| ᠲᠣᠣᠷᠠᠢ ᠮᠣᠳᠣ ᠤᠰᠤ ᠴᠢᠭᠢᠭ ᠲᠠᠢ ᠨᠠᠭᠤᠷ ᠨᠠᠮᠤᠭ ᠭᠤᠣᠯ ᠳᠠᠭᠠᠤ ᠭᠠᠵᠠᠷ ᠴᠤ ᠭᠡᠰᠡᠨ᠂ ᠭᠠᠩ ᠬᠠᠭᠤᠷᠠᠢ | ᠡᠯᠡᠰᠤᠨ ᠴᠥᠯ᠂ ᠭᠤᠪᠢ ᠬᠠᠩᠭᠠᠢ ᠭᠠᠵᠠᠷ ᠴᠤ ᠭᠡᠰᠡᠨ ᠴᠥᠮ ᠣᠷᠭᠤᠵᠤ ᠴᠢᠳᠠᠳᠠᠭ ᠴᠣᠷ ᠤᠨ ᠭᠠᠭᠴᠠ | ᠤᠯᠢᠶᠠᠰᠤᠨ ᠲᠥᠷᠥᠯ ᠤᠨ ᠲᠣᠷᠤᠭ ᠮᠣᠳᠣ ᠪᠣᠯᠬᠤ ᠤᠴᠢᠷ ᠠᠴᠠ ᠭᠠᠩ ᠢ ᠳᠠᠭᠠᠭᠠᠬᠤ ᠣᠨᠴᠠ ᠴᠢᠳᠠᠪᠤᠷᠢ ᠲᠠᠢ᠃ | ᠬᠤᠵᠢᠷ ᠠᠴᠠ ᠠᠶᠤᠳᠠᠭ ᠥᠬᠡᠶ ᠬᠠᠯᠠᠭᠤᠨ ᠬᠦᠢᠲᠡᠨ ᠢ ᠠᠵᠢᠭ ᠦᠭᠡᠢ ᠲᠤᠭᠤᠯᠵᠤ ᠴᠢᠳᠠᠳᠠᠭ ᠣᠨᠴᠠᠭᠠᠢ | ᠠᠮᠢᠳᠤᠷᠠᠬᠤ ᠬᠦᠴᠦᠨ ᠲᠠᠢ ᠬᠠᠴᠢᠨ ᠭᠠᠶᠢᠬᠠᠯᠲᠠᠶ ᠤᠷᠭᠤᠮᠠᠯ ᠶᠤᠮ᠂ ᠠᠮᠢᠵᠢᠷᠠᠯ ᠤᠨ ᠨᠠᠰᠤ ᠨᠢ ᠡᠩ ᠶᠢᠨ ᠪᠠᠢᠳᠠᠯ | ᠳᠤᠤᠷᠠ 0 — 200 ᠵᠢᠯ ᠪᠠᠢᠳᠠᠭ᠃ ᠣᠨᠴᠠᠭᠠᠢ ᠵᠠᠷᠢᠮ ᠲᠤᠤᠷᠠᠢ ᠨᠢ 300 — 400 ᠰᠢᠬᠠᠮ ᠵᠢᠯ | ᠠᠮᠢᠳᠤᠷᠠᠳᠠᠭ ᠪᠠᠢᠨᠠ᠃ ᠡᠩ ᠤᠨ ᠨᠠᠰᠤ ᠭᠦᠢᠴᠡᠭᠰᠡᠨ ᠲᠤᠤᠷᠠᠢ ᠣᠢ ᠶᠢᠨ ᠪᠡᠶᠡ ᠶᠢᠨ ᠪᠦᠰᠡᠯᠡᠭᠦᠷ ᠨᠢ 1.5 — | 3.9 ᠮᠧᠲᠷ ᠤᠨ ᠬᠤᠭᠤᠷᠣᠨᠳᠣ ᠪᠠᠢᠳᠠᠭ᠃ ᠥᠨᠳᠥᠷ ᠨᠠᠰᠤᠲᠠᠶ ᠪᠦᠳᠦᠭᠦᠨ ᠲᠤᠤᠷᠠᠢ ᠶᠢᠨ ᠪᠡᠶᠡ ᠶᠢᠨ | ᠪᠦᠰᠡᠯᠡᠭᠦᠷ ᠤᠨ ᠣᠷᠳᠣ ᠨᠢ 4 — 6 ᠮᠧᠲᠷ ᠭᠠᠷᠤᠶ ᠪᠠᠢᠳᠠᠭ᠃ ᠲᠤᠤᠷᠠᠢ ᠮᠣᠳᠣ ᠪᠣᠯ ᠵᠢᠯ ᠤᠨ ᠤᠯᠠᠷᠢᠯ ᠤᠨ | ᠬᠤᠪᠢᠷᠠᠯᠲᠠ ᠶᠢ ᠲᠠᠭᠠᠨ ᠬᠤᠪᠢᠷᠠᠵᠤ᠂ ᠬᠠᠪᠤᠷ ᠬᠦᠷᠡᠩ ᠥᠩᠭᠡ ᠪᠠᠷ ᠴᠡᠴᠡᠭᠯᠡᠵᠦ᠂ ᠵᠤᠨ ᠨᠣᠭᠤᠭᠠᠨ ᠥᠩᠭᠡ ᠪᠠᠷ | ᠨᠠᠪᠴᠢᠯᠠᠵᠤ᠂ ᠨᠠᠮᠤᠷ ᠤᠨ ︵ᠲᠤᠮᠳᠠᠴᠢ︶ ᠰᠡᠭᠦᠯᠴᠢ ᠪᠠᠷ ᠰᠢᠷᠠᠯᠠᠵᠤ᠂ ᠠᠯᠲᠠᠨ ᠰᠢᠷᠭᠠᠯ ᠦᠩᠭᠡ ᠲᠠᠢ ᠪᠣᠯᠵᠤ᠂ | ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠪᠣᠷᠣ ᠥᠩᠭᠡ ᠶᠢᠨ ᠮᠥᠴᠢᠷ ᠲᠠᠢ ᠪᠠᠨ ᠡᠪᠦᠯᠵᠢᠳᠡᠭ᠃ | ᠣᠳᠣ ᠪᠦᠬᠦ ᠬᠤᠰᠢᠭᠤᠨ ᠤ ᠲᠤᠤᠷᠠᠢ ᠣᠢ ᠨᠡᠢᠲᠡ 44.024 ᠲᠦᠮᠡᠨ ᠮᠦ ᠲᠠᠯᠠᠪᠠᠢ ᠶᠢᠨ 762 ᠬᠡᠰᠡᠭ | ᠭᠠᠵᠠᠷ ᠲᠤ ᠤᠷᠭᠤᠵᠤ ᠪᠤᠢ᠃ ᠡᠭᠦᠨ ᠳᠤ ᠰᠠᠢᠬᠠᠨᠳᠤᠤᠷᠠᠢ ᠰᠤᠮᠤ ᠶᠢᠨ 7.5928 ᠲᠦᠮᠡᠨ ᠮᠦ ᠲᠠᠯᠠᠪᠠᠢ ᠶᠢᠨ | 456 ᠬᠡᠰᠡᠭ ᠭᠠᠵᠠᠷ ᠲᠤ︔ ᠰᠤᠪᠨᠠᠭᠤᠷ ᠰᠤᠮᠤ ᠶᠢᠨ 1.6622 ᠲᠦᠮᠡᠨ ᠮᠤ᠋ ᠲᠠᠯᠠᠪᠠᠢ ᠶᠢᠨ 35 ᠬᠡᠰᠡᠭ | ᠭᠠᠵᠠᠷ ᠲᠤ᠂ ᠲᠠᠯᠠᠢᠬᠦᠪ ᠪᠠᠯᠭᠠᠰᠤ ᠶᠢᠨ 3.2385 ᠲᠦᠮᠡᠨ ᠮᠦ ᠲᠠᠯᠠᠪᠠᠢ ᠶᠢᠨ 65 ᠬᠡᠰᠡᠭ ᠭᠠᠵᠠᠷ ᠲᠤ︔ ᠳ᠋ᠦᠩ | ᠹᠧᠩ ᠪᠠᠯᠭᠠᠰᠤ ᠶᠢᠨ 15. 6278 ᠲᠦᠮᠡᠨ ᠮᠦ ᠲᠠᠯᠠᠪᠠᠢ ᠶᠢᠨ 77 ᠬᠡᠰᠡᠭ ᠭᠠᠵᠠᠷ ᠲᠤ︔ ᠪᠠᠶᠢᠭᠠᠯᠢ ᠶᠢᠨ | ᠬᠠᠮᠠᠭᠠᠯᠠᠯᠲᠠ ᠶᠢᠨ ᠲᠤᠤᠷᠠᠢ ᠤᠢ ︵ᠪᠠᠷᠠᠭᠤᠨ ᠲᠠᠯᠠ ᠨᠢ ᠣᠪᠣᠭᠠᠨ ᠭᠤᠣᠯ ᠤᠨ ᠬᠥᠭᠦᠷᠭᠡ ᠠᠴᠠ ᠵᠡᠭᠦᠨ ᠲᠠᠯᠠ ᠨᠢ | ᠣᠨᠴᠠ ᠶᠢᠨ ᠭᠤᠣᠯ ᠤᠨ ᠬᠥᠭᠦᠷᠭᠡ ᠬᠦᠷᠲᠡᠯᠡ ᠡᠮᠦᠨᠡ ᠲᠠᠯᠠ ᠨᠢ ᠣᠨᠴᠠ ᠶᠢᠨ ᠭᠤᠣᠯ ᠤᠨ ᠬᠠᠰᠢᠯᠭᠠ ᠠᠴᠠ | ᠬᠤᠢᠳᠤ ᠲᠠᠯᠠ ᠨᠢ ᠰᠤᠪᠨᠠᠭᠤᠷ ᠰᠤᠮᠤ ᠤ ᠪᠠᠭ ᠵᠢᠭᠳᠡ ᠬᠦᠷᠲᠡᠯᠡ︶ 15.9027 ᠲᠦᠮᠡᠨ ᠮᠤ᠋ ᠲᠠᠯᠠᠪᠠᠢ ᠶᠢᠨ᠂ | ᠡᠮᠦᠨᠡ 129 ᠬᠡᠰᠡᠭ ᠭᠠᠵᠠᠷ ᠲᠤ ᠲᠤᠰ ᠲᠤᠰ ᠤᠷᠭᠤᠵᠤ ᠪᠠᠢᠨᠠ᠃ | ᠲᠤᠤᠷᠠᠢ ᠮᠣᠳᠣ ᠪᠣᠯ ᠭᠠᠩ ᠬᠠᠭᠤᠷᠠᠶ ᠳᠤ ᠲᠦᠯ ᠤᠨ ᠲᠡᠰᠪᠦᠷᠢᠲᠡᠶ᠂ ᠤᠰᠤ ᠴᠢᠭᠢᠭ ᠶᠢᠨ ᠶᠡᠭᠡ ᠪᠠᠭᠠ | ᠬᠥᠷᠥᠰᠥ ᠰᠢᠷᠣᠶ ᠶᠢᠨ ᠰᠠᠢᠨ ᠮᠠᠭᠤ ᠭᠡᠵᠦ ᠢᠯᠭᠠᠯ ᠦᠭᠡᠢ ᠭᠤᠪᠢ ᠬᠠᠩᠭᠠᠶ᠂ ᠡᠯᠡᠰᠦ ᠮᠠᠩᠬᠠ ᠬᠤᠵᠢᠷᠳᠤ ᠨᠠᠮᠤᠭ | ᠵᠡᠷᠭᠡ ᠬᠥᠷᠥᠰᠥᠨ ᠳᠤ ᠴᠥᠮ ᠠᠵᠢᠭ ᠦᠭᠡᠢ ᠤᠷᠭᠤᠵᠤ ᠴᠢᠳᠠᠳᠠᠭ ᠤᠴᠢᠷ ᠠᠴᠠ ᠪᠦᠬᠦ ᠬᠤᠰᠢᠭᠤᠨ ᠤ ᠭᠠᠵᠠᠷ | ᠪᠣᠯᠭᠠᠨ ᠳᠤ ᠤᠷᠭᠤᠭᠠ ᠲᠤᠤᠷᠠᠢ᠂ ᠥᠭᠢᠷᠡᠭᠰᠡᠨ ᠲᠤᠤᠷᠠᠢ ᠬᠠᠷᠠᠭᠳᠠᠵᠤ ᠪᠠᠢᠳᠠᠭ᠃ | ᠲᠤᠤᠷᠠᠢ ᠣᠢ ᠶᠢᠨ ᠣᠷᠭᠤᠭᠰᠠᠨ ᠪᠠᠶᠢᠳᠠᠯ ᠠᠴᠠ ᠨᠢ ᠰᠢᠨᠵᠢᠪᠡᠯ ᠭᠤᠣᠯ ᠳᠠᠭᠠᠤ ᠣᠷᠭᠤᠭᠰᠠᠨ ᠲᠤᠤᠷᠠᠢ ᠨᠢ | ᠥᠨᠳᠥᠷ᠂ ᠪᠦᠳᠦᠭᠦᠨ᠂ ᠥᠳᠬᠡᠨ ᠪᠠᠢᠳᠠᠭ᠃ ᠬᠠᠷᠢᠨ ᠭᠤᠪᠢ ᠬᠠᠩᠭᠠᠶ᠂ ᠡᠯᠡᠰᠦ ᠮᠠᠩᠬᠠᠨ ᠭᠠᠵᠠᠷ ᠤᠨ | ᠲᠤᠤᠷᠠᠢ ᠨᠢ ᠪᠣᠭᠤᠨᠢ ᠮᠥᠷᠲᠡᠭᠡᠨ ᠨᠠᠷᠢᠨ᠂ ᠰᠡᠶᠢᠷᠡᠭ ᠪᠥᠭᠡᠳ ᠠᠳᠡ ᠲᠡᠨᠳᠡ ᠤᠷᠭᠤᠭᠰᠠᠨ ᠬᠠᠷᠠᠭᠳᠠᠳᠠᠭ᠃ | ᠡᠨᠡ ᠨᠢ ᠭᠤᠣᠯᠳᠠᠭᠤ ᠬᠥᠷᠥᠰᠥᠨ ᠴᠢᠨᠠᠷ ᠤᠨ ᠰᠠᠢᠨ ᠮᠠᠭᠤ᠂ ᠤᠰᠤ ᠴᠢᠭᠢᠭ ᠤᠨ ᠬᠡᠮᠵᠢᠶᠡ ᠶᠢᠨ ᠶᠡᠭᠡ ᠪᠠᠭᠠ ᠲᠠᠢ | ᠰᠢᠭᠤᠳ ᠬᠤᠯᠪᠣᠭᠠ ᠲᠠᠢ ᠶᠤᠮ᠃ ᠭᠤᠣᠯ ᠳᠠᠭᠠᠤ ᠲᠣᠣᠷᠠᠢ ᠶᠢᠨ ᠦᠨᠳᠦᠰᠦ ᠬᠠᠳᠬᠤᠬᠤ ᠪᠠᠢᠳᠠᠯ ᠨᠢ ᠭᠤᠪᠢ᠂ | ᠡᠯᠡᠰᠦᠨ ᠴᠥᠯ ᠭᠠᠵᠠᠷ ᠤᠨ ᠲᠤᠤᠷᠠᠢ ᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠭ᠃ ᠭᠤᠣᠯ ᠳᠠᠭᠠᠤ ᠬᠥᠷᠥᠰᠥᠨ ᠤ ᠴᠢᠨᠠᠷ ᠰᠠᠢᠨ | ᠤᠰᠤ ᠴᠢᠭᠢᠭ ᠶᠢᠨ ᠲᠦᠪᠰᠢᠨ ᠨᠡᠯᠢᠶᠡᠳ ᠳᠡᠭᠡᠷᠡ ᠪᠠᠢᠳᠠᠭ ᠤᠴᠢᠷ ᠠᠴᠠ ᠲᠣᠣᠷᠠᠢ ᠶᠢᠨ ᠦᠨᠳᠦᠰᠦ ᠨᠢ ᠭᠠᠵᠠᠷ ᠤᠨ | ᠬᠥᠷᠥᠰᠥ ᠶᠢ ᠡᠭᠴᠡ ᠳᠣᠭᠤᠭᠰᠢ ᠨᠢ ᠬᠠᠳᠬᠤᠨ ᠣᠷᠭᠤᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠤᠤᠷᠠᠢ ᠶᠢᠨ ᠪᠡᠶᠡ ᠠᠴᠠ ᠪᠠᠨ | ᠲᠠᠯᠠ ᠪᠦᠷᠢ ᠲᠡᠢᠰᠢ ᠪᠠᠨ ᠭᠠᠵᠠᠷ ᠤᠨ ᠬᠥᠷᠥᠰᠥ ᠶᠢ ᠬᠠᠪᠤᠵᠤ ᠤᠷᠭᠤᠳᠠᠭ᠃ ᠡᠨᠡ ᠬᠦ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ | ᠭᠤᠣᠯ ᠳᠠᠭᠠᠤ ᠲᠤᠤᠷᠠᠢ ᠤᠢ ᠶᠢ ᠬᠠᠰᠢᠶᠠᠯᠠᠨ ᠪᠢᠲᠡᠭᠦᠮᠵᠢᠯᠡᠪᠡᠯ᠂ ᠭᠠᠵᠠᠷ ᠤᠨ ᠬᠥᠷᠥᠰᠥ ᠶᠢ ᠬᠠᠪᠤᠵᠤ ᠤᠷᠭᠤᠭᠰᠠᠨ | ᠦᠨᠳᠦᠰᠦ ᠠᠴᠠ ᠨᠢ ᠮᠠᠰᠢ ᠣᠯᠠᠨ ᠵᠤᠯᠵᠠᠭᠠᠨ ᠲᠤᠤᠷᠠᠢ ᠣᠷᠭᠤᠨ ᠭᠠᠷᠳᠠᠭ᠃ ᠭᠡᠲᠡᠯᠡ ᠭᠤᠪᠢ ᠴᠦᠯ᠂ ᠡᠯᠡᠰᠦ | ᠮᠠᠩᠬᠠᠨ ᠤ ᠲᠤᠤᠷᠠᠢ ᠲᠡᠶᠢᠮᠦ ᠠᠮᠠᠷᠬᠠᠨ᠂ ᠦᠨᠳᠦᠰᠤ ᠠᠴᠠ ᠪᠠᠨ ᠣᠷᠭᠤᠵᠤ ᠴᠢᠳᠠᠳᠠᠭ ᠥᠬᠡᠶ᠃ ᠤᠴᠢᠷ ᠨᠢ ᠭᠤᠪᠢ | ᠮᠠᠩᠬᠠᠨ ᠤ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠳᠣᠣᠷᠠᠬᠢ ᠣᠰᠣᠨ ᠲᠦᠪᠰᠢᠨ ᠳᠣᠣᠷᠠ ᠭᠠᠵᠠᠷ ᠤᠨ ᠥᠩᠭᠡᠴᠡ ᠭᠠᠩ | ᠬᠠᠭᠤᠷᠠᠢ ᠲᠤᠯᠠ ᠲᠤᠤᠷᠠᠢ ᠶᠢᠨ ᠦᠨᠳᠦᠰᠦ ᠨᠢ ᠤᠰᠤ ᠴᠢᠭᠢᠭ ᠪᠠᠨ ᠲᠠᠭᠠᠨ ᠲᠤᠷᠤᠭᠰᠢ ᠪᠠᠨ ᠭᠠᠵᠠᠷ ᠤᠨ | ᠬᠥᠷᠥᠰᠥ ᠶᠢ ᠭᠦᠨ ᠬᠠᠳᠬᠤᠵᠤ ᠣᠷᠭᠤᠭᠰᠠᠨ ᠠᠴᠠ ᠪᠣᠯᠤᠭᠰᠠᠨ ᠶᠤᠮ᠃ ᠭᠤᠣᠯ ᠳᠠᠭᠠᠤ ᠣᠷᠭᠤᠭᠰᠠᠨ ᠨᠢᠭᠡ | ᠰᠠᠭᠤᠷᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠬᠡ ᠲᠤᠤᠷᠠᠢ ᠶᠢᠨ ᠡᠷᠭᠢᠨ ᠲᠣᠭᠤᠷᠢᠨ ᠤ ᠦᠨᠳᠦᠰᠤ ᠠᠴᠠ ᠪᠤᠳᠠᠯᠠᠨ ︵ᠰᠣᠶᠣᠭᠠᠯᠠᠨ︶ | ᠤᠷᠭᠤᠵᠤ ᠦᠷᠡᠵᠢᠬᠦ ᠲᠠᠯᠠᠪᠠᠢ ᠨᠢ 2 ᠮᠦ 3 ᠹᠦᠨ ᠬᠦᠷᠳᠡᠭ᠃ ᠲᠤᠰ ᠵᠢᠯ ᠤᠨ ᠪᠢᠲᠡᠭᠦᠮᠵᠢᠯᠡᠨ | ᠪᠤᠶᠢᠵᠢᠭᠤᠯᠤᠭᠰᠠᠨ ᠨᠢᠯᠬᠠ ᠴᠢᠬᠢ ᠶᠢᠨ ᠥᠨᠳᠥᠷ ᠨᠢ 1 ᠮᠧᠲᠷ ᠭᠠᠷᠤᠢ ᠳ᠋ᠢᠶᠠᠮᠧᠲᠷ ᠨᠢ 2 cm ᠬᠦᠷᠳᠡᠭ᠃ 5 | — 6 ᠵᠢᠯ ᠪᠣᠯᠤᠭᠰᠠᠨ ᠵᠤᠯᠵᠠᠭᠠᠨ ᠲᠤᠤᠷᠠᠢ ᠥᠨᠳᠥᠷ ᠨᠢ 4 ᠮᠧᠲᠷ ᠢᠯᠡᠭᠦᠦ ᠪᠣᠯᠳᠠᠭ ᠪᠠᠢᠨᠠ᠃ | ᠡᠵᠡᠨᠡ ᠶᠢᠨ ᠮᠣᠩᠭᠤᠯᠴᠤᠳ ᠤᠨ ᠠᠮᠠᠨ ᠤᠯᠠᠮᠵᠢᠯᠠᠯ ᠳᠤ ᠲᠣᠣᠷᠠᠢ ᠮᠣᠳᠣᠨ ᠤ ᠪᠡᠶᠡ ᠶᠢᠨ ᠪᠦᠲᠦᠴᠡ ᠶᠢ | ᠲᠣᠣᠷᠠᠢ ᠶᠢᠨ ᠦᠨᠳᠦᠰᠤ᠂ ᠲᠣᠣᠷᠠᠢ ᠶᠢᠨ ᠣᠩᠭᠢ᠂ ᠲᠣᠣᠷᠠᠢ ᠶᠢᠨ ᠪᠡᠶᠡ᠂ ᠲᠣᠣᠷᠠᠢ ᠶᠢᠨ ᠰᠠᠯᠠᠭᠠ᠂ ᠲᠤᠤᠷᠠᠶ ᠶᠢᠨ | ᠨᠠᠮᠠᠭᠠ᠂ ᠲᠤᠤᠷᠠᠶ ᠶᠢᠨ ᠨᠠᠪᠴᠢ ᠵᠡᠷᠭᠡ ᠵᠢᠷᠭᠤᠭᠠᠨ ᠬᠡᠰᠡᠭ ᠲᠤ ᠬᠤᠪᠢᠶᠠᠨᠠ᠃ ᠲᠤᠤᠷᠠᠶ ᠶᠢᠨ ᠦᠨᠳᠦᠰᠦ ᠨᠢ | ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠤ ᠬᠠᠲᠠᠭᠤ ᠵᠥᠭᠡᠯᠡᠨ᠂ ᠬᠥᠷᠥᠰᠥᠨ ᠤ ᠴᠢᠨᠠᠷ ᠤᠨ ᠰᠠᠶᠢᠨ ᠮᠠᠭᠤ᠂ ᠬᠥᠷᠥᠰᠥᠨ ᠳᠤᠤᠷᠠᠬᠢ | ᠤᠰᠤ ᠴᠢᠭᠢᠭ ᠤᠨ ᠬᠡᠮᠵᠢᠶᠡ ᠵᠡᠷᠭᠡ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠦᠨᠳᠦᠰᠦ ᠬᠠᠳᠬᠤᠬᠤ ᠭᠦᠨ ᠭᠦᠢᠭᠡᠨ᠂ ᠬᠤᠯᠠ | ᠣᠢᠷᠠ ᠶᠢᠨ ᠬᠡᠮᠵᠢᠶᠡ ᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ᠃ ᠭᠠᠵᠠᠷ ᠤᠨ ᠬᠥᠷᠥᠰᠥ ᠨᠢ ᠵᠥᠭᠡᠯᠡᠨ᠂ ᠤᠰᠤ ᠴᠢᠭᠢᠭ ᠨᠢ | ᠡᠯᠪᠡᠭ ᠭᠠᠵᠠᠷ ᠤᠨ ᠲᠣᠣᠷᠠᠢ ᠶᠢᠨ ᠦᠨᠳᠦᠰᠦ ᠨᠢ ᠭᠠᠵᠠᠷ ᠤᠨ ᠬᠦᠷᠦᠰᠤ ᠠᠴᠠ ᠡᠭᠴᠡ ᠳᠣᠷᠣᠭᠰᠢ ᠪᠠᠨ ᠪᠠᠷᠤᠭ 10 | — 15 ᠮᠤᠳ᠋ᠷ ᠭᠦᠨ ᠬᠠᠳᠬᠤᠵᠤ ᠤᠷᠭᠤᠳᠠᠭ ᠤᠴᠢᠷ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠭᠠᠵᠠᠷ ᠳᠤᠤᠷᠠᠬᠢ ᠤᠰᠤ ᠶᠢ | ᠪᠡᠶᠡ ᠳᠡᠭᠡᠨ ᠰᠢᠩᠭᠡᠭᠡᠨ ᠠᠪᠴᠤ ᠴᠢᠳᠠᠳᠠᠭ᠃ ᠲᠣᠣᠷᠠᠢ ᠶᠢᠨ ᠪᠡᠶᠡ ᠳᠣᠲᠣᠷᠠᠬᠢ ᠤᠰᠤᠨ ᠤ ᠬᠡᠮᠵᠢᠶᠡ ᠬᠡᠵᠢᠶᠡᠳᠡ | ᠡᠯᠪᠡᠭ ᠪᠠᠢᠳᠠᠭ ᠤᠴᠢᠷ ᠠᠴᠠ ᠭᠠᠩ ᠬᠠᠭᠰᠠᠷᠠᠭᠠᠨ ᠳᠤ ᠲᠦᠯ ᠤᠨ ᠲᠠᠭᠠᠭᠠᠴᠠ ᠲᠠᠢ᠂ ᠬᠤᠷᠠ ᠤᠰᠤ | ᠬᠤᠮᠰᠠᠳᠠᠭᠰᠠᠨ ᠴᠤ ᠭᠠᠵᠠᠷ ᠳᠤᠤᠷᠠᠬᠢ ᠤᠰᠤ ᠶᠢ ᠲᠦᠰᠢᠨ ᠠᠮᠢᠳᠤᠷᠠᠳᠠᠭ᠃ ᠲᠤᠤᠷᠠᠶ ᠶᠢᠨ ᠦᠨᠳᠦᠰᠦ ᠨᠢ | ᠭᠠᠵᠠᠷ ᠤᠨ ᠬᠥᠷᠥᠰᠥ ᠶᠢ ᠡᠭᠴᠡ ᠳᠣᠷᠣᠭᠰᠢ ᠪᠠᠨ ᠬᠠᠳᠬᠤᠵᠤ ᠤᠷᠭᠤᠬᠤ ᠠᠴᠠ ᠭᠠᠳᠠᠨᠠ ᠪᠠᠰᠠ ᠭᠠᠵᠠᠷ ᠤᠨ | ᠬᠥᠷᠥᠰᠥ ᠶᠢ ᠬᠠᠪᠤᠵᠤ᠂ ᠲᠣᠣᠷᠠᠢ ᠶᠢᠨ ᠪᠡᠶᠡ ᠠᠴᠠ 50 — 70 ᠮᠧᠲᠷ ᠤᠨ ᠠᠯᠤᠰ ᠬᠥᠷᠥᠰᠥᠨ ᠲᠤᠤᠭᠤᠷ | ᠬᠠᠪᠤᠨ ᠤᠷᠭᠤᠳᠠᠭ ᠤᠴᠢᠷ ᠠᠴᠠ ᠣᠶᠢᠷᠠ ᠬᠠᠪᠢ ᠶᠢᠨ ᠬᠥᠷᠥᠰᠥᠨ ᠤ ᠰᠢᠮᠡ ᠲᠡᠵᠢᠭᠡᠯ ᠢ ᠰᠣᠷᠣᠨ ᠠᠪᠴᠤ | ᠪᠡᠶᠡ ᠳᠡᠭᠡᠨ ᠨᠥᠬᠦᠪᠥᠷᠢᠯᠡᠳᠡᠭ ᠲᠤᠯᠠ ᠡᠷᠡᠭᠦᠯ ᠴᠢᠭᠢᠷᠠᠭ ᠢᠶᠠᠷ ᠦᠷᠡᠵᠢᠨ ᠥᠰᠴᠦ᠂ ᠠᠮᠢᠵᠢᠷᠠᠯ ᠤᠨ ᠨᠣᠷᠮᠠ ᠨᠢ | ᠥᠨᠳᠥᠷ᠂ ᠨᠠᠪᠴᠢ ᠨᠠᠮᠠᠭᠠ ᠨᠢ ᠰᠠᠬᠤᠯᠢᠭ᠂ ᠭᠠᠩ ᠬᠠᠭᠤᠷᠠᠶ ᠬᠠᠯᠠᠭᠤᠨ ᠬᠦᠢᠲᠡᠨ᠂ ᠰᠠᠯᠬᠢ ᠰᠢᠭᠤᠷᠭᠠᠨ ᠵᠡᠷᠭᠡ | ᠪᠠᠢᠭᠠᠯᠢ ᠶᠢᠨ ᠡᠯᠳᠡᠪ ᠵᠦᠢᠯ ᠤᠨ ᠭᠠᠮᠰᠢᠭ ᠲᠠᠢ ᠡᠰᠡᠷᠭᠦᠴᠡᠨ ᠲᠤᠯᠵᠤ ᠴᠢᠳᠠᠳᠠᠭ ᠣᠨᠴᠠᠭᠠᠶ ᠴᠢᠳᠠᠪᠤᠷᠢ ᠲᠠᠢ᠃ | ᠲᠣᠣᠷᠠᠢ ᠶᠢᠨ ᠣᠩᠭᠢ ᠭᠡᠳᠡᠭ ᠪᠣᠯ ᠲᠣᠣᠷᠠᠢ ᠶᠢᠨ ᠦᠨᠳᠦᠰᠦ ᠪᠠ ᠪᠡᠶᠡ ᠶᠢᠨ ᠵᠠᠯᠭᠠᠭᠠᠰᠤ ᠮᠥᠨ ᠤᠴᠢᠷ ᠠᠴᠠ | ᠲᠣᠣᠷᠠᠢ ᠮᠤᠳᠤᠨ ᠳᠤ ᠪᠠᠳᠤ ᠪᠠᠬᠢ ᠰᠠᠭᠤᠷᠢ ᠪᠣᠯᠳᠠᠭ᠃ ᠲᠣᠣᠷᠠᠢ ᠶᠢᠨ ᠣᠩᠭᠢ ᠨᠢ ᠲᠣᠣᠷᠠᠢ ᠶᠢᠨ ᠪᠡᠶᠡ ᠲᠠᠢ ᠠᠳᠠᠯᠢ | ᠪᠦᠳᠦᠭᠦᠨ ᠪᠤᠶᠤ ᠴᠢᠨᠠᠭᠰᠢᠯᠠᠨ ᠲᠣᠣᠷᠠᠢ ᠶᠢᠨ ᠪᠡᠶᠡ ᠠᠴᠠ ᠪᠦᠳᠦᠭᠦᠨ ᠪᠠᠶᠢᠳᠠᠭ᠃ ᠲᠣᠣᠷᠠᠢ ᠣᠩᠭᠢ ᠠᠴᠠ ᠪᠠᠨ | ᠳᠣᠷᠣᠭᠰᠢ ᠪᠠᠨ ᠭᠤᠤᠯ ᠦᠨᠳᠦᠰᠦ᠂ ᠰᠠᠯᠠᠭᠠ ᠦᠨᠳᠦᠰᠦ ᠵᠠᠯᠭᠠᠯᠳᠤᠨ ᠳᠣᠷᠣᠭᠰᠢ ᠪᠠᠨ ᠭᠠᠵᠠᠷ ᠤᠨ ᠬᠥᠷᠥᠰᠥ | ᠬᠠᠳᠬᠤᠨ ᠤᠷᠭᠤᠨᠠ᠃ ᠡᠶᠢᠮᠤ ᠠᠴᠠ ᠲᠣᠣᠷᠠᠢ ᠶᠢᠨ ᠣᠩᠭᠢ ᠪᠣᠯ ᠲᠣᠣᠷᠠᠢ ᠶᠢᠨ ᠪᠦᠬᠦᠯᠢ ᠪᠡᠶᠡ ᠪᠠ ᠬᠥᠷᠥᠰᠥ | ᠬᠠᠳᠬᠤᠭᠰᠠᠨ ᠦᠨᠳᠦᠰᠦ ᠶᠢᠨ ᠬᠤᠭᠤᠷᠣᠨᠳᠣ ᠪᠠᠲᠤ ᠰᠠᠭᠤᠷᠢ ᠲᠠᠢ ᠲᠤᠯᠭᠠᠭᠤᠷᠢ ᠪᠤᠯᠳᠠᠭ ᠪᠠᠶᠢᠨᠠ᠃ ᠲᠤᠤᠷᠠᠶ | ᠮᠣᠳᠣ ᠣᠩᠭᠢ ᠪᠠᠷ ᠢᠶᠠᠨ ᠪᠣᠯᠭᠤᠷᠠᠨ ᠤᠨᠠᠭᠰᠠᠨ ᠪᠠᠶᠢᠳᠡᠯ ᠲᠣᠩ ᠴᠥᠭᠡᠨ ᠬᠠᠷᠠᠭᠳᠠᠳᠠᠭ ᠪᠥᠭᠡᠳ ᠬᠠᠳᠠᠵᠤ | ᠦᠬᠦᠭᠰᠡᠨ ᠲᠣᠣᠷᠠᠢ ᠮᠤᠳᠤᠨ ᠤ ᠪᠡᠶᠡ ᠨᠢ ᠵᠣᠭᠰᠤᠭᠠ ᠪᠠᠷ ᠢᠶᠠᠨ ᠬᠡᠳᠦᠨ ᠠᠷᠪᠠᠨ ᠵᠢᠯ ᠴᠢᠨᠠᠭᠰᠢᠯᠠᠨ ᠬᠡᠳᠦᠨ ᠵᠠᠭᠤᠨ | ᠵᠢᠯ ᠪᠣᠯᠳᠠᠭ ᠨᠢ ᠣᠩᠬᠢ ᠶᠢᠨ ᠰᠠᠶᠢᠨ ᠪᠠᠶᠢᠭᠰᠠᠨ ᠲᠠᠢ ᠬᠤᠯᠪᠣᠭᠠ ᠲᠠᠢ᠃ ᠣᠯᠠᠨ ᠵᠢᠯ ᠤᠨ ᠰᠠᠯᠬᠢ ᠰᠢᠭᠤᠷᠭᠠᠨ ᠳᠤ | ᠬᠥᠷᠥᠰᠥ ᠰᠢᠷᠣᠶ ᠢᠳᠡᠭᠳᠡᠨ᠂ ᠲᠤᠤᠷᠠᠶ ᠶᠢᠨ ᠣᠩᠭᠢ ᠢᠯᠡ ᠭᠠᠷᠤᠭᠰᠠᠨ ᠪᠤᠶᠤ ᠣᠩᠭᠢ ᠪᠠ ᠥᠨᠳᠦᠰᠦ ᠲᠠᠢ ᠪᠠᠨ 1 | - 1.5 ᠮᠧᠲᠷ ᠭᠠᠷᠤᠢ ᠥᠨᠳᠥᠷ ᠢᠯᠡ ᠭᠠᠷᠤᠭᠰᠠᠨ ᠪᠠᠶᠢᠲᠠᠯᠠ ᠠᠮᠢ ᠨᠠᠰᠤᠨ ᠳᠤᠨᠢ ᠬᠠᠷᠰᠢ ᠰᠠᠭᠠᠳ ᠪᠣᠯᠳᠠᠭ | ᠦᠭᠡᠢ ᠮᠥᠷᠲᠡᠭᠡᠨ ᠠᠵᠢᠭ ᠦᠭᠡᠢ ᠤᠷᠭᠤᠵᠤ ᠪᠠᠢᠳᠠᠭ᠃ ᠲᠣᠣᠷᠠᠢ ᠶᠢᠨ ᠪᠡᠶᠡ ᠨᠢ ᠲᠤᠤᠷᠠᠶ ᠶᠢᠨ ᠨᠠᠰᠤ ᠵᠢᠯ ᠤᠨ | ᠢᠯᠭᠠᠭᠠ ᠠᠴᠠ ᠪᠣᠯᠵᠤ᠂ ᠥᠨᠳᠥᠷ᠂ ᠪᠣᠭᠤᠨᠢ᠂ ᠪᠦᠳᠦᠭᠦᠨ᠂ ᠨᠠᠷᠢᠨ ᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠬᠡᠶ᠃ ᠡᠩ ᠤᠨ | ᠪᠠᠶᠢᠳᠡᠯ ᠲᠤᠤᠷᠠ ᠲᠣᠣᠷᠠᠢ ᠶᠢᠨ ᠪᠡᠶᠡ ᠨᠢ ᠣᠨᠴᠠᠭᠠᠶ ᠥᠨᠳᠥᠷ ᠣᠷᠭᠤᠳᠠᠭ ᠥᠬᠡᠶ᠃ ᠲᠣᠣᠷᠠᠢ ᠶᠢᠨ ᠣᠩᠭᠢ ᠠᠴᠠ | ᠳᠡᠭᠡᠭᠰᠢ ᠲᠣᠣᠷᠠᠢ ᠶᠢᠨ ᠰᠠᠯᠠᠭᠠ ᠬᠦᠷᠲᠡᠯᠡ ᠪᠠᠷᠤᠭ ᠲᠠᠭᠠᠨ 3 - 5 ᠮᠧᠲᠷ ᠥᠨᠳᠥᠷ ᠪᠠᠢᠳᠠᠭ᠃ ᠬᠠᠶᠠ ᠵᠠᠷᠢᠮ | ᠥᠨᠳᠥᠷ ᠲᠤᠤᠷᠠᠶ ᠶᠢᠨ ᠪᠡᠶᠡ ᠨᠢ ᠠᠷᠪᠠᠭᠠᠳ ᠮᠧᠲᠷ ᠥᠨᠳᠥᠷ ᠪᠠᠢᠳᠠᠭ᠃ ᠲᠤᠤᠷᠠᠶ ᠶᠢᠨ ᠪᠡᠶᠡ ᠶᠢᠨ ᠪᠦᠰᠡᠯᠡᠭᠦᠷ ᠤᠨ | ᠤᠷᠳᠣ ᠨᠢ ᠪᠠᠷᠤᠭ ᠲᠠᠭᠠᠨ 2 — 6 ᠮᠧᠲᠷ ᠤᠨ ᠬᠤᠭᠤᠷᠣᠨᠳᠣ ᠪᠠᠶᠢᠳᠠᠭ᠃ ᠵᠠᠭᠤ ᠰᠢᠬᠠᠮ ᠵᠢᠯ ᠤᠨ ᠨᠠᠰᠤᠲᠠᠶ | ᠪᠤᠶᠤ ᠵᠠᠭᠤ ᠭᠠᠷᠤᠶ ᠵᠢᠯ ᠤᠨ ᠨᠠᠰᠤᠲᠠᠶ ᠪᠤᠭᠤᠷᠤᠯ ᠪᠦᠳᠦᠭᠦᠨ ᠲᠣᠣᠷᠠᠢ ᠶᠢᠨ ᠪᠡᠶᠡ ᠨᠢ ᠣᠯᠠᠩᠬᠢ ᠳᠠᠭᠠᠨ | ᠳᠣᠲᠣᠷᠠ ᠠᠴᠠ ᠪᠠᠨ ᠬᠥᠨᠳᠡᠶᠢᠷᠡᠳᠡᠭ ᠪᠣᠯᠪᠠᠴᠤ ᠲᠣᠣᠷᠠᠢ ᠶᠢᠨ ᠠᠮᠢ ᠨᠠᠰᠤᠨ ᠳᠤᠨᠢ ᠳᠡᠮᠡᠶ ᠨᠥᠯᠥᠭᠡ ᠪᠤᠯᠳᠠᠭ ᠦᠬᠡᠢ᠃ | | | | — ᠴᠠ᠊· ᠰᠠᠶᠢᠵᠢᠷᠠᠬᠤ ᠶᠢᠨ ︽ᠡᠵᠡᠨᠡ ᠲᠤᠤᠷᠠᠢ ᠶᠢᠨ ᠰᠤᠶᠤᠯ︾ ᠬᠡᠭᠦ ᠨᠣᠮ ᠠᠴᠠ | | | | |