| ᠵᠣᠬᠢᠶᠠᠭᠴᠢ᠄ ﹇ᠮᠤᠩᠭᠤᠯ ᠤᠯᠤᠰ﹈ ᠴ᠊ · ᠲᠦᠮᠡᠨᠪᠠᠶᠠᠷ | | | ᠨᠢᠳᠦ ᠪᠠᠨ ᠪᠤᠭᠤᠯᠭᠠᠭᠰᠠᠨ ᠪᠦᠷᠭᠦᠳ ᠨᠤᠬᠠᠢ ᠮᠡᠳᠦ ᠭᠡᠷ ᠤᠨ ᠬᠠᠳᠠᠪᠴᠢᠨ ᠠᠴᠠ ᠤᠶᠠᠭᠠᠳᠠᠢ᠃ | ᠤᠷᠴᠢᠯᠠᠩ ᠢ ᠦᠪᠡᠷ ᠤᠨ ᠵᠤᠷᠢᠭ ᠢᠶᠠᠷ ᠢᠶᠠᠨ ᠬᠠᠷᠠᠬᠤ ᠡᠷᠭᠡ ᠪᠠᠨ ᠬᠠᠰᠤᠭᠤᠯᠤᠭᠰᠠᠨ ᠲᠡᠷᠡ ᠪᠠᠷ ᠴᠠᠰᠤᠳᠤ ᠦᠨᠳᠦᠷ | ᠠᠭᠤᠯᠠᠰ ᠤᠨ ᠡᠷᠭᠢᠮᠰᠦᠭ ᠬᠦᠢᠳᠡᠨ᠂ ᠴᠠᠪ ᠴᠡᠯᠮᠡᠭ ᠠᠭᠠᠷ ᠢᠶᠠᠷ ᠠᠮᠢᠰᠬᠤᠬᠤ ᠬᠤᠪᠢ ᠲᠤᠳᠠᠵᠤ᠂ ᠤᠳᠤᠭᠠ᠂ | ᠬᠤᠭᠤᠯᠠ ᠴᠠᠢ ᠶᠢᠨ ᠠᠭᠤᠷ᠂ ᠬᠦᠮᠦᠨ ᠤ ᠠᠮᠠᠨ ᠤ ᠦᠮᠡᠬᠡᠢ ᠳᠤ ᠠᠮᠢᠰᠬᠤᠯ ᠨᠢ ᠪᠤᠬᠢᠷᠳᠤᠵᠤ᠂ ᠴᠡᠭᠡᠵᠢ ᠨᠢ | ᠲᠡᠪᠴᠢᠭᠤᠳᠡᠨᠡ᠃ ᠬᠡᠤᠬᠡᠳ ᠬᠦᠷᠳᠡᠯᠡ ᠡᠷᠭᠡ ᠴᠢᠯᠦᠭᠡ ᠭᠡᠷᠡᠭ ᠲᠠᠢ ᠶᠢ ᠬᠦᠮᠦᠨ ᠤ ᠭᠠᠷ ᠲᠤ ᠲᠡᠵᠢᠭᠡᠭᠳᠡᠭᠰᠡᠨ | ᠬᠦᠭᠡᠷᠦᠭᠦᠢ ᠪᠦᠷᠭᠦᠳ ᠶᠠᠭᠠᠬᠢᠨ ᠲᠦᠰᠦᠭᠡᠯᠡᠬᠦ ᠪᠢᠯᠡ᠃ ᠬᠦᠮᠦᠨ ᠠᠴᠠ ᠬᠠᠭᠰᠢᠵᠤ ᠴᠡᠷᠪᠡᠬᠦ ᠪᠠᠨ ᠴᠤ ᠦᠯᠦ | ᠤᠬᠠᠨ ᠰᠠᠯᠬᠢᠨ ᠳᠤ ᠬᠦᠭᠡᠭᠡᠭᠳᠡᠭᠰᠡᠨ ᠡᠭᠦᠯᠡ ᠮᠡᠳᠦ ᠵᠤᠷᠢᠭ ᠨᠢ ᠰᠡᠮᠡᠷᠡᠭᠰᠡᠭᠡᠷ᠂ ᠬᠡᠯᠡ ᠪᠠᠨ ᠰᠤᠭᠤᠯᠠᠭᠤᠯᠤᠭᠰᠠᠨ | ᠮᠤᠭᠠᠢ ᠰᠢᠭ᠋ ᠰᠦᠷ ᠰᠦᠯᠳᠡ ᠨᠢ ᠦᠭᠡᠢ ᠪᠤᠯᠵᠤ᠂ ᠬᠠᠯᠠᠭᠤᠨ ᠭᠠᠯ ᠳᠤ ᠲᠠᠯᠢ ᠵᠢᠭᠦᠷ ᠢᠶᠠᠨ ᠬᠤᠶᠢᠬᠠᠯᠠᠭᠤᠯᠤᠨ | ᠰᠢᠩᠭᠡᠷᠡᠵᠦ᠂ ᠪᠤᠯᠴᠢᠩ ᠰᠢᠷᠪᠦᠰᠦ ᠨᠢ ᠰᠤᠯᠠᠷᠠᠵᠠᠢ᠃ ᠲᠡᠭᠦᠨ ᠤ ᠬᠦᠴᠦᠳᠦ ᠵᠢᠭᠦᠷ ᠰᠢᠮᠠᠭᠤᠯ ᠤᠨ ᠲᠠᠯᠠᠪᠴᠢᠨ ᠠᠴᠠ | ᠴᠤ ᠦᠨᠡ ᠦᠭᠡᠢ ᠪᠤᠯᠵᠤ᠂ ᠭᠠᠰᠠᠯᠤᠨ ᠶᠤᠤᠯᠠᠬᠤ ᠮᠦᠩᠭᠡ ᠶᠢᠨ ᠴᠢᠮᠡᠭᠡ ᠶᠢ ᠵᠢᠷᠦᠭᠡᠨ ᠠᠴᠠ ᠪᠠᠨ ᠰᠤᠨᠤᠰᠴᠤ᠂ | ᠨᠢᠭᠡ ᠶᠤᠰᠤᠨ ᠳᠠᠭᠠᠨ ᠬᠠᠯᠠᠭᠤᠨ ᠭᠡᠷ ᠲᠤ ᠠᠮᠢᠳᠤ ᠪᠠᠷ ᠢᠶᠠᠨ ᠪᠡᠭᠡᠵᠦ ᠪᠠᠶᠢᠯᠠ᠃ ᠲᠡᠷᠡ ᠪᠠᠷ ᠠᠮᠢᠳᠤᠷᠠᠯ ᠠᠴᠠ | ᠤᠢᠢᠳᠤᠨ ᠠᠮᠢᠰᠬᠤᠯᠯᠠᠵᠤ ᠶᠠᠳᠠᠨᠠ᠃ ᠲᠡᠭᠦᠨ ᠢ ᠠᠯᠳᠠᠢ ᠶᠢᠨ ᠤᠷᠬᠢᠯ ᠳᠤ ᠰᠤᠯᠠ ᠲᠠᠯᠪᠢᠵᠠᠢ ᠭᠡᠮᠡᠨᠡ ᠴᠢᠮᠦᠭᠡ | ᠴᠠᠷᠴᠠᠮᠠ ᠬᠦᠢᠳᠡᠨ ᠳᠤ ᠢᠯᠠᠭᠠ ᠰᠢᠭ᠋ ᠯᠠ ᠦᠬᠦᠬᠦ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠶᠢᠮᠦ ᠴᠤ ᠬᠤᠪᠢ ᠲᠤᠬᠢᠶᠠᠭᠰᠠᠨ | ᠦᠭᠡᠢ᠃ | ᠬᠠᠯᠢᠯ ᠬᠠᠳᠠᠨ ᠤ ᠢᠷᠮᠡᠭ ᠲᠡᠭᠡᠷᠡᠬᠢ ᠡᠭᠦᠷ ᠲᠡᠭᠡᠨ ᠭᠠᠭᠴᠠ ᠭᠦ ᠡᠭᠡ ᠶᠢᠨ ᠢᠶᠠᠨ ᠠᠮᠠ ᠤᠷᠤᠭᠤ ᠨᠢ ᠬᠢᠬᠦ | ᠬᠤᠭᠤᠯᠠ ᠶᠢ ᠬᠦᠯᠢᠶᠡᠨ ᠠᠩᠭᠠᠯᠵᠠᠬᠤ ᠠᠴᠠ ᠦᠭᠡᠷᠡ ᠶᠠᠭᠤ ᠴᠤ ᠮᠡᠳᠡᠬᠦ ᠦᠭᠡᠢ᠂ ᠠᠷᠠᠴᠢᠭᠠ ᠦᠭᠡᠢ ᠪᠢᠴᠢᠬᠠᠨ | ᠠᠩᠭᠠᠬᠠᠢ ᠪᠠᠶᠢᠬᠤ ᠳᠠᠭᠠᠨ ᠬᠦᠮᠦᠨ ᠳᠤ ᠤᠯᠵᠠᠯᠠᠭᠳᠠᠵᠤ᠂ ᠴᠢᠷᠠᠮᠠᠨ ᠬᠦᠬᠡ ᠰᠠᠯᠬᠢᠨ ᠳᠤ ᠵᠢᠩᠭᠢᠨᠢ ᠪᠦᠷᠭᠦᠳ ᠪᠤᠯᠬᠤ | ᠲᠠᠪᠢᠯᠠᠩ ᠲᠦᠭᠡᠷᠢᠭᠰᠡᠨ ᠪᠢᠯᠡ᠃ ᠪᠦᠷᠭᠦᠳ ᠬᠡᠭᠴᠢ ᠦᠷᠠ ᠦᠨᠳᠡᠭᠡᠨ ᠳᠡᠭᠡᠨ ᠬᠡᠴᠢᠨᠡᠬᠡᠨ ᠬᠠᠷᠠᠮ᠃ ᠡᠬᠡ | ᠪᠦᠷᠭᠦᠳ ᠨᠢ ᠬᠠᠷᠠᠭᠰᠠᠨ ᠯᠠ ᠪᠤᠯ ᠲᠡᠷᠡ ᠬᠦᠮᠦᠨ ᠤᠷᠤᠭᠤ ᠭᠠᠯᠵᠠᠭᠤᠷᠠᠨ ᠲᠠᠭᠠᠷᠢᠵᠤ ᠬᠤᠷᠴᠠ ᠰᠠᠷᠪᠠᠭᠤ ᠪᠠᠨ | ᠰᠢᠭᠢᠳᠭᠡᠨ ᠭᠡᠭᠵᠡ ᠲᠠᠳᠠᠵᠤ᠂ ᠬᠦᠴᠦᠳᠦ ᠲᠠᠯᠠᠪᠴᠢ ᠪᠠᠷ ᠢᠶᠠᠷ ᠠᠯᠠᠭᠠᠳᠠᠨ ᠬᠠᠷᠠᠩᠭᠤᠢ ᠠᠩᠭᠠᠯ ᠤᠷᠤᠭᠤ ᠰᠢᠳᠡᠬᠦ | ᠯᠡ ᠪᠠᠶᠢᠬᠰᠠᠨ᠃ ᠬᠤᠪᠢ ᠵᠠᠶᠠᠭᠠ ᠲᠤᠳᠠᠬᠤ ᠳᠤ ᠡᠵᠢ ᠨᠢ ᠪᠠᠶᠢᠭᠠ ᠦᠭᠡᠢ ᠶᠤᠮ᠃ ᠬᠠᠷᠢᠨ ᠬᠠᠵᠠᠭᠤ ᠶᠢᠨ ᠬᠠᠳᠠᠨ | ᠬᠢᠰᠠᠭᠠᠨ ᠳᠤ ᠴᠡᠩᠭᠡᠷ ᠨᠢᠳᠦᠳᠦ ᠠᠩᠭᠠᠬᠠᠢ ᠮᠦᠨ ᠯᠡ ᠰᠢᠷᠠᠬᠠᠨ ᠠᠮᠠ ᠪᠠᠨ ᠠᠩᠭᠠᠯᠵᠠᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ | ᠲᠡᠭᠦᠨ ᠤ ᠬᠤᠪᠢ ᠵᠠᠶᠠᠭᠠ ᠲᠠᠰᠤ ᠦᠭᠡᠷᠡ᠃ ᠭᠠᠵᠠᠷ ᠲᠡᠭᠷᠢ ᠮᠡᠳᠦ ᠢᠯᠭᠠᠭᠠᠳᠠᠢ᠃ | ᠴᠡᠰᠤᠳᠤ ᠴᠠᠷᠠᠮ ᠤᠨ ᠲᠤᠭᠰᠢᠨ ᠪᠦᠷᠭᠦᠳ ᠬᠠᠳᠠᠨ ᠤ ᠢᠷᠮᠡᠭ ᠲᠤ ᠵᠠᠰᠠᠭᠰᠠᠨ ᠡᠭᠦᠷ ᠲᠠᠬᠢ ᠬᠤᠶᠠᠷ | ᠲᠡᠭᠳᠡᠭᠡᠭᠡᠢ ᠪᠠᠨ ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ᠬᠤᠭᠤᠯᠠᠯᠠᠯᠠ᠃ ᠡᠭᠡ ᠨᠢ ᠲᠡᠭᠳᠡᠭᠡᠭᠡᠢ ᠨᠦᠭᠦᠳ ᠢᠶᠠᠨ ᠲᠦᠩᠭᠡᠵᠢ | ᠦᠳᠦᠯᠡᠵᠦ ᠪᠠᠶᠢᠭᠠ ᠪᠢᠴᠢᠬᠠᠨ ᠲᠠᠯᠢ ᠪᠠᠨ ᠰᠡᠷᠪᠡᠯᠵᠡᠭᠦᠯᠦᠨ ᠡᠭᠦᠷ ᠲᠡᠭᠡᠨ ᠲᠤᠭᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠨᠢᠰᠬᠦ ᠶᠢᠨ | ᠬᠦᠰᠡᠯ ᠳᠤ ᠠᠪᠳᠠᠵᠤ ᠪᠤᠢ ᠶᠢ ᠨᠢ ᠴᠠᠬᠢᠯᠠᠨ ᠬᠢᠯᠠᠯᠵᠠᠭᠴᠢ ᠬᠤᠷᠴᠠ ᠰᠢᠷᠠ ᠨᠢᠳᠦ ᠪᠠᠷ ᠢᠶᠠᠨ ᠠᠩᠬᠠᠷᠤᠯᠳᠠᠶᠢᠶᠠ | ᠬᠠᠷᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠶᠠᠭᠠᠬᠢᠬᠤ ᠡᠶᠢᠬᠦ ᠶᠢᠨ ᠵᠠᠭᠤᠷᠠ ᠦᠭᠡᠢ ᠬᠦᠴᠦᠳᠤ ᠲᠠᠯᠠᠪᠴᠢ ᠪᠠᠷ ᠢᠶᠠᠨ ᠭᠠᠭᠴᠠᠬᠠᠨ | ᠰᠢᠷᠪᠢᠭᠡᠳ ᠯᠡ ᠡᠭᠦᠷ ᠲᠠᠢ ᠶᠠᠭᠤ ᠲᠠᠢ ᠭᠡ ᠲᠠᠢ ᠨᠢ ᠬᠠᠳᠠᠨ ᠬᠠᠯᠢᠯ ᠤᠷᠤᠭᠤ ᠨᠢᠰᠭᠡᠵᠦ ᠤᠷᠭᠢᠭᠰᠠᠨ ᠪᠢᠯᠡ᠃ | ᠪᠦᠷᠭᠦᠳ ᠤᠨ ᠪᠢᠴᠢᠬᠠᠨ ᠠᠩᠭᠠᠬᠠᠢ ᠨᠤᠭᠤᠳ ᠠᠶᠤᠮᠰᠢᠬᠳᠤ ᠲᠤᠮᠤ ᠠᠷᠢᠶᠠᠳᠠᠨ ᠤ ᠠᠮᠠ ᠮᠡᠳᠦ ᠡᠭ᠍ᠴᠡ | ᠴᠠᠪᠴᠢᠮᠠ ᠬᠠᠳᠠᠨ ᠴᠤᠬᠢᠶᠠᠨ ᠤ ᠬᠠᠷᠠᠩᠭᠤᠢ ᠠᠩᠭᠠᠯ ᠤᠷᠤᠭᠤ ᠵᠤᠮᠤᠭᠤᠯ ᠮᠡᠳᠦ ᠬᠡᠶᠢᠰᠬᠦ ᠳᠤ ᠴᠠᠭᠠᠨ ᠦᠳᠦᠳᠦ | ᠪᠢᠴᠢᠬᠠᠨ ᠠᠩᠭᠠᠬᠠᠢ ᠬᠠᠮᠤᠭ ᠬᠦᠴᠦ ᠪᠠᠨ ᠰᠢᠪᠬᠠᠨ ᠦᠴᠦᠬᠡᠨ ᠵᠢᠬᠦᠷ ᠢᠶᠠᠨ ᠲᠡᠪᠢᠬᠦ ᠨᠢ ᠲᠦᠩᠭᠡᠵᠢ ᠬᠦᠯ ᠳᠤ | ᠤᠷᠤᠬᠤ ᠭᠡᠵᠦ ᠲᠡᠩᠴᠡᠵᠦ ᠶᠠᠳᠠᠨ ᠪᠤᠢ ᠬᠡᠤᠬᠡᠳ ᠮᠡᠳᠦ᠃ ᠠᠷᠠᠢ ᠶᠠᠳᠠᠨ ᠠᠭᠠᠷ ᠲᠤ ᠲᠤᠭᠳᠠᠬᠤ ᠳᠤ ᠨᠢᠭᠡᠨ | ᠡᠬᠡ ᠶᠢᠨ ᠭᠡᠪᠡᠯᠢ ᠠᠴᠠ ᠲᠦᠷᠦᠵᠦ᠂ ᠨᠢᠭᠡᠨ ᠡᠭᠦᠷ ᠲᠤ ᠪᠡᠶᠡ ᠪᠠᠶᠠᠨ ᠤ ᠪᠠᠨ ᠨᠤᠯᠤᠤᠷ ᠲᠤ ᠲᠤᠯᠠᠭᠠᠴᠠᠨ ᠬᠤᠭᠤᠯᠠ | ᠪᠠᠨ ᠬᠦᠯᠢᠶᠡᠵᠦ ᠠᠩᠭᠠᠯᠵᠠᠵᠤ ᠠᠭᠰᠠᠨ ᠢᠭᠡᠷᠡ ᠨᠢ ᠬᠠᠳᠠ ᠮᠦᠷᠭᠦᠨ ᠦᠷᠦᠰᠢᠶᠡᠯ ᠦᠭᠡᠢ ᠪᠠᠷ ᠪᠢᠴᠠᠷᠠᠨ ᠤᠨᠠᠬᠤ | ᠶᠢ ᠴᠤ ᠬᠠᠷᠠᠵᠤ ᠠᠮᠵᠢᠭᠰᠠᠨ ᠦᠭᠡᠢ᠃ ᠭᠠᠭᠴᠠ ᠬᠦ ᠡᠬᠡ ᠪᠦᠷᠭᠦᠳ ᠬᠤᠶᠠᠷ ᠠᠩᠭᠠᠬᠠᠢ ᠶᠢᠨ ᠢᠶᠠᠨ ᠬᠡᠨ ᠨᠢ | ᠲᠡᠩᠴᠡᠵᠦ᠂ ᠬᠡᠨ ᠨᠢ ᠰᠢᠷᠪᠢᠭᠳᠡᠬᠦ ᠶᠢ ᠬᠦᠨ ᠰᠢᠷᠠ ᠨᠢᠳᠦᠨ ᠳᠡᠭᠡᠨ ᠲᠤᠭᠳᠠᠭᠠᠵᠤ ᠬᠠᠷᠠᠭᠠᠳ᠂ ᠲᠠᠬᠢᠨ ᠬᠡᠵᠢᠶᠡ | ᠴᠤ ᠡᠬᠡ ᠦᠷᠡ ᠶᠢᠨ ᠶᠤᠰᠤ ᠪᠠᠷ ᠠᠭᠤᠯᠵᠠᠬᠤ ᠦᠭᠡᠢ ᠪᠠᠷ ᠨᠢᠰᠦᠨ ᠤᠳᠤᠯᠠ᠃ ᠡᠨᠡ ᠪᠤᠯ ᠪᠦᠷᠭᠦᠳ ᠤᠨ | ᠲᠠᠪᠢᠯᠠᠩ ᠪᠠᠶᠢᠯᠠ᠃ | ᠴᠡᠩᠭᠡᠷ ᠨᠢᠳᠦᠳᠦ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠶᠠᠭᠤ ᠡᠰᠡ ᠶᠢ ᠦᠵᠡᠭᠰᠡᠨ ᠭᠡᠬᠦ ᠪᠤᠢ᠃ ᠡᠭᠡ ᠶᠢᠨ ᠦᠷᠦᠰᠢᠶᠡᠯ | ᠦᠭᠡᠢ ᠰᠢᠷᠦᠭᠦᠨ ᠲᠠᠯᠠᠪᠴᠢᠨ ᠳᠤ ᠠᠯᠠᠭᠠᠳᠠᠭᠤᠯᠬᠤ ᠳᠠᠭᠠᠨ ᠯᠡ ᠤᠷᠴᠢᠯᠠᠩ ᠲᠡᠭᠡᠷᠡ ᠵᠢᠭᠦᠷ ᠢᠶᠠᠨ ᠲᠡᠪᠢᠵᠦ | ᠴᠢᠳᠠᠬᠤ ᠤᠤ ᠦᠭᠡᠢ ᠤᠤ ᠭᠡᠳᠡᠭ ᠢᠶᠠᠨ ᠠᠶᠤᠬᠤ ᠡᠮᠢᠶᠡᠬᠦ ᠶᠢ ᠤᠮᠠᠷᠳᠠᠵᠤ ᠰᠢᠢᠳᠦᠭᠰᠡᠨ ᠠᠴᠠ ᠬᠤᠶᠢᠰᠢ᠂ | ᠠᠮᠢᠳᠤᠷᠠᠯ ᠤᠨ ᠭᠠᠯ ᠤᠴᠢ ᠬᠢᠯᠠᠯᠵᠠᠭᠰᠠᠨ ᠬᠤᠷᠴᠠ ᠨᠢᠳᠦ᠂ ᠲᠠᠷᠢᠬᠢ ᠤᠬᠠᠭᠠᠨ᠂ ᠬᠦᠴᠦᠳᠦ ᠵᠢᠭᠦᠷ᠂ ᠬᠤᠷᠴᠠ | ᠰᠠᠷᠪᠠᠭᠤ᠂ ᠱᠠᠯᠠᠮᠠᠭ ᠬᠦᠳᠡᠯᠭᠡᠭᠡᠨ᠂ ᠬᠢᠳᠤᠭᠠ ᠮᠡᠳᠦ ᠬᠤᠰᠢᠭᠤᠨ ᠳᠠᠭᠠᠨ ᠲᠠᠭᠠᠳᠬᠠᠭᠰᠠᠨ ᠪᠢᠯᠡ᠃ ᠠᠯᠳᠠᠢ ᠶᠢᠨ | ᠴᠠᠭᠠᠨ ᠰᠠᠯᠬᠢᠨ ᠳᠤ ᠪᠢᠴᠢᠬᠠᠨ ᠵᠢᠭᠦᠷ ᠨᠢ ᠬᠦᠴᠦ ᠰᠠᠭᠤᠵᠤ᠂ ᠴᠠᠩᠭᠢᠨᠠᠬᠤ ᠵᠢᠪᠠᠷ ᠶᠠᠰᠤᠨ ᠳᠤ ᠬᠠᠳᠠᠪᠠᠴᠤ᠂ | ᠲᠤᠪᠳᠤᠯᠤᠨ ᠲᠠᠭᠠᠷᠢᠬᠤ ᠲᠤᠭᠰᠢᠨ ᠰᠢᠭᠤᠷᠭᠠ ᠶᠢ ᠰᠤᠮᠤ ᠮᠡᠳᠦ ᠰᠦᠷᠦᠨ ᠲᠠᠪᠠᠭ᠋ᠤ ᠶᠢᠨ ᠢᠳᠡ ᠬᠠᠪᠤ ᠶᠢ ᠮᠡᠳᠡᠷᠡᠵᠦ | ᠶᠠᠪᠤᠯᠠ᠃ ᠵᠠᠷᠢᠮ ᠦᠶᠡ ᠳᠤ ᠰᠤᠭᠤ ᠪᠠᠨ ᠤᠯᠠᠭᠠᠨ ᠨᠢᠯᠭᠤ ᠪᠤᠯᠳᠠᠯᠠ ᠲᠡᠪᠢᠨ ᠬᠤᠭᠤᠯᠠ ᠡᠷᠢᠵᠦ᠂ ᠠᠮᠢᠳᠤ | ᠶᠠᠪᠤᠬᠤ ᠶᠢᠨ ᠵᠤᠪᠠᠯᠠᠩ᠂ ᠵᠤᠪᠠᠯᠠᠩ ᠲᠠᠪᠠᠭ᠋ᠤ ᠶᠢᠨ ᠵᠢᠷᠭᠠᠯ᠂ ᠵᠢᠭᠦᠷ ᠤᠨ ᠬᠦᠴᠦ ᠪᠠᠷ ᠠᠭᠠᠷ ᠲᠤ ᠲᠤᠭᠳᠠᠨ᠂ ᠠᠭᠠᠭ | ᠲᠦᠭᠦᠷᠡᠩ ᠡᠯᠢᠨ ᠬᠠᠯᠢᠬᠤ ᠶᠢᠷᠳᠢᠨᠴᠦ ᠶᠢᠨ ᠲᠡᠭᠰᠢ ᠭᠡᠮ ᠤᠨ ᠭᠠᠶᠢᠬᠠᠮᠰᠢᠭ ᠢ ᠡᠳ᠋ᠯᠡᠵᠦ ᠦᠵᠡᠯᠡ᠃ ᠲᠡᠷᠡ ᠰᠦᠷ | ᠵᠢᠪᠬᠤᠯᠠᠩ ᠲᠡᠭᠦᠰ ᠱᠤᠪᠬᠤ ᠭᠠᠨᠵᠢᠷᠠ ᠠᠭᠤᠯᠠᠰ ᠤᠨ ᠤᠷᠤᠢ ᠶᠢ ᠲᠡᠭᠦᠯᠢᠨ ᠲᠠᠮᠵᠢᠬᠤ ᠶᠠᠩᠭᠢᠷ ᠬᠦᠷᠦᠭᠡᠰᠦ ᠶᠢ | ᠠᠪᠤᠷᠭᠤ ᠲᠠᠯᠠᠪᠴᠢ ᠪᠠᠨ ᠬᠤᠮᠢᠨ ᠰᠤᠮᠤ ᠰᠢᠭ᠋ ᠱᠤᠩᠭᠤᠨ ᠤᠷᠤᠵᠤ᠂ ᠬᠦᠴᠦᠷᠭᠡᠭ ᠰᠠᠷᠪᠠᠭᠤᠨ ᠳᠠᠭᠠᠨ ᠴᠠᠭᠠᠰᠤ | ᠮᠡᠳᠦ ᠦᠩᠭᠡᠯᠡᠨ ᠠᠳᠬᠤᠵᠤ᠂ ᠨᠢᠳᠦ ᠢᠷᠮᠡᠬᠦ ᠶᠢᠨ ᠵᠠᠭᠤᠷᠠ ᠳᠤ ᠠᠭᠠᠷ ᠲᠤ ᠲᠡᠭᠦᠯᠢᠨ ᠭᠠᠷᠳᠠᠭ ᠪᠢᠯᠡ᠃ | ᠡᠶᠢᠨ ᠬᠦ ᠰᠢᠭᠤᠷᠭᠠ ᠬᠦᠩᠭᠢᠨᠡᠨ ᠱᠤᠤᠭᠢᠬᠤ ᠬᠦᠨᠳᠡᠢ ᠶᠢ ᠬᠤᠷᠴᠠ ᠴᠡᠩᠭᠡᠷ ᠨᠢᠳᠦ ᠪᠠᠷ ᠢᠶᠠᠨ ᠴᠤᠭᠤ | ᠰᠢᠷᠳᠡᠭᠰᠡᠭᠡᠷ ᠤᠯᠠᠨ ᠵᠢᠯ ᠢ ᠦᠳᠡᠵᠦ᠂ ᠨᠠᠰᠤᠨ ᠲᠡᠭᠦᠰᠭᠡᠯ ᠳᠤ ᠢᠷᠡᠵᠡᠢ᠃ ᠲᠡᠷᠡ ᠪᠠᠷ ᠠᠮᠢᠰᠬᠤᠯ ᠨᠢ | ᠲᠡᠪᠴᠢᠭᠤᠳᠠᠬᠤ ᠲᠤᠰᠤᠮ ᠤᠷᠴᠢᠯᠠᠩᠳᠤ ᠶᠢᠷᠳᠢᠨᠴᠦ ᠠᠴᠠ ᠤᠯᠠᠮ ᠲᠡᠭᠡᠭᠰᠢᠯᠡᠨᠡ᠃ ᠠᠩᠬᠠ ᠡᠵᠢ ᠳᠡᠭᠡᠨ | ᠰᠢᠷᠪᠢᠭᠦᠯᠦᠭᠰᠡᠨ ᠬᠠᠳᠠᠨ ᠢᠷᠮᠡᠭ ᠲᠡᠭᠡᠷᠡ ᠪᠠᠰᠠ ᠬᠤᠶᠠᠷ ᠪᠢᠴᠢᠬᠠᠨ ᠠᠩᠭᠠᠬᠠᠢ ᠠᠩᠭᠠᠯᠵᠠᠨ ᠠᠩᠭᠠᠯᠵᠠᠬᠤ ᠶᠢ | ᠬᠠᠷᠠᠭᠰᠠᠨ ᠪᠦᠭᠡᠳ ᠲᠡᠷᠡ ᠨᠢ ᠲᠡᠭᠦᠨ ᠤ ᠵᠤᠯᠵᠠᠭᠠ ᠨᠢ ᠪᠢᠯᠡ᠃ ᠲᠡᠳᠡ ᠡᠭᠡ ᠶᠢᠨ ᠢᠶᠠᠨ ᠬᠦᠴᠦᠳᠦ ᠲᠠᠯᠠᠪᠴᠢᠨ | ᠳᠤ ᠬᠤᠶᠠᠭᠤᠯᠠ ᠪᠠᠨ ᠴᠤ᠂ ᠡᠰᠡᠪᠡᠯ ᠨᠢᠭᠡ ᠨᠢ ᠴᠤ ᠡᠷᠡᠰᠳᠡᠵᠦ ᠮᠡᠳᠡᠨᠡ᠃ ᠭᠠᠭᠴᠠ ᠬᠦ ᠪᠦᠷᠭᠦᠳ ᠪᠤᠯᠬᠤ | ᠲᠠᠪᠢᠯᠠᠩ ᠯᠠ ᠮᠡᠳᠡᠨᠡ᠃ | ᠴᠡᠩᠭᠡᠷ ᠨᠢᠳᠦᠳᠦ ᠤᠯᠠᠮ ᠲᠡᠭᠡᠭᠰᠢ ᠪᠠᠨ᠂ ᠤᠯᠠᠮ ᠲᠡᠭᠡᠭᠰᠢᠯᠡᠭᠰᠡᠭᠡᠷ ᠠᠭᠠᠷ ᠮᠠᠨᠳᠠᠯ ᠠᠴᠠ ᠲᠠᠰᠤᠷᠠᠯᠠ᠃ | ᠬᠡᠷᠪᠡ ᠭᠠᠵᠠᠷ ᠠᠴᠠ ᠬᠡᠨ ᠨᠢᠭᠡ ᠨᠢ ᠬᠠᠷᠠᠭᠰᠠᠨ ᠪᠤᠯ ᠴᠡᠩᠭᠡᠷ ᠨᠢᠳᠦᠳᠦ ᠪᠦᠷᠭᠦᠳ ᠬᠢᠵᠠᠭᠠᠷ ᠦᠭᠡᠢ ᠬᠦᠬᠡ | ᠲᠡᠭᠷᠢ ᠶᠢᠨ ᠠᠭᠤᠳᠠᠮ ᠳᠤ ᠪᠢᠴᠢᠬᠠᠨ ᠬᠠᠷᠠ ᠴᠡᠭ ᠪᠤᠯᠵᠤ ᠵᠢᠵᠢᠭᠷᠡᠨ ᠵᠢᠵᠢᠭᠷᠡᠭᠰᠡᠭᠡᠷ ᠠᠯᠠᠭᠠ ᠪᠤᠯᠬᠤ ᠨᠢ | ᠦᠵᠡᠭᠳᠡᠨᠡ᠃ ᠴᠡᠩᠭᠡᠷ ᠨᠢᠳᠦᠳᠦ ᠳᠤ ᠬᠠᠷᠠᠮᠰᠠᠬᠤ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ᠃ ᠪᠦᠷᠭᠦᠳ ᠤᠨ ᠵᠢᠮᠡ ᠪᠠᠷ ᠰᠠᠨᠰᠠᠷ | ᠬᠤᠷᠸᠠ ᠳᠤ ᠵᠢᠷᠦᠬᠡ ᠨᠢ ᠲᠡᠯᠪᠡᠷᠡᠵᠦ᠂ ᠬᠦᠴᠦᠳᠦ ᠵᠢᠭᠦᠷ ᠤᠨ ᠬᠢᠨᠢ ᠦᠳᠦ ᠰᠦᠳᠦ ᠬᠦᠮᠦᠨ ᠤ ᠭᠠᠷ ᠲᠤ ᠤᠷᠤᠬᠤ | ᠶᠢ ᠪᠢᠳᠡᠭᠡᠢ ᠬᠡᠯᠡ᠂ ᠭᠠᠵᠠᠷ ᠤᠨ ᠬᠦᠷᠦᠰᠦᠨ ᠳᠤ ᠴᠤ ᠬᠦᠷᠦᠯ ᠦᠭᠡᠢ ᠨᠢᠰᠦᠨ ᠤᠳᠤᠨᠠ᠃ | ᠬᠠᠷᠢᠨ ᠬᠦᠮᠦᠨ ᠤ ᠭᠡᠷ ᠲᠤ ᠠᠮᠢᠰᠬᠤᠯ ᠨᠢ ᠲᠠᠪᠴᠢᠭᠤᠳᠠᠬᠴᠢ ︽ᠰᠤᠬᠤᠷ︾ ᠪᠦᠷᠭᠦᠳ ᠦᠷᠡ ᠲᠦᠯ ᠢᠶᠠᠨ | ᠦᠯᠡᠳᠡᠭᠡᠬᠦ ᠶᠢ ᠪᠤᠤ ᠬᠡᠯᠡ᠂ ᠦᠪᠡᠷ ᠤᠨ ᠵᠤᠷᠢᠭ ᠢᠶᠠᠷ ᠴᠤ ᠦᠬᠦᠬᠦ ᠬᠤᠪᠢ ᠲᠤᠳᠠᠵᠠᠢ᠃ ᠡᠵᠡᠨ ᠨᠢ ᠬᠦᠮᠦᠨ ᠤ | ᠤᠷᠴᠢᠯᠠᠩ ᠳᠤ ᠲᠡᠭᠦᠪᠡᠷ ᠵᠤᠭᠠᠴᠠᠬᠤ ᠬᠦᠰᠡᠯ ᠳᠡᠭᠡᠨ ᠰᠢᠨᠤᠨ ᠠᠮᠢᠳᠤ ᠪᠠᠶᠢᠯᠭᠠᠬᠤ ᠭᠡᠵᠦ ᠲᠡᠭᠦᠨ ᠤ ᠤᠳᠠᠰᠤᠨ | ᠴᠢᠨᠡᠭᠡ ᠤᠯᠠᠭᠠᠨ ᠠᠮᠢ ᠶᠢ ᠡᠮ ᠲᠤᠮ᠂ ᠡᠯᠳᠡᠪ ᠠᠷᠭᠠ ᠴᠡᠷᠭᠠ ᠬᠡᠷᠡᠭᠯᠡᠨ ᠲᠤᠷᠭᠤᠭᠠᠵᠤ ᠤᠷᠴᠢᠯᠠᠩ ᠤᠨ ᠵᠤᠪᠠᠯᠠᠩ | ᠳᠤ ᠬᠦᠯᠢᠭᠰᠡᠭᠡᠷ ᠠᠮᠤᠢ᠃ |