| ᠲᠥᠯ ᠬᠥᠩᠭᠡᠯᠡᠬᠦ ᠶᠢ ᠮᠣᠩᠭᠤᠯᠴᠤᠳ ᠶᠡᠬᠡᠳᠡ ᠡᠷᠬᠢᠮᠨᠡᠨ ᠬᠦᠨᠳᠦᠳᠬᠡᠳᠡᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ | ᠲᠥᠯ ᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ5 ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠬᠥᠩᠭᠡᠯᠡᠳᠡᠭ᠃ ᠥᠩᠭᠡᠷᠡᠭᠰᠡᠨ ᠳᠤ ᠬᠠᠭᠤᠴᠢᠨ | ᠲᠣᠭᠠᠨ ᠤ ᠰᠠᠷᠠ ᠪᠦᠷᠢ ᠶᠢᠨ15 ᠳᠤ ᠮᠠᠯ ᠤᠨ ᠠᠮᠢ ᠨᠢ ᠪᠦᠭᠦ ᠪᠡᠶᠡ ᠳᠤ ᠨᠢ ᠪᠠᠶᠢᠵᠤ᠂ 25 ᠠᠴᠠ ᠬᠤᠶᠢᠰᠢ | ᠬᠤᠩᠰᠢᠶᠠᠷ ᠲᠤ ᠨᠢ ᠪᠠᠶᠢᠳᠠᠭ ᠪᠣᠯᠬᠤᠷ ᠲᠡᠮᠡᠭᠡ ᠶᠢ ᠡᠨᠡ ᠦᠶᠡ ᠪᠤᠶᠢᠯᠠᠯᠠᠵᠤ ᠪᠤᠯᠳᠠᠭ ᠦᠭᠡᠢ ᠭᠡᠳᠡᠭ᠂ ᠰᠠᠷᠠ ᠶᠢᠨ | ᠰᠢᠨᠠᠳ ᠢᠶᠠᠷ ᠮᠠᠯ ᠤᠨ ᠠᠮᠢ ᠨᠢ ᠲᠣᠯᠣᠭᠠᠢ ᠳᠠᠭᠠᠨ ᠪᠠᠶᠢᠳᠠᠭ᠂ ᠡᠶᠢᠮᠦ ᠠᠴᠠ ᠲᠥᠯ ᠢ ᠰᠠᠷᠠ ᠶᠢᠨ ᠰᠢᠨᠠᠳ ᠢᠶᠠᠷ | ᠬᠥᠩᠭᠡᠯᠡᠪᠡᠯ ᠰᠠᠶᠢᠨ ᠭᠡᠵᠦ ᠨᠠᠰᠤᠲᠠᠶᠢᠴᠤᠳ ᠬᠠᠭᠤᠴᠢᠯᠠᠳᠠᠭ ᠨᠢ ᠤᠴᠢᠷ ᠲᠠᠢ ᠶᠤᠮ᠃ | ᠥᠩᠭᠡᠷᠡᠭᠰᠡᠨ ᠳᠤ ᠲᠥᠯ ᠬᠥᠩᠭᠡᠯᠡᠬᠦ ᠳᠡᠭᠡᠨ ᠯᠠᠮᠠ ᠪᠠᠷ ᠡᠳᠦᠷ ᠰᠣᠳᠤᠷ ᠦᠵᠡᠭᠦᠯᠳᠡᠭ ᠪᠠᠶᠢᠵᠠᠢ᠃ ᠣᠳᠣ | ᠪᠣᠯ ᠲᠤᠩᠭᠠᠯᠠᠭ ᠰᠠᠶᠢᠬᠠᠨ ᠡᠳᠦᠷ ᠢ ᠰᠣᠩᠭᠤᠵᠤ ᠲᠥᠯ ᠢᠶᠠᠨ ᠬᠥᠩᠭᠡᠯᠡᠨᠡ᠃ ᠲᠥᠯ ᠬᠥᠩᠭᠡᠯᠡᠬᠦ ᠳᠡᠭᠡᠨ ᠬᠠᠰᠢᠶᠠ᠂ | ᠭᠡᠷ ᠤᠨ ᠣᠶᠢᠷᠠ ᠡᠭᠡᠪᠦᠷ ᠭᠠᠵᠠᠷ ᠲᠤ ᠢᠰᠡᠭᠡᠢ ᠳᠡᠪᠢᠰᠦᠨᠡ᠃ ᠵᠠᠪᠠᠯ ᠰᠢᠨᠡ ᠪᠤᠶᠤ ᠴᠡᠪᠡᠷ ᠢᠰᠡᠬᠡᠢ ᠬᠡᠷᠡᠭᠯᠡᠨᠡ᠃ | ᠢᠰᠡᠬᠡᠢ ᠳᠡᠭᠡᠷᠡ ᠬᠠᠰ ᠬᠡ ᠵᠢᠷᠤᠳᠠᠭ᠃ ᠲᠥᠯ ᠬᠥᠩᠭᠡᠯᠡᠬᠦ ᠳᠡᠭᠡᠨ ᠳᠡᠪᠢᠰᠦᠭᠰᠡᠨ ᠢᠰᠡᠬᠡᠢ ᠶᠢ ᠬᠠᠰᠢᠶᠠᠨ ᠳᠡᠭᠡᠷᠡ | ᠲᠠᠯᠪᠢᠵᠤ᠂ ᠭᠤᠷᠪᠠ ᠬᠤᠨᠣᠭᠤᠯᠤᠭᠠᠳ ᠰᠠᠶ᠋ᠢ ᠠᠪᠴᠤ ᠭᠡᠷ ᠲᠤ ᠣᠷᠣᠭᠤᠯᠬᠤ ᠪᠤᠶᠤ ᠬᠡᠷᠡᠭᠯᠡᠵᠦ ᠪᠤᠯᠳᠠᠭ᠃ | ᠲᠥᠯ ᠢ ᠨᠣᠬᠠᠢ ᠡᠳᠦᠷ ᠬᠥᠩᠭᠡᠯᠡᠪᠡᠯ ᠰᠠᠶᠢᠨ ᠭᠡᠳᠡᠭ᠃ ᠮᠥᠨ ᠨᠣᠬᠠᠢ ᠵᠠᠰᠠᠭᠰᠠᠨ ᠬᠥᠮᠥᠨ ᠲᠥᠯ | ᠬᠥᠩᠭᠡᠯᠡᠪᠡᠯ ᠬᠥᠩᠭᠡᠨ ᠪᠠᠶᠢᠳᠠᠭ ᠭᠡᠳᠡᠭ᠃ ᠬᠠᠷᠢᠨ ᠡᠯᠵᠢᠭᠡ ᠵᠠᠰᠠᠳᠠᠭ ᠬᠥᠮᠥᠨ ᠤ ᠭᠠᠷ ᠬᠦᠨᠳᠦ ᠪᠠᠶᠢᠳᠠᠭ ᠭᠡᠨᠡ᠃ | ᠲᠥᠯ ᠢ ᠪᠠᠷᠰ ᠡᠳᠦᠷ ᠬᠥᠩᠭᠡᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ | ᠲᠥᠯ ᠬᠥᠩᠭᠡᠯᠡᠬᠦ ᠳᠤ ᠮᠠᠯ ᠤᠨ ᠬᠠᠰᠢᠶᠠ ᠬᠤᠷᠣᠭᠠᠨ ᠳᠠᠭᠠᠨ ᠠᠷᠴᠠ᠂ ᠶᠠᠰᠤ᠂ ᠰᠢᠷᠠ ᠲᠣᠰᠣ᠂ ᠰᠢᠷᠠ | ᠪᠤᠳᠠᠭᠠ ᠵᠡᠷᠭᠡ ᠶᠢ ᠰᠠᠪᠠᠨ ᠳᠤ ᠬᠢᠵᠦ ᠰᠢᠳᠠᠭᠠᠭᠠᠳ ᠭᠡᠩᠰᠢᠭᠦᠦ ᠤᠲᠤᠭᠠ ᠣᠭᠤᠬᠢᠭᠤᠯᠵᠤ ᠪᠠᠶᠢᠭᠠᠳ ᠵᠠᠰᠠᠳᠠᠭ᠃ | ᠪᠠᠰᠠ ᠰᠠᠭᠠᠯᠢ ᠶᠢᠨ ᠰᠠᠭᠤᠯᠭᠠ ᠳᠤ ᠨᠠᠷᠢᠨ ᠪᠤᠳᠠᠭᠠ᠂ ᠬᠥᠬᠡ ᠲᠠᠷᠢᠶᠠ ᠬᠢᠵᠦ᠂ ᠰᠦ ᠲᠤᠰᠤᠭᠠᠵᠤ᠂ ᠰᠠᠭᠤᠯᠭᠠᠨ ᠤ | ᠰᠠᠨᠵᠢ ᠳᠤ ᠬᠠᠳᠠᠭ ᠣᠶᠣᠵᠤ ᠪᠡᠯᠡᠭᠡᠨᠡ᠃ | ᠲᠥᠯ ᠬᠥᠩᠭᠡᠯᠡᠭᠴᠢ ᠳᠤ ᠭᠡᠷ ᠤᠨ ᠡᠵᠡᠨ ᠰᠦ ᠬᠤᠭᠤᠷᠮᠠᠭ ᠠᠮᠰᠠᠭᠤᠯᠵᠤ᠂ ᠬᠠᠳᠠᠭ ᠪᠠᠷᠢᠵᠤ ᠬᠦᠨᠳᠦᠯᠡᠨ | ᠵᠠᠯᠠᠬᠤ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠬᠡᠳᠡᠭ᠃ | ᠬᠤᠷᠠᠭᠠ ᠢᠰᠢᠭᠡ ᠶᠢ ᠬᠥᠩᠭᠡᠯᠡᠬᠦ ᠠᠵᠢᠯ ᠡᠬᠢᠯᠡᠬᠦ ᠳᠤ ᠬᠠᠮᠤᠭ ᠤᠨ ᠲᠡᠷᠢᠭᠦᠨ ᠳᠤ ᠨᠢᠭᠡ ᠡᠮᠡ ᠢᠰᠢᠭᠡ | ᠪᠤᠶᠤ ᠬᠤᠷᠠᠭᠠ ᠶᠢ ᠪᠠᠷᠢᠵᠤ ᠠᠪᠤᠭᠠᠳ ᠥᠭᠡᠳᠡ ᠨᠢ ᠬᠠᠷᠠᠭᠤᠯᠵᠤ ᠬᠥᠩᠭᠡᠯᠡᠬᠦ ᠶᠠᠩᠵᠤ ᠭᠠᠷᠭᠠᠵᠤ ᠲᠤᠮ ᠬᠢᠳᠡᠭ᠂ | ᠲᠡᠭᠡᠭᠡᠳ ᠵᠠᠪᠠᠯ ᠬᠠᠮᠠᠷ ᠬᠠᠯᠵᠠᠨ ᠬᠤᠷᠠᠭᠠ ᠠᠴᠠ ᠡᠬᠢᠯᠡᠵᠦ ᠬᠥᠩᠭᠡᠯᠡᠨᠡ᠂ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠪᠠᠰᠠ ᠬᠤᠷᠠᠭᠠ | ᠪᠠᠷ ᠲᠡᠭᠦᠰᠬᠡᠳᠡᠭ᠃ | ᠬᠤᠷᠠᠭᠠ ᠢᠰᠢᠭᠡ ᠶᠢ ᠬᠥᠩᠭᠡᠯᠡᠬᠦ ᠳᠤ ᠬᠤᠷᠴᠠ ᠦᠵᠦᠭᠦᠷ ᠲᠠᠢ ᠵᠢᠵᠢᠭ ᠳᠣᠩᠭᠤᠷᠠᠭ ᠬᠡᠷᠡᠭᠯᠡᠳᠡᠭ᠃ | ᠬᠤᠷᠠᠭᠠ ᠢᠰᠢᠭᠡᠨ ᠤ ᠪᠥᠭᠡᠰᠢᠭ ᠤᠨ ᠠᠷᠠᠰᠤ ᠶᠢ ᠳᠡᠭᠡᠭᠰᠢ ᠲᠠᠲᠠᠵᠤ ᠭᠠᠳᠠᠭᠰᠢ ᠰᠡᠳᠡᠯᠤᠨ ᠪᠥᠭᠡᠰᠢᠭ ᠢ ᠨᠢ ᠰᠢᠬᠠᠨ | ᠭᠠᠷᠭᠠᠵᠤ ᠪᠠᠶᠢᠭᠠᠳ ᠰᠤᠭᠤᠯᠤᠨ ᠠᠪᠴᠤ᠂ ᠪᠤᠷᠠᠭ ᠢ ᠨᠢ ᠴᠢᠩᠭᠠ ᠴᠢᠮᠬᠢᠵᠤ ᠲᠠᠯᠪᠢᠨᠠ᠃ ᠲᠡᠭᠡᠭᠡᠳ | ᠰᠤᠭᠤᠯᠤᠭᠰᠠᠨ ᠪᠥᠭᠡᠰᠢᠭ ᠢᠶᠠᠨ ᠪᠡᠯᠡᠳᠬᠡᠭᠰᠡᠨ ᠰᠠᠭᠤᠯᠭᠠᠨ ᠳᠠᠭᠠᠨ ᠬᠢᠵᠦ ᠠᠪᠤᠨᠠ᠃ | ᠲᠥᠯ ᠬᠥᠩᠭᠡᠯᠡᠭᠴᠢ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠬᠥᠩᠭᠡᠯᠡᠭᠰᠡᠨ ᠬᠤᠷᠠᠭᠠ ᠪᠠᠨ : | ︽ᠥᠳᠥᠨ ᠠᠴᠠ ᠬᠥᠩᠭᠡᠨ | ᠰᠤᠮᠤᠨ ᠠᠴᠠ ᠲᠦᠷᠭᠡᠨ | ᠡᠪᠡᠳᠭᠦ ᠨᠢ ᠵᠣᠭᠰᠣᠵᠤ | ᠡᠷᠲᠡ ᠡᠲᠡᠭᠡᠬᠦ ᠪᠣᠯᠳᠣᠭᠠᠢ︾ ᠭᠡᠵᠦ ᠢᠷᠥᠬᠡᠳᠡᠭ᠃ | ᠬᠤᠷᠠᠭᠠ ᠢᠰᠢᠭᠡ ᠬᠥᠩᠭᠡᠯᠡᠭᠡᠳ ᠭᠠᠷ ᠲᠤ ᠨᠠᠭᠠᠯᠳᠤᠭᠰᠠᠨ ᠨᠣᠤᠰᠣ ᠶᠢ ᠭᠠᠵᠠᠷ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠂ | ᠵᠠᠪᠠᠯ ᠴᠤᠭ ᠳᠡᠭᠡᠷᠡ ᠰᠢᠲᠠᠭᠠᠵᠤ ᠭᠡᠩᠰᠢᠭᠦᠦ ᠭᠠᠷᠭᠠᠨ ᠠᠷᠢᠭᠤᠳᠬᠠᠨᠠ᠃ | ᠬᠥᠩᠭᠡᠯᠡᠭᠰᠡᠨ ᠲᠥᠯ ᠢᠶᠠᠨ ᠭᠡᠷ ᠤᠨ ᠪᠠᠭᠠᠨᠠ ᠵᠡᠷᠭᠡ ᠤᠷᠲᠤ ᠮᠣᠳᠣᠨ ᠤ ᠳᠡᠭᠡᠭᠦᠷ ᠬᠠᠷᠠᠶᠢᠯᠭᠠᠵᠤ | ᠭᠠᠷᠭᠠᠳᠠᠭ᠃ | ᠬᠥᠩᠭᠡᠯᠡᠭᠰᠡᠨ ᠲᠥᠯ ᠬᠡᠪᠲᠡᠪᠡᠯ ᠮᠠᠭᠤ ᠭᠡᠳᠡᠭ᠃ ᠲᠡᠭᠦᠨ ᠢ ᠦᠷᠭᠦᠯᠵᠢ ᠬᠥᠳᠡᠯᠭᠡᠵᠦ ᠨᠠᠰᠢ ᠴᠠᠰᠢ | ᠶᠠᠪᠤᠭᠤᠯᠪᠠᠯ ᠰᠠᠶᠢᠨ᠃ ᠲᠡᠭᠡᠭᠦ ᠳᠡᠭᠡᠨ ᠰᠢᠷᠦᠭᠦᠨ ᠬᠥᠭᠡᠭᠡᠵᠦ ᠳᠠᠭᠤᠵᠤ ᠪᠤᠯᠬᠤ ᠦᠭᠡᠢ᠃ ᠬᠡᠷᠪᠡ ᠬᠥᠩᠭᠡᠯᠡᠭᠰᠡᠨ | ᠲᠥᠯ ᠠᠴᠠ ᠴᠢᠰᠤ ᠶᠡᠭᠡ ᠭᠠᠷᠪᠠᠯ ᠲᠡᠷᠡ ᠴᠢᠰᠤ ᠶᠢ ᠨᠢ ᠰᠠᠪᠠᠨ ᠳᠤ ᠲᠣᠰᠴᠤ ᠠᠪᠤᠭᠠᠳ ᠲᠡᠷᠡ ᠲᠥᠯ ᠳᠤᠨᠢ | ᠤᠤᠭᠤᠯᠭᠠᠪᠠᠯ ᠬᠠᠯᠠᠭᠤᠷᠠᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ᠃ ᠤᠬᠤᠨᠠ᠂ ᠬᠤᠴᠠ ᠶᠢ ᠬᠥᠩᠭᠡᠯᠡᠬᠦ ᠳᠤ ᠴᠢᠰᠤ ᠶᠡᠭᠡ | ᠭᠠᠷᠪᠠᠯ ᠮᠥᠨ ᠳᠡᠭᠡᠷᠡᠬᠢ ᠠᠷᠭᠠ ᠶᠢ ᠬᠡᠷᠡᠭᠯᠡᠪᠡᠯ ᠰᠠᠶᠢᠨ ᠪᠤᠯᠳᠠᠭ ᠪᠥᠭᠡᠳ ᠰᠢᠷᠬᠠ ᠨᠢ ᠲᠦᠷᠭᠡᠨ ᠡᠳᠡᠭᠡᠨᠡ᠃ | ᠢᠰᠢᠭᠡ ᠬᠤᠷᠠᠭᠠ ᠶᠢ ᠪᠠᠭᠠ ᠳᠡᠭᠡᠷᠡ ᠨᠢ ᠬᠥᠩᠭᠡᠯᠡᠪᠡᠯ ᠬᠥᠩᠭᠡᠨ ᠰᠠᠶᠢᠨ ᠪᠠᠶᠢᠳᠠᠭ᠂ ᠭᠡᠪᠡᠴᠦ ᠨᠠᠮᠤᠷ | ᠪᠣᠯᠭᠠᠭᠠᠳ ᠬᠥᠩᠭᠡᠯᠡᠳᠡᠭ ᠴᠦ ᠪᠤᠢ᠂ ᠲᠡᠭᠡᠪᠡᠯ ᠬᠤᠷᠠᠭᠠ ᠢᠰᠢᠭᠡᠨ ᠤ ᠪᠡᠶᠡ ᠪᠢᠯᠲᠡᠷ ᠨᠢ ᠪᠦᠳᠦᠭᠦᠷᠡᠵᠦ᠂ ᠡᠪᠡᠷ ᠨᠢ | ᠲᠣᠮᠣ ᠪᠤᠯᠬᠤ ᠤᠬᠠᠭᠠᠨ ᠲᠠᠢ ᠶᠤᠮ᠃ | ᠬᠢᠴᠢᠶᠡᠬᠦ ᠵᠦᠢᠯ ᠭᠡᠪᠡᠯ ᠲᠥᠯ ᠬᠥᠩᠭᠡᠯᠡᠬᠦ ᠬᠥᠮᠥᠨ ᠨᠢ ᠪᠡᠶᠡ ᠳᠡᠭᠡᠨ ᠶᠠᠷᠡ ᠰᠢᠷᠬᠠ ᠪᠤᠶᠤ ᠡᠪᠡᠳᠴᠢᠨ ᠲᠠᠢ | ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ᠃ | ᠲᠥᠯ ᠤᠨ ᠪᠥᠭᠡᠰᠢᠭ ᠢ ᠨᠣᠬᠠᠢ᠂ ᠮᠤᠤᠷ ᠲᠤ ᠢᠳᠡᠭᠦᠯᠵᠦ ᠪᠤᠯᠬᠤ ᠦᠭᠡᠢ᠂ ᠲᠡᠭᠦᠨ ᠢ ᠭᠡᠷ ᠠᠴᠠ ᠪᠠᠨ | ᠭᠠᠳᠠᠭᠰᠢ ᠭᠠᠷᠭᠠᠵᠤ ᠪᠤᠯᠬᠤ ᠦᠭᠡᠢ ᠴᠡᠭᠡᠷ ᠲᠠᠢ ᠪᠠᠶᠢᠳᠠᠭ᠂ ᠲᠥᠯ ᠮᠠᠯ ᠤᠨ ᠪᠥᠭᠡᠰᠢᠭ ᠪᠣᠯ ︽ᠦᠷᠡ | ᠬᠤᠳᠤᠭ︾᠂ ︽ᠬᠡᠰᠢᠭ︾ ᠨᠢ ᠪᠣᠯᠬᠤᠷ ᠭᠡᠷ ᠠᠴᠠ ᠭᠠᠳᠠᠭᠰᠢ ᠭᠠᠷᠭᠠᠪᠠᠯ ᠮᠠᠯ ᠤᠨ ᠬᠡᠰᠢᠭ ᠢ ᠭᠠᠷᠭᠠᠬᠤ ᠳᠤ | ᠭᠦᠷᠦᠨᠡ ᠭᠡᠵᠦ ᠦᠵᠡᠳᠡᠭ᠃ | ᠶᠡᠷᠦ ᠲᠥᠯ ᠤᠨ ᠪᠥᠭᠡᠰᠢᠭ ᠢ ᠲᠦᠷᠭᠡᠨ ᠴᠢᠨᠠᠬᠤ ᠦᠭᠡᠢ ᠪᠣᠯ ᠲᠥᠯ ᠵᠣᠪᠠᠨᠠ ᠭᠡᠳᠡᠭ᠂ ᠲᠡᠭᠡᠭᠡᠳ | ᠲᠦᠷᠭᠡᠨ ᠴᠢᠨᠠᠵᠤ ᠣᠯᠠᠭᠤᠯᠠ ᠪᠠᠨ ᠬᠤᠪᠢᠶᠠᠯᠴᠠᠨ ᠢᠳᠡᠨᠡ᠃ | ᠲᠥᠯ ᠬᠥᠩᠭᠡᠯᠡᠬᠦ ᠠᠵᠢᠯ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭᠠ᠂ ᠭᠡᠷ ᠤᠨ ᠡᠵᠡᠨ ᠠᠴᠠ ᠲᠥᠯ ᠬᠥᠩᠭᠡᠯᠡᠭᠴᠢ ᠶᠢᠨ | ᠭᠠᠷ ᠢ ᠴᠠᠶᠢᠯᠭᠠᠳᠠᠭ ᠶᠣᠰᠣ ᠲᠠᠢ ᠶᠤᠮ᠃ | ᠨᠠᠳᠠᠭ ︵59 ᠨᠠᠰᠤᠲᠠᠢ᠂ 2006 ᠣᠨ ᠳᠤ︶᠂ ᠪᠠᠯᠲᠠᠷᠡᠮᠡ ︵74 ᠨᠠᠰᠤᠲᠠᠢ᠂ 2008 ᠣᠨ ᠳᠤ︶᠂ | ᠨᠠᠷᠠᠨᠴᠢᠮᠡᠭ ︵64ᠨᠠᠰᠤᠲᠠᠢ᠂2009 ᠣᠨ ᠳᠤ ︶ ᠨᠠᠷ ᠢ ᠰᠣᠷᠪᠤᠯᠵᠢᠯᠠᠨ ᠲᠡᠮᠳᠡᠭᠯᠡᠪᠡ᠃ | —— ︽ᠡᠵᠡᠨᠡ ᠭᠤᠣᠯ︾ ᠰᠡᠳᠬᠦᠯ ᠤᠨ ᠶᠡᠷᠦᠩᠬᠡᠢ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠ ᠠᠴᠠ | | | |