ᠡᠵᠡᠨ᠎ᠡ ᠲᠤᠷᠭᠤᠳᠴᠤᠳ ᠤᠨ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠬᠡᠶᠢᠴᠢᠨ ᠲᠠᠶᠢᠯᠠᠬᠤ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2021/9/16
     ᠭᠡᠶᠢᠴᠢᠨ ᠢᠷᠡᠪᠡᠯ ᠤᠶᠠᠭᠠᠨ ᠳᠡᠭᠡᠷ᠎ᠡ ᠤᠭᠲᠦᠵᠤ ᠶᠡᠭᠡ ᠪᠠᠭ᠎ᠠ ᠶᠢᠨ ᠶᠤᠰᠤ ᠪᠠᠷ ᠬᠠᠷᠢᠯᠴᠠᠨ ᠰᠢᠨ᠎ᠡ ᠶᠢᠨ ᠴᠠᠭ᠎ᠠ ᠮᠠᠨᠲᠦ ᠡᠷᠢᠵᠤ᠂ ᠮᠤᠷᠢ ᠤᠨᠤᠭ᠎ᠠ ᠶᠢ ᠨᠢ ᠤᠶᠠᠭᠠᠳ ᠭᠡᠷ ᠲᠤ ᠵᠠᠯᠠᠨ ᠤᠷᠤᠭᠤᠯᠤᠨ᠎ᠠ᠃ ᠬᠡᠷ ᠲᠤ ᠬᠠᠷᠢᠯᠴᠠᠨ ᠬᠥᠬᠦᠤᠷ ᠰᠤᠯᠢᠯᠴᠠᠨ‌‍ᠲ᠋ᠠᠮᠠᠬᠢᠯᠠᠵᠤ ︽ᠪᠤᠤ ᠶᠢᠨ ᠲᠠᠭᠤᠨ ᠰᠠᠶᠢᠨ᠂ ᠪᠤᠤᠽᠠᠨ ᠤ ᠠᠮᠲᠠ ᠰᠠᠶᠢᠨ᠂ ᠪᠤᠤᠷ᠎ᠠ ᠶᠢᠨ ᠵᠠᠩ ᠰᠠᠶᠢᠨ︾ ᠬᠡᠬᠦ ᠮᠡᠲᠦ ︽ᠰᠠᠶᠢᠨ︾ ᠬᠡᠮᠡᠬᠦ ᠦᠭᠡ ᠶᠢ ᠶᠡᠬᠡᠳᠡ ᠡᠷᠬᠢᠮᠯᠡᠨ ᠭᠡᠯᠡᠯᠴᠡᠳᠡᠭ᠃ ᠢᠡᠭᠬᠢᠭᠡᠳ ᠪᠠᠷᠠᠪᠠᠯ ᠭᠡᠷ ᠤᠨ ᠡᠵᠡᠨ ᠴᠠᠭᠠᠨ ᠢᠳᠡᠭᠡ ᠰᠠᠩᠽᠠ ᠪᠤᠤᠪᠤᠪᠠᠨ ᠲᠠᠯᠪᠢᠵᠤ᠂ ᠰᠢᠨ᠎ᠡ ᠶᠢᠨ ᠴᠠᠢ ᠪᠠᠨ ᠠᠶᠠᠭᠠᠯᠠᠳᠠᠭ᠃ ᠲᠠᠪᠠᠭ ᠤᠨ ᠦᠡᠭᠭᠡᠨ ᠳᠤ ᠥᠷᠥᠮ᠎ᠡ᠂ ᠱᠥᠬᠦᠷᠡᠮᠡᠭ᠂ ᠡᠬᠡᠵᠡᠬᠡᠢ ᠵᠡᠷᠭᠡ ᠶᠢ ᠲᠠᠯᠪᠢᠳᠠᠭ᠃ ᠴᠠᠢ ᠤᠤᠭᠤᠭᠰᠠᠨ ᠤ ᠳᠠᠷᠠᠭ᠎ᠠ ᠢᠷᠡᠭᠰᠡᠨ ᠬᠡᠶᠢᠴᠢᠨ ᠪᠡᠯᠡᠭ ᠢᠶᠠᠨ ᠪᠠᠷᠢᠨ᠎ᠠ᠃ ᠦᠡᠭᠭᠡᠷᠡᠭᠰᠡᠨ ᠳᠤ ᠤᠯᠠᠩᠬᠢ ᠨᠢ ᠬᠠᠳᠠᠭ ᠢᠶᠠᠷ ᠪᠡᠯᠡᠭ ᠪᠠᠷᠢᠳᠠᠭ᠃ ᠠᠪᠤ ᠡᠵᠢ ᠶᠢᠨ ᠳᠡᠭᠡᠨ ᠴᠠᠭᠠᠯᠠᠵᠤ ᠤᠴᠢᠬᠤ ᠳᠠᠭᠠᠨ ᠲᠠᠪᠠᠭ ᠢᠳᠡᠭᠡ᠂ ᠠᠷᠢᠬᠢ ᠳᠡᠷᠡᠰᠦ ᠪᠠᠷ ᠪᠡᠯᠡᠭ ᠪᠠᠷᠢᠨ᠎ᠠ᠃ ᠭᠡᠷ ᠤᠨ ᠡᠵᠡᠨ ᠬᠠᠳᠠᠭ ᠪᠠᠷᠢᠭᠰᠠᠨ ᠬᠡᠶᠢᠴᠢᠨ ᠳᠤ ᠬᠠᠷᠢᠭᠤ ᠬᠠᠳᠠᠭ ᠪᠠᠷᠢᠨ᠎ᠠ᠂ ᠬᠡᠤᠬᠡᠳ ᠲᠤ ᠰᠢᠬᠢᠷ ᠠᠳᠬᠤᠵᠤ ᠦᠭᠬᠦᠨ᠎ᠡ᠃ ᠤᠶᠢᠷ᠎ᠠ ᠲᠦᠷᠦᠯ ᠤᠨ ᠳᠤ ᠬᠦᠷᠬᠦ ᠳᠤ ᠨᠠᠰᠤᠲᠠᠶᠢᠴᠤᠳ ᠨᠢ ᠬᠡᠤᠬᠡᠳ ᠲᠤ ᠠᠶᠠᠭᠠᠨ ᠳᠤ ᠪᠤᠤᠪᠤ ᠬᠢᠵᠤ ᠦᠭᠬᠦ ᠪᠤᠶᠤ ᠭᠠᠷ ᠠᠯᠴᠢᠭᠤᠷ ᠲᠤ ᠰᠢᠬᠢᠷ ᠪᠤᠭᠤᠵᠤ ᠦᠭᠬᠦᠨ᠎ᠡ᠃ ᠥᠬᠢᠨ ᠬᠡᠤᠬᠡᠳ ᠲᠤ ᠨᠢᠬᠡ ᠬᠤᠶᠠᠷ ᠭᠤᠭᠴᠤᠭ᠎ᠠ ᠲᠤᠷᠭᠠᠨ ᠤᠳᠠᠰᠤᠨ ᠤ ᠪᠡᠯᠡᠭ ᠦᠭᠳᠡᠭ᠃ ᠢᠡᠭᠬᠢᠭᠡᠳ ᠲᠠᠭᠤᠰᠪᠠᠯ ᠭᠡᠷ ᠤᠨ ᠡᠵᠡᠨ ᠠᠴᠠ    ︽ᠢᠳᠡᠭᠡ ᠪᠤᠭᠤᠷᠰᠤᠭ ᠠᠴᠠ ᠵᠤᠭᠤᠭᠯᠠ︾ ᠭᠡᠵᠤ ᠵᠤᠴᠢᠨ ᠢᠶᠠᠨ ᠶᠠᠩᠨᠠᠨ᠎ᠠ᠃      ᠭᠡᠶᠢᠴᠢᠨ ᠪᠤᠭᠤᠷᠰᠤᠭ ᠢᠳᠡᠭᠡ ᠠᠴᠠ ᠠᠮᠰᠠᠠᠭᠰᠠᠨ ᠤ ᠳᠠᠷᠠᠭ᠎ᠠ ᠭᠡᠷ ᠤᠨ ᠡᠵᠡᠨ ᠠᠴᠠ ᠭᠡᠶᠢᠴᠢᠨ ᠳᠤ ᠠᠷᠢᠬᠢ ᠪᠠᠷᠢᠨ᠎ᠠ᠃ ᠠᠷᠢᠬᠢ ᠵᠠᠰᠠᠬᠤ ᠳᠠᠭᠠᠨ ᠭᠤᠷᠪᠠᠨᠲᠠ ᠡᠷᠭᠦᠳᠡᠭ ᠪᠦᠭᠡᠳ ᠬᠡᠶᠢᠴᠢ ᠬᠤᠶᠠᠷ ᠭᠠᠷ ᠢᠶᠠᠨ ᠲᠤᠰᠴᠦ ᠪᠦᠬᠦᠶᠢᠬᠦ ᠶᠤᠰᠤᠨ ᠢ ᠬᠦᠢᠴᠡᠳᠭᠡᠳᠡᠭ᠃ ᠬᠡᠬᠦ ᠳᠡᠭᠡᠨ ᠭᠡᠷ ᠤᠨ ᠡᠵᠡᠨ ᠬᠡᠶᠢᠴᠢᠨ ᠳᠤ ᠠᠩᠬᠠᠨ ᠤ ᠠᠷᠢᠬᠢ ᠪᠠᠨ‌‍ᠪᠠᠷᠢᠬᠤ ᠳᠠᠭᠠᠨ ᠤᠷᠢᠳ ᠢᠶᠠᠷ ᠭᠠᠯ ᠭᠤᠯᠦᠮᠳᠠ ᠳᠠᠭᠠᠨ᠂ ᠳᠠᠷᠠᠭ᠎ᠠ ᠨᠢ ᠭᠡᠷ ᠤᠨ ᠲᠤᠭᠤᠨᠤ ᠦᠭᠡᠳᠡ ᠰᠠᠴᠤᠯᠢ ᠡᠷᠬᠦᠨ᠎ᠡ᠃ ᠡᠨᠡ ᠨᠢ ᠠᠷᠢᠬᠢᠨ ᠤ ᠳᠡᠭᠡᠵᠢ ᠪᠠᠨ ᠪᠤᠷᠬᠠᠨ ᠲᠡᠭᠷᠢ ᠪᠠ ᠭᠠᠯ ᠤᠨ ᠰᠠᠬᠢᠭᠤᠯᠰᠤᠨ ᠳᠠᠭᠠᠨ ᠡᠷᠬᠦᠵᠤ ᠪᠠᠶᠢᠭ᠎ᠠ ᠤᠳᠬ᠎ᠠ ᠲᠠᠢ᠃ ᠠᠬᠠᠯᠠᠭᠴᠢ ᠬᠡᠶᠢᠴᠢᠨ ᠠᠷᠢᠬᠢ ᠶᠢ ᠲᠤᠰᠴᠦ ᠠᠪᠤᠭᠠᠳ᠂ ᠤᠤᠭᠤᠬᠤ ᠠᠴᠠ ᠡᠮᠦᠨ᠎ᠡ ᠲᠡᠬᠦᠦ ᠨᠠᠰᠤ ᠲᠠᠢ ᠤᠯᠤᠰ ᠲᠤ ᠠᠮᠰᠠᠭᠤᠯᠳᠠᠭ᠃ ᠪᠠᠭ᠎ᠠ ᠬᠡᠤᠬᠡᠳ ᠲᠤ ᠪᠤᠯ ᠮᠠᠩᠨᠠᠢ ᠳᠤᠨᠢ ᠠᠷᠢᠬᠢ ᠲᠦᠷᠬᠢᠨ᠎ᠡ᠃ ᠭᠡᠷ ᠤᠨ ᠡᠵᠡᠨ ᠠᠷᠢᠬᠢ ᠪᠠᠨ ᠪᠠᠷᠢᠭᠠᠳ ᠲᠠᠭᠤᠰᠪᠠᠯ ᠬᠡᠶᠢᠴᠢᠨ ᠠᠴᠠ ᠭᠡᠷ ᠤᠨ ᠡᠵᠡᠨ ᠳᠤ ᠬᠠᠷᠢᠭᠤ ᠠᠷᠢᠬᠢ ᠪᠠᠷᠢᠵᠤ ᠲᠠᠭᠤᠤ ᠲᠠᠭᠤᠯᠠᠨ ᠨᠠᠷᠬᠢᠵᠤ ᠡᠬᠢᠯᠡᠳᠡᠭ ᠪᠢᠯᠡ᠃ ᠲᠤᠷᠭᠤᠳ ᠨᠤᠳᠤᠭ ᠤᠨ ᠠᠶᠢᠯ ᠪᠦᠬᠦᠨ ᠵᠤᠴᠢᠨᠰᠠᠭ᠂ ᠬᠦᠮᠦᠨ ᠪᠦᠬᠦᠨ ᠳᠠᠭᠤᠴᠢᠨ ᠭᠡᠳᠡᠭ ᠢᠶᠠᠷ ᠬᠠᠨᠭ᠍ᠬᠢᠨᠠᠮ᠎ᠠ ᠰᠠᠶᠢᠬᠠᠨ ᠤᠷᠲᠦ ᠶᠢᠨ ᠲᠠᠭᠤᠤ ᠨᠢ ᠡᠵᠡᠨ᠎ᠡ ᠲᠠᠤᠯᠠᠢ ᠶᠢᠨ       ᠤᠰᠤ ᠰᠢᠭ᠋ ᠤᠨᠳᠤᠷᠤᠭᠠᠳ ᠯᠡ ᠪᠠᠶᠢᠳᠠᠭ᠃ ᠶᠡᠷᠦ ᠨᠢ ᠠᠶᠢᠯ ᠤᠨ ᠨᠠᠶᠢᠷ ᠲᠤ ᠨᠢᠬᠡ ᠲᠠᠭᠤᠤ ᠪᠠᠨ ᠳᠠᠬᠢᠵᠤ ᠳᠠᠭᠤᠯᠠᠬᠤ ᠶᠤᠰᠦ ᠦᠭᠡᠢ᠃ ᠢᠡᠭᠬᠢᠵᠤ ᠭᠡᠳᠥᠨ ᠴᠠᠭ᠂ ᠬᠠᠭᠠᠰ ᠡᠳᠦᠷ ᠢᠶᠠᠷ ᠨᠠᠶᠢᠷᠯᠠᠭᠰᠠᠨ ᠤ ᠳᠠᠷᠠᠭ᠎ᠠ ᠬᠡᠶᠢᠴᠢᠨ ᠮᠤᠷᠳᠠᠬᠤ ᠪᠤᠯᠳᠠᠭ᠃      ᠡᠵᠡᠨ᠎ᠡ ᠲᠤᠷᠭᠤᠳᠴᠤᠳ ᠴᠠᠭᠠᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠬᠡᠶᠢᠴᠢᠳ ᠲᠡᠭᠡᠨ ᠡᠷᠭᠡᠪᠰᠢ ᠪᠤᠤᠽᠢ ᠴᠢᠨᠠᠵᠤ ᠥᠭᠳᠡᠭ ᠵᠠᠩᠰᠢᠯ ᠲᠠᠢ᠃ ᠡᠨᠡᠬᠦ ᠪᠤᠤᠽᠢ ᠴᠢᠨᠠᠬᠤ ᠪᠠᠨ ᠴᠠᠭ᠎ᠠ ᠪᠠᠷᠢᠨ᠎ᠠ ᠬᠡᠳᠡᠭ᠃ ᠵᠠᠯᠠᠭᠲᠠᠵᠤ ᠢᠷᠡᠭᠰᠡᠨ ᠭᠡᠶᠢᠴᠢᠨ ᠳᠤ ᠪᠤᠯ ᠲᠠᠯᠦ ᠲᠦᠷᠪᠡᠨ ᠦᠨᠲᠦᠷ ᠪᠤᠶᠤ ᠡᠪᠴᠢᠬᠦᠦ ᠴᠢᠨᠠᠵᠤ ᠬᠦᠨᠳᠦᠯᠡᠨ ᠲᠠᠶᠢᠯᠠᠳᠠᠭ᠃ ᠶᠡᠷᠦ ᠨᠢ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠬᠡᠶᠢᠴᠢᠨ ᠢ ᠬᠤᠭᠤᠰᠤᠨ ᠶᠠᠪᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃      ᠭᠡᠶᠢᠴᠢᠨ ᠠᠶᠢᠯ ᠠᠴᠠ ᠶᠠᠪᠤᠬᠤ ᠪᠤᠯᠬᠤ ᠳᠤ ᠠᠶᠢᠯ ᠤᠨ ᠬᠦᠮᠦᠰ ᠪᠦᠬᠦᠳᠡᠭᠡᠷ ᠢᠶᠠᠨ ᠦᠳᠡᠨ ᠭᠠᠷᠭᠠᠵᠤ ᠤᠶᠠᠭᠠᠨ ᠳᠤᠨᠢ ᠬᠦᠷᠭᠡᠬᠦ ᠪᠦᠭᠡᠳ ᠤᠨᠤᠭ᠎ᠠ ᠶᠢ ᠨᠢ ᠲᠠᠶᠢᠯᠦᠨ ᠦᠭᠬᠦᠭᠡᠳ᠄ ︽ᠵᠠ᠂ ᠵᠠᠮ ᠵᠠᠭᠤᠷ᠎ᠠ ᠪᠠᠨ ᠰᠠᠶᠢᠨ ᠶᠠᠪᠤᠭᠠᠷᠠᠢ︕︾ ᠬᠡᠬᠦ ᠮᠡᠲᠦ ᠶᠢᠨ ᠪᠡᠯᠬᠡ ᠲᠡᠮᠪᠡᠷᠢᠯ ᠲᠠᠢ ᠦᠭᠡ ᠬᠡᠯᠡᠬᠦ ᠳᠤ ᠬᠡᠶᠢᠴᠢ ᠬᠦᠮᠦᠨ ᠠᠴᠠ ︽ᠵᠠ᠂ ᠰᠠᠶᠢᠨ ᠰᠠᠭᠤᠵᠤ ᠪᠠᠶᠢᠭᠠᠷᠠᠢ︕︾ ᠭᠡᠵᠤ ᠬᠠᠷᠢᠭᠤ ᠶᠤᠰᠦ ᠬᠦᠢᠴᠡᠳᠭᠡᠭᠡᠳ ᠠᠶᠢᠯ ᠤᠨ ᠤᠶᠠᠭᠠᠨ ᠳᠡᠭᠡᠷ᠎ᠡ ᠠᠴᠠ ᠤᠨᠤᠭ᠎ᠠ ᠤᠨᠤᠬᠤ ᠶᠤᠰᠦ ᠦᠭᠡᠢ ᠲᠤᠯᠠ ᠭᠡᠷ ᠠᠴᠠ ᠨᠡᠯᠢᠶᠡᠳ ᠬᠤᠯᠠᠳᠠᠰᠬᠢᠭᠠᠳ ᠤᠨᠤᠭᠠᠨ ᠳᠠᠭᠠᠨ ᠮᠤᠷᠳᠠᠵᠤ ᠶᠠᠪᠤᠳᠠᠭ ᠪᠢᠯᠡ᠃        ᠢᠷᠡᠯᠲᠡ᠄ ᠨᠠ᠊ · ᠠᠯᠲᠠᠨᠴᠡᠴᠡᠴᠭ ᠤᠨ ︽ᠡᠵᠡᠨ᠎ᠡ ᠲᠣᠷᠭᠤᠳ ᠤᠨ ᠶᠣᠰᠣ  ᠵᠠᠩᠰᠢᠯ ᠤᠨ ᠤᠯᠠᠮᠵᠢᠯᠠᠯ ᠰᠢᠨᠡᠴᠢᠯᠡᠯ︾ ᠭᠡᠬᠦ ᠨᠣᠮ ᠠᠴᠠ
 
ᠢᠷᠡᠯᠲᠡ᠄ ᠡᠵᠡᠨ᠎ᠡ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
 
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号