳᠡᠯᠠ᠃ ᠤᠷᠤᠢ ᠶᠢᠨ 10 ᠴᠠᠭ ᠤᠨ ᠦᠶᠠ ᠪᠠᠷ ᠪᠢ | ᠡᠵᠢ ᠬᠡᠤᠬᠡᠨ ᠬᠤᠶᠠᠷ ᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠳᠤᠨᠢ ᠬᠦᠷᠭᠡᠭᠡᠳ ᠡᠵᠢ ᠶᠢ ᠨᠢ ᠤᠨᠳᠠᠭᠰᠠᠨ ᠤ ᠰᠡᠭᠦᠯᠡᠷ ᠰᠠᠶᠢ | ᠭᠠᠷᠴᠤ ᠢᠷᠡᠪᠡ᠃ ᠪᠢᠴᠢᠬᠠᠨ ᠱᠠᠯᠢ ᠡᠮᠨᠡᠯᠭᠡ ᠶᠢᠨ ᠡᠭᠦᠳᠡᠨ ᠳᠤ ᠲᠠᠭᠠᠵᠤ ᠭᠠᠷᠴᠤ ᠢᠷᠡᠭᠰᠡᠨ ᠢᠶᠠᠨ᠄ ︽ | ᠮᠦᠸᠧᠯᠦ᠋ᠨ ᠠᠪᠠᠭᠠ ᠡ᠂ ᠲᠠᠨ ᠳᠤ ᠦᠨᠡᠭᠡᠷ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ︾ ᠭᠡᠪᠡ᠃ ᠭᠡᠬᠦ ᠳᠤ 42 ᠨᠠᠰᠤᠳᠠᠢ ᠡᠷᠡ | ᠪᠤᠰᠤᠭᠠ ᠬᠦᠮᠦᠨ ᠠᠯᠢ ᠬᠡᠳᠦ᠋ᠢᠨ ᠲᠡᠭᠦᠨ ᠤ ᠲᠦᠯᠦᠭᠡ ᠰᠡᠳᠬᠢᠯ ᠲᠤᠭᠳᠤᠯᠵᠤ ᠪᠠᠶᠢᠭᠠ ᠶᠢ ᠪᠢᠴᠢᠬᠠᠨ ᠱᠠᠯᠢ | ᠬᠡᠷᠬᠢᠨ ᠮᠡᠳᠡᠬᠦ ᠪᠢᠯᠡ ⁈ | ᠲᠠᠷᠠᠭᠠ ᠡᠳᠦᠷ ᠨᠢ ᠪᠢ ᠮᠡᠳᠡᠷᠡᠯ ᠤᠨ ᠡᠪᠡᠳᠴᠢᠳᠡᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠳᠤ ᠲᠠᠬᠢᠨ ᠬᠦᠷᠬᠦ ᠳᠤ | ᠱᠠᠯᠢ ᠬᠦᠯ ᠭᠠᠵᠠᠷ ᠬᠦᠷᠬᠦ ᠦᠭᠡᠢ ᠪᠠᠶᠠᠷᠯᠠᠵᠤ ᠪᠠᠶᠢᠪᠠ᠃ ᠪᠢ ᠮᠦᠷᠦ ᠶᠢ ᠨᠢ ᠲᠠᠪᠰᠢᠵᠤ᠄ ︽ᠪᠢ ᠲᠤᠷᠠᠳᠠᠶᠠ ᠴᠢᠨᠤ | ᠠᠪᠤ ᠴᠢᠨᠢ ᠪᠤᠯᠵᠤ ᠴᠢᠮᠠ ᠲᠠᠢ ᠬᠠᠮᠳᠤ ᠡᠵᠢ ᠶᠢ ᠴᠢᠨᠢ ᠬᠠᠷᠠᠭᠠᠯᠵᠠᠬᠤ ᠶᠤᠮ︾ ᠭᠡᠪᠡ᠃ | ᠬᠠᠭᠠᠰ ᠰᠠᠷᠠ ᠶᠢᠨ ᠲᠠᠷᠠᠭᠠ᠂ ᠱᠠᠯᠢ ᠶᠢᠨ ᠡᠵᠢ ᠨᠢᠭᠤᠷ ᠲᠦᠬᠦᠷᠡᠩ ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠶᠢᠷᠳᠢᠨᠴᠤ | ᠠᠴᠠ ᠰᠠᠯᠤᠨ ᠤᠳᠴᠠᠢ᠃ ᠡᠵᠢ ᠶᠢ ᠨᠢ ᠤᠷᠤᠰᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠪᠢ ᠭᠠᠷ ᠢᠶᠠᠨ ᠲᠡᠯᠭᠡᠨ ᠱᠠᠯᠢ ᠶᠢᠨ ᠵᠦᠭ | ᠄ ︽ᠬᠡᠤᠭᠡᠨ ᠮᠢᠨᠢ᠂ ᠡᠨᠡ ᠮᠦᠴᠡ ᠳᠤ ᠪᠢ ᠴᠢᠨᠤ ᠶᠠᠭᠤ ᠭᠡᠵᠤ ᠲᠠᠭᠤᠳᠠᠬᠤ ᠶᠢ ᠬᠦᠰᠡᠵᠤ ᠪᠠᠶᠢᠬᠤ ᠶᠢ ᠮᠡᠳᠡᠨᠠ ᠤᠤ︖ | ︾ ᠭᠡᠬᠦ ᠪᠠᠷ ᠱᠠᠯᠢ ᠨᠢᠳᠤ ᠪᠠᠨ ᠠᠨᠢᠪᠴᠢᠭᠰᠠᠨ ᠢᠶᠠᠨ ᠮᠦᠨ ᠯᠡ ᠤᠢᠢᠯᠠᠭᠠᠵᠤ ᠶᠠᠳᠠᠨ ᠪᠠᠶᠢᠪᠠ᠃ ᠪᠢ ᠲᠠᠬᠢᠨ | ᠦᠪᠡᠷ ᠤᠨ ᠡᠪᠴᠢᠭᠦᠦ ᠪᠠᠨ ᠵᠢᠭᠠᠬᠤ ᠳᠤ ᠱᠠᠯᠢ ᠬᠡᠨᠡᠳᠳᠡ ᠮᠢᠨᠤ ᠦᠭᠡᠳᠡ ᠭᠦᠶᠦᠨ ᠢᠷᠡᠭᠡᠳ ᠡᠪᠴᠢᠭᠦᠨ ᠳᠤ | ᠲᠤᠯᠤᠭᠠᠢ ᠪᠠᠨ ᠨᠠᠯᠠᠭᠰᠠᠨ ᠢᠶᠠᠨ ︽ᠠᠪᠤ ᠡ︾ ᠭᠡᠵᠤ ᠠᠶᠠᠷᠬᠠᠨ ᠲᠠᠭᠤᠳᠠᠯᠠ᠃ | ( ᠵᠣᠬᠢᠶᠠᠭᠴᠢ᠄ ᠲᠢᠶᠠᠨ ᠢᠤᠢ ) |