| | ᠲᠡᠤᠭᠡᠨ ᠬᠥᠮᠤᠰ ᠤᠨ ᠲᠤᠬᠠᠢ ᠲᠤᠮᠤᠬ ᠭᠡᠳᠡᠭ ᠨᠢ ᠭᠤᠤᠯᠳᠠᠭᠤ ᠡᠷᠳᠡ ᠲᠡᠭᠡᠳᠤ ᠥᠶᠠ ᠶᠢᠨ ᠶᠠᠮᠠᠷ ᠨᠢᠭᠡᠨ | ᠴᠠᠬ ᠲᠤ᠂ ᠶᠠᠮᠠᠷ ᠨᠢᠭᠡᠨ ᠭᠡᠷᠡᠭ ᠤᠴᠢᠷ ᠠᠴᠠ ᠪᠤᠯᠵᠤ ᠡᠨᠡ ᠭᠡᠷᠡᠭ ᠶᠠᠪᠤᠳᠠᠯ ᠳᠤ ᠬᠤᠯᠪᠤᠬᠳᠠᠬᠰᠠᠨ ᠨᠥᠯᠥᠭᠡ | ᠶᠡᠭᠡᠳᠡᠢ ᠬᠥᠮᠤᠨ ᠠᠯᠳᠠᠷ ᠨᠡᠷᠠ ᠪᠠᠨ ᠲᠠᠭᠤᠷᠢᠰᠬᠠᠭᠤᠯᠤᠬᠰᠠᠨ ᠬᠥᠤᠷᠨᠢᠯ ᠪᠤᠯᠬᠤ ᠶᠤᠮ᠃ | ᠡᠵᠡᠨᠠ ᠳᠤ ᠲᠡᠤᠭᠡᠨ ᠬᠥᠮᠤᠨ ᠤ ᠲᠤᠬᠠᠢ ᠲᠤᠮᠤᠬ ᠮᠠᠰᠢ ᠤᠯᠠᠨ ᠪᠠᠶᠢᠳᠠᠬ᠃ ᠡᠬᠦᠨ ᠳᠤ ᠨᠤᠶᠠᠳ | ᠲᠥᠰᠢᠮᠡᠳ ᠤᠨ ᠲᠤᠬᠠᠢ ᠲᠤᠮᠤᠬ ᠲᠤ᠂ ᠤᠷᠠᠨ ᠠᠷᠭᠠ᠂ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠬᠤᠰᠢᠭᠤ ᠵᠠᠬᠢᠷᠤᠬᠴᠢ ᠶᠢᠨ | ᠵᠢᠩᠰᠠ ᠶᠢ ᠠᠪᠴᠤ᠂ ᠮᠠᠨᠵᠤ ᠶᠢᠨ ᠬᠠᠭᠠᠨ ᠪᠤᠯᠤᠨ ᠠᠯᠠᠱᠠ ᠴᠢᠨ ᠸᠠᠩ ᠢ ᠭᠠᠷᠳᠠᠭᠠᠬᠰᠠᠨ ᠲᠠᠰᠢᠴᠦ᠋ᠢᠯᠢᠩ | ᠭᠡᠶᠢᠳ ᠤᠨ ᠳ᠋ᠠ ᠯᠠᠮᠠ ᠴᠦᠢᠨᠳᠠᠬᠪᠤ ᠵᠠᠬᠢᠷᠤᠬᠴᠢ ᠶᠢᠨ ᠲᠤᠮᠤᠬ︔ ᠬᠤᠱᠤᠩ ᠶᠤᠬᠳᠠ ᠭᠡᠯᠡ ᠪᠠᠷ ᠬᠤᠰᠢᠭᠤ | ᠨᠤᠳᠤᠬ ᠲᠤ ᠪᠠᠭᠠ ᠥᠭᠡᠢ ᠨᠡᠷᠠ ᠲᠠᠢ ᠪᠤᠶᠠᠨᠪᠠᠳᠤ ᠵᠠᠯᠠᠨ ᠤ ᠲᠤᠮᠤᠬ︔ ᠰᠠᠬᠰᠠᠭᠤ ᠵᠠᠩ ᠲᠠᠢ᠂ ᠪᠠᠭᠠᠰᠢ ᠶᠡᠭᠡᠳᠡᠢ | ᠴᠦᠢᠨᠵᠢᠨ ᠵᠠᠩᠬᠢ ᠶᠢᠨ ᠲᠤᠮᠤᠬ︔ ᠬᠥᠴᠢᠷ ᠤᠨ ᠡᠮᠤᠨᠠ ᠬᠤᠭᠤᠷᠠᠬᠤ ᠠᠴᠠ ᠨᠤᠭᠤᠷᠠᠳᠠᠬ ᠥᠭᠡᠢ ᠴᠠᠳᠠᠩ | ᠵᠠᠩᠬᠢ ᠶᠢᠨ ᠲᠤᠮᠤᠬ ᠵᠡᠷᠭᠡ ᠬᠠᠭᠤᠴᠢ ᠲᠤᠮᠤᠬ ᠠᠷᠠᠤᠨ ᠤᠨ ᠲᠤᠮᠳᠠ ᠡᠳᠤᠭᠡ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠵᠤ ᠪᠤᠢ᠃ | ᠨᠢᠭᠡ᠂ ᠴᠦᠢᠨᠳᠠᠬᠪᠤ ᠵᠠᠬᠢᠷᠤᠬᠴᠢ ᠶᠢᠨ ᠲᠤᠮᠤᠬ | ᠴᠦᠢᠨᠳᠠᠬᠪᠤ ᠠᠩᠬᠠᠨ ᠳᠠᠭᠠᠨ ᠬᠤᠰᠢᠭᠤ ᠭᠡᠶᠢᠳ ᠲᠠᠰᠢᠴᠦ᠋ᠢᠯᠢᠩ ᠤᠨ ᠳ᠋ᠠ ᠯᠠᠮᠠ ᠪᠠᠶᠢᠬᠰᠠᠨ᠃ | ᠬᠤᠰᠢᠭᠤᠨ ᠤ ᠬᠤᠷᠠᠯ ᠴᠤᠬᠯᠠᠭᠠᠨ ᠳᠤ ᠤᠷᠤᠯᠴᠠᠵᠤ ᠲᠥᠷᠤ ᠵᠠᠰᠠᠬ ᠤᠨ ᠭᠡᠷᠡᠭ ᠢ ᠵᠥᠪᠳᠡᠯᠴᠡᠳᠡᠭ ᠪᠠᠶᠢᠵᠡᠢ᠃ ᠨᠢᠭᠡ | ᠤᠳᠠᠭᠠ ᠬᠤᠰᠢᠭᠤᠨ ᠤ ᠲᠠᠮᠠᠭᠠᠨ ᠭᠠᠵᠠᠷ ᠴᠤᠬᠯᠠᠭᠠᠨ ᠪᠤᠯᠵᠤ ᠬᠤᠰᠢᠭᠤ ᠵᠠᠬᠢᠷᠤᠬᠴᠢ ᠳᠤ ᠬᠢᠴᠢᠶᠡᠮᠵᠢ ᠶᠢᠨ ᠤᠯᠠᠨ | ᠥᠭᠡ ᠭᠡᠯᠡᠵᠡᠢ᠃ ᠲᠡᠭᠡᠭᠰᠡᠨ ᠳᠤ ᠵᠠᠬᠢᠷᠤᠬᠴᠢ ᠠᠭᠤᠷ ᠬᠥᠷᠴᠤ᠄ ︽ᠴᠢ ᠤᠯᠠᠨ ᠥᠭᠡ ᠭᠡᠯᠡᠬᠦ ᠶᠢᠨ ᠤᠷᠤᠨ ᠳᠤ | ᠥᠪᠡᠷ ᠢᠶᠠᠨ ᠶᠠᠪᠤᠬᠤ ᠥᠭᠡᠢ ᠤᠤ︖︾ ᠭᠡᠰᠡᠨ ᠳᠤ ᠯᠠᠮᠠ᠄ ︽ᠴᠢᠨᠤ ᠲᠤᠯᠤᠭᠠᠢ ᠲᠡᠭᠡᠷᠡᠬᠢ ᠴᠢᠯᠠᠭᠤ ᠴᠢᠨᠢ | ᠨᠠᠳᠠᠳᠤ ᠥᠭᠡᠢ ᠶᠤᠮ ᠴᠢᠨᠢ︾ ᠭᠡᠵᠤ ᠬᠠᠷᠢᠭᠤᠯᠵᠤ ᠭᠡᠨᠠ᠃ ᠬᠤᠰᠢᠭᠤᠨ ᠤ ᠵᠠᠬᠢᠷᠤᠬᠴᠢ ᠶᠢᠨ ᠵᠢᠩᠰᠠ ᠲᠠᠢ | ᠮᠠᠯᠭᠠᠢ ᠶᠢ ᠨᠢ ᠡᠮᠤᠰᠤᠭᠡᠳ ᠨᠤᠶᠠᠨ ᠳᠤ ᠪᠠᠷᠠᠯᠬᠠᠵᠤ᠂ ︽ᠬᠤᠰᠢᠭᠤ ᠵᠠᠬᠢᠷᠤᠬᠴᠢ ᠨᠠᠮᠠᠢᠢ ︿ᠭᠠᠳᠠᠬᠰᠢ ᠶᠠᠪᠤ﹀ ᠭᠡᠵᠤ | ᠲᠤᠮᠢᠯᠠᠬᠤ ᠶᠢᠨ ᠲᠠᠭᠠᠤ ᠵᠢᠩᠰᠠ ᠲᠠᠢ ᠮᠠᠯᠠᠭᠠᠢ ᠪᠠᠨ ᠨᠠᠳᠠ ᠳᠤ ᠱᠠᠩᠨᠠᠪᠠ︾ ᠭᠡᠮᠡᠨ ᠮᠡᠳᠡᠬᠦᠯᠥᠭᠰᠡᠨ ᠳᠤ ᠨᠤᠶᠠᠨ᠄ ︽ | ᠵᠠ᠂ ᠴᠢ ᠶᠠᠪᠤᠬᠤ ᠪᠠᠷ ᠢᠶᠠᠨ ᠶᠠᠪᠤᠳᠤᠭᠠᠢ᠂ ᠭᠡᠷᠡᠭ ᠢᠶᠠᠨ ᠪᠥᠳᠤᠭᠡᠭᠡᠳ ᠢᠷᠠᠪᠠᠯ ᠵᠠᠬᠢᠷᠤᠬᠴᠢ ᠵᠢᠩᠰᠠ ᠴᠢᠨᠤᠬᠢ | ᠪᠤᠯᠤᠨᠠ︾ ᠭᠡᠵᠤ ᠭᠡᠯᠡᠵᠡᠢ᠃ ᠴᠦᠢᠨᠳᠠᠬᠪᠤ ᠳ᠋ᠠ ᠯᠠᠮᠠ ᠭᠡᠷᠡᠭ ᠶᠠᠪᠤᠳᠠᠯ ᠢᠶᠠᠨ ᠰᠠᠶᠢᠬᠠᠨ ᠪᠥᠳᠤᠭᠡᠭᠡᠳ ᠨᠤᠶᠠᠨ ᠤ | ᠵᠠᠷᠯᠢᠬ ᠶᠤᠰᠤᠭᠠᠷ ᠬᠤᠰᠢᠭᠤ ᠵᠠᠬᠢᠷᠤᠬᠴᠢ ᠪᠤᠯᠤᠬᠰᠠᠨ ᠭᠡᠨᠠ᠃ | ᠨᠢᠭᠡ ᠤᠳᠠᠭᠠ ᠠᠯᠠᠱᠠ ᠸᠠᠩ ᠳᠤ ᠪᠠᠷᠠᠳᠠᠬᠰᠠᠨ ᠳᠤ ᠸᠠᠩ ᠵᠠᠷᠤᠴᠠ ᠪᠠᠷ ᠢᠶᠠᠨ ᠥᠨᠳᠡᠭᠡ ᠠᠳᠠᠯᠢ ᠢᠷᠤᠭᠠᠷ | ᠥᠭᠡᠢ ᠱᠠᠭᠠᠵᠠᠩ ᠠᠶᠠᠭᠠᠨ ᠳᠤ ᠴᠠᠢ ᠠᠶᠠᠭᠠᠯᠠᠵᠤ ᠥᠭᠬᠦ ᠶᠢᠨ ᠲᠠᠭᠠᠤ ᠴᠦᠢᠨᠳᠠᠬᠪᠤ ᠠᠴᠠ ᠥᠭᠡ ᠠᠰᠠᠭᠤᠵᠡᠢ᠃ | ᠥᠡᠭᠭᠡᠷᠡᠭᠰᠡᠨ ᠳᠤ ᠸᠠᠩ ᠨᠤᠶᠠᠨ ᠥᠭᠡ ᠠᠰᠠᠭᠤᠪᠠᠯ ᠵᠠᠪᠠᠯ ᠠᠶᠠᠭᠠ ᠪᠠᠨ ᠲᠠᠯᠪᠢᠭᠠᠳ ᠬᠠᠷᠢᠭᠤ ᠠᠶᠢᠯᠠᠳᠬᠠᠬᠤ | ᠶᠤᠰᠤ ᠲᠠᠢ ᠪᠠᠶᠢᠬᠰᠠᠨ ᠪᠤᠯᠬᠤᠷ ᠲᠤᠤᠷᠠ ᠪᠠᠨ ᠮᠠᠨᠢ ᠲᠤᠭᠠᠯᠠᠳᠠᠬ ᠡᠷᠢᠭᠡ ᠪᠠᠨ ᠡᠪᠭᠡᠵᠤ ᠲᠤᠭᠤᠢᠢᠯᠠᠨ ᠲᠠᠯᠪᠢᠵᠤ᠂ | ᠲᠡᠭᠡᠷᠠ ᠨᠢ ᠠᠶᠠᠭᠠ ᠪᠠᠨ ᠲᠠᠯᠪᠢᠭᠠᠳ ᠬᠠᠷᠢᠭᠤ ᠠᠶᠢᠯᠠᠳᠬᠠᠵᠤ ᠭᠡᠨᠠ᠃ ᠪᠠᠰᠠ ᠨᠢᠭᠡ ᠤᠳᠠᠭᠠ ᠪᠠᠷᠠᠯᠠᠵᠤ | ᠬᠥᠷᠥᠭᠰᠡᠨ ᠳᠤ ᠠᠯᠠᠱᠠ ᠸᠠᠩ ᠡᠬᠦᠳᠡᠨ ᠤ ᠬᠠᠴᠠᠪᠴᠢ ᠶᠢᠨ ᠢᠶᠠᠨ ᠭᠠᠳᠠᠨᠠ ᠲᠤᠳᠤᠨᠠ ᠤᠰᠤ ᠰᠠᠴᠤᠭᠠᠳ ᠮᠥᠰᠤ | ᠬᠥᠯᠳᠡᠭᠡᠭᠰᠡᠨ ᠪᠠᠶᠢᠵᠡᠢ᠃ ᠬᠠᠯᠳᠠᠷᠢᠵᠤ ᠤᠢᠢᠴᠢᠪᠠᠯ ᠤᠰᠤᠯ ᠪᠤᠯᠬᠤ ᠪᠤᠯᠤᠨᠠ᠃ ᠡᠬᠦᠨ ᠳᠤ ᠴᠦᠢᠨᠳᠠᠬᠪᠤ ᠸᠠᠩ ᠤᠨ | ᠭᠡᠷ ᠤᠨ ᠡᠬᠦᠳᠡᠨ ᠤ ᠤᠢᠢᠷᠠᠯᠴᠠᠭᠠ ᠬᠥᠷᠤᠭᠡᠳ᠄ ︽ᠮᠠᠨ ᠤ ᠲᠡᠨᠳᠡ ᠤᠯᠠ ᠳᠤ ᠴᠢᠨᠢ ᠤᠰᠤᠨ ᠬᠥᠯᠳᠡᠨ᠂ | ᠮᠥᠷ ᠲᠤ ᠴᠢᠨᠢ ᠮᠥᠰᠤᠨ ᠬᠥᠯᠳᠡᠨ ᠭᠡᠳᠡᠭ ᠬᠠᠷᠢᠶᠠᠯ ᠪᠠᠶᠢᠳᠠᠬ ᠪᠢᠯᠡ᠃ ᠲᠡᠷᠡ ᠨᠠᠳᠠ ᠠᠴᠠ ᠡᠮᠤᠨᠠ ᠸᠠᠩ ᠳᠤ | ᠪᠠᠷᠠᠭᠠᠯᠬᠠᠵᠡᠢ︾ ᠭᠡᠵᠤ ᠭᠡᠯᠡᠭᠡᠳ ᠮᠥᠯᠬᠦᠵᠤ ᠤᠷᠤᠭᠠᠳ ᠸᠠᠩ ᠳᠤ ᠪᠠᠷᠠᠳᠠᠵᠤ ᠪᠠᠶᠢᠬᠰᠠᠨ ᠭᠡᠳᠡᠭ᠃ ᠪᠠᠰᠠ ᠨᠢᠭᠡ | ᠤᠳᠠᠭᠠ ᠪᠠᠷᠠᠳᠠᠬᠤ ᠪᠠᠷ ᠬᠥᠷᠥᠭᠰᠡᠨ ᠳᠤ ᠠᠯᠠᠱᠠ ᠸᠠᠩ ᠤᠯᠠᠨ ᠰᠤᠬᠤᠷ ᠬᠥᠮᠤᠨ ᠢ ᠭᠡᠷ ᠲᠡᠭᠡᠨ ᠰᠠᠭᠤᠯᠭᠠᠭᠠᠳ᠂ | ᠸᠠᠩ ᠥᠪᠡᠷ ᠢᠶᠠᠨ ᠬᠠᠮᠤᠬ ᠲᠤᠤᠷᠠ ᠲᠠᠯᠠ ᠳᠤ ᠨᠢ ᠨᠢᠭᠡ ᠨᠢᠳᠤ ᠪᠠᠨ ᠠᠨᠢᠭᠠᠳ ᠰᠠᠭᠤᠵᠤ ᠪᠠᠶᠢᠵᠡᠢ᠃ ᠴᠦᠢᠨᠳᠠᠬᠪᠤ | ᠤᠷᠤᠮᠠᠬᠴᠠ ᠪᠠᠨ ︽ᠤᠯᠠᠨ ᠰᠤᠬᠤᠷ ᠤᠨ ᠠᠯᠢ ᠭᠡᠬᠦ ᠪᠤᠢ︖ ᠤᠨᠴᠠᠳᠠᠢ ᠰᠤᠬᠤᠷ ᠲᠠᠨ ᠤ ᠠᠮᠤᠷ ᠢ ᠠᠶᠢᠯᠠᠳᠬᠠᠶᠠ | ︾ ᠭᠡᠮᠡᠨ ᠸᠠᠩ ᠤᠨ ᠡᠮᠤᠨᠠ ᠰᠥᠬᠦᠳᠴᠤ ᠭᠡᠨᠠ᠃ ᠪᠠᠰᠠ ᠨᠢᠭᠡ ᠤᠳᠠᠭᠠ ᠴᠦᠢᠨᠳᠠᠬᠪᠤ ᠤᠷᠠᠩᠬᠠᠢ ᠮᠠᠭᠤ ᠭᠤᠳᠤᠯ | ᠡᠮᠤᠰᠤᠭᠡᠳ ᠸᠠᠩ ᠳᠤ ᠪᠠᠷᠠᠳᠠᠵᠡᠢ᠃ ᠸᠠᠩ ᠥᠵᠡᠭᠡᠳ᠄ ︽ᠵᠠᠬᠢᠷᠤᠬᠴᠢ ᠲᠠ ᠶᠠᠮᠠᠷ ᠮᠠᠭᠤ ᠭᠤᠳᠤᠯ ᠲᠠᠢ ᠪᠤᠢ︖︾ | ᠭᠡᠰᠡᠨ ᠳᠤ᠄ ︽ᠮᠢᠨᠤ ᠪᠤᠶᠠᠨ ᠵᠠᠶᠠᠭᠠ ᠮᠠᠭᠤ ᠪᠠᠶᠢᠨᠠ᠂ ᠬᠥᠯ ᠳᠤ ᠪᠠᠭᠳᠠᠬᠤ ᠰᠠᠶᠢᠨ ᠭᠤᠳᠤᠯ ᠠᠯᠠᠭᠠ︾ | ᠭᠡᠰᠡᠨ ᠳᠤ᠂ ᠸᠠᠩ ᠨᠢ ︽ᠮᠠᠨ ᠤ ᠱᠠᠩ ᠠᠴᠠ ᠪᠠᠭᠳᠠᠬᠤ ᠭᠤᠳᠤᠯ ᠢᠶᠠᠨ ᠠᠪ︕︾ ᠭᠡᠵᠡᠢ᠃ ᠸᠠᠩ ᠤᠨ | ᠰᠠᠩ ᠤᠨ ᠲᠡᠯᠭᠡᠬᠦᠷᠴᠢᠨ ᠨᠢᠭᠡ ᠪᠠᠭᠯᠠᠭᠠ ᠭᠤᠳᠤᠯ ᠠᠪᠴᠢᠷᠠᠵᠤ ᠡᠮᠤᠰᠥᠬᠦᠯᠵᠡᠢ᠃ ᠴᠦᠢᠨᠳᠠᠬᠪᠤ ᠪᠥᠬᠦᠳᠡ ᠶᠢ | ᠡᠮᠤᠰᠴᠤ ᠥᠵᠡᠭᠡᠳ ︽ᠪᠥᠬᠦᠳᠡᠭᠡᠷ ᠪᠠᠭᠳᠠᠪᠠ︾ ᠭᠡᠵᠤ ᠭᠡᠯᠡᠭᠡᠳ ᠡᠬᠦᠷᠴᠤ ᠶᠠᠪᠤᠵᠡᠢ ᠭᠡᠨᠠ᠃ ᠪᠠᠰᠠ ᠨᠢᠭᠡ | ᠤᠳᠠᠭᠠ ᠸᠠᠩ ᠳᠤ ᠪᠠᠷᠠᠳᠠᠬᠤ ᠳᠤ ᠸᠠᠩ ᠨᠤᠶᠠᠨ ᠬᠥᠷᠢᠶᠡᠨ ᠲᠤᠳᠤᠷᠠ ᠪᠠᠨ ᠤᠯᠠᠨ ᠶᠤᠸᠠᠮᠪᠤᠤ ᠥᠷᠤᠵᠤ | ᠲᠠᠯᠪᠢᠬᠰᠠᠨ ᠪᠠᠶᠢᠵᠡᠢ᠃ ᠲᠡᠬᠦᠨ ᠢ ᠥᠵᠡᠭᠡᠳ ᠴᠦᠢᠨᠳᠠᠬᠪᠤ᠄ ︽ᠬᠠᠭᠠᠨ ᠤ ᠭᠡᠰᠢᠭ ᠬᠠᠮᠢᠭᠠ ᠪᠤᠰᠤ᠂ ᠡᠵᠡᠨ ᠤ | ᠭᠡᠰᠢᠭ ᠠᠳᠡ ᠲᠡᠨᠳᠡ ᠭᠡᠳᠡᠭ ᠡᠨᠡ ᠪᠠᠶᠢᠵᠡᠢ︾ ᠭᠡᠵᠤ ᠭᠡᠯᠡᠭᠡᠳ ᠠᠳᠢᠰ ᠠᠪᠴᠤ ᠬᠤᠷᠮᠦ᠋ᠢᠯᠠᠭᠠᠳ ᠲᠤᠳᠤᠬᠰᠢ | ᠤᠷᠤᠵᠤ ᠸᠠᠩ ᠳᠤ ᠪᠠᠷᠠᠯᠬᠠᠭᠠᠳ ᠭᠠᠷᠴᠤ ᠶᠠᠪᠤᠬᠤ ᠳᠠᠭᠠᠨ ᠪᠥᠬᠦᠳᠡ ᠶᠢ ᠠᠪᠴᠤ ᠶᠠᠪᠤᠵᠤ ᠭᠡᠨᠠ᠃ ᠴᠦᠢᠨᠳᠠᠬᠪᠤ | ᠵᠠᠬᠢᠷᠤᠬᠴᠢ ᠠᠯᠠᠱᠠ ᠶᠢᠨ ᠨᠢᠭᠡᠨ ᠲᠥᠰᠢᠮᠡᠯ ᠯᠦᠭᠡ ᠬᠠᠮᠳᠤ ᠠᠶᠠᠨ ᠳᠤ ᠶᠠᠪᠤᠬᠤ ᠳᠠᠭᠠᠨ ᠬᠤᠶᠠᠷ ᠮᠠᠶᠢᠬᠠᠨ ᠢᠶᠠᠨ | ᠵᠡᠷᠭᠡᠴᠡᠬᠦᠯᠥᠨ ᠪᠤᠰᠬᠠᠵᠤ ᠶᠠᠪᠤᠳᠠᠬ ᠪᠠᠶᠢᠵᠤ ᠭᠡᠨᠠ᠃ ᠨᠢᠭᠡᠨ ᠡᠳᠤᠷ ᠠᠯᠠᠱᠠ ᠲᠥᠰᠢᠮᠡᠯ ᠤᠨ ᠲᠠᠭᠠᠭᠤᠯᠢ | ᠬᠥᠮᠤᠨ ᠨᠢ ᠴᠠᠢ ᠴᠢᠨᠠᠬᠤ ᠳᠠᠭᠠᠨ ︽ᠲᠠᠪᠤᠰᠤ ᠭᠡᠳᠤᠢ ᠵᠡᠷᠭᠡ ᠲᠠᠯᠪᠢᠬᠤ ᠪᠤᠢ︖︾ ᠭᠡᠮᠡᠨ ᠠᠰᠠᠭᠤᠬᠰᠠᠨ ᠳᠤ | ᠠᠯᠠᠱᠠ ᠲᠥᠰᠢᠮᠡᠯ᠄ ︽ᠲᠤᠷᠭᠤᠳ ᠪᠢᠰᠢ᠂ ᠲᠡᠮᠡᠭᠡ ᠪᠢᠰᠢ᠂ ᠬᠤᠵᠢᠷ ᠶᠡᠭᠡ ᠢᠳᠡᠬᠦ ᠶᠠᠭᠤ ᠪᠤᠢ︖ ᠪᠠᠭᠠᠬᠠᠨ | ᠲᠠᠯᠪᠢ︕︾ ᠭᠡᠵᠤ ᠭᠡᠨᠠ᠃ ᠡᠨᠡ ᠥᠭᠡ ᠶᠢ ᠬᠠᠶᠠᠭᠠᠨ ᠤ ᠭᠡᠷ ᠤᠨ ᠲᠤᠷᠭᠤᠳ ᠲᠠᠭᠠᠭᠤᠯᠢ ᠰᠤᠨᠤᠰᠤᠭᠠᠳ | ᠴᠦᠢᠨᠳᠠᠬᠪᠤ ᠠᠴᠠ ︽ᠲᠠᠪᠤᠰᠤ ᠭᠡᠳᠤᠢ ᠲᠠᠯᠪᠢᠬᠤ ᠪᠤᠢ︖︾ ᠭᠡᠮᠡᠨ ᠠᠰᠠᠭᠤᠬᠤᠯᠠᠷ ᠴᠦᠢᠨᠳᠠᠬᠪᠤ᠄ ︽ᠥᠭᠡᠯᠡᠳ | ᠪᠢᠰᠢ᠂ ᠡᠪᠡᠳᠴᠢᠳᠠᠢ ᠪᠢᠰᠢ᠂ ᠲᠠᠪᠤᠰᠤ ᠢᠳᠡᠬᠦ ᠳᠤ ᠴᠡᠭᠡᠷᠯᠡᠬᠦ ᠶᠠᠭᠤ ᠪᠤᠢ︖ ᠶᠡᠭᠡᠭᠡᠨ ᠲᠠᠯᠪᠢ︾ ᠭᠡᠵᠤ ᠭᠡᠨᠠ᠃ | ᠴᠦᠢᠨᠳᠠᠬᠪᠤ ᠵᠠᠬᠢᠷᠤᠬᠴᠢ ᠪᠤᠯᠤᠬᠰᠠᠨ ᠤ ᠲᠠᠷᠠᠭᠠ ᠤᠯᠠᠨ ᠤᠳᠠᠭᠠ ᠨᠤᠶᠠᠨ ᠳᠤ ᠪᠠᠷᠠ ᠪᠤᠯᠵᠤ ᠮᠠᠨᠵᠤ ᠬᠠᠭᠠᠨ | ᠪᠠ ᠠᠯᠠᠱᠠ ᠸᠠᠩ ᠳᠤ ᠪᠠᠷᠠᠳᠠᠵᠡᠢ᠃ ᠨᠢᠭᠡ ᠤᠳᠠᠭᠠ ᠨᠤᠶᠠᠨ ᠮᠠᠨᠵᠤ ᠬᠠᠭᠠᠨ ᠳᠤ ᠪᠠᠷᠠᠯᠬᠠᠬᠤ ᠳᠠᠭᠠᠨ ᠨᠢᠭᠡ | ᠰᠥᠬᠦᠳᠤᠯᠳᠡ ᠠᠯᠳᠠᠬᠰᠠᠨ ᠳᠤ ᠴᠦᠢᠨᠳᠠᠬᠪᠤ ᠵᠠᠬᠢᠷᠤᠬᠴᠢ᠄ ︽ᠠ᠂ ᠡᠴᠢᠭᠡ ᠶᠢᠨ ᠢᠶᠠᠨ ᠮᠢᠬᠠ ᠢᠳᠠᠮᠡᠷ︾ ᠭᠡᠵᠤ | ᠬᠠᠷᠢᠶᠠᠵᠤ ᠭᠡᠨᠠ᠃ ᠪᠡᠭᠡᠵᠢᠩ ᠠᠴᠠ ᠬᠤᠰᠢᠭᠤᠨ ᠳᠠᠭᠠᠨ ᠪᠤᠴᠠᠬᠤ ᠵᠠᠮ ᠳᠤ ᠴᠦᠢᠨᠳᠠᠬᠪᠤ ᠬᠥᠨᠳᠤ | ᠡᠪᠡᠳᠴᠢᠯᠡᠭᠰᠡᠨ ᠳᠤ ᠨᠤᠶ᠋ᠨᠨ ᠨᠢ᠄ ︽ᠨᠠᠮᠠᠢᠢ ᠬᠠᠭᠠᠨ ᠳᠤ ᠪᠠᠷᠠᠳᠠᠬᠤ ᠳᠤ ᠬᠠᠷᠢᠶᠠᠬᠰᠠᠨ ᠲᠤᠯᠠ ᠲᠡᠬᠦᠨ ᠢ ᠬᠠᠮᠢᠶᠠᠷᠬᠤ | ᠭᠡᠷᠡᠭ ᠥᠭᠡᠢ᠂ ᠪᠠᠭᠤᠷᠢ ᠲᠡᠭᠡᠷᠠ ᠨᠢ ᠬᠠᠶᠠᠵᠤ ᠤᠷᠬᠢ︕︾ ᠭᠡᠳ ᠬᠠᠶᠠᠭᠠᠳ ᠶᠠᠪᠤᠵᠤ ᠭᠡᠨᠠ᠃ ᠬᠤᠵᠢᠮ ᠨᠢ | ᠬᠠᠯᠬᠠ ᠶᠢᠨ ᠵᠠᠰᠠᠬ ᠬᠤᠰᠢᠭᠤᠨ ᠤ ᠠᠶᠠᠨᠴᠢᠨ ᠤᠯᠵᠤ ᠥᠵᠡᠭᠡᠳ ᠬᠤᠰᠢᠭᠤᠨ ᠳᠠᠭᠠᠨ ᠮᠡᠳᠡᠬᠦᠯᠥᠭᠰᠡᠨ ᠳᠤ | ᠴᠦᠢᠨᠳᠠᠬᠪᠤ ᠶᠢᠨ ᠰᠠᠶᠢᠨ ᠲᠠᠨᠢᠯ ᠪᠥᠭᠡᠳ ᠮᠡᠷᠭᠡᠨ ᠲᠥᠰᠢᠮᠡᠯ ᠲᠠᠨᠢᠵᠤ ᠮᠡᠳᠡᠭᠡᠳ ᠲᠡᠬᠦᠨ ᠤ ᠭᠡᠬᠦᠷ ᠢ ᠠᠪᠠᠴᠢᠵᠤ | ᠬᠠᠯᠬᠠ ᠶᠢᠨ ᠬᠢᠯᠢ ᠲᠠᠭᠠᠤ ᠳᠠᠬᠢ ᠨᠢᠭᠡᠨ ᠠᠭᠤᠯᠠᠨ ᠳᠤ ᠤᠷᠤᠰᠢᠭᠤᠯᠵᠡᠢ᠃ ᠴᠦᠢᠨᠳᠠᠬᠪᠤ ᠪᠥᠳᠤᠬᠦᠨ ᠪᠡᠶᠠ ᠲᠠᠢ | ᠪᠠᠶᠢᠬᠰᠠᠨ ᠪᠥᠭᠡᠳ ᠡᠷᠳᠡᠮ ᠲᠠᠢ᠂ ᠮᠡᠷᠭᠡᠨ ᠭᠡᠯᠡᠮᠡᠭᠡᠢ ᠲᠥᠰᠢᠮᠡᠯ ᠪᠠᠶᠢᠯᠠ᠃ ᠲᠡᠬᠦᠨ ᠤ ᠴᠡᠭᠡᠵᠢᠨ ᠤ ᠬᠠᠪᠢᠷᠭᠠ ᠨᠢ | ᠪᠢᠳᠡᠬᠦᠤ ᠪᠠᠶᠢᠵᠤ᠂ ᠲᠤᠳᠤᠷᠠ ᠨᠢ ᠴᠢᠨ᠋᠊ ᠤᠠ᠋ ᠵᠤᠯᠵᠠᠭᠠᠯᠠᠬᠰᠠᠨ ᠪᠠᠶᠢᠵᠤ ᠭᠡᠨᠠ᠃ ᠴᠦᠢᠨᠳᠠᠬᠪᠤ ᠡᠪᠡᠳᠴᠢᠳᠠᠢ ᠭᠡᠵᠤ | ᠬᠥᠳᠡᠭᠡ ᠬᠠᠶᠠᠬᠤ ᠳᠤ ᠲᠡᠷᠡ ᠥᠨᠳᠡᠶᠢᠵᠤ ᠪᠠᠶᠢᠭᠠᠳ ᠨᠤᠶᠠᠨ ᠤ ᠵᠥᠭ᠄ ︽ᠡᠵᠡᠨᠠ ᠳᠤ ᠡᠬᠦᠨ ᠠᠴᠠ ᠬᠤᠶᠢᠰᠢ | ᠮᠡᠷᠭᠡᠨ ᠲᠥᠰᠢᠮᠡᠯ ᠪᠤᠤ ᠭᠠᠷᠤᠬᠳᠤᠨ︕︾ ᠭᠡᠵᠤ ᠭᠡᠯᠡᠭᠡᠳ ᠬᠤᠴᠤᠷᠴᠤ ᠭᠡᠨᠠ᠃ ᠲᠡᠬᠦᠨ ᠤ ᠭᠡᠬᠦᠷ ᠢ | ᠬᠥᠨᠳᠤᠳᠭᠡᠨ ᠤᠷᠤᠰᠢᠭᠤᠯᠤᠬᠰᠠᠨ ᠵᠠᠰᠠᠬ ᠤᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠨ ᠮᠡᠷᠭᠡᠨ ᠲᠥᠰᠢᠮᠡᠯ ᠠᠷᠪᠢᠨ ᠭᠠᠷᠬᠤ | ᠪᠤᠯᠤᠬᠰᠠᠨ ᠭᠡᠳᠡᠭ᠃ | ᠪᠤᠶᠠᠨᠪᠠᠳᠤ ᠯᠠᠮᠠ ᠶᠢᠨ ᠲᠤᠮᠤᠬ | ᠪᠤᠶᠠᠨᠪᠠᠳᠤ ︵ᠮᠤᠨᠢᠶᠠ ᠭᠡᠵᠤ ᠠᠪᠤᠭᠠᠢᠢᠯᠠᠳᠠᠬ ᠪᠠᠶᠢᠵᠡᠢ︶ ᠪᠤᠯ ᠬᠤᠪᠤᠬᠰᠠᠶᠢᠷ ᠤᠨ ᠲᠤᠷᠭᠤᠳ ᠠᠴᠠ | ᠰᠡᠬᠦᠯ ᠤᠨ ᠥᠶᠠ ᠳᠤ ᠢᠷᠠᠵᠤ ᠨᠤᠳᠤᠬᠰᠢᠬᠰᠠᠨ ᠵᠠᠯᠠᠨ ᠵᠡᠷᠭᠡ ᠲᠠᠢ ᠬᠥᠮᠤᠨ ᠪᠠᠶᠢᠵᠡᠢ᠃ | ᠲᠠᠰᠢ᠂ ᠰᠠᠩᠵᠠᠢ ᠠᠭᠠᠬᠢ ᠬᠤᠶᠠᠷ ᠨᠤᠶᠠᠨ ᠰᠠᠭᠤᠷᠢ ᠪᠤᠯᠢᠶᠠᠯᠳᠤᠵᠤ᠂ ᠬᠠᠮᠤᠬ ᠡᠴᠤᠰ ᠲᠤ ᠲᠠᠰᠢ ᠢᠯᠠᠵᠤ | ᠨᠤᠶᠠᠨ ᠰᠠᠭᠤᠭᠠᠳ᠂ ᠰᠠᠩᠵᠠᠢ ᠶᠢ ᠪᠠᠷᠢᠪᠴᠢᠯᠠᠨ᠂ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠲᠤ ᠠᠪᠴᠢᠷᠠᠭᠠᠳ ᠤᠯᠠᠨ ᠤ ᠬᠤᠷᠠᠯ | ᠬᠢᠵᠤ᠂ ᠭᠤᠮᠤᠳᠠᠯ ᠲᠠᠢ ᠬᠥᠮᠤᠨ᠂ ᠰᠠᠨᠠᠯ ᠲᠠᠢ ᠬᠥᠮᠤᠨ ᠥᠭᠡ ᠪᠠᠨ ᠭᠡᠯᠡ ᠭᠡᠰᠡᠨ ᠳᠤ ᠪᠤᠶᠠᠨᠪᠠᠳᠤ ᠭᠡᠯᠡᠭᠰᠡᠨ ᠨᠢ᠄ | ︽ᠪᠢ ᠭᠤᠮᠤᠳᠠᠯ ᠲᠠᠢ ᠪᠠᠶᠢᠬᠤ ᠤᠴᠢᠷ ᠲᠠᠢ ᠪᠢᠯᠡ᠂ ᠰᠠᠩᠵᠠᠢ ᠠᠭᠠᠬᠢ ᠨᠠᠳᠠ ᠠᠴᠠ ᠮᠤᠷᠢ ᠪᠤᠯᠪᠠᠯ ᠬᠤᠯᠠ ᠪᠤᠯᠤᠨ | ᠬᠤᠷᠳᠤᠨ ᠢ ᠮᠢᠨᠢ ᠠᠪᠴᠤ ᠪᠠᠶᠢᠪᠠ᠂ ᠥᠭᠡᠷ ᠪᠤᠯᠪᠠᠯ ᠰᠥ ᠲᠠᠢ ᠪᠤᠯᠤᠨ ᠤᠯᠠᠭᠠᠨ ᠢ ᠮᠢᠨᠢ ᠠᠪᠴᠤ ᠪᠠᠶᠢᠪᠠ᠃ | ᠭᠡᠳᠡᠯᠠ ᠤᠳᠤ ᠴᠠᠰᠤᠳᠤ ᠠᠭᠤᠯᠠ ᠠᠴᠠ ᠴᠠᠭᠠᠨ ᠠᠷᠰᠯᠠᠨ ᠲᠠᠯᠠ ᠳᠤ ᠪᠠᠭᠤᠵᠤ ᠬᠠᠷᠠ ᠰᠢᠷᠭᠤᠯᠵᠢᠨ ᠳᠤ | ᠪᠠᠷᠢᠬᠳᠠᠵᠤ᠂ ᠰᠠᠩᠵᠠᠢ ᠵᠠᠬᠢᠷᠤᠬᠴᠢ ᠬᠠᠤᠯᠢ ᠶᠢᠨ ᠰᠢᠳᠭᠡᠯ ᠬᠥᠯᠢᠶᠡᠬᠦ ᠪᠤᠯᠵᠡᠢ᠂ ᠨᠠᠳᠠᠳᠤ ᠭᠤᠮᠤᠳᠠᠯ ᠥᠭᠡᠢ᠃ | ᠭᠡᠳᠡᠯᠠ ᠮᠢᠨᠤ ᠪᠤᠳᠤᠬᠤ ᠪᠠᠷ ᠲᠤᠷᠤᠬ ᠰᠢᠪᠠᠭᠤᠨ ᠲᠤᠷᠠᠪᠠᠴᠤ ᠲᠠᠤᠯᠠᠢ ᠶᠢᠨ ᠵᠠᠮ ︵ᠰᠡᠭ︶ ᠲᠡᠭᠡᠷᠠ ᠪᠠᠭᠤᠳᠠᠬ | ᠥᠭᠡᠢ᠂ ᠴᠠᠭᠠᠨ ᠶᠠᠰᠤᠳᠠᠨ ᠪᠤᠷᠤᠭᠤᠳᠠᠪᠠᠰᠤ ᠬᠠᠷᠠᠴᠤ ᠶᠢᠨ ᠲᠤᠤᠷᠠ ᠰᠠᠭᠤᠳᠠᠬ ᠥᠭᠡᠢ ᠭᠡᠳᠡᠭ᠂ ᠠᠬᠠ ᠲᠡᠬᠦᠤ | ᠨᠤᠶᠠᠳ ᠲᠠᠶᠢᠵᠢ ᠨᠠᠷ ᠶᠠᠭᠠᠬᠢᠵᠤ ᠰᠠᠭᠠᠳᠠᠳᠠᠬ ︵ᠰᠠᠭᠤᠳᠠᠬ︶ ᠢᠶᠠᠨ ᠥᠪᠡᠷ ᠪᠠᠨ ᠮᠡᠳᠡᠭᠳᠤᠨ᠂ ᠰᠤᠮᠤᠨ ᠲᠥᠷᠪᠡᠨ | ᠵᠠᠩᠬᠢ ᠶᠢᠨ ᠲᠤᠤᠷᠠ ᠰᠠᠭᠤᠯᠭᠠᠨᠠ ᠭᠡᠳᠡᠭ ᠢ ᠪᠢ ᠵᠥᠪᠰᠢᠶᠡᠷᠡᠬᠦ ᠥᠭᠡᠢ︾ ᠭᠡᠵᠤ ᠭᠡᠯᠡᠵᠤ ᠭᠡᠨᠠ᠃ | ᠨᠢᠭᠡ ᠤᠳᠠᠭᠠ ᠪᠤᠶᠠᠨᠪᠠᠳᠤ ᠨᠢᠭᠡᠨ ᠵᠠᠷᠭᠤ ᠶᠢᠨ ᠭᠡᠷᠡᠭ ᠲᠤ ᠶᠠᠪᠤᠵᠤ ᠭᠡᠨᠠ᠃ ᠶᠠᠪᠤᠬᠤ ᠳᠤ ᠨᠢ ᠪᠤᠰᠤᠳ | ᠲᠥᠰᠢᠮᠡᠳ ᠤᠳ ᠨᠢ ᠤᠯᠠᠨ ᠲᠠᠪᠤᠨ ᠥᠭᠡ ᠵᠢᠭᠠᠵᠤ ᠵᠠᠬᠢᠵᠤ ᠶᠠᠪᠤᠭᠤᠯᠵᠡᠢ᠃ ᠲᠡᠷᠡ ᠵᠠᠷᠭᠤ ᠪᠠᠨ ᠰᠢᠢᠳᠪᠤᠷᠢᠯᠠᠵᠤ | ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠲᠥᠰᠢᠮᠡᠳ ᠲᠡᠭᠡᠨ ᠵᠠᠷᠭᠤ ᠠᠪᠤᠬᠰᠠᠨ ᠢᠶᠠᠨ ᠭᠡᠯᠡᠬᠦ ᠶᠢᠨ ᠲᠠᠰᠢᠷᠠᠮ ᠳᠤ᠄ ︽ᠲᠠ ᠨᠠᠷ ᠤᠨ | ᠵᠠᠬᠢᠵᠤ ᠠᠶᠢᠯᠠᠳᠤᠬᠰᠠᠨ ᠵᠠᠷᠯᠢᠬ ᠤᠳ ᠵᠠᠰᠠᠬ ᠤᠨ ᠲᠠᠮᠠᠭᠠᠨ ᠳᠤ ᠭᠡᠷᠡᠭ ᠲᠤ ᠡᠰᠡ ᠬᠥᠷᠪᠡ᠂ ᠬᠠᠷᠢᠨ ᠮᠠᠨ ᠤ ᠡᠮᠡᠭᠡᠨ | ᠨᠠᠮᠠᠢᠢ ᠮᠤᠷᠳᠠᠬᠤ ᠳᠤ ᠭᠡᠳᠤᠨ ᠥᠭᠡ ᠰᠢᠪᠡᠨᠡᠭᠰᠡᠨ ᠨᠢ ᠵᠢᠭᠳᠡᠢ ᠲᠠᠭᠠᠷᠠᠭᠠᠳ ᠪᠠᠶᠢᠪᠠ︾ ᠭᠡᠵᠤ ᠭᠡᠯᠡᠵᠤ ᠭᠡᠨᠠ᠃ | ᠪᠠᠰᠠ ᠨᠢᠭᠡ ᠤᠳᠠᠭᠠ ᠰᠤᠬᠳᠤᠭᠤ ᠪᠠᠷ ᠢᠶᠠᠨ ᠲᠠᠰᠢ ᠨᠤᠶᠠᠨ ᠢ ︽ᠡᠴᠢᠭᠡ ᠴᠢᠨᠢ︾ ᠭᠡᠵᠤ ᠬᠠᠷᠢᠶᠠᠵᠡᠢ᠃ | ᠨᠤᠶᠠᠨ ᠡᠬᠦᠨ ᠢ ᠬᠥᠯᠢᠶᠡᠬᠦ ᠥᠭᠡᠢ᠂ ᠲᠥᠰᠢᠮᠡᠳ ᠲᠡᠭᠡᠨ᠄ ︽ᠤᠴᠢᠷ ᠢ ᠨᠢ ᠤᠯᠵᠠᠭᠠ︕︾ ᠭᠡᠵᠤ ᠲᠤᠰᠢᠶᠠᠵᠡᠢ᠃ | ᠲᠥᠰᠢᠮᠡᠳ ᠨᠢ ᠴᠠᠭᠠᠨ ᠰᠠᠷᠠ ᠠᠴᠠ ᠡᠮᠤᠨᠠ ᠬᠠᠭᠤᠴᠢᠨ ᠵᠢᠯ ᠳᠤ ᠭᠡᠷᠡᠭ ᠲᠠᠭᠤᠰᠬᠠᠬᠤ ᠥᠶᠠ ᠳᠡᠭᠡᠨ ᠪᠤᠶᠠᠨᠪᠠᠳᠤ | ᠵᠠᠯᠠᠨ ᠢ ᠭᠤᠨᠠᠨ ᠥᠭᠡᠷ ᠢᠶᠠᠷ ᠲᠤᠷᠭᠠᠬᠤ ᠭᠡᠰᠡᠨ ᠳᠤ ᠥᠭᠡᠷ ᠪᠠᠶᠢᠬᠤ ᠥᠭᠡᠢ ᠭᠡᠳ ᠵᠥᠪᠰᠢᠶᠡᠷᠡᠭᠰᠡᠨ ᠥᠭᠡᠢ ᠭᠡᠨᠠ᠃ | ᠲᠠᠬᠢᠭᠠᠳ ᠲᠡᠬᠦᠨ ᠤ ᠪᠥᠭᠰᠡ ᠶᠢ ᠬᠤᠷᠢᠨ ᠲᠠᠪᠤ ᠲᠠᠰᠢᠭᠤᠷᠳᠠᠨᠠ ᠭᠡᠰᠡᠨ ᠳᠤ ᠪᠤᠯᠤᠨᠠ ᠭᠡᠵᠡᠢ᠃ ᠢᠡᠭᠬᠢᠭᠡᠳ | ᠵᠢᠩᠰᠠ ᠲᠠᠢ ᠮᠠᠯᠠᠭᠠᠢ ᠶᠢ ᠨᠢ ᠠᠪᠴᠤ ᠲᠠᠯᠪᠢᠭᠤᠯᠤᠭᠠᠳ ᠲᠤᠭᠠᠯᠠᠵᠤ ᠴᠤᠬᠢᠬᠤ ᠳᠤ᠄ ︽ᠶᠤ᠂ ᠶᠤ᠂ ᠡᠵᠡᠨ ᠢᠶᠠᠨ | ᠢᠷᠡᠬᠦ ᠳᠤ ᠶᠠᠪᠤᠬᠰᠠᠨ ᠴᠤ ᠪᠤᠯᠤᠭᠠᠰᠠᠢ᠂ ᠡᠷᠯᠢᠭ ᠢᠶᠠᠨ ᠢᠷᠡᠬᠦ ᠳᠤ ᠥᠬᠦᠭᠰᠡᠨ ᠴᠤ ᠪᠤᠯᠤᠭᠠᠰᠠᠢ︾ ᠭᠡᠵᠤ | ᠪᠠᠷᠬᠢᠷᠠᠵᠤ ᠭᠡᠨᠠ᠃ ᠴᠤᠬᠢᠵᠤ ᠲᠠᠭᠤᠰᠤᠬᠰᠠᠨ ᠤ ᠲᠠᠷᠠᠭᠠ ᠰᠢᠷᠤᠢ ᠪᠠᠨ ᠬᠥᠪᠢᠵᠤ᠂ ᠵᠢᠩᠰᠠ ᠲᠠᠢ ᠮᠠᠯᠠᠭᠠᠢ ᠪᠠᠨ | ᠡᠮᠤᠰᠤᠭᠡᠳ ᠲᠡᠷᠭᠡᠳᠡ ᠪᠠᠨ ᠪᠠᠶᠢᠬᠰᠠᠨ ᠬᠥᠪᠡᠬᠦᠨ ᠴᠠᠷᠠᠨᠪᠠᠯ ᠢᠶᠠᠨ ᠲᠠᠭᠤᠳᠠᠵᠤ᠄ ︽ᠬᠥᠪᠡᠬᠦᠨ ᠮᠢᠨᠢ ᠬᠠᠷᠢᠭᠠᠳ | ᠭᠤᠨᠠᠨ ᠥᠭᠡᠷ ᠢᠶᠠᠨ ᠠᠯᠠᠭᠠᠳ ᠮᠢᠬᠠ ᠶᠢ ᠨᠢ ᠴᠢᠨᠠᠵᠤ ᠪᠠᠢ︕︾ ᠭᠡᠵᠤ ᠭᠡᠯᠡᠪᠡ᠃ ᠡᠵᠡᠨ ᠢᠶᠠᠨ ᠢᠷᠡᠬᠦ ᠳᠤ | ᠭᠡᠳᠡᠭ ᠨᠢ ᠬᠤᠪᠤᠬᠰᠠᠶᠢᠷ ᠠᠴᠠ ᠬᠤᠷᠢᠶᠠᠯᠭᠠᠨ ᠤ ᠬᠥᠮᠤᠨ ᠢᠷᠡᠬᠦ ᠳᠤ᠄ ︽ᠠᠬᠠ ᠲᠡᠬᠦᠤ ᠨᠤᠶᠠᠳ ᠨᠤᠳᠤᠬ ᠢᠶᠠᠨ | ᠬᠤᠪᠢᠶᠠᠬᠰᠠᠨ ᠠᠴᠠ ᠪᠢᠰᠢ᠂ ᠠᠯᠪᠠᠳᠤ ᠪᠠᠨ ᠬᠤᠪᠢᠶᠠᠬᠰᠠᠨ ᠥᠭᠡᠢ᠂ ᠪᠢ ᠠᠳᠡ ᠪᠠᠨ ᠰᠠᠭᠤᠨᠠ︾ ᠭᠡᠳ | ᠶᠠᠪᠤᠬᠰᠠᠨ ᠥᠭᠡᠢ ᠪᠠᠨ ᠵᠢᠭᠠᠵᠤ ᠪᠤᠢ᠃ ᠡᠷᠯᠢᠭ ᠢᠶᠠᠨ ᠢᠷᠡᠬᠦ ᠳᠤ ᠭᠡᠳᠡᠭ ᠨᠢ ᠲᠥᠷᠤᠬᠦᠨ ᠵᠢᠯ ᠳᠤ ᠨᠢ ᠨᠢᠭᠡ | ᠬᠥᠨᠳᠤ ᠡᠪᠡᠳᠴᠢᠯᠡᠭᠰᠡᠨ ᠢᠶᠠᠨ ᠭᠡᠯᠡᠵᠤ ᠪᠠᠶᠢᠵᠡᠢ᠃ | ᠴᠠᠳᠠᠩ ᠵᠠᠩᠬᠢ ᠶᠢᠨ ᠲᠤᠮᠤᠬ | ᠴᠠᠳᠠᠩ ᠪᠤᠯ ᠡᠭᠡᠯ ᠵᠢᠷ ᠤᠨ ᠠᠯᠪᠠᠳᠤ ᠠᠷᠠᠳ ᠶᠤᠮ᠃ ᠨᠢᠭᠡ ᠤᠳᠠᠭᠠ ᠮᠤᠤ ᠮᠤ ᠳᠤ ᠬᠥᠨᠡᠰᠤ ᠠᠴᠢᠬᠤ ᠪᠠᠷ | ᠶᠠᠪᠤᠵᠤ᠂ ᠭᠤᠤᠯ ᠤᠨ ᠡᠬᠢᠨ ᠪᠥᠭ ᠭᠡᠳᠡᠭ ᠭᠠᠵᠠᠷ ᠬᠥᠷᠬᠦ ᠳᠤ ᠶᠠᠪᠤᠭᠠᠳ ᠪᠤᠴᠠᠵᠤ ᠢᠷᠠᠵᠤ ᠪᠠᠶᠢᠬᠰᠠᠨ ᠵᠢᠽᠠᠩ | ᠭᠡᠭᠴᠢ ᠲᠠᠨᠢᠯ ᠬᠥᠮᠤᠨ ᠲᠠᠢ ᠪᠠᠨ ᠲᠠᠭᠠᠷᠠᠯᠳᠤᠵᠤ ᠬᠠᠮᠳᠤ ᠪᠠᠭᠤᠵᠤ ᠠᠷᠢᠬᠢᠳᠠᠵᠤ᠂ ᠪᠠᠰᠠ ᠵᠡᠭᠡᠷᠠ ᠠᠯᠠᠵᠤ ᠢᠳᠡᠵᠤ | ᠬᠤᠨᠤᠭᠠᠳ ᠵᠥᠭ ᠵᠥᠭ ᠲᠡᠭᠡᠨ ᠶᠠᠪᠤᠵᠠᠭᠠᠵᠡᠢ᠃ ᠵᠢᠽᠠᠩ ᠪᠤᠴᠠᠵᠤ ᠢᠷᠠᠭᠡᠳ ᠭᠡᠳᠡᠪᠴᠢ ᠲᠠᠢ ᠭᠤᠴᠢᠨ ᠯᠠᠩ | ᠮᠥᠡᠭᠬᠦ ᠪᠠᠨ ᠥᠭᠡᠶᠢᠯᠡᠵᠤ ᠡᠷᠢᠵᠤ ᠤᠯᠬᠤ ᠥᠭᠡᠢ ᠪᠤᠯᠵᠤ᠂ ᠮᠢᠨᠤ ᠮᠥᠡᠭᠬᠦ ᠶᠢ ᠴᠠᠳᠠᠩ ᠠᠪᠤᠬᠰᠠᠨ᠂ ᠥᠭᠡᠷᠠ | ᠬᠥᠮᠤᠨ ᠠᠪᠬᠤ ᠵᠠᠪᠰᠢᠶᠠᠨ ᠥᠭᠡᠢ ᠭᠡᠵᠤ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠲᠤ ᠮᠡᠳᠡᠬᠦᠯᠵᠡᠢ᠃ ᠴᠠᠳᠠᠩ ᠢ ᠠᠶᠠᠨ ᠠᠴᠠ | ᠪᠤᠴᠠᠵᠤ ᠢᠷᠠᠮᠡᠭᠴᠡ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠪᠠᠷᠢᠵᠤ ᠠᠪᠠᠴᠢᠭᠠᠳ ᠥᠴᠢᠭᠯᠡᠬᠦᠯᠥᠭᠰᠡᠨ ᠳᠤ ᠪᠢ ᠠᠪᠤᠬᠰᠠᠨ ᠥᠭᠡᠢ | ᠭᠡᠵᠡᠢ᠃ ᠭᠡᠳᠤᠨ ᠵᠠᠭᠤ ᠵᠠᠨᠴᠢᠬᠰᠠᠨ ᠴᠤ ᠤᠬᠳᠤ ᠬᠥᠯᠢᠶᠡᠬᠦ ᠥᠭᠡᠢ ᠪᠠᠶᠢᠵᠡᠢ᠃ ᠵᠢᠽᠠᠩ ᠪᠠᠶᠠᠨ ᠴᠢᠨᠡᠭᠡᠯᠢᠭ᠂ | ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠲᠤ ᠨᠠᠷᠠ ᠲᠥᠷᠤ ᠲᠠᠢ ᠬᠥᠮᠤᠨ ᠪᠠᠶᠢᠵᠡᠢ᠃ ᠴᠠᠳᠠᠩ ᠢ ᠴᠤᠬᠢᠬᠤ ᠡᠷᠡᠬᠦᠳᠡᠬᠦ ᠨᠢ ᠬᠥᠨᠳᠤ | ᠭᠡᠴᠡᠬᠦᠤ ᠪᠤᠯᠤᠬᠰᠠᠨ ᠪᠤᠯᠬᠤᠷ ᠲᠡᠰᠪᠤᠷᠢᠯᠡᠬᠦᠶᠠ ᠪᠡᠷᠭᠡ ᠪᠤᠯᠵᠤ᠂ ᠠᠮᠢᠳᠤ ᠰᠠᠯᠤᠶᠠ ᠭᠡᠵᠤ ᠪᠤᠳᠤᠭᠠᠳ᠄ ︽ᠪᠢ | ᠥᠨᠡᠨ ᠳᠡᠭᠡᠨ ᠠᠪᠤᠬᠰᠠᠨ ᠥᠭᠡᠢ ᠪᠢᠯᠡ᠂ ᠠᠶᠠᠨ ᠵᠠᠮ ᠳᠤ ᠠᠭᠤᠯᠵᠠᠭᠠᠳ ᠰᠠᠯᠤᠬᠰᠠᠨ ᠨᠢ ᠥᠨᠡᠨ᠂ ᠪᠢ ᠲᠥᠯᠥᠵᠤ | ᠥᠭᠬᠦᠶᠠ︾ ᠭᠡᠵᠡᠢ᠃ ᠢᠡᠭᠬᠢᠭᠡᠳ ᠮᠥᠡᠭᠬᠦ ᠶᠢ ᠲᠥᠯᠥᠬᠦᠯᠵᠤ ᠬᠥᠯ ᠮᠤᠷᠢ ᠪᠠᠷ ᠲᠤᠷᠭᠠᠵᠤ ᠴᠠᠳᠠᠩ ᠢ ᠰᠤᠯᠠᠯᠠᠵᠡᠢ᠃ | ᠬᠤᠶᠢᠳᠤᠨ ᠵᠢᠯ ᠤᠨ ᠬᠢᠨᠢ ᠨᠠᠮᠤᠷ ᠠᠶᠠᠨ ᠳᠤ ᠶᠠᠪᠤᠬᠰᠠᠨ ᠬᠥᠮᠤᠰ ᠪᠤᠳᠠᠨ ᠲᠡᠭᠡᠷᠠ ᠠᠰᠬᠠᠬᠰᠠᠨ ᠵᠡᠭᠡᠷᠠ ᠶᠢᠨ | ᠰᠠᠪᠠᠰᠤᠨ ᠲᠤᠤᠷᠠ ᠠᠴᠠ ᠵᠢᠽᠠᠩ ᠤᠨ ᠭᠡᠳᠡᠪᠴᠢ ᠲᠠᠢ ᠮᠥᠡᠭᠬᠦ ᠶᠢ ᠤᠯᠵᠤ ᠢᠷᠡᠵᠡᠢ᠃ ᠡᠨᠡ ᠶᠠᠪᠤᠳᠠᠯ ᠨᠤᠶᠠᠨ ᠪᠠ | ᠲᠠᠮᠠᠭᠠ ᠶᠢᠨ ᠲᠥᠰᠢᠮᠡᠳ ᠤᠨ ᠴᠢᠬᠢᠨ ᠳᠤ ᠬᠥᠷᠴᠤ᠂ ᠴᠠᠳᠠᠩ ᠤᠨ ᠴᠢᠬᠢᠨ ᠳᠤ ᠴᠤ ᠬᠥᠷᠴᠡᠢ᠃ ᠤᠳᠤ ᠵᠢᠽᠠᠩ ᠢ | ᠶᠠᠯᠠᠯᠠᠵᠤ ᠴᠠᠳᠠᠩ ᠤᠨ ᠬᠢᠯᠢᠰ ᠢ ᠵᠠᠯᠠᠷᠠᠭᠤᠯᠬᠤ ᠭᠡᠷᠡᠭ ᠲᠠᠢ ᠪᠤᠯᠵᠡᠢ᠃ ᠵᠢᠽᠠᠩ ᠢ ᠬᠥᠮᠤᠨ ᠢ ᠬᠢᠯᠢᠰᠳᠡᠬᠦᠯᠪᠡ ᠭᠡᠵᠤ | ᠬᠥᠯ ᠮᠤᠷᠢ ᠪᠠᠷ ᠲᠤᠷᠭᠠᠵᠤ᠂ ᠴᠠᠳᠠᠩ ᠤᠨ ᠬᠢᠯᠢᠰ ᠢ ᠴᠠᠭᠠᠳᠬᠠᠨ᠂ ᠲᠥᠯᠥᠭᠰᠡᠨ ᠮᠥᠡᠭᠬᠦ ᠲᠤᠷᠭᠠᠬᠰᠠᠨ | ᠮᠤᠷᠢ ᠶᠢ ᠨᠢ ᠪᠤᠴᠠᠭᠠᠨ ᠥᠭᠴᠤ᠂ ᠡᠭᠡᠯ ᠠᠯᠪᠠᠳᠤ ᠪᠠᠶᠢᠬᠰᠠᠨ ᠠᠴᠠ ᠨᠢ ᠵᠠᠩᠬᠢ ᠶᠢᠨ ᠵᠢᠩᠰᠠ ᠥᠭᠴᠤ ᠲᠥᠰᠢᠮᠡᠯ | ᠪᠤᠯᠭᠠᠵᠤ ᠭᠡᠨᠠ᠃ | ᠴᠠᠳᠠᠩ ᠵᠠᠩᠬᠢ ᠪᠤᠯᠤᠬᠰᠠᠨ ᠤ ᠪᠠᠨ ᠲᠠᠷᠠᠭᠠ ᠮᠥᠨ ᠭᠤᠮᠤᠳᠠᠯ ᠨᠢ ᠲᠠᠶᠢᠯᠤᠬᠳᠠᠬᠰᠠᠨ ᠥᠭᠡᠢ᠂ ᠲᠠᠮᠠᠭᠠ ᠶᠢᠨ | ᠭᠠᠵᠠᠷ ᠲᠤ ᠡᠷᠭᠡ ᠲᠠᠢ ᠪᠤᠯᠵᠤ᠂ ᠨᠤᠶᠠᠨ ᠲᠥᠰᠢᠮᠡᠳ ᠠᠴᠠ ᠠᠮᠠ ᠠᠰᠠᠭᠤᠵᠤ᠄ ︽ᠴᠠᠳᠠᠩ ᠥᠨᠡᠨ ᠪᠢᠰᠢᠤ︖ | ᠲᠠ ᠨᠠᠷ ᠭᠡᠷᠡᠭ ᠢ ᠭᠡᠯᠳᠡᠭᠡᠢ ᠰᠢᠬᠦᠳᠡᠭ ᠪᠢᠰᠢᠤ︖ ᠬᠥᠮᠤᠨ ᠤ ᠮᠢᠬᠠᠨ ᠬᠥᠨᠡᠰᠤ ᠲᠠᠢ ᠬᠥᠷᠠᠯ ᠴᠢᠯᠠᠭᠤᠨ | ᠵᠢᠷᠤᠭᠡ ᠲᠠᠢ ᠪᠢᠰᠢᠤ︖︾ ᠭᠡᠬᠦ ᠠᠴᠠ ᠥᠭᠡᠷᠠ ᠥᠭᠡ ᠥᠭᠡᠢ ᠪᠠᠶᠢᠳᠠᠬ ᠭᠡᠨᠠ᠃ | ᠴᠠᠳᠠᠩ ᠵᠠᠩᠬᠢ ᠲᠠᠰᠢ ᠨᠤᠶᠠᠨ ᠤ ᠥᠷᠬᠦᠭᠡᠨ ᠳᠤ ᠤᠴᠢᠬᠤ ᠳᠤ ᠬᠥᠨᠳᠤᠳᠭᠡᠭᠳᠡᠵᠤ᠂ ᠨᠤᠶᠠᠨ ᠤ ᠬᠢᠶᠠ ᠨᠠᠷ | ᠮᠤᠷᠢ ᠶᠢ ᠨᠢ ᠬᠠᠮᠠᠭᠠᠯᠠᠳᠠᠬ᠂ ᠨᠤᠶᠠᠨ ᠬᠠᠳᠤᠨ ᠬᠤᠶᠠᠭᠤᠯᠠ ᠴᠠᠳᠠᠩ ᠳᠤ ᠰᠠᠶᠢᠨ ᠥᠭᠡ ᠭᠡᠯᠡᠵᠤ ᠰᠠᠶᠢᠬᠠᠨ | ᠬᠤᠭᠤᠯᠠ ᠢᠳᠡᠬᠦᠯᠵᠤ᠂ ᠠᠷᠢᠬᠢ ᠤᠤᠭᠤᠯᠭᠠᠵᠤ ᠲᠤᠷᠠ ᠲᠠᠪᠠ ᠪᠠᠷ ᠨᠢ ᠪᠠᠶᠢᠯᠭᠠᠳᠠᠬ ᠭᠡᠨᠠ᠃ ᠴᠠᠳᠠᠩ ᠵᠠᠩᠬᠢ | ᠠᠷᠢᠬᠢ ᠤᠤᠭᠤᠵᠤ ᠰᠤᠬᠳᠤᠭᠠᠳ ᠠᠪᠤᠪᠠᠯ ᠪᠠᠰᠠ ᠯᠠ ᠨᠤᠶᠠᠨ ᠳᠤ ᠭᠤᠮᠤᠳᠠᠯ ᠢᠶᠠᠨ ᠭᠡᠯᠡᠵᠤ ᠵᠠᠩᠨᠠᠳᠠᠬ ᠭᠡᠨᠠ᠄ ︽ | ᠴᠠᠳᠠᠩ ᠨᠤᠶᠠᠨ ᠪᠠᠶᠢᠬᠰᠠᠨ᠂ ᠥᠨᠡᠨ ᠢᠶᠠᠷ ᠢᠶᠠᠨ ᠶᠠᠪᠤᠪᠠᠯ ᠥᠭᠡᠷ ᠲᠡᠷᠭᠡ ᠪᠠᠷ ᠲᠠᠤᠯᠠᠢ ᠬᠥᠢᠴᠡᠳᠡᠭ ᠭᠡᠳᠡᠭ ᠪᠢᠯᠡ᠂ | ᠡᠨᠡ ᠬᠠᠭᠠᠨ ᠤ ᠲᠥᠷᠤ ᠳᠤ ᠴᠠᠳᠠᠩ ᠤᠨ ᠮᠢᠬᠠ ᠶᠢ ᠲᠠ ᠨᠠᠷ ᠢᠳᠠᠪᠠ᠂ ᠡᠷᠯᠢᠭ ᠬᠠᠭᠠᠨ ᠤ ᠲᠥᠷᠤ ᠳᠤ ᠲᠠ ᠨᠠᠷ | ᠮᠢᠬᠠ ᠶᠢ ᠢᠳᠡᠬᠦ ᠬᠥᠮᠤᠨ ᠪᠤᠢ᠂ ᠡᠷᠯᠢᠭ ᠬᠠᠭᠠᠨ ᠤ ᠲᠡᠨᠳᠡ ᠲᠠᠩᠰᠠ ᠪᠤᠢ᠂ ᠡᠷᠯᠢᠭ ᠤᠨ ᠲᠤᠯᠢᠨ ᠳᠤ ᠰᠢᠯᠭᠠᠵᠤ | ᠥᠵᠡᠨᠠ ᠳ᠋ᠠ︾ ᠭᠡᠬᠦ ᠳᠤ ᠨᠤᠶᠠᠨ ᠰᠢᠮᠰᠢᠷᠠᠵᠤ᠄ ︽ᠲᠠᠨ ᠤ ᠭᠡᠯᠡᠳᠡᠭ ᠥᠨᠡᠨ᠂ ᠥᠨᠡᠨ︾ ᠭᠡᠬᠦ ᠠᠴᠠ ᠥᠭᠡᠷᠠ | ᠭᠡᠯᠡᠳᠡᠭ ᠥᠭᠡᠢ ᠪᠠᠶᠢᠵᠤ ᠭᠡᠨᠠ᠃ ᠴᠠᠳᠠᠩ ᠵᠠᠩᠬᠢ ᠪᠤᠯ ᠰᠡᠷᠵᠢ ᠵᠠᠩᠬᠢ ᠶᠢᠨ ᠡᠴᠢᠭᠡ ᠪᠤᠯᠤᠨᠠ᠂ ᠰᠠᠷᠵᠢ ᠶᠢᠨ | ᠬᠥᠤ ᠨᠢ ᠲᠠᠮᠳᠢᠨᠵᠠᠪ᠂ ᠰᠢᠨᠢᠩ᠂ ᠱᠠᠬᠳᠠᠷᠵᠠᠪ᠂ ᠲᠠᠮᠴᠢᠶᠠ᠂ ᠲᠠᠰᠢᠴᠠᠷᠠᠨ᠂ ᠥᠬᠢᠨ ᠨᠦᠭᠦᠳ ᠨᠢ ᠲᠤᠯᠵᠢᠨ᠂ | ᠵᠢᠭ᠌ᠵᠢᠯᠮᠠ ᠲᠠᠮᠴᠦ᠋ᠢᠼᠤᠤ᠂ ᠴᠢᠮᠡᠳ ᠪᠤᠯᠤᠨᠠ᠃ | ︵ᠽᠠᠨᠳᠠᠨᠮᠢᠳᠠᠬ ᠡᠮᠬᠢᠳᠭᠡᠪᠡ︶ | | |