| ᠬᠤᠩ᠂ ᠵᠢᠠᠬᠤᠸᠠᠷ | | ᠡᠬᠡ ᠤᠷᠤᠨ ᠤ ᠮᠢᠨᠢ ᠦᠨᠢᠷ ᠰᠠᠶᠢᠬᠠᠨ ᠦᠬᠠᠨ ᠬᠤᠳᠠᠨ ᠳᠤ | ᠡᠷᠴᠢᠰ ᠤᠨ ᠠᠶᠤᠯᠳᠤ ᠳᠠᠪᠠᠯᠭᠠᠨ ᠦᠶᠡᠷᠯᠡᠵᠦ ᠪᠠᠭᠤᠬᠤ ᠰᠢᠭ᠋ | ᠡᠳᠡᠭᠡᠷᠡᠬᠦ ᠳᠤ ᠲᠥᠪᠡᠭᠳᠡᠢ ᠳᠢᠳᠢᠮᠯᠢᠭ ᠸᠢᠷᠦ᠋ᠰ ᠭᠡᠨᠡᠳᠳᠡ ᠳᠠᠭᠠᠷᠢᠯᠳᠠ ᠬᠢᠵᠦ | ᠡᠯᠢᠭᠡᠨ ᠳᠤ ᠨᠢ ᠪᠦᠪᠡᠶᠢᠯᠡᠭᠳᠡᠭᠰᠡᠨ ᠡᠭᠡᠯ ᠲᠦᠮᠡᠨ ᠢ ᠰᠤᠴᠢᠭᠠᠵᠤ ᠵᠤᠪᠠᠭᠠᠯᠠ︕ | | | ᠫᠤᠤ ᠶᠢᠨ ᠳᠠᠭᠤᠨ ᠨᠢᠷᠭᠡᠭᠡ ᠦᠭᠡᠢ | ᠳᠠᠷᠢ ᠶᠢᠨ ᠤᠲᠤᠭᠠ ᠳᠡᠭᠳᠡᠭᠡ ᠦᠭᠡᠢ | ᠳᠠᠶᠢᠨ ᠤ ᠪᠡᠯᠡᠳᠭᠡᠯ ᠴᠤ ᠬᠢᠭᠡ ᠦᠭᠡᠢ | ᠲᠠᠶᠢᠪᠤᠩ ᠬᠥᠭᠵᠢᠯᠳᠦᠭᠰᠡᠨ ᠶᠡᠭᠡ ᠦᠬᠠᠨ ᠬᠢᠵᠢᠭ ᠤᠨ ᠠᠶᠤᠯ ᠳᠤ ᠪᠦᠰᠡᠯᠡᠭᠳᠡᠯᠡ︕ | | | ᠶᠠᠮᠠᠷ ᠬᠡᠴᠡᠭᠦᠦ ᠵᠢᠮᠡ ᠠᠴᠠ ᠵᠥᠷᠢᠴᠡᠭᠰᠡᠨ ᠭᠠᠮᠰᠢᠭ ᠪᠠᠷᠴᠢᠳ ᠪᠤᠢ︖ | ᠶᠠᠮᠠᠷ ᠠᠶᠤᠮᠠᠷ ᠶᠤᠰᠤᠨ ᠠᠴᠠ ᠲᠡᠷᠰᠯᠡᠭᠰᠡᠨ ᠠᠲᠠ ᠴᠢᠳᠬᠦᠷ ᠪᠤᠢ︖ | ᠶᠡᠷᠦ ᠪᠤᠰᠤ ᠪᠠᠷ ᠰᠠᠯᠬᠢᠯᠠᠵᠤ ᠢᠷᠡᠭᠰᠡᠨ ᠬᠦᠮᠦᠨ ᠠᠷᠬᠠᠭ ᠤᠨ ᠳᠠᠶᠢᠨ ᠤ ᠲᠡᠮᠡᠴᠡᠭᠡᠨ ᠳᠤ | ᠶᠧᠯᠸᠢ ᠶᠢᠨ ᠰᠢᠳᠢ ᠲᠠᠢ ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠯᠠᠪᠲᠠᠢ ᠢᠯᠠᠭᠳᠠᠬᠤ ᠦᠭᠡᠢ︕ | | | ᠠᠭᠤᠤ ᠨᠠᠮ ᠤᠨ ᠰᠢᠭᠤᠳ ᠤᠳᠤᠷᠢᠳᠤᠯᠭᠠ ᠶᠢ ᠳᠠᠭᠠᠵᠤ | ᠠᠷᠬᠠᠭ ᠢ ᠤᠰᠠᠳᠬᠠᠬᠤ ᠳᠠᠶᠢᠨ ᠳᠤ ᠠᠷᠠᠳ ᠪᠦᠬᠦᠳᠡᠭᠡᠷ ᠬᠥᠳᠡᠯᠦᠯᠴᠡᠨᠡ | ᠠᠷᠭᠠ ᠪᠤᠳᠤᠯᠭᠠ ᠶᠢᠨ ᠰᠢᠢᠳᠪᠦᠷᠢ ᠶᠢ ᠲᠤᠭᠤᠰᠢᠯᠠᠭᠤᠯᠵᠤ | ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠢᠶᠠᠨ ᠬᠥᠪᠴᠢᠯᠡᠨ ᠠᠯᠭᠠᠰᠠᠯ ᠦᠭᠡᠢ ᠭᠠᠪᠰᠢᠭᠠᠶᠢᠯᠠᠨᠠ︕ | | | ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠡᠰᠢᠭᠦᠨ ᠡᠮᠦᠨᠡ ᠨᠢ ᠲᠡᠷᠢᠭᠦᠯᠡᠵᠦ ᠰᠢᠭᠤᠷᠬᠠᠶᠢᠯᠠᠨᠠ | ᠡᠮᠴᠢ ᠰᠤᠪᠢᠯᠠᠭᠴᠢ ᠬᠤᠶᠠᠷ ᠡᠮᠴᠢᠯᠡᠭᠡᠨ ᠤ ᠲᠠᠯᠠᠪᠤᠷ ᠲᠤ ᠪᠠᠶᠢᠯᠳᠤᠨᠠ | ᠡᠷᠳᠡᠮᠳᠡᠨ ᠮᠡᠷᠭᠡᠵᠢᠯᠳᠡᠨ ᠨᠠᠷ ᠡᠭᠦᠰᠦᠯ ᠤᠨ ᠰᠢᠯᠳᠠᠭᠠᠨ ᠢ ᠡᠷᠢᠵᠦ ᠳᠠᠪᠬᠢᠯᠳᠤᠨᠠ | ᠡᠷᠡᠮᠡᠬᠡᠢ ᠰᠦᠰᠦ ᠲᠠᠢ ᠴᠡᠷᠢᠭ ᠴᠠᠭᠳᠠᠭᠠ ᠡᠮᠬᠢ ᠵᠢᠷᠤᠮ ᠢ ᠪᠠᠲᠤᠯᠠᠵᠤ ᠬᠠᠮᠠᠭᠠᠯᠠᠨᠠ︕ | | | ᠰᠠᠶᠢᠨ ᠳᠤᠷᠠ ᠶᠢᠨ ᠲᠦᠭ ᠲᠦᠮᠡᠨ ᠦᠢᠯᠡᠴᠢᠯᠡᠭᠴᠢᠳ | ᠴᠢᠳᠠᠯ ᠵᠢᠳᠬᠦᠯ ᠢᠶᠠᠨ ᠬᠠᠷᠠᠮ ᠦᠭᠡᠢ ᠡᠷᠭᠦᠵᠦ ᠡᠳᠦᠷ ᠰᠥᠨᠢ ᠦᠭᠡᠢ ᠠᠵᠢᠯᠯᠠᠵᠤ ᠶᠠᠭᠠᠷᠠᠯᠳᠤᠨᠠ | ᠰᠠᠶᠢᠬᠠᠨ ᠠᠷᠠᠨᠰᠢᠨ ᠲᠠᠢ ᠥᠲᠡᠯᠦᠭᠡ ᠵᠠᠯᠠᠭᠤ ᠪᠦᠬᠦᠳᠡᠭᠡᠷ ᠢᠶᠠᠨ | ᠰᠠᠷᠠᠭᠤᠯ ᠤᠬᠠᠭᠠᠨ ᠡᠷᠡᠭᠦᠯ ᠴᠤᠭᠴᠠᠰ ᠢᠶᠠᠨ ᠡᠷᠬᠢᠮᠯᠡᠵᠦ ᠥᠷᠦᠭᠡ ᠭᠡᠷ ᠲᠤ ᠪᠠᠨ ᠬᠤᠷᠭᠤᠳᠠᠨᠠ︕ | | | ᠲᠦᠷᠦ ᠲᠦᠮᠡᠨ ᠤ ᠰᠡᠳᠬᠢᠯ ᠵᠢᠷᠦᠭᠡ ᠨᠢᠭᠡ ᠯᠡ ᠵᠦᠭ ᠲᠤ ᠴᠤᠬᠢᠯᠠᠵᠤ ᠪᠠᠶᠢᠨᠠ | ᠴᠢᠷᠮᠠᠶᠢᠭᠠᠷᠠᠢ ᠦᠬᠠᠨ᠂ ᠴᠢᠷᠮᠠᠶᠢᠭᠠᠷᠠᠢ ᠡᠬᠡ ᠤᠷᠤᠨ ᠳᠤᠮᠳᠠᠳᠤ ᠤᠯᠤᠰ ᠮᠢᠨᠢ | ᠲᠦᠷᠦ ᠲᠦᠮᠡᠨ ᠤ ᠵᠥᠩᠨᠡᠯ ᠪᠡᠯᠭᠡᠳᠡᠯ ᠨᠢᠭᠡ ᠯᠡ ᠵᠦᠭ ᠲᠤ ᠴᠠᠯᠬᠢᠯᠠᠵᠤ ᠪᠠᠶᠢᠨᠠ | ᠢᠲᠡᠭᠡᠷᠡᠢ ᠵᠢᠳᠬᠦᠭᠡᠷᠡᠢ᠂ ᠤᠷᠰᠢᠭᠲᠤ ᠬᠢᠵᠢᠭ ᠤᠳᠠᠯ ᠦᠭᠡᠢ ᠰᠥᠨᠥᠬᠦ ᠨᠢ ᠯᠠᠪᠳᠠᠢ︕ | | | ᠤᠯᠤᠰ ᠦᠨᠳᠦᠰᠦᠳᠡᠨ ᠤ ᠬᠦᠴᠦ ᠪᠠᠨ ᠨᠢᠭᠡᠳᠭᠡᠵᠦ ᠪᠠᠶᠢᠯᠳᠤᠬᠤ ᠴᠤᠤᠷᠢᠶᠠᠨ ᠳᠤ | ᠠᠭᠤᠯᠠ ᠤᠰᠤ ᠬᠦᠷᠲᠡᠯᠡ ᠨᠠᠮᠢᠰ ᠭᠡᠯᠡ᠂ ᠬᠡᠴᠢᠨᠡᠨ ᠰᠦᠷ ᠲᠤᠭᠳᠤᠯᠤᠯ ᠲᠠᠢ ᠪᠤᠢ︕ | ᠦᠷᠡᠭᠳᠡᠯ ᠰᠦᠢᠲᠦᠯ ᠠᠴᠠ ᠪᠤᠴᠠᠬᠤ ᠦᠭᠡᠢ ᠡᠭᠡᠯ ᠲᠦᠮᠡᠨ ᠤ ᠤᠷᠤᠭᠰᠢᠯᠠᠯᠳᠠ ᠳᠤ | ᠤᠳᠤᠳ ᠬᠤᠷᠸᠠ ᠬᠦᠷᠲᠡᠯᠡ ᠭᠠᠶᠢᠬᠠᠰ ᠭᠡᠯᠡ᠂ ᠬᠡᠴᠢᠨᠡ ᠷᠢᠳᠢ ᠰᠢᠳᠢ ᠲᠠᠢ ᠪᠤᠢ︕ | | | ᠵᠦᠳᠡᠷᠡᠯᠡ ᠳ᠋ᠡ᠂ ᠡᠮᠦᠨᠡ ᠹᠷᠤᠨᠲ ᠤᠨ ᠪᠠᠶᠢᠯᠳᠤᠭᠴᠢᠳ ᠮᠢᠨᠢ | ᠵᠢᠳᠬᠦᠯ ᠤᠨ ᠴᠢᠨᠢ ᠰᠠᠶᠢᠬᠠᠨ ᠢᠶᠠᠷ ᠬᠠᠪᠤᠷ ᠮᠦᠰᠢᠶᠡᠵᠦ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠨᠢ ᠯᠠᠪᠳᠠᠢ︕ | ᠠᠯᠵᠢᠶᠠᠯᠠ ᠳ᠋ᠠ᠂ ᠦᠬᠠᠨ ᠤ ᠲᠠᠯᠠᠪᠤᠷ ᠳᠠᠬᠢ ᠡᠮᠴᠢ ᠰᠤᠪᠢᠯᠠᠭᠴᠢᠳ ᠮᠢᠨᠢ | ᠠᠯᠳᠠᠷ ᠭᠠᠪᠢᠶᠠᠨ ᠤ ᠴᠢᠨᠢ ᠴᠡᠴᠡᠭᠯᠡᠯ ᠢᠶᠠᠷ ᠡᠬᠡ ᠤᠷᠤᠨ ᠮᠢᠨᠢ ᠤᠯᠠᠮ ᠪᠠᠲᠤᠵᠢᠬᠤ ᠨᠢ ᠯᠠᠪᠲᠠᠢ︕ | | | ᠬᠠᠮᠲᠤ ᠪᠠᠷ ᠢᠶᠠᠨ ᠴᠢᠷᠮᠠᠶᠢᠵᠠᠭᠠᠶᠠ | ᠬᠠᠯᠠᠭᠤᠨ ᠠᠮᠢᠨ ᠤ ᠡᠩᠬᠡ ᠶᠢᠨ ᠰᠠᠬᠢᠶᠠ ᠡᠬᠡ ᠤᠷᠤᠨ ᠤ ᠪᠠᠨ ᠲᠥᠯᠥᠭᠡ | ᠬᠠᠮᠲᠤ ᠪᠠᠷ ᠢᠶᠠᠨ ᠴᠢᠷᠮᠠᠶᠢᠵᠠᠭᠠᠶᠠ | ᠬᠦᠮᠦᠨ ᠪᠠᠶᠢᠭᠠᠯᠢ ᠲᠥᠪᠰᠢᠨ ᠤᠷᠤᠰᠢᠬᠤ ᠡᠷᠡᠭᠦᠯ ᠡᠩᠬᠡ ᠶᠢᠨ ᠦᠢᠯᠡᠰ ᠤᠨ ᠲᠥᠯᠥᠭᠡ︕ |