| ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠲᠠᠪᠢᠭᠠᠳ ᠣᠨ ᠠᠴᠠ ᠬᠤᠶᠢᠰᠢ ᠭᠠᠯ | ᠤᠷᠤᠰᠢᠭᠤᠯᠭᠠ ᠬᠢᠬᠦ ᠲᠠᠳᠬᠠᠯ ᠲᠠᠢ ᠪᠤᠯᠵᠡᠢ᠃ ᠡᠬᠦᠨ ᠠᠴᠠ ᠡᠮᠤᠨᠡ ᠡᠵᠡᠨᠡ ᠶᠢᠨ ᠬᠦᠮᠦᠰ ᠣᠷᠤᠰᠢᠭᠤᠯᠭᠠ ᠬᠢᠬᠦ | ᠳᠡᠭᠡᠨ ᠪᠠᠶᠠᠳ ᠨᠤᠶᠠᠳ ᠤᠨ ᠬᠡᠭᠦᠷ ᠢ ᠰᠢᠳᠠᠭᠠᠭᠠᠳ ᠦᠨᠡᠰᠤ ᠶᠢ ᠨᠢ ᠪᠤᠩᠬᠤᠯᠠᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠪᠢᠰᠢ ᠡᠭᠡᠯ | ᠠᠷᠠᠳ ᠢ ᠤᠷᠤᠰᠢᠭᠤᠯᠬᠤ ᠳᠠᠭᠠᠨ ᠬᠡᠭᠦᠷ ᠢ ᠨᠢ ᠬᠦᠳᠡᠭᠡ ᠬᠡᠭᠡᠷᠡ ᠭᠠᠵᠠᠷ ᠰᠤᠩᠭᠤᠨ ᠨᠢᠴᠤᠭᠦᠯᠡᠨ ᠲᠠᠯᠪᠢᠳᠠᠭ᠃ | ᠡᠬᠦᠨ ᠢ ᠬᠦᠳᠡᠭᠡᠯᠡᠭᠦᠯᠦᠨᠡ ᠭᠡᠳᠡᠭ᠃ ᠴᠢᠯᠤᠭᠡᠯᠡᠭᠳᠡᠭᠰᠡᠨ ᠤ ᠰᠡᠭᠦᠯᠡᠷ ᠠᠷᠠᠳ ᠢᠷᠭᠡᠳ ᠴᠦᠮ ᠡᠷᠬᠡ ᠲᠡᠭᠰᠢ᠂ | ᠪᠠᠶᠠᠨ ᠶᠠᠳᠠᠭᠤ ᠶᠢᠨ ᠢᠯᠠᠭᠠᠭᠠ ᠦᠭᠡᠢ ᠭᠡᠰᠡᠨ ᠤᠬᠠᠭᠳᠠᠬᠤᠨ ᠬᠦᠮᠦᠰ ᠤᠨ ᠲᠠᠷᠢᠬᠢ ᠲᠤᠯᠤᠭᠠᠢ ᠳᠤ ᠪᠠᠶᠢᠷᠢ | ᠠᠪᠴᠤ᠂ ᠨᠠᠰᠤ ᠨᠦᠭᠴᠡᠭᠰᠡᠨ ᠲᠦᠷᠦᠯ ᠰᠠᠳᠤᠨ ᠢᠶᠠᠨ ᠤᠷᠤᠰᠢᠭᠤᠯᠬᠤ ᠳᠠᠭᠠᠨ ᠲᠤᠤᠷᠠᠢ ᠮᠤᠳᠤᠨ ᠤ ᠰᠠᠯᠠᠭᠠ | ᠮᠦᠴᠢᠷ ᠢ ᠴᠤᠭᠯᠠᠭᠤᠯᠤᠨ᠂ ᠣᠷᠤᠰᠢᠭᠤᠯᠬᠤ ᠭᠠᠵᠠᠷ ᠲᠠᠭᠠᠨ ᠬᠤᠶᠠᠷ ᠮᠧᠲᠷ ᠤᠷᠳᠤ᠂ ᠨᠢᠭᠡ ᠮᠧᠲᠷ ᠦᠷᠭᠡᠨ᠂ | ᠨᠢᠭᠡ ᠮᠧᠲᠷ ᠬᠠᠭᠠᠰ ᠦᠨᠳᠦᠷ ᠵᠠᠢ ᠲᠤᠳᠤᠷᠠ ᠴᠤᠭᠯᠠᠭᠤᠯᠤᠭᠰᠠᠨ ᠮᠤᠳᠤ ᠪᠠᠨ ᠲᠦᠷᠪᠡᠯᠵᠢᠨ ᠬᠡᠯᠪᠠᠷᠢᠲᠠᠢ ᠦᠷᠡᠵᠤ | ᠤᠪᠤᠭᠠᠯᠠᠭᠠᠳ ᠲᠤᠰᠬᠠᠢ ᠬᠦᠮᠦᠨ ︵ᠨᠠᠰᠤ ᠵᠢᠯ ᠨᠢ ᠡᠭᠡᠯᠢᠲᠠᠢ︶ ᠭᠠᠯ ᠵᠤᠯᠭᠠᠭᠤᠯᠤᠨ ᠰᠢᠳᠠᠭᠠᠳᠠᠭ ᠪᠠᠶᠢᠨᠠ᠃ | ᠡᠬᠦᠨ ᠢ ᠭᠠᠯ ᠤᠷᠤᠰᠢᠭᠤᠯᠭᠠ ᠭᠡᠨᠡ᠃ ᠤᠷᠤᠰᠢᠭᠤᠯᠭᠠ ᠶᠢᠨ ᠠᠵᠢᠯ ᠲᠠᠭᠤᠰᠪᠠᠯ ᠲᠦᠷᠦᠯ ᠰᠠᠳᠤᠨ ᠦᠷᠡ | ᠬᠡᠤᠬᠡᠳ ᠨᠢ ᠨᠦᠭᠴᠢᠭᠰᠡᠳ ᠢ ᠤᠷᠤᠰᠢᠭᠤᠯᠦᠭ᠌ᠰᠠᠨ ᠭᠠᠵᠠᠷ ᠤᠨ ᠬᠢᠨᠢ ᠤᠶᠢᠷᠠ ᠬᠠᠪᠢ ᠲᠤᠤᠷᠠᠢ ᠮᠣᠳᠤᠨ ᠠᠴᠠ | ᠬᠠᠳᠠᠭ ᠰᠠᠮᠪᠠᠢ ᠤᠶᠠᠬᠤ ᠪᠤᠶᠤ ᠤᠶᠢᠷᠠ ᠬᠠᠪᠢ ᠳᠤᠨᠢ ᠲᠤᠤᠷᠠᠢ ᠮᠤᠳᠤ ᠦᠭᠡᠢ ᠪᠤᠯ ᠬᠤᠯᠠ ᠠᠴᠠ ᠤᠨᠠᠭᠰᠠᠨ | ᠲᠤᠤᠷᠠᠢ ᠶᠢᠨ ᠰᠠᠯᠠᠭᠠ ᠮᠦᠴᠢᠷ ᠠᠪᠴᠢᠷᠠᠨ᠂ ᠰᠢᠳᠠᠭᠠᠭᠰᠠᠨ ᠬᠡᠭᠦᠷ ᠤᠨ ᠲᠡᠷᠭᠡᠳᠡ ᠲᠠᠯᠪᠢᠭᠠᠳ ᠬᠠᠳᠠᠭ ᠤᠶᠠᠵᠤ᠂ | ᠨᠦᠭᠴᠢᠭᠰᠡᠨ ᠬᠦᠮᠦᠨ ᠤ ᠰᠦᠭ ᠰᠦᠨᠡᠰᠤ ᠨᠢ ᠲᠦᠭᠡᠷᠢᠯ ᠦᠭᠡᠢ ᠶᠠᠪᠤᠵᠤ ᠪᠤᠮᠪᠠ ᠶᠢᠨ ᠤᠷᠤᠨ ᠳᠤ ᠬᠦᠷᠬᠦ | ᠪᠤᠯᠳᠤᠭᠠᠢ ᠬᠡᠮᠡᠨ ᠲᠤᠤᠷᠠᠢ ᠮᠤᠳᠤᠨ ᠳᠠᠭᠠᠨ ᠲᠠᠭᠠᠳᠬᠠᠳᠠᠭ᠂ ᠡᠵᠡᠨᠡ ᠶᠢᠨ ᠪᠤᠭᠤᠷᠤᠯᠴᠤᠳ ᠤᠨ ᠪᠤᠳᠤᠯ | ᠰᠡᠳᠬᠡᠴᠡ ᠳᠤᠨᠢ ᠬᠦᠮᠦᠨ ᠪᠤᠯᠬᠤ ᠳᠠᠭᠠᠨ ᠲᠤᠤᠷᠠᠶᠢᠳᠤ ᠨᠤᠳᠤᠭ ᠲᠠᠭᠠᠨ ᠢᠷᠡᠵᠤ᠂ ᠠᠵᠤ ᠲᠦᠷᠦᠬᠦ ᠳᠡᠭᠡᠨ | ᠲᠤᠤᠷᠠᠢ ᠳᠠᠭᠠᠨ ᠲᠦᠰᠢᠵᠤ᠂ ᠦᠬᠦᠬᠦ ᠳᠡᠭᠡᠨ ᠲᠤᠤᠷᠠᠢ ᠪᠠᠨ ᠲᠡᠷᠡᠯᠡᠵᠤ ᠮᠦᠩᠬᠡ ᠨᠣᠶᠢᠷᠰᠤᠨᠠ ᠭᠡᠰᠡᠨ ᠰᠠᠨᠠᠭᠠ | ᠭᠦᠨ ᠰᠢᠩᠭᠡᠵᠡᠢ᠃ | ᠡᠵᠡᠨᠠ ᠨᠤᠳᠤᠭ ᠤᠨ ᠬᠡᠪᠴᠢᠶᠠᠨ ᠳᠤ ︽ᠪᠣᠩᠬᠤᠨ ᠲᠤᠣᠷᠠᠢ︾᠂ ︽ᠭᠠᠨᠵᠤᠤᠷ ᠲᠤᠣᠷᠠᠢ︾᠂ ︽ᠰᠠᠳᠠᠷ | ᠲᠤᠣᠷᠠᠢ︾ ᠭᠡᠰᠡᠨ ᠨᠡᠷᠡ ᠲᠠᠢ ᠭᠠᠵᠠᠷ ᠨᠡᠯᠢᠶᠠᠳ ᠬᠡᠳᠤ ᠪᠠᠶᠢᠳᠠᠭ᠃ ᠡᠨᠡ ᠨᠤᠲᠤᠭ ᠲᠤ ᠪᠤᠷᠬᠠᠨ ᠤ ᠬᠦᠷᠦᠭ᠂ | ᠪᠤᠷᠬᠠᠨ ᠤ ᠨᠣᠮ ᠰᠤᠳᠤᠷ ᠢ ᠪᠣᠩᠬᠤᠯᠠᠳᠠᠭ ᠪᠥᠭᠡᠳ ᠪᠠᠰᠠ ᠪᠠᠶᠠᠳ ᠨᠣᠶᠠᠳ᠂ ᠲᠦᠰᠢᠮᠠᠳ ᠤᠨ ᠭᠡᠭᠦᠷ ᠢ | ᠰᠢᠲᠠᠭᠠᠭᠠᠳ ᠪᠣᠩᠬᠤᠯᠠᠳᠠᠭ᠃ ᠡᠳᠡᠭᠡᠷ ᠪᠣᠩᠬᠤᠨ ᠤ ᠪᠠᠶᠢᠷᠢᠰᠢᠯ ᠨᠢ ᠳᠤᠣᠷᠠᠢ ᠣᠢ ᠳᠣᠲᠣᠷᠠ ᠤᠷᠣᠰᠢᠬᠤ ᠪᠥᠭᠡᠳ | ᠳᠤᠣᠷᠠᠢ ᠪᠠᠷ ᠨᠡᠷᠡᠯᠡᠭᠰᠠᠨ ᠪᠠᠶᠢᠳᠠᠭ᠃ ︽ᠭᠠᠨᠵᠤᠤᠷ ᠲᠤᠣᠷᠠᠢ︾ ᠭᠡᠳᠡᠭ ᠨᠢ ᠡᠳᠡᠭᠡᠷ ᠲᠣᠣᠷᠠᠢ ᠣᠢ ᠲᠠᠢ | ᠨᠤᠲᠤᠭ ᠤᠳ ᠢᠶᠠᠷ ᠦᠩᠭᠡᠷᠡᠭᠰᠡᠨ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠲᠣᠮᠣ ᠪᠦᠲᠦᠭᠡᠯ ᠪᠣᠯᠬᠤ 108 ᠪᠣᠳᠢ ᠲᠠᠢ | ᠭᠠᠨᠵᠤᠤᠷ ᠰᠤᠳᠤᠷ ᠵᠠᠯᠠᠬᠤ ᠳᠠᠭᠠᠨ ᠦᠩᠭᠡᠷᠡᠵᠤ ᠭᠠᠷᠤᠭᠰᠠᠨ ᠪᠤᠶᠤ ᠲᠦᠷ ᠰᠠᠭᠠᠳᠠᠵᠤ ᠨᠣᠮ ᠤᠩᠰᠢᠵᠤ ᠰᠠᠩ | ᠲᠠᠯᠪᠢᠭᠰᠠᠨ ᠭᠠᠵᠠᠷ ᠢ ᠬᠡᠯᠡᠨᠠ᠃ ︽ᠰᠡᠳᠠᠷ ᠲᠤᠣᠷᠠᠢ︾ ᠭᠡᠳᠡᠭ ᠨᠢ ᠮᠣᠩᠭᠤᠯᠴᠤᠳ ᠮᠠᠯ ᠰᠦᠷᠦᠭ ᠲᠡᠭᠡᠨ ᠮᠠᠩᠯᠠᠢ | ᠪᠣᠯᠤᠭᠰᠠᠨ᠂ ᠲᠠᠷᠭᠤ ᠬᠦᠴᠤ ᠲᠠᠢ᠂ ᠪᠡᠶᠡ ᠪᠦᠳᠦᠭᠦᠨ᠂ ᠦᠰᠦ ᠨᠣᠤᠰᠣ ᠶᠡᠭᠡ ᠲᠠᠢ᠂ ᠵᠠᠩ ᠰᠠᠶᠢᠲᠠᠢ ᠪᠤᠶᠤ | ᠡᠰᠡᠭᠦᠯᠡ ᠡᠨᠡ ᠠᠶᠢᠯ ᠤᠨ ᠡᠵᠡᠨ ᠳᠤ ᠶᠡᠭᠡ ᠲᠤᠰᠠ ᠬᠦᠷᠭᠡᠭᠰᠡᠨ ᠭᠠᠪᠢᠶᠠ ᠲᠠᠢ ᠮᠠᠯ ᠢᠶᠠᠨ ᠰᠡᠳᠠᠷᠯᠠᠨ ᠲᠠᠷᠬᠠᠯᠠᠳᠠᠭ | ᠲᠠᠢ ᠠᠳᠠᠯᠢ ᠪᠠᠷ ᠲᠤᠣᠷᠠᠢ ᠮᠣᠳᠣ ᠪᠠᠨ ᠰᠡᠳᠡᠷᠯᠡᠨ᠂ ᠬᠥᠮᠤᠨ ᠠᠮᠢᠲᠠᠨ ᠭᠠᠷ ᠬᠦᠷᠴᠦ ᠡᠪᠳᠡᠯᠠᠵᠤ ᠰᠦᠢᠳᠭᠡᠬᠦ ᠶᠢ | ᠴᠠᠭᠠᠵᠠᠯᠠᠭᠰᠠᠨ ᠮᠣᠳᠣ ᠪᠣᠯᠣᠨᠠ᠃ ᠡᠳᠡᠭᠡᠷ ︽ᠪᠣᠩᠬᠤᠨ ᠲᠤᠣᠷᠠᠢ︾ ︽ᠭᠠᠨᠵᠤᠤᠷ ᠲᠣᠣᠷᠠᠢ︾ ︽ᠰᠡᠳᠠᠷ | ᠳᠤᠣᠷᠠᠢ︾ ᠪᠣᠯ ᠲᠤᠬᠠᠢ ᠶᠢᠨ ᠬᠦᠮᠤᠰ ᠤᠨ ᠪᠠᠶᠢᠷᠢ ᠰᠠᠭᠤᠷᠢ᠂ ᠡᠷᠬᠡ ᠰᠦᠷ᠂ ᠪᠠᠶᠠᠨ ᠡᠷᠬᠢᠮ ᠢ ᠬᠠᠷᠠᠭᠤᠯᠵᠤ | ᠪᠠᠶᠢᠬᠤ ᠶᠢᠨ ᠬᠠᠮᠲᠤ ᠪᠤᠷᠬᠠᠨ ᠱᠠᠰᠢᠨ ᠤ ᠰᠢᠳᠤᠯᠭᠡ ᠪᠢᠰᠢᠷᠠᠯ ᠢ ᠢᠯᠡᠳᠭᠡᠵᠦ ᠪᠠᠶᠢᠭᠠ ᠤᠴᠢᠷ ᠠᠴᠠ ᠬᠠᠯᠳᠠᠵᠤ | ᠪᠣᠯᠣᠰᠢ ᠦᠭᠡᠢ᠂ ᠡᠷᠬᠢᠮ ᠲᠠᠷᠬᠠᠨ ᠭᠡᠳᠡᠭ ᠰᠠᠨᠠᠭᠠ ᠲᠣᠳᠣ ᠭᠠᠷᠴᠤ ᠪᠠᠶᠢᠨᠠ᠃ ᠦᠩᠭᠡᠷᠡᠭᠰᠡᠨ ᠳᠤ ᠡᠭᠡᠯ ᠵᠢᠷ ᠤᠨ | ᠠᠷᠠᠳ ᠦᠬᠦᠭᠰᠡᠨ ᠤ ᠬᠤᠶᠢᠨᠠ ᠪᠤᠩᠬᠤᠯᠠᠳᠠᠭ ᠶᠣᠰᠣ ᠪᠠᠶᠢᠳᠠᠭ ᠦᠭᠡᠢ᠃ ᠡᠳᠡᠭᠡᠷ ᠴᠡᠭᠡᠷ ᠬᠤᠷᠢᠭᠠ ᠨᠢ ᠬᠡᠷᠡᠭ | ᠲᠡᠭᠡᠷᠡ ᠪᠠᠨ ᠲᠤᠣᠷᠠᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠲᠠᠷᠬᠠᠨ ᠴᠠᠭᠠᠵᠠ ᠪᠣᠯᠵᠠᠢ᠃ | | | | | — ᠴᠠ᠊ · ᠰᠠᠶᠢᠵᠢᠷᠠᠬᠤ ᠶᠢᠨ ︽ᠡᠵᠡᠨᠡ ᠲᠤᠤᠷᠠᠢ ᠶᠢᠨ ᠰᠤᠶᠤᠯ︾ ᠬᠡᠭᠦ ᠨᠣᠮ ᠠᠴᠠ | |