| ᠡᠷᠡᠭᠲᠡᠢ ᠶᠢᠨ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ᠄ ᠴᠢᠯᠦᠭᠡᠯᠡᠬᠦ ᠠᠴᠠ ᠡᠮᠦᠨᠡ ᠯᠠᠮᠠ ᠨᠠᠷ ᠦᠰᠦ ᠪᠠᠨ ᠪᠦᠷ | ᠬᠤᠰᠤᠭᠤᠯᠵᠤ᠂ ᠨᠠᠰᠤᠲᠠᠢ ᠬᠥᠮᠥᠰ ᠯᠠᠮᠠ ᠶᠢᠨ ᠰᠠᠬᠢᠯ ᠬᠦᠷᠳᠡᠪᠡᠯ ᠪᠠᠰᠠ ᠦᠰᠦ ᠪᠠᠨ ᠬᠤᠰᠤᠭᠤᠯᠳᠠᠭ᠂ ᠨᠣᠶᠠᠳ | ᠰᠠᠶᠢᠳ᠂ ᠡᠩ ᠤᠨ ᠡᠷᠡᠴᠦᠦᠯ ᠴᠢᠬᠢᠨ ᠠᠴᠠ ᠡᠮᠦᠨᠡᠬᠢ ᠦᠰᠦ ᠪᠠᠨ ᠬᠤᠰᠤᠭᠤᠯᠵᠤ᠂ ᠦᠯᠡᠳᠡᠭᠰᠡᠨ ᠦᠰᠦ ᠪᠠᠷ ᠢᠶᠠᠨ | ᠭᠠᠭᠴᠠ ᠭᠡᠵᠢᠭᠡ ᠭᠦᠷᠦᠵᠦ᠂ ᠨᠣᠶᠠᠨ ᠬᠠᠷᠠ ᠭᠡᠮᠡᠬᠦ ᠲᠣᠷᠭᠠᠨ ᠤᠲᠠᠰᠤ ᠪᠠᠷ ᠦᠰᠦᠨ ᠤ ᠪᠠᠨ ᠦᠵᠦᠭᠦᠷ ᠢ | ᠪᠣᠭᠤᠳᠠᠭ᠃ ᠶᠡᠷᠦ ᠨᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠭᠰᠢᠨ ᠵᠠᠯᠠᠭᠤ ᠦᠭᠡᠢ ᠪᠦᠷ ᠬᠠᠷᠠ ᠶᠠᠭᠤᠮᠠ ᠪᠠᠷ ᠦᠰᠦ ᠪᠠᠨ | ᠪᠣᠭᠤᠬᠤ ᠶᠣᠰᠣ ᠲᠠᠢ᠂ ᠤᠯᠠᠭᠠᠨ ᠢᠶᠠᠷ ᠪᠣᠭᠤᠪᠠᠯ ᠦᠰᠦ ᠠᠶᠤᠭᠠᠳ ᠤᠷᠭᠤᠳᠠᠭ ᠦᠭᠡᠢ ᠬᠡᠮᠡᠨ ᠦᠵᠡᠳᠡᠭ᠃ ᠠᠬᠠ | ᠬᠥᠮᠥᠨ ᠤ ᠦᠰᠦ ᠶᠢ ᠳᠡᠭᠦᠦ ᠬᠥᠮᠥᠨ ᠬᠤᠰᠤᠬᠤ ᠭᠡᠪᠡᠯ ᠲᠣᠩᠭᠤᠷᠠᠭ ᠢ ᠤᠷᠢᠳ ᠢᠶᠠᠷ ᠠᠬᠠ ᠬᠥᠮᠥᠨ ᠳᠤ ᠥᠭᠴᠦ | ᠲᠡᠭᠦᠨ ᠢᠶᠠᠷ ᠦᠰᠦᠨ ᠳᠡᠭᠡᠨ ᠬᠦᠷᠭᠡᠭᠦᠯᠦᠭᠰᠡᠨ ᠤ ᠲᠠᠷᠠᠭᠠ ᠰᠠᠶ᠋ᠢ ᠲᠣᠯᠣᠭᠠᠢ ᠳᠤᠨᠢ ᠭᠠᠷ ᠬᠦᠷᠴᠦ ᠬᠤᠰᠤᠬᠤ | ᠶᠣᠰᠣ ᠲᠠᠢ ᠪᠠᠶᠢᠵᠠᠢ᠃ ᠦᠰᠦ ᠠᠪᠴᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠮᠡᠰᠡ ᠪᠠᠷᠢᠵᠤ ᠠᠭᠤᠯᠵᠠᠭᠠᠳ ᠮᠡᠨᠳᠦ ᠰᠠᠯᠤᠭᠰᠠᠨ ᠤ | ᠪᠠᠶᠠᠷ ᠭᠡᠵᠦ ᠬᠠᠷᠢᠯᠴᠠᠨ ᠬᠥᠬᠦᠦᠷ ᠰᠣᠯᠢᠯᠴᠠᠳᠠᠭ᠃ ᠪᠦᠰᠡᠲᠡᠢ ᠬᠡᠦᠬᠡᠰ ︵ᠬᠡᠦᠬᠡᠨ ᠬᠡᠦᠬᠡᠰ ᠲᠤ ᠴᠤ ᠭᠡᠰᠡᠨ | ᠠᠳᠠᠯᠢ︶ ᠲᠤ ᠳᠠᠭᠠᠬᠢ ᠲᠠᠷᠢᠬᠤ ᠠᠴᠠ ᠨᠢ ᠲᠡᠷᠢᠭᠦᠨ ᠦᠰᠦᠨ ᠳᠤᠨᠢ ᠮᠡᠰᠡ ᠬᠦᠷᠭᠡᠳᠡᠭ ᠦᠭᠡᠢ᠂ ᠳᠠᠭᠠᠬᠢ | ᠳᠠᠷᠢᠭᠰᠠᠨ ᠤ ᠲᠠᠷᠠᠭᠠ ᠰᠤᠨᠵᠢᠭᠤ ᠲᠠᠯᠪᠢᠵᠤ ᠪᠠᠶᠢᠭᠠᠳ 7~ 8 ᠨᠠᠰᠤ ᠬᠦᠷᠬᠦ ᠳᠤ ᠲᠡᠪᠡᠭ ᠦᠰᠦ ᠲᠠᠯᠪᠢᠵᠤ | ᠦᠭᠳᠡᠭ᠃ ᠰᠤᠨᠵᠢᠭᠤ ᠲᠠᠯᠪᠢᠨᠠ ᠭᠡᠵᠦ ᠲᠣᠯᠣᠭᠠᠢ ᠶᠢᠨ ᠣᠷᠣᠢ ᠳᠠᠬᠢ ᠦᠰᠦ ᠶᠢ ᠨᠢ ᠦᠯᠡᠳᠡᠭᠡᠵᠦ᠂ ᠪᠤᠰᠤᠳ ᠢ | ᠨᠢ ᠪᠦᠷ ᠬᠤᠰᠤᠵᠤ ᠥᠭᠭᠦᠨᠡ᠂ ᠲᠠᠷᠠᠭᠠ ᠨᠢ ᠥᠨᠥ ᠦᠯᠡᠳᠡᠭᠡᠭᠰᠡᠨ ᠦᠰᠦᠨ ᠤ ᠳᠤᠮᠳᠠᠭᠤᠷ ᠨᠢ ᠪᠠᠰᠠ ᠪᠠᠷᠤᠭ | ᠬᠤᠶᠠᠷ ᠬᠤᠷᠤᠭᠤ ᠬᠢᠷᠢᠲᠡᠢ ᠬᠤᠰᠤᠭᠠᠳ ᠦᠯᠡᠳᠡᠭᠰᠡᠨ ᠦᠰᠦ ᠶᠢ ᠨᠢ ᠬᠤᠶᠠᠷ ᠲᠡᠶᠢᠰᠢ ᠰᠦᠯᠵᠢᠵᠦ ᠦᠭᠬᠦ ᠶᠢ | ᠬᠡᠯᠡᠵᠦ ᠪᠠᠶᠢᠭᠠ᠃ ᠰᠤᠨᠵᠢᠭᠤ ᠲᠠᠯᠪᠢᠭᠰᠠᠨ ᠬᠡᠦᠬᠡᠳ ᠢ ᠪᠠᠰᠠ ᠮᠢᠨᠤ ᠡᠪᠡᠷᠲᠦ ᠬᠥᠪᠡᠭᠦᠨ᠂ ᠮᠢᠨᠤ ᠡᠪᠡᠷᠲᠦ ᠬᠡᠦᠬᠡᠨ | ᠬᠡᠮᠡᠨ ᠡᠩᠬᠦᠷᠡᠶᠢᠯᠡᠨ ᠳᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠲᠡᠪᠡᠭ ᠲᠠᠯᠪᠢᠨᠠ ᠭᠡᠵᠦ ᠴᠢᠬᠢᠨ ᠠᠴᠠ ᠡᠮᠦᠨᠡᠬᠢ ᠦᠰᠦ ᠪᠠ | ᠰᠢᠯᠢ ᠶᠢᠨ ᠰᠢᠷᠠ ᠦᠰᠦ ᠶᠢ ᠪᠦᠷ ᠬᠤᠰᠤᠵᠤ᠂ ᠦᠯᠡᠳᠡᠭᠰᠡᠨ ᠦᠰᠦ ᠶᠢ ᠨᠢ ᠲᠣᠯᠣᠭᠠᠢ ᠶᠢᠨ ᠣᠷᠣᠢ ᠳᠡᠭᠡᠷᠡ ᠨᠢ | ᠳᠤᠭᠤᠶᠢᠯᠠᠨ ᠪᠣᠭᠤᠵᠤ ᠥᠭᠭᠦᠭᠰᠡᠨ ᠢ ᠬᠡᠯᠡᠨᠡ᠂ ᠲᠡᠪᠡᠭ ᠢ ᠲᠠᠬᠢᠵᠤ ᠲᠠᠭᠠᠷᠢᠬᠤ ᠦᠭᠡᠢ ᠤᠷᠭᠤᠭᠤᠯᠤᠭᠠᠳ ᠴᠢᠨᠠᠭᠰᠢ | ᠨᠢ ᠭᠠᠭᠴᠠ ᠭᠡᠵᠢᠭᠡ ᠭᠦᠷᠦᠵᠦ ᠥᠭᠭᠦᠨᠡ᠂ ᠭᠡᠵᠢᠭᠡ ᠲᠠᠯᠪᠢᠬᠤ ᠶᠢ ᠲᠦᠷᠦ ᠶᠢᠨ ᠬᠠᠷᠠ ᠬᠥᠮᠥᠨ ᠪᠣᠯᠵᠤ | ᠪᠠᠶᠢᠬᠤ ᠶᠢᠨ ᠲᠡᠮᠳᠡᠭ ᠭᠡᠨᠡ᠃ | ᠡᠮᠡᠭᠲᠡᠢ ᠶᠢᠨ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ᠄ ᠬᠡᠦᠬᠡᠨ ᠬᠡᠦᠬᠡᠰ ᠲᠤ ᠳᠠᠭᠠᠬᠢ ᠲᠠᠷᠢᠬᠤ ᠠᠴᠠ ᠨᠢ ᠡᠮᠦᠨᠡ ᠳᠣᠬᠢᠭ | ᠲᠠᠯᠪᠢᠵᠤ ᠦᠭᠳᠡᠭ᠂ ᠳᠣᠬᠢᠭ ᠲᠠᠯᠪᠢᠨᠠ ᠭᠡᠵᠦ ᠵᠤᠯᠠᠢ ᠶᠢᠨ ᠦᠰᠦ ᠶᠢ ᠡᠪᠬᠡᠵᠦ ᠪᠣᠭᠤᠬᠤ ᠪᠤᠶᠤ ᠭᠦᠷᠦᠵᠦ | ᠡᠪᠬᠡᠭᠡᠳ ᠳᠡᠭᠡᠷᠡ ᠨᠢ ᠢᠪᠠᠤ᠂ ᠣᠭ᠍ᠶᠤ᠂ ᠱᠢᠷᠦ᠂ ᠮᠥᠩᠭᠦ ᠠᠴᠠ ᠠᠯᠢ ᠨᠢᠭᠡ ᠶᠢ ᠬᠠᠳᠠᠵᠤ ᠦᠭᠬᠦ ᠶᠢ ᠬᠡᠯᠡᠵᠦ | ᠪᠠᠶᠢᠭᠠ ᠃ ᠳᠠᠭᠠᠬᠢ ᠳᠠᠷᠢᠭᠰᠠᠨ ᠠᠴᠠ ᠬᠤᠶᠢᠰᠢ ᠱᠠᠩᠬᠤ ᠲᠠᠯᠪᠢᠲᠠᠯᠠ ᠨᠢ ᠮᠥᠨ ᠰᠤᠨᠵᠢᠭᠤ ᠲᠠᠯᠪᠢᠨᠠ᠂ | ᠬᠡᠦᠬᠡᠨᠴᠦᠳ ᠢ ᠠᠷᠪᠠᠨ ᠭᠤᠷᠪᠠᠲᠠᠢ ᠳᠤᠨᠢ ᠰᠢᠯᠢ ᠶᠢᠨ ᠦᠰᠦ ᠶᠢ ᠨᠢ ᠲᠠᠯᠪᠢᠵᠤ ︵ᠬᠤᠰᠤᠬᠤ ᠦᠭᠡᠢ | ᠤᠷᠭᠤᠭᠤᠯᠬᠤ ᠶᠢ︶᠂ ᠠᠷᠪᠠᠨ ᠲᠠᠪᠤ ᠬᠦᠷᠦᠭᠰᠡᠭᠡᠷ ᠱᠠᠩᠬᠤ ᠲᠠᠯᠪᠢᠵᠤ ᠦᠭᠳᠡᠭ᠂ ᠱᠠᠩᠬᠤ ᠲᠠᠯᠪᠢᠬᠤ ᠳᠤ ᠵᠠᠪᠠᠯ | ᠢᠪᠡᠭᠡᠯ ᠵᠢᠯ ᠲᠠᠢ ᠬᠥᠮᠥᠨ ᠢᠶᠠᠷ ᠭᠠᠷ ᠬᠦᠷᠭᠡᠭᠦᠯᠳᠡᠭ ᠶᠣᠰᠣ ᠲᠠᠢ ᠪᠠᠶᠢᠭᠰᠠᠨ ᠪᠥᠭᠡᠳ ᠱᠠᠩᠬᠤ ᠲᠠᠯᠪᠢᠬᠤ ᠶᠢ ᠪᠠᠰᠠ | ᠰᠡᠪᠡᠭᠡᠷ ᠲᠠᠯᠪᠢᠨᠠ ᠭᠡᠳᠡᠭ ᠪᠠᠶᠢᠵᠠᠢ᠂ ᠱᠠᠩᠬᠤ ᠲᠠᠯᠪᠢᠨᠠ ᠭᠡᠵᠦ ᠪᠦᠬᠦ ᠦᠰᠦ ᠶᠢ ᠨᠢ ᠴᠢᠬᠢᠨ ᠤ ᠬᠡᠰᠡᠭ ᠢᠶᠠᠷ | ᠬᠤᠶᠠᠷ ᠬᠤᠪᠢᠶᠠᠵᠤ᠂ ᠡᠮᠦᠨᠡ ᠲᠠᠯᠠ ᠶᠢᠨ ᠦᠰᠦ ᠶᠢ ᠲᠠᠬᠢᠭᠠᠳ ᠳᠤᠮᠳᠠᠭᠤᠷ ᠨᠢ ᠬᠤᠶᠠᠷ ᠬᠤᠪᠢᠶᠠᠭᠠᠳ ᠲᠤᠰ | ᠲᠤᠰ ᠲᠤᠨᠢ ᠬᠡᠳᠦ ᠰᠦᠯᠵᠢᠵᠦ ᠴᠢᠬᠢᠨ ᠤ ᠠᠷᠤ ᠳᠤᠨᠢ ᠬᠦᠷᠭᠡᠭᠡᠳ ᠠᠷᠤ ᠦᠰᠦ ᠲᠠᠢ ᠨᠢ ᠨᠡᠶᠢᠯᠡᠭᠦᠯᠵᠦ ᠭᠠᠭᠴᠠ | ᠭᠡᠵᠢᠭᠡ ᠭᠦᠷᠦᠵᠦ ᠦᠭᠭᠦ ᠶᠢ ᠵᠢᠭᠠᠵᠤ ᠪᠠᠶᠢᠭᠠ᠂ ᠲᠡᠭᠡᠬᠦ ᠳᠡᠭᠡᠨ ᠡᠮᠦᠨᠡ ᠲᠠᠯᠠ ᠶᠢᠨ ᠬᠤᠶᠠᠷ ᠬᠤᠪᠢᠶᠠᠭᠰᠠᠨ | ᠦᠰᠦᠨ ᠳᠤᠨᠢ ᠬᠤᠮᠠ ᠶᠢᠨ ᠲᠣᠰᠣ ᠲᠦᠷᠬᠢᠵᠦ ᠬᠤᠭᠤᠷᠣᠨᠳᠤ ᠨᠢ ᠨᠠᠭᠠᠯᠳᠤᠭᠤᠯᠵᠤ᠂ ᠬᠤᠶᠠᠷ ᠲᠡᠰᠢ ᠪᠠᠨ | ᠳᠤᠭᠤᠶᠢᠯᠠᠨ ᠰᠠᠮᠨᠠᠵᠤ ᠶᠠᠩᠵᠤ ᠣᠷᠣᠭᠤᠯᠵᠤ ᠴᠢᠨᠠᠭᠰᠢ ᠨᠢ ᠰᠦᠯᠵᠢᠵᠦ ᠦᠭᠳᠡᠭ᠂ ᠡᠨᠡ ᠮᠡᠲᠦ ᠪᠠᠷ ᠱᠠᠩᠬᠤ | ᠲᠠᠯᠪᠢᠭᠰᠠᠨ ᠬᠡᠦᠬᠡᠨ ᠢ ᠱᠠᠩᠬᠤᠲᠤ ᠬᠡᠦᠬᠡᠨ ᠭᠡᠳᠡᠭ᠂ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ︽ᠰᠢᠷᠠᠭᠰᠠᠨ ᠮᠢᠬᠠ ᠰᠢᠷᠠ | ᠳᠠᠷᠤᠨᠠ᠂ ᠱᠠᠩᠬᠤᠲᠤ ᠬᠡᠦᠬᠡᠨ ᠳᠤᠷᠠ ᠳᠠᠷᠤᠨᠠ︾ ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ ᠬᠡᠦᠬᠡᠨ ᠬᠥᠮᠥᠨ ᠭᠡᠵᠢᠭᠡᠨ ᠤ ᠬᠡ | ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠭᠡᠵᠢᠭᠡᠨ ᠤ ᠬᠡ ᠭᠡᠵᠦ ᠬᠤᠶᠠᠷ ᠬᠤᠷᠤᠭᠤ ᠥᠷᠭᠡᠨ᠂ ᠪᠠᠷᠤᠭ ᠦᠰᠦᠨ ᠤ | ᠤᠷᠳᠤ ᠶᠢᠨ ᠬᠡᠮᠵᠢᠶᠡ ᠲᠠᠢ ᠬᠠᠷᠠ ᠪᠥᠰ ᠳᠡᠭᠡᠷᠡ ᠢᠪᠠᠤ᠂ ᠲᠤᠩ᠂ ᠣᠭ᠍ᠶᠤ᠂ ᠲᠣᠪᠴᠢ ᠵᠡᠷᠭᠡ ᠶᠢ ᠬᠠᠳᠠᠵᠤ᠂ | ᠭᠠᠭᠴᠠ ᠭᠡᠵᠢᠭᠡ ᠳᠡᠭᠡᠷᠡ ᠪᠠᠨ ᠤᠶᠠᠵᠤ ᠦᠭᠬᠦ ᠶᠢ ᠬᠡᠯᠡᠵᠦ ᠪᠠᠶᠢᠭᠠ᠂ ᠭᠡᠵᠢᠭᠡᠨ ᠤ ᠬᠡ ᠶᠢᠨ ᠳᠡᠭᠡᠳᠦ ᠲᠠᠯᠠ ᠨᠢ | ᠲᠡᠭᠰᠢ᠂ ᠳᠣᠣᠷᠠᠳᠤ ᠲᠠᠯᠠ ᠨᠢ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢ ᠲᠠᠢ᠂ ᠲᠡᠷᠡᠬᠦ ᠭᠤᠷᠪᠠᠯᠵᠢᠨ ᠠᠴᠠ ᠲᠤᠰᠪᠤᠷᠢ ᠨᠢᠭᠡ ᠲᠣᠷᠭᠠᠨ | ᠤᠲᠠᠰᠤᠨ ᠰᠠᠴᠤᠭ ᠤᠨᠵᠢᠭᠤᠯᠵᠤ ᠭᠤᠶᠣᠯᠠᠳᠠᠭ ᠪᠠᠶᠢᠵᠠᠢ᠃ ᠳᠡᠭᠡᠳᠦ ᠵᠠᠭᠤᠨ ᠤ ᠬᠤᠷᠢ ᠭᠤᠴᠢᠭᠠᠳ ᠣᠨ ᠪᠣᠯᠵᠤ | ᠢᠷᠡᠭᠡᠳ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠨᠢ ᠱᠠᠩᠬᠤ ᠶᠢᠨ ᠳᠠᠷᠤᠭᠤᠯᠭᠠ᠂ ᠭᠡᠵᠢᠭᠡᠨ ᠤ ᠰᠢᠬᠠᠯᠠᠭᠤᠷ ︵ᠦᠰᠦᠨ ᠤ ᠬᠤᠢ︶᠂ | ᠭᠡᠵᠢᠭᠡᠨ ᠤ ᠬᠠᠳᠠᠯᠭᠠ᠂ ᠭᠡᠵᠢᠭᠡᠨ ᠤ ᠲᠡᠭᠡᠭ ᠬᠡᠷᠡᠭᠯᠡᠳᠡᠭ ᠪᠣᠯᠵᠠᠢ᠃ ᠱᠠᠩᠬᠤ ᠶᠢᠨ ᠳᠠᠷᠤᠭᠤᠯᠭᠠ ᠭᠡᠵᠦ ᠬᠤᠶᠠᠷ | ᠬᠤᠷᠤᠭᠤ ᠥᠷᠭᠡᠨ᠂ ᠤᠷᠳᠤ ᠪᠠᠷ ᠢᠶᠠᠨ ᠲᠣᠯᠣᠭᠠᠢ ᠳᠤ ᠲᠠᠭᠠᠷᠠᠭᠰᠠᠨ ᠶᠠᠭᠤᠮᠠ ᠶᠢ ᠪᠥᠰ᠂ ᠲᠣᠷᠭᠠ ᠪᠤᠶᠤ | ᠲᠤᠤᠵᠠ ᠪᠠᠷ ᠬᠢᠭᠡᠳ ᠵᠤᠯᠠᠢ ᠠᠴᠠ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠳᠠᠷᠤᠭᠤᠯᠵᠤ ᠠᠷᠤ ᠰᠢᠯᠢ ᠳᠡᠭᠡᠷᠡ ᠪᠠᠨ ᠲᠣᠪᠴᠢᠯᠠᠬᠤ | ᠪᠤᠶᠤ ᠵᠠᠩᠭᠢᠳᠴᠤ ᠦᠭᠬᠦ ᠶᠢ ᠵᠢᠭᠠᠵᠤ ᠪᠠᠶᠢᠭᠠ᠃ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠨᠢ ᠳᠠᠷᠤᠭᠤᠯᠭᠠ ᠳᠡᠭᠡᠷᠡ ᠪᠠᠨ ᠱᠢᠷᠦ᠂ | ᠰᠤᠪᠤᠳ᠂ ᠣᠭ᠍ᠶᠤ ᠵᠡᠷᠭᠡ ᠶᠢ ᠬᠠᠳᠠᠵᠤ ᠭᠤᠶᠣᠯᠠᠳᠠᠭ ᠪᠥᠭᠡᠳ ᠳᠠᠷᠤᠭᠤᠯᠭᠠ ᠶᠢ ᠴᠠᠭᠠᠨ᠂ ᠤᠯᠠᠭᠠᠨ᠂ ᠰᠢᠷᠠ ᠠᠴᠠ | ᠪᠤᠰᠤᠳ ᠥᠩᠭᠡ ᠪᠠᠷ ᠪᠦᠷ ᠬᠢᠵᠦ ᠪᠤᠯᠳᠠᠭ ᠰᠠᠨᠵᠠᠢ᠃ ᠭᠡᠵᠢᠭᠡᠨ ᠤ ᠬᠠᠳᠠᠯᠭᠠ ᠶᠢ ᠭᠤᠣᠯᠳᠠᠭᠤ ᠮᠥᠩᠭᠦᠨ | ᠶᠤᠸᠠᠮᠪᠤᠤ᠂ ᠶᠠᠩᠴᠢᠶᠠᠨ ᠢᠶᠠᠷ ᠬᠢᠭᠡᠳ ᠭᠡᠵᠢᠭᠡᠨ ᠤ ᠪᠠᠨ ᠳᠡᠭᠡᠷᠡ᠂ ᠳᠤᠮᠳᠠ᠂ ᠳᠣᠣᠷᠠ ᠪᠤᠶᠤ ᠵᠦᠪᠬᠡᠨ ᠭᠤᠣᠯ | ᠳᠤᠮᠳᠠ ᠨᠢ ᠵᠡᠭᠦᠵᠦ ᠦᠭᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠵᠠᠷᠢᠮ ᠨᠢ ᠮᠥᠩᠭᠦᠨ ᠪᠦᠲᠦᠴᠡ ᠲᠠᠢ᠂ ᠱᠢᠷᠦ ᠰᠤᠪᠤᠳ ᠤᠨ | ᠰᠢᠭᠢᠳᠬᠡᠷᠢ ᠲᠠᠢ ᠦᠰᠦᠨ ᠤ ᠬᠤᠢ ᠶᠢ ᠭᠡᠵᠢᠭᠡᠨ ᠤ ᠪᠠᠨ ᠦᠵᠦᠭᠦᠷ ᠲᠤ ᠬᠡᠷᠡᠭᠯᠡᠵᠦ᠂ ᠵᠠᠷᠢᠮ ᠨᠢ ᠭᠡᠵᠢᠭᠡ ᠪᠠᠨ | ᠨᠠᠭᠠᠰᠢ ᠴᠠᠭᠠᠰᠢ ᠬᠥᠳᠡᠯᠭᠡᠭᠦ ᠦᠭᠡᠢ ᠲᠣᠭᠲᠠᠭᠠᠬᠤ ᠶᠢᠨ ᠲᠥᠯᠥᠭᠡ ᠦᠰᠦᠨ ᠤ ᠪᠠᠨ ᠦᠵᠦᠭᠦᠷ ᠲᠤ ᠮᠥᠩᠭᠦᠨ | ᠲᠡᠬᠡᠭ ᠬᠢᠵᠦ᠂ ᠪᠦᠰᠡᠨ ᠳᠡᠭᠡᠨ ᠣᠷᠣᠭᠤᠯᠤᠨ ᠲᠡᠭᠡᠭᠯᠡᠭᠦᠯᠳᠡᠭ ᠪᠠᠶᠢᠵᠠᠢ᠃ ᠱᠠᠩᠬᠤᠲᠤ ᠬᠡᠦᠬᠡᠨᠴᠦᠳ ᠠᠷᠪᠠᠨ ᠨᠠᠢᠮᠠ | ᠬᠦᠷᠦᠭᠰᠡᠭᠡᠷ ᠠᠶᠢᠯ ᠳᠤ ᠮᠣᠷᠳᠠᠵᠤ ᠠᠪᠠᠭᠠᠢ ᠪᠣᠯᠣᠨᠠ᠂ ᠲᠡᠭᠡᠭᠰᠡᠭᠡᠷ ᠠᠮᠢᠨ ᠦᠰᠦ ᠶᠢ ᠨᠢ ᠬᠤᠶᠠᠷ ᠲᠡᠶᠢᠰᠢ | ᠬᠤᠪᠢᠶᠠᠨ᠂ ᠨᠢᠭᠡ ᠲᠠᠯᠠ ᠳᠤᠨᠢ ᠲᠤᠰᠪᠦᠷᠢ ᠭᠤᠷᠪᠠᠨ ᠰᠢᠷᠭᠤᠭᠤᠯ ᠦᠰᠦ ᠲᠠᠢ ᠨᠡᠶᠢᠯᠡᠭᠦᠯᠵᠦ ᠬᠤᠶᠠᠷ ᠭᠡᠵᠢᠭᠡ | ᠰᠦᠯᠵᠢᠵᠦ ᠦᠭᠳᠡᠭ᠃ |