ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠢᠷᠭᠡᠨ ᠣᠯᠣᠰ ᠤᠨ ᠡᠵᠡᠨ᠎ᠡ ᠶᠢᠨ ᠳᠣᠷᠭᠤᠳ ᠣᠨᠴᠠᠭᠠᠢ ᠬᠤᠰᠢᠭᠤᠨ ᠳᠠᠬᠢ ᠬᠠᠯᠬ᠎ᠠ ᠶᠢᠨ ᠴᠠᠭᠠᠴᠢᠳ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-11-23
         ᠬᠠᠯᠬ᠎ᠠ ᠶᠢᠨ ᠬᠤᠪᠢᠰᠬᠠᠯ ᠤᠨ ᠬᠦᠳᠡᠯᠭᠡᠭᠡᠨ ᠤ ᠣᠳᠣᠷᠢᠳᠣᠭᠴᠢᠳ ᠠᠴᠠ ᠡᠯ᠎ᠡ ᠬᠤᠰᠢᠭᠤᠨ ᠤ ᠨᠤᠶᠠᠳ ᠢ ᠳᠡᠭᠡᠳᠣ ᠱᠠᠳᠣᠨ ᠤ ᠬᠤᠷᠠᠯ ᠳᠤ ᠳᠠᠭᠤᠳᠠᠭᠤᠯᠣᠭᠰᠠᠨ ᠪᠠᠶᠢᠵᠡᠢ᠃ ᠵᠢᠨᠤᠩ ᠸᠠᠩ ᠤᠨ ᠶᠦᠮ᠎ᠡ ᠪᠠᠶᠢᠰᠠ ᠵᠠᠯᠼᠠᠨ ᠨᠤᠶᠠᠨ ᠬᠤᠷᠠᠯ ᠳᠤ ᠶᠠᠪᠤᠬᠤ ᠳᠠᠭᠠᠨ᠄ ︽ᠨᠠᠮᠠᠢᠢ ᠶᠠᠪᠤᠭᠰᠠᠨ ᠤ ᠳᠠᠷᠠᠭ᠎ᠠ ᠬᠤᠷᠢᠨ ᠨᠢᠭᠡ ᠬᠤᠨᠤᠭᠠᠳ ᠬᠠᠷᠢᠵᠤ ᠢᠷᠡᠬᠦ ᠦᠭᠡᠢ ᠪᠤᠯ ᠳᠠᠨᠠᠷ ᠰᠠᠬᠢᠭᠤᠰᠣ ᠪᠤᠷᠬᠠᠨ᠂ ᠰᠢᠷᠡᠭᠡᠨ ᠯᠠᠮᠠ᠂ ᠪᠢᠴᠢᠭ ᠰᠣᠳᠣᠷ ᠢᠶᠠᠨ ᠠᠪᠤᠭᠠᠳ ᠪᠤᠰᠢᠭᠤ ᠬᠢᠵᠠᠭᠠᠷ ᠲᠤ ᠭᠠᠷ᠂ ᠪᠤᠷᠬᠠᠨ ᠲᠠᠢ ᠪᠤᠳᠠᠭ᠎ᠠ ᠲᠠᠢ ᠭᠠᠵᠠᠷ ᠲᠤ ᠣᠴᠢ︾ ᠭᠡᠵᠤ ᠳᠣᠣᠷᠠᠬᠢ ᠵᠠᠬᠢᠷᠤᠭᠴᠢ᠂ ᠮᠠᠶᠢᠷᠠᠨ᠂ ᠳᠠᠶᠢᠵᠢ ᠯᠠᠮᠠ ᠨᠠᠷ ᠲᠠᠭᠠᠨ ᠵᠠᠬᠢᠶᠠᠰᠣ ᠦᠯᠡᠳᠡᠭᠡᠭᠡᠳ ᠶᠠᠪᠤᠭᠰᠠᠨ ᠭᠡᠳᠡᠭ᠃ ᠪᠡᠯᠡᠳᠭᠡᠯ ᠲᠠᠢ ᠪᠠᠶᠢᠳᠠᠯ᠎ᠠ ᠬᠤᠨᠤᠭ ᠴᠦ ᠳᠣᠯᠵᠣ᠂ ᠳᠣᠯᠢ ᠬᠦᠩ ᠤᠨ ᠬᠢᠨ ᠬᠦᠳᠡᠯᠬᠦ ᠲᠠᠢ ᠵᠡᠷᠭᠡ ᠵᠠᠬᠢᠶᠠᠰᠣ ᠶᠣᠰᠣᠭᠠᠷ ᠳᠦᠷᠪᠡᠨ ᠬᠦᠳᠡᠯᠦᠭᠰᠡᠨ ᠭᠡᠳᠡᠭ ᠶᠤᠮ᠃ ᠢᠵᠠᠭᠤᠷᠳᠠᠨ ᠳᠠᠶᠢᠵᠢ᠂ ᠯᠠᠮᠠ ᠨᠠᠷ ᠤᠨ ᠢᠶᠠᠨ ᠬᠤᠶᠢᠨ᠎ᠡ ᠠᠴᠠ ᠨᠣᠳᠤᠭ ᠤᠨ ᠠᠷᠠᠳ ᠨᠢ ᠦᠢᠮᠡᠨ ᠳᠦᠷᠪᠡᠭᠰᠡᠨ ᠪᠠᠶᠢᠨ᠎ᠠ᠃ ᠡᠨᠡ ᠪᠤᠯ ᠮᠤᠷᠢᠨ ᠵᠢᠯ ︵1930 ᠤᠨ︶᠂ ᠬᠤᠨᠢᠨ ᠵᠢᠯ ︵1931 ᠤᠨ︶᠂ ᠪᠡᠴᠢᠨ ᠵᠢᠯ ︵1932 ᠤᠨ︶᠎ ᠤᠨ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃ ᠵᠢᠨᠤᠩ ᠸᠠᠩ ᠤᠨ ᠬᠤᠰᠢᠭᠤᠨ ᠤ ᠬᠢᠨ ᠰᠢᠭᠤᠳ ᠨᠡᠬᠦᠵᠤ᠂ ᠡᠵᠡᠨ᠎ᠡ ᠶᠢᠨ ᠭᠤᠤᠯ᠂ ᠠᠯᠠᠭ ᠠᠭᠤᠯᠠ᠂ ᠠᠯᠳᠠᠨ ᠳᠡᠪᠰᠢ᠂ ᠡᠷᠪᠡᠭᠡᠢ ᠵᠡᠷᠭᠡ ᠭᠠᠵᠠᠷ ᠲᠤ ᠢᠷᠡᠵᠤ ᠰᠠᠭᠤᠷᠢᠰᠢᠵᠡᠢ᠃ 13 ᠨᠠᠰᠣᠳᠠᠢ ᠪᠢᠴᠢᠬᠠᠨ ᠭᠡᠭᠡᠨ ᠡᠷᠳᠡᠨᠢ ᠯᠠᠮᠠ ᠪᠠᠨ ᠭᠤᠤᠯ ᠪᠠᠭᠰᠢ ᠯᠠᠮᠠ᠂ ᠢᠵᠠᠭᠤᠷᠳᠠᠨ ᠳᠠᠶᠢᠵᠢ᠂ ᠵᠠᠬᠢᠷᠤᠭᠴᠢ ᠮᠠᠶᠢᠷᠠᠨ ᠨᠠᠷ ᠨᠢ ᠰᠢᠭᠤᠳ ᠠᠯᠳᠠᠨ ᠳᠡᠪᠰᠢ ᠳᠤ ᠠᠪᠠᠴᠢᠨ ᠬᠦᠷᠢᠶ᠎ᠡ ᠪᠠᠶᠢᠭᠤᠯᠵᠤ ᠰᠢᠷᠡᠭᠡᠨ ᠳᠤᠨᠢ ᠰᠠᠭᠤᠯᠭᠠᠵᠡᠢ᠃ ᠵᠢᠨᠤᠩ ᠸᠠᠩ ᠤᠨ ᠠᠮᠤᠷ ᠪᠤᠶᠠᠨᠳᠣ ᠶᠢᠨ ᠭᠡᠶᠢᠳ ᠤᠨ ᠭᠡᠭᠡᠨ ᠡᠷᠳᠡᠨᠢ ᠯᠠᠮᠠ ᠶᠢᠨ ᠠᠩᠬᠠᠨ ᠤ ᠳᠦᠷᠢ ᠨᠢ ᠳᠣᠭᠠᠷ ᠵᠠᠶᠢᠰᠠᠩ ᠭᠡᠵᠤ ᠡᠷᠳᠡᠮ ᠰᠢᠳᠢ ᠳᠡᠬᠦᠰ ᠯᠠᠮᠠᠳᠠᠨ ᠪᠠᠶᠢᠵᠤ᠂ ᠳᠦᠪᠡᠳ ᠤᠨ ᠯᠠᠮᠠ ᠨᠠᠷ ᠤᠨ ᠶᠠᠪᠤᠭᠤᠯᠤᠭᠰᠠᠨ ᠭᠠᠯᠵᠠᠭᠤ ᠪᠠᠷᠰ ᠢ ᠠᠮᠠᠳᠠᠵᠤ᠂ ᠣᠷᠤᠭ᠎ᠠ ᠴᠠᠭᠠᠨ ᠪᠣᠣᠷ᠎ᠠ ᠣᠨᠣᠵᠣ ᠣᠴᠢᠭᠠᠳ ᠪᠠᠷᠢᠵᠣ ᠣᠭᠤᠰᠣᠷᠯᠠᠨ ᠭᠡᠶᠢᠳ ᠤᠨ ᠬᠢᠨᠢ ᠡᠬᠦᠳᠡᠨ ᠳᠤ ᠬᠦᠳᠦᠯᠵᠤ ᠠᠪᠠᠴᠢᠭᠠᠳ ᠠᠶᠤᠯᠭᠠᠨ ᠳᠠᠶᠢᠯᠵᠤ ᠶᠠᠪᠤᠭᠰᠠᠨ ᠳᠣᠮᠤᠭ ᠪᠠᠶᠢᠳᠠᠭ ᠰᠠᠨ᠃ ᠰᠡᠬᠦᠯᠴᠢ ᠶᠢᠨ ᠳᠦᠷᠢ ᠨᠢ ᠬᠤᠪᠢᠰᠬᠠᠯ ᠤᠨ ᠬᠦᠯ ᠳᠤ ᠳᠦᠷᠪᠡᠨ ᠴᠠᠭᠠᠴᠢᠯᠠᠭᠰᠠᠨ ᠡᠷᠳᠡᠨᠢ ᠯᠠᠮᠠ ᠳ᠋ᠠᠮᠪᠢᠨᠢᠮ᠎ᠡ ᠭᠤᠸᠠᠢ ᠪᠤᠯᠤᠨ᠎ᠠ᠃ ᠵᠢᠨᠤᠩ ᠸᠠᠩ ᠶᠦᠮ᠎ᠡ ᠪᠠᠶᠢᠰᠠ ᠶᠢ ᠬᠤᠷᠠᠯ ᠳᠤ ᠳᠠᠭᠤᠳᠠᠭᠠᠳ ᠵᠠᠪᠬᠠᠨ ᠳᠤ ᠠᠪᠠᠴᠢᠨ ᠫᠣᠣᠳᠠᠨ ᠠᠯᠠᠭᠰᠠᠨ ᠭᠡᠨ᠎ᠡ᠃ ᠬᠦᠷᠢᠶ᠎ᠡ ᠭᠡᠶᠢᠳ ᠤᠨ ᠯᠠᠮᠠ ᠨᠠᠷ ᠢ ᠴᠦ ᠵᠠᠪᠬᠠᠨ ᠳᠤ ᠠᠪᠠᠴᠢᠨ ᠠᠯᠠᠭᠰᠠᠨ ᠪᠦᠭᠡᠳ ᠵᠠᠷᠢᠮ ᠯᠠᠮᠠ ᠨᠠᠷ ᠢ ᠬᠤᠶᠢᠳᠣ ᠪᠤᠯᠠᠭᠠᠨ ᠳᠤ ᠠᠪᠠᠴᠢᠨ ᠬᠢᠳᠦᠵᠡᠢ᠃ ᠶᠦᠮ᠎ᠡ ᠪᠠᠶᠢᠰᠠ ᠶᠢᠨ ᠬᠠᠳᠣᠨ᠂ ᠭᠡᠣᠭᠡᠳ ᠢ ᠨᠢ ᠬᠦᠵᠦᠬᠦᠤ ᠭᠡᠨᠳᠡᠨᠰᠦ᠋ᠷᠦᠩ ᠭᠡᠭᠴᠢ ᠬᠦᠮᠦᠨ ᠳᠠᠭᠠᠭᠤᠯᠤᠨ ᠬᠢᠵᠠᠭᠠᠷ ᠲᠤ ᠨᠡᠬᠦᠭᠰᠡᠨ ᠭᠡᠨ᠎ᠡ᠃ ᠭᠡᠤᠭᠡᠳ ᠤᠨ ᠵᠠᠷᠢᠮ ᠨᠢ ᠬᠤᠵᠢᠮ ᠨᠢ ᠡᠵᠡᠨ᠎ᠡ ᠶᠢᠨ ᠭᠤᠤᠯ ᠳᠤ ᠨᠤᠳᠤᠬᠰᠢᠵᠡᠢ᠃         ᠪᠠᠯᠳᠠᠨ ᠵᠠᠰᠠᠭ ᠤᠨ ᠬᠤᠰᠢᠭᠤ᠂ ᠯᠠᠮᠠ ᠶᠢᠨ ᠭᠡᠭᠡᠨ ᠤ ᠬᠤᠰᠢᠭᠤᠨ ᠤ ᠬᠢᠨ ᠡᠵᠡᠨ᠎ᠡ ᠶᠢᠨ ᠭᠤᠤᠯ ᠳᠤ ᠨᠡᠬᠦᠨ ᠢᠷᠡᠵᠤ ᠰᠠᠭᠤᠷᠢᠰᠢᠵᠤ᠂ ᠪᠤᠷᠬᠠᠨ ᠱᠠᠰᠢᠨ ᠲᠠᠢ ᠭᠠᠵᠠᠷ ᠠᠮᠢᠳᠣᠷᠠᠬᠤ ᠪᠠᠷ ᠳᠦᠯᠦᠪᠯᠡᠵᠤ᠂ ᠳᠠᠮᠪᠠᠳᠠᠷᠵᠢᠶ᠎ᠠ ᠭᠡᠶᠢᠳ ᠢ ᠪᠠᠷᠢᠵᠤ ᠬᠤᠷᠠᠯ ᠨᠤᠮ ᠢᠶᠠᠨ ᠰᠡᠷᠬᠦᠭᠡᠨ ᠬᠤᠷᠠᠵᠤ ᠰᠠᠭᠤᠷᠢᠰᠢᠪᠡ᠃         ᠳᠡᠯ ᠠᠭᠤᠯᠠᠨ ᠳᠤ ᠴᠠᠭᠠᠴᠢᠯᠠᠨ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠬᠠᠯᠬ᠎ᠠ ᠠᠶᠢᠯ ᠤᠳ ᠤᠨ ᠵᠠᠯᠠᠭᠤᠰ ᠮᠠᠭᠤ ᠬᠦᠮᠦᠰ ᠤᠨ ᠦᠳᠦᠭᠡᠯᠭᠡ ᠪᠠᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠣ᠂ ᠳᠡᠭᠡᠷᠡᠮ ᠤᠨ ᠪᠦᠯᠦᠭ ᠪᠤᠯᠤᠨ ᠪᠣᠴᠠᠵᠤ ᠵᠠᠯᠠᠭ᠎ᠠ ᠵᠢᠩᠰᠡᠳᠣ ᠶᠢᠨ ᠬᠠᠪᠴᠠᠭᠠᠶᠢᠳᠣ ᠶᠢᠨ ᠬᠤᠷᠰᠢᠶ᠎ᠠ᠂ ᠪᠠᠶ᠋ᠬᠠᠦ᠋ᠨᠳᠤᠷ ᠤᠨ ᠬᠤᠷᠰᠢᠶ᠎ᠠ᠂ ᠮᠢᠩᠭᠠᠨ ᠤ ᠬᠤᠷᠰᠢᠶ᠎ᠠ ᠶᠢ ᠳᠠᠯᠠᠨ ᠳᠡᠭᠡᠷᠡᠮᠳᠡᠵᠤ᠂ ᠳᠠᠷᠤᠭ᠎ᠠ ᠨᠠᠷ ᠢ ᠨᠢ ᠠᠯᠠᠵᠤ᠂ ᠠᠷᠠᠳ ᠢ ᠨᠢ ᠰᠦᠷᠳᠡᠬᠦᠯᠦᠨ ᠬᠤᠷᠢᠶᠠᠵᠤ ᠨᠡᠬᠦᠯᠭᠡᠨ ᠬᠦᠭᠡᠭᠡᠵᠤ ᠠᠪᠴᠢᠷᠠᠭᠰᠠᠨ ᠳᠠᠵᠢᠨ ᠪᠤᠯᠵᠤ ᠪᠠᠶᠢᠳᠠᠯ᠎ᠠ ᠮᠤᠩᠭᠤᠯ ᠤᠨ ᠴᠡᠷᠢᠭ ᠨᠡᠭᠡᠨ ᠢᠷᠡᠵᠣ ᠳᠡᠯ ᠠᠭᠤᠯᠠ ᠶᠢᠨ ᠭᠤᠮᠪᠤ ᠪᠤᠯᠠᠭ᠂ ᠴᠠᠭᠠᠨ ᠴᠢᠯᠠᠭᠤᠳᠤ᠂ ᠴᠣᠨᠵᠢᠳᠣ ᠵᠡᠷᠭᠡ ᠭᠠᠵᠠᠷ ᠡᠷᠡᠴᠣᠳ ᠢ ᠨᠢ ᠬᠦᠢᠰᠣ ᠳᠡᠮᠳᠡᠷᠢᠭᠰᠡᠨ ᠪᠠᠶᠢᠵᠡᠢ᠃ ᠠᠷᠤ ᠶᠢᠨ ᠳᠣᠷᠭᠤᠳ᠂ ᠬᠠᠯᠬ᠎ᠠ ᠨᠠᠷ ᠤᠨ ᠭᠡᠤᠭᠡᠳ ᠡᠮᠡᠭᠳᠡᠶᠢᠴᠣᠳ ᠨᠢ ᠪᠤᠳᠠᠷᠠᠨ ᠰᠠᠷᠨᠢᠭᠰᠡᠨ ᠤ ᠵᠠᠷᠢᠮ ᠨᠢ ᠡᠵᠡᠨ᠎ᠡ ᠶᠢᠨ ᠭᠤᠤᠯ ᠳᠤ ᠢᠷᠡᠵᠣ ᠰᠠᠭᠤᠷᠢᠰᠢᠭᠰᠠᠨ ᠪᠠᠶᠢᠨ᠎ᠠ᠃ ᠣᠯᠠᠩᠭᠢ ᠨᠢ ᠴᠠᠰᠣᠳᠣ ᠶᠢᠨ ᠮᠤᠩᠭᠤᠯ ᠨᠤᠳᠤᠭ᠂ ᠠᠯᠠᠭ ᠠᠭᠤᠯᠠ᠂ ᠠᠯᠳᠠᠨ ᠳᠡᠪᠰᠢ ᠵᠦᠭ ᠶᠠᠪᠤᠵᠡᠢ᠃ ᠶᠡᠷᠤᠩᠭᠡᠢ ᠳᠡᠭᠡᠨ ᠬᠠᠯᠬ᠎ᠠ ᠶᠢᠨ ᠣᠯᠠᠨ ᠬᠤᠰᠢᠭᠤᠨ ᠤ ᠭᠤᠷᠪᠠᠨ ᠵᠠᠭᠤ ᠭᠠᠷᠦᠢ ᠠᠶᠢᠯ ᠡᠷᠦᠭᠡ ᠶᠢᠨ ᠬᠤᠶᠠᠷ ᠮᠢᠩᠭᠠᠭᠠᠳ ᠬᠦᠮᠣᠰ ᠡᠵᠡᠨ᠎ᠡ ᠨᠣᠳᠤᠭ ᠲᠤ ᠴᠠᠭᠠᠴᠢᠯᠠᠨ ᠢᠷᠡᠭᠰᠡᠨ ᠪᠠᠶᠢᠵᠡᠢ᠃        ᠳᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠡᠵᠡᠨ᠎ᠡ ᠶᠢᠨ ᠳᠣᠷᠭᠤᠳ ᠬᠤᠰᠢᠭᠤ᠂ ᠬᠦᠮᠦᠨ ᠠᠮᠠ ᠴᠦᠭᠡᠨ᠂ ᠨᠣᠳᠤᠭ ᠪᠡᠯᠴᠢᠭᠡᠷ ᠦᠷᠭᠡᠨ ᠠᠭᠤᠳᠠᠮ᠂ ᠣᠰᠣ ᠴᠠᠰᠣ ᠳᠡᠭᠰᠢᠭᠡᠨ᠂ ᠠᠩ ᠬᠦᠷᠦᠭᠡᠰᠣ ᠡᠯᠪᠡᠭ ᠦᠩ ᠵᠣᠨ ᠲᠠᠢ ᠠᠮᠤᠭᠤᠯᠠᠩ ᠳᠠᠶᠢᠪᠤᠩ ᠭᠠᠵᠠᠷ ᠪᠠᠶᠢᠭᠰᠠᠨ ᠪᠤᠯᠪᠠᠴᠣ ᠭᠤᠮᠢᠨᠳᠠᠩ ᠤᠨ ᠳᠦᠷᠤ ᠶᠢᠨ ᠳᠡᠭᠡᠳᠣ ᠱᠠᠳᠣᠨ ᠠᠴᠠ ᠵᠦᠪᠯᠡᠯᠳᠣ ᠣᠷᠣᠰ ᠢ ᠰᠡᠷᠭᠡᠶᠢᠯᠡᠬᠦ᠂ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠣ ᠨᠠᠮ ᠢ ᠰᠡᠷᠭᠡᠶᠢᠯᠡᠬᠦ᠂ ᠳᠠᠩᠨᠠᠭᠤᠯ ᠤᠨ ᠠᠵᠢᠯᠯᠠᠭ᠎ᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭ᠎ᠠ ᠴᠢᠩᠭᠠᠷᠠᠵᠤ ᠪᠠᠶᠢᠬᠰᠠᠨ ᠪᠠᠶᠢᠨ᠎ᠠ᠃ ᠬᠤᠰᠢᠭᠤᠨ ᠤ ᠳᠠᠮᠠᠭᠠᠨ ᠭᠠᠵᠠᠷ ᠠᠴᠠ ᠴᠠᠭᠠᠴᠢᠳ ᠭᠤᠤᠯ ᠳᠠᠭᠠᠣ ᠪᠡᠯᠴᠢᠭᠡᠷ ᠲᠤ ᠨᠤᠳᠣᠭᠯᠠᠵᠤ ᠪᠤᠯᠬᠤ ᠦᠭᠡᠢ᠂ ᠳᠣᠷᠭᠤᠳ ᠬᠦᠮᠦᠨ ᠲᠠᠢ ᠣᠷᠣᠭᠯᠠᠵᠤ ᠰᠠᠭᠤᠵᠤ ᠪᠤᠯᠬᠤ ᠦᠭᠡᠢ ᠵᠡᠷᠭᠡ ᠳᠦᠷᠢᠮ ᠳᠣᠭᠳᠠᠭᠠᠵᠤ᠂ ᠬᠠᠯᠬ᠎ᠠ ᠠᠶᠢᠯ ᠤᠳ ᠠᠭᠤᠯᠠ ᠭᠤᠪᠢ᠂ ᠡᠯᠡᠰᠣ ᠬᠦᠯ ᠭᠠᠵᠠᠷ ᠢᠶᠠᠷ ᠬᠤᠳᠳᠤᠭ ᠣᠰᠣ ᠮᠠᠯᠳᠠᠨ᠂ ᠭᠡᠰᠡᠭ ᠬᠤᠭᠤᠴᠠᠭ᠎ᠠ ᠠᠮᠢᠳᠣᠷᠠᠵᠤ ᠪᠠᠶᠢᠳᠠᠯ᠎ᠠ ᠬᠤᠷᠢᠶᠠᠨ ᠳᠠᠷᠤᠭ᠎ᠠ ᠵᠢᠶᠠᠩ ᠵᠢᠶᠧ ᠱᠢ ᠪᠤᠯᠤᠨ ᠪᠠᠳᠣᠬᠠᠭᠠᠯᠭ᠎ᠠ ᠳᠠᠬᠢ ᠮᠤᠩᠭᠤᠯ ᠤᠨ ᠦᠪᠡᠷ ᠢᠶᠠᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠵᠤᠪᠠᠯᠠᠠᠩ ᠠᠴᠠ ᠵᠠᠶᠢᠯᠠᠭᠰᠠᠨ ᠠᠷᠠᠳ ᠢ ᠳᠣᠬᠤᠨᠢᠭᠤᠯᠵᠤ ᠰᠠᠭᠤᠯᠭᠠᠬᠤ ᠵᠢᠭᠠᠪᠤᠷᠢ ᠢᠷᠡᠭᠰᠡᠨ ᠢᠶᠠᠷ ᠳᠠᠮᠠᠭᠠᠨ ᠭᠠᠵᠠᠷ᠂ ᠮᠠᠶᠢᠷᠠᠨ ᠵᠠᠩᠭᠢ ᠳᠤ ᠪᠦᠷᠢᠳᠭᠡᠬᠦᠯᠵᠤ᠂ ᠨᠣᠳᠤᠭ ᠭᠤᠶᠣᠴᠢᠯᠠᠨ ᠬᠠᠷᠢᠶᠠᠳᠣ ᠪᠤᠯᠵᠤ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠭᠡᠳᠡᠭ᠃        ᠳᠦᠪᠰᠢᠨᠪᠠᠶᠠᠷ ᠨᠤᠶᠠᠨ ᠠᠴᠠ ᠬᠠᠯᠬ᠎ᠠ ᠶᠢᠨ ᠴᠠᠭᠠᠴᠢᠳ ᠢ ᠪᠠᠭᠳᠠᠭᠠᠨ ᠠᠪᠴᠣ ᠬᠤᠰᠢᠭᠤ ᠨᠣᠳᠤᠭ ᠤᠨ ᠢᠶᠠᠨ ᠵᠠᠰᠠᠭ ᠵᠠᠬᠢᠷᠭ᠎ᠠ ᠶᠢ ᠴᠡᠭᠴᠡᠯᠡᠵᠤ᠂ ᠴᠠᠭᠠᠴᠢᠨ ᠬᠠᠯᠬ᠎ᠠ ᠶᠢᠨ ᠳᠠᠶᠢᠵᠢ᠂ ᠵᠠᠬᠢᠷᠤᠭᠴᠢ᠂ ᠮᠠᠶᠢᠷᠠᠨ᠂ ᠬᠠᠮᠪᠤ ᠣᠮᠵᠠᠳ ᠯᠠᠮᠠ ᠨᠠᠷ ᠢ ᠬᠠᠭᠤᠴᠢᠨ ᠶᠣᠰᠣᠭᠠᠷ ᠨᠢ ᠵᠡᠷᠭᠡ ᠭᠡᠷᠭᠡᠮ ᠣᠯᠭᠤᠵᠣ᠂ ᠳᠣᠷᠭᠤᠳ ᠬᠤᠶᠠᠷ ᠪᠠᠭ᠂ ᠬᠠᠯᠬ᠎ᠠ ᠭᠤᠷᠪᠠᠨ ᠪᠠᠭ ᠪᠠᠶᠢᠭᠤᠯᠵᠤ᠂ ᠬᠠᠯᠬ᠎ᠠ ᠠᠶᠢᠯ ᠤᠳ ᠰᠦᠮ᠎ᠡ ᠵᠢᠰᠠ ᠶᠢᠨ ᠮᠠᠯ ᠬᠠᠷᠢᠭᠤᠯᠵᠤ᠂ ᠭᠡᠤᠭᠡᠳ ᠤᠳ ᠨᠢ ᠬᠤᠷᠠᠯ ᠭᠡᠶᠢᠳ ᠲᠤ ᠪᠠᠨᠳᠢ ᠱᠠᠪᠢ ᠪᠤᠯᠬᠤ᠂ ᠵᠠᠯᠠᠭᠤᠰ ᠢ ᠴᠡᠷᠢᠭ ᠲᠤ ᠡᠯᠰᠡᠬᠦ ᠵᠡᠷᠭᠡ ᠬᠠᠮᠢᠶᠠᠷᠤᠯᠳᠠ ᠪᠠᠨ ᠴᠢᠩᠭᠠᠳᠬᠠᠵᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠵᠤ ᠪᠠᠶᠢᠳᠠᠯ᠎ᠠ 1937 ᠣᠨ ᠤ ᠨᠠᠮᠤᠷ ᠭᠤᠤᠯ ᠤᠨ ᠠᠳᠠᠭ ᠤᠨ ᠪᠠᠭ ᠤᠨ ᠴᠢᠩᠷᠦᠪ ᠵᠠᠬᠢᠷᠤᠭᠴᠢ ᠶᠢᠨ ᠳᠤ ᠬᠠᠯᠬ᠎ᠠ ᠠᠴᠠ ᠬᠤᠶᠠᠷ ᠬᠦᠮᠦᠨ ᠠᠴᠢᠶ᠎ᠠ ᠬᠦᠰᠭᠡ ᠲᠠᠢ ᠮᠠᠶᠢᠮᠠᠢ ᠬᠢᠬᠦ ᠪᠠᠷ ᠢᠷᠡᠵᠡᠢ᠃ ᠴᠢᠩᠷᠦᠪ ᠵᠠᠬᠢᠷᠤᠭᠴᠢ ᠶᠢ ᠢᠳᠬᠠᠨ ᠳᠣᠯᠣᠭᠠᠨ ᠣᠣᠹᠦ᠋ ᠳᠤ ︵ᠰᠠᠶᠢᠬᠠᠨᠳᠣᠣᠷᠡᠢ︶ ᠮᠠᠶᠢᠮᠠᠢ ᠬᠢᠬᠦ ᠪᠠᠷ ᠳᠠᠭᠠᠭᠤᠯᠵᠤ ᠶᠠᠪᠤᠭᠠᠳ ᠵᠠᠮ ᠵᠠᠭᠤᠷ᠎ᠠ ᠴᠢᠩᠷᠦᠪ ᠵᠠᠬᠢᠷᠤᠭᠴᠢ ᠶᠢ ᠪᠠᠷᠢᠪᠴᠢᠯᠠᠵᠤ ᠣᠨᠣᠭᠠᠨ ᠳᠡᠭᠡᠷ᠎ᠡ ᠨᠢ ᠪᠠᠭᠯᠠᠵᠤ ᠠᠪᠤᠭᠠᠳ ᠰᠠᠮ ᠪᠤᠴᠠᠵᠡᠢ᠃        ᠡᠨᠡ ᠬᠦ ᠭᠡᠷᠡᠭ ᠠᠴᠠ ᠪᠤᠯᠵᠤ᠂ ᠬᠠᠯᠬ᠎ᠠ ᠠᠴᠠ ᠢᠷᠡᠭᠰᠡᠨ ᠳᠠᠶᠢᠵᠢ ᠢᠵᠠᠭᠤᠷᠳᠠᠨ᠂ ᠵᠠᠩᠭᠢ ᠮᠠᠶᠢᠷᠠᠨ᠂ ᠳᠣᠮᠣ ᠯᠠᠮᠠ ᠨᠠᠷ ᠳᠣᠳᠣᠭᠰᠢ ᠳᠦᠷᠪᠡᠨ ᠨᠡᠬᠦᠬᠦ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠯᠠᠮᠠ ᠶᠢᠨ ᠭᠡᠭᠡᠨ ᠤ ᠬᠤᠰᠢᠭᠤ᠂ ᠪᠠᠯᠳᠠᠨ ᠵᠠᠰᠠᠭ ᠤᠨ ᠬᠤᠰᠢᠭᠤᠨ ᠤ ᠴᠠᠭᠠᠨ ᠴᠣᠷᠵᠢ᠂ ᠶᠣᠨᠳᠣᠨ ᠨᠠᠷ ᠭᠡᠰᠡᠭ ᠠᠶᠢᠯ ᠢᠶᠠᠨ ᠳᠠᠭᠠᠭᠤᠯᠤᠨ ᠪᠠᠳᠣᠬᠠᠭᠠᠯᠭ᠎ᠠ ᠳᠠᠬᠢ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠵᠦᠭ ᠨᠡᠬᠦᠳᠡᠯᠯᠡᠨ ᠶᠠᠪᠤᠵᠡᠢ᠃ ᠵᠠᠷᠢᠮ ᠠᠶᠢᠯ ᠨᠢ ᠱᠠᠷᠽᠠ ᠶᠢᠨ ᠭᠡᠶᠢᠳ ᠬᠠᠪᠢ ᠪᠠᠷ ᠰᠠᠭᠤᠷᠢᠰᠢᠨ ᠬᠤᠴᠣᠷᠣᠭᠰᠠᠨ ᠪᠠᠶᠢᠨ᠎ᠠ᠃       ᠵᠠᠷᠢᠮ ᠯᠠᠮᠠ ᠳᠠᠶᠢᠵᠢ ᠨᠠᠷ ᠠᠯᠳᠠᠨ ᠳᠠᠪᠰᠢ ᠶᠢᠨ ᠵᠦᠭ ᠨᠡᠬᠦᠳᠡᠯᠯᠡᠵᠡᠢ᠃ ᠡᠶᠢᠮᠤ ᠪᠠᠶᠢᠳᠠᠯ ᠤᠨ ᠳᠣᠣᠷ᠎ᠠ᠂ ᠬᠤᠰᠢᠭᠤᠨ ᠨᠣᠶᠠᠨ ᠠᠴᠠ ᠳᠠᠪᠤᠨ ᠪᠠᠭ ᠢᠶᠠᠨ ᠳᠣᠷᠭᠤᠳ ᠬᠠᠯᠬ᠎ᠠ ᠠᠶᠢᠯ ᠢ ᠬᠤᠯᠢᠨ ᠳᠣᠬᠢᠷᠠᠭᠤᠯᠤᠯᠳᠠ ᠬᠢᠵᠡᠢ᠃ ᠢᠩᠭᠢᠭᠰᠡᠨ ᠢᠶᠠᠷ ᠴᠠᠭᠠᠴᠢᠳ ᠳᠣᠭᠳᠠᠪᠣᠷᠢᠵᠢᠨ ᠰᠠᠭᠤᠷᠢᠰᠢᠭᠰᠠᠨ ᠪᠤᠯᠪᠠᠴᠣ ᠳᠣᠷᠭᠤᠳ ᠬᠠᠯᠬ᠎ᠠ ᠬᠠᠷᠢᠯᠴᠠᠨ ᠠᠶᠢᠯ ᠪᠤᠯᠵᠤ ᠪᠤᠯᠬᠤ ᠦᠭᠡᠢ᠂ ᠮᠠᠶᠢᠷᠠᠨ ᠵᠠᠩᠭᠢ ᠶᠢᠨ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠨᠣᠳᠤᠭ ᠰᠡᠯᠬᠦᠨ ᠨᠡᠬᠦᠵᠤ ᠪᠤᠯᠬᠤ ᠦᠭᠡᠢ᠂ ᠡᠵᠡᠨ ᠴᠠᠭᠠᠴᠢᠨ ᠤ ᠵᠦᠷᠢᠴᠡᠯ ᠣᠷᠣᠰᠢᠭᠰᠠᠭᠠᠷ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠡᠬᠦᠨ ᠤ ᠭᠤᠤᠯ ᠰᠢᠯᠳᠠᠭᠠᠨ ᠨᠢ ᠳᠠᠷᠦᠢ᠄ ᠮᠤᠩᠭᠤᠯ ᠤᠨ ︽ᠠᠷᠠᠳ ᠤᠨ ᠬᠤᠪᠢᠰᠬᠠᠯ︾ ᠨᠡᠪᠳᠡᠷᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ᠂ ᠮᠤᠩᠭᠤᠯ ᠤᠨ ᠳᠠᠩᠨᠠᠭᠤᠯ ᠢ ᠰᠡᠷᠭᠡᠶᠢᠯᠡᠵᠤ ᠣᠯᠣᠰ ᠳᠦᠷᠤ ᠶᠢᠨ ᠭᠡᠷᠡᠭ ᠵᠠᠷᠭᠤ ᠳᠤ ᠬᠤᠯᠪᠤᠭᠳᠠᠬᠤ ᠠᠴᠠ ᠪᠤᠯᠭᠤᠮᠵᠢᠯᠠᠬᠤ᠂ ᠳᠣᠷᠭᠤᠳ ᠵᠠᠯᠠᠭᠤᠰ ᠢ ᠳᠠᠭᠠᠭᠤᠯᠤᠨ ᠪᠤᠴᠠᠵᠤ ᠣᠷᠭᠤᠬᠤ ᠠᠴᠠ ᠰᠡᠷᠡᠮᠵᠢᠯᠡᠭᠰᠡᠨ ᠳᠤ ᠣᠷᠣᠰᠢᠨ᠎ᠡ᠃       ᠬᠠᠯᠬ᠎ᠠ ᠶᠢᠨ ᠴᠠᠭᠠᠴᠢᠳ ᠢᠷᠡᠵᠣ ᠰᠠᠭᠤᠷᠢᠰᠢᠭᠰᠠᠨ ᠠᠴᠠ ᠡᠵᠡᠨ᠎ᠡ ᠨᠣᠳᠤᠭ ᠲᠤ ᠭᠠᠷᠤᠭᠰᠠᠨ ᠬᠤᠪᠢᠷᠠᠯᠳᠠ ᠄       1. ᠮᠤᠩᠭᠤᠯ ᠦᠨᠳᠦᠰᠣ ᠣᠭᠰᠠᠭᠠᠨ ᠤ ᠬᠦᠮᠦᠨ ᠠᠮᠠ᠂ ᠠᠶᠢᠯ ᠡᠷᠦᠭᠡ᠂ ᠬᠦᠳᠡᠯᠮᠤᠷᠢ ᠶᠢᠨ ᠬᠦᠴᠣ ᠨᠡᠮᠡᠭᠳᠡᠪᠡ       2. ᠮᠤᠩᠭᠤᠯ ᠪᠢᠴᠢᠭ ᠲᠠᠢ ᠬᠦᠮᠦᠨ ᠨᠡᠮᠡᠭᠳᠡᠪᠡ᠂ ᠬᠠᠯᠬ᠎ᠠ ᠶᠢᠨ ᠳᠠᠩᠭᠢᠮ ᠳᠤ ᠪᠠᠭ᠎ᠠ᠂ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠳᠤ ᠰᠠᠭᠤᠭᠰᠠᠨ ᠵᠠᠯᠠᠭᠤ ᠬᠦᠮᠦᠰ ᠴᠦ ᠪᠠᠶᠢᠵᠡᠢ       3. ᠨᠤᠮ ᠡᠷᠳᠡᠮ ᠲᠠᠢ ᠯᠠᠮᠠ ᠨᠠᠷ ᠢᠷᠡᠭᠰᠡᠨ ᠪᠦᠭᠡᠳ ᠯᠠᠮᠠ ᠶᠢᠨ ᠳᠤᠭ᠎ᠠ ᠣᠯᠠᠰᠢᠷᠠᠵᠤ᠂ ᠬᠤᠷᠠᠯ ᠭᠡᠶᠢᠳ ᠨᠡᠮᠡᠭᠳᠡᠪᠡ       4. ᠪᠠᠯᠳᠠᠨ ᠵᠠᠰᠠᠭ ᠤᠨ ᠬᠢᠨ ᠭᠡᠷ ᠬᠦᠷᠦᠩᠭᠡ᠂ ᠮᠠᠯ ᠰᠦᠷᠦᠭ ᠲᠠᠢ ᠪᠠᠨ ᠢᠷᠡᠭᠰᠡᠨ ᠪᠤᠯᠬᠤᠷ ᠳᠡᠮᠡᠭᠡᠨ ᠰᠦᠷᠦᠭ ᠤᠨ ᠣᠳᠣᠮ ᠡᠬᠦᠯᠳᠡᠷ ᠰᠠᠶᠢᠵᠢᠷᠠᠵᠤ ᠳᠤᠭ᠎ᠠ ᠳᠣᠯᠣᠭᠠᠢ ᠨᠡᠮᠡᠭᠳᠡᠪᠡ       5. ᠠᠷᠠᠳ ᠤᠨ ᠳᠠᠭᠤᠴᠢᠨ᠂ ᠢᠷᠦᠭᠡᠯᠴᠢ ᠪᠦᠭᠡᠴᠢᠨ ᠤᠯᠠᠨ ᠢᠷᠠᠵᠤ᠂ ᠰᠣᠶᠣᠯ ᠣᠷᠠᠯᠢᠭ᠂ ᠪᠡᠶ᠎ᠡ ᠳᠠᠮᠢᠷ ᠤᠨ ᠳᠠᠯ᠎ᠠ ᠪᠠᠷ ᠶᠡᠭᠡᠭᠡᠨ ᠨᠦᠯᠦᠭᠡᠯᠡᠵᠡᠢ       6. ᠨᠣᠳᠤᠭ ᠤᠨ ᠠᠶᠠᠯᠭᠤ ᠨᠢ ᠠᠭᠠᠵᠢᠮ ᠢᠶᠠᠷ ᠳᠦᠪ ᠬᠠᠯᠬ᠎ᠠ ᠠᠶᠠᠯᠭᠤ ᠲᠠᠢ ᠪᠤᠯᠪᠠ       7. ᠮᠤᠩᠭᠤᠯ ᠭᠡᠷ ᠤᠨ ᠭᠡᠪ ᠵᠠᠭᠪᠤᠷ᠂ ᠭᠡᠷ ᠤᠨ ᠳᠠᠪᠢᠯᠭ᠎ᠠ ᠠᠭᠠᠵᠢᠮ ᠢᠶᠠᠷ ᠬᠠᠯᠬ᠎ᠠ ᠭᠡᠪ ᠲᠠᠢ ᠪᠤᠯᠪᠠ       8. ᠴᠦᠯᠡᠷᠭᠡᠭ ᠭᠤᠪᠢ ᠶᠢᠨ ᠪᠡᠯᠴᠢᠭᠡᠷ ᠨᠣᠳᠤᠭ ᠳᠡᠯᠡᠪᠡ᠃ ᠡᠵᠡᠨ᠎ᠡ ᠶᠢᠨ ᠭᠤᠤᠯ ᠵᠢᠯ ᠤᠨ ᠳᠦᠷᠪᠡᠨ ᠤᠯᠠᠷᠢᠯ ᠳᠤ ᠣᠰᠣ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠨᠣᠳᠤᠭ ᠤᠨ ᠳᠣᠷᠭᠤᠳ ᠮᠠᠯᠴᠢᠳ ᠬᠠᠰᠢᠶ᠎ᠠ᠂ ᠬᠤᠳᠳᠤᠭ ᠢ ᠨᠢᠭᠡ ᠶᠡᠭᠡ ᠭᠡᠷᠡᠭᠰᠡᠳᠡᠭ ᠦᠭᠡᠢ ᠪᠠᠶᠢᠵᠡᠢ᠃       ᠰᠢᠨ᠎ᠡ ᠳᠣᠮᠳᠠᠳᠣ ᠣᠯᠣᠰ ᠤᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠢᠯᠠᠩᠭᠤᠶ᠎ᠠ 1956 ᠣᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠰᠢᠨ᠎ᠡ ᠣᠷᠤᠭ ᠤᠨ ᠬᠠᠤᠯᠢ ᠶᠢ ᠪᠠᠳᠣᠯᠠᠨ ᠭᠡᠷᠡᠭᠵᠢᠬᠦᠯᠦᠭᠰᠡᠨ ᠢᠶᠠᠷ ᠳᠣᠷᠭᠤᠳ ᠬᠠᠯᠬ᠎ᠠ ᠵᠠᠯᠠᠭᠤᠰ ᠬᠠᠷᠢᠯᠴᠠᠨ ᠣᠷᠣᠭᠯᠠᠵᠤ᠂ ᠬᠤᠳᠠ ᠬᠤᠳᠠᠭᠠᠷ ᠪᠤᠯᠤᠯᠴᠠᠨ ᠨᠠᠶᠢᠷᠰᠠᠭ ᠬᠠᠷᠢᠯᠴᠠᠭ᠎ᠠ ᠳᠡᠯᠭᠡᠷᠡᠨ ᠵᠦᠷᠢᠴᠡᠯ ᠳᠠᠰᠣᠷᠠᠵᠡᠢ᠃ ᠦᠷᠬᠦᠯᠵᠢᠯᠡᠨ ᠬᠠᠪᠰᠣᠷᠣᠯ ᠬᠤᠷᠰᠢᠶᠠᠵᠢᠯ ᠳᠤ ᠣᠷᠣᠯᠴᠠᠵᠣ ᠰᠣᠮᠣ ᠪᠠᠷᠢᠭᠠᠳᠠ ᠪᠠᠶᠢᠭᠤᠯᠤᠨ᠂ ᠨᠡᠶᠢᠭᠡᠮ ᠵᠢᠷᠤᠮᠳᠣ ᠦᠭᠡᠷᠡᠴᠢᠯᠡᠯᠳᠡ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠵᠠᠮ ᠢᠶᠠᠷ ᠬᠠᠮᠳᠣ ᠳᠠᠭᠠᠨ ᠬᠦᠳᠡᠯᠮᠤᠷᠢᠯᠡᠨ ᠵᠢᠳᠬᠦᠵᠤ᠂ ᠡᠯ᠎ᠡ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠲᠠᠢ ᠪᠦᠯᠬᠦᠮᠳᠠᠨ᠂ ᠡᠵᠡᠨ᠎ᠡ ᠨᠣᠳᠤᠭ ᠢᠶᠠᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠨ ᠦᠨᠤ ᠢᠷᠡᠭᠰᠡᠨ ᠪᠢᠯᠡ︕
 
ᠢᠷᠡᠯᠲᠡ᠄ ᠠᠯᠠᠱᠠ ᠶᠢᠨ ᠮᠤᠩᠭᠤᠯ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠷᠳᠡᠨ ᠤ ᠡᠷᠳᠡᠨᠢᠰ ᠤᠨ ᠰᠠᠩ ᠪᠤᠯᠤᠭᠰᠠᠨ ᠬᠠᠷ᠎ᠠ ᠬᠤᠳᠠ ᠶᠢᠨ ᠪᠠᠭᠤᠷᠢ
ᠳᠤᠷᠭᠤᠤᠠ ᠠᠶᠢᠮᠠᠭ ᠤᠨ ᠢᠵᠠᠭᠤᠷ ᠡᠭᠦᠰᠤᠯ
ᠡᠵᠡᠨ᠎ᠡ ᠳᠣᠷᠭᠤᠳ ᠤᠨ ᠵᠠᠰᠠᠭ ᠨᠣᠶᠠᠨ ᠪᠣᠯᠣᠨ ᠵᠠᠯᠰᠠᠷᠡᠢ ᠭᠡᠭᠡᠨ ︵ᠬᠤᠶᠠᠷ︶
ᠡᠵᠡᠨ᠎ᠡ ᠳᠣᠷᠭᠤᠳ ᠤᠨ ᠵᠠᠰᠠᠭ ᠨᠣᠶᠠᠨ ᠪᠣᠯᠣᠨ ᠵᠠᠯᠰᠠᠷᠡᠢ ᠭᠡᠭᠡᠨ ︵ᠨᠢᠭᠡ︶
ᠡᠵᠡᠨ᠎ᠡ ᠬᠤᠰᠢᠭᠤᠨ ᠤ ᠨᠠᠢᠮᠠᠨ ᠥᠶ᠎ᠠ ᠶᠢᠨ ᠠᠷᠪᠠᠨ ᠬᠤᠶᠠᠷ ᠨᠤᠶᠠᠨᠳ ᠤᠨ ᠳᠦᠭᠦᠮ ᠨᠠᠮᠳᠠᠷ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号