| ᠨᠢᠭᠡ᠂ ᠰᠢᠨᠡ ᠭᠡᠷ ᠨᠡᠭᠦᠯᠭᠡᠨ ᠪᠠᠷᠢᠬᠤ ᠶᠤᠰᠤᠨ | | | ᠡᠵᠡᠨᠡ ᠲᠤᠷᠭᠤᠳ ᠬᠤᠷᠢᠮ ᠪᠤᠯ ᠬᠡᠦᠬᠡᠨ ᠭᠤᠶᠤᠬᠤ᠂ ᠰᠦᠢ ᠰᠦᠩ ᠲᠠᠯᠪᠢᠬᠤ᠂ ᠰᠢᠨᠡ ᠭᠡᠷ ᠪᠦᠷᠢᠬᠦ᠂ | ᠬᠤᠷᠢᠮ ᠲᠠᠯᠪᠢᠬᠤ᠂ ᠶᠡᠭᠡ ᠬᠤᠷᠢᠮ ᠬᠢᠬᠦ᠂ ᠬᠦᠰᠢᠭᠡ ᠲᠠᠶᠢᠯᠬᠤ ᠵᠢᠷᠭᠤᠭᠠᠨ ᠶᠡᠭᠡ ᠶᠠᠪᠤᠴᠠ ᠪᠠᠷ | ᠬᠦᠢᠴᠡᠳᠭᠡᠭᠳᠡᠳᠡᠭ᠃ ᠡᠳᠡᠭᠡᠷ ᠶᠠᠪᠤᠴᠠ ᠬᠡᠳᠦᠶᠢᠪᠡᠷ ᠪᠤᠰᠤᠳ ᠤᠭᠰᠠᠭᠠ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠲᠤᠭᠤᠷᠭᠠᠳᠠᠨ ᠤ | ᠬᠤᠷᠢᠮ ᠬᠤᠢ ᠳᠤ ᠪᠠᠰᠠ ᠶᠡᠭᠡ ᠲᠦᠯᠦᠪ ᠬᠠᠷᠠᠭᠳᠠᠬᠤ ᠪᠤᠯᠪᠠᠴᠤ ᠬᠤᠭᠤᠷᠤᠨᠳᠤ ᠪᠠᠨ ᠨᠡᠶᠢᠯᠡᠬᠦ ᠦᠭᠡᠢ ᠭᠠᠵᠠᠷ ᠪᠠᠰᠠ | ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠡᠵᠡᠨᠡ ᠲᠤᠷᠭᠤᠳ ᠤᠨ ᠤᠨᠴᠠᠭᠠᠢ ᠨᠢᠭᠡᠨ ᠶᠤᠰᠤᠨ ᠭᠡᠪᠡᠯ ᠬᠦᠦ ᠶᠢᠨ ᠡᠴᠢᠭᠡ ᠡᠬᠡ ᠶᠢᠨ | ᠭᠡᠷ ᠪᠠ ᠰᠢᠨᠡ ᠪᠠᠷ ᠪᠦᠷᠢᠭᠰᠡᠨ ᠭᠡᠷ ᠢ ᠬᠡᠦᠬᠡᠨ ᠲᠠᠯᠠ ᠶᠢᠨ ᠡᠴᠢᠭᠡ ᠡᠬᠡ ᠶᠢᠨ ᠭᠡᠷ ᠤᠨ ᠤᠶᠢᠷᠠᠬᠠᠨ ᠬᠠᠪᠢ ᠳᠤ | ᠠᠪᠠᠴᠢᠵᠤ ᠪᠠᠷᠢᠬᠤ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ ᠬᠦᠦ ᠬᠡᠦᠬᠡᠨ ᠬᠤᠶᠠᠷ ᠲᠠᠯᠠ ᠶᠢᠨ ᠠᠬᠠᠮᠠᠳ ᠰᠦᠢ ᠰᠦᠩ ᠲᠠᠯᠪᠢᠬᠤ | ᠬᠤᠷᠢᠮ ᠲᠡᠭᠡᠷᠡ ᠠᠪᠴᠤ ᠦᠭᠬᠦ ᠪᠠᠨ ᠲᠤᠭᠳᠠᠭᠰᠠᠨ ᠬᠤᠶᠢᠨᠠ᠂ ᠬᠦᠦ ᠲᠠᠯᠠ ᠠᠴᠠ ᠨᠢᠭᠡᠨ ᠲᠤᠮᠤᠭᠠᠳᠠᠨ | ᠲᠦᠯᠭᠡᠴᠢ ᠮᠡᠷᠭᠡᠴᠢ ᠳᠤ ᠤᠴᠢᠵᠤ ᠭᠡᠷ ᠨᠡᠭᠦᠯᠭᠡᠵᠦ ᠪᠠᠷᠢᠬᠤ ᠦᠯᠵᠡᠶᠢᠳᠦ ᠡᠳᠦᠷ ᠢ ᠠᠶᠢᠯᠠᠳᠤᠭᠤᠯᠳᠠᠭ ᠠᠵᠢ᠃ | ᠡᠶᠢᠨ ᠭᠦ ᠰᠠᠶᠢᠨ ᠭᠡᠰᠡᠨ ᠡᠳᠦᠷ ᠲᠤ ᠨᠢ ᠬᠦᠪᠡᠭᠦᠨ ᠤ ᠰᠢᠨᠡ ᠭᠡᠷ ᠢ ᠲᠡᠭᠦᠨ ᠤ ᠡᠴᠢᠭᠡ ᠡᠬᠡ ᠶᠢᠨ ᠭᠡᠷ ᠯᠦᠭᠡ | ᠬᠠᠮᠳᠤ ᠨᠡᠭᠦᠯᠭᠡᠵᠦ᠂ ᠬᠤᠳᠠ ᠶᠢᠨ ᠭᠠᠳᠠᠨᠠ ᠠᠪᠠᠴᠢᠵᠤ ᠪᠠᠷᠢᠬᠤ ᠪᠤᠯᠤᠨᠠ᠂ ᠭᠡᠬᠦ ᠳᠤ ᠡᠭᠦᠨ ᠤ ᠲᠤᠳᠤᠷᠠ ᠪᠠᠰᠠ | ᠬᠡᠳᠦᠨ ᠬᠢᠴᠢᠶᠡᠮᠵᠢᠳᠡᠢ ᠵᠦᠢᠯ ᠪᠠᠶᠢᠳᠠᠭ᠃ ᠬᠡᠷᠪᠡ ᠬᠤᠶᠠᠷ ᠬᠤᠳᠠ ᠶᠢᠨ ᠭᠡᠷ ᠡᠳᠦᠷ ᠤᠨ ᠠᠶᠠᠨ ᠤᠷᠤᠰᠢ ᠦᠭᠡᠢ | ᠤᠶᠢᠷᠠ ᠬᠠᠪᠢ ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠪᠠᠶᠢᠬᠤᠯᠠ᠂ ᠬᠦᠦ ᠶᠢᠨ ᠲᠠᠯᠠ ᠲᠡᠷᠡ ᠡᠳᠦᠷ ᠲᠡᠭᠡᠨ ᠨᠡᠭᠦᠨ ᠤᠴᠢᠵᠤ | ᠭᠡᠷ ᠤᠳ ᠢᠶᠠᠨ ᠪᠠᠷᠢᠵᠤ ᠪᠡᠯᠡᠳᠬᠡᠬᠦ ᠬᠡᠷᠡᠭᠳᠡᠢ︔ ᠬᠡᠷᠪᠡ ᠬᠤᠶᠠᠷ ᠬᠤᠳᠠ ᠶᠢᠨ ᠭᠡᠷ ᠠᠯᠤᠰᠳᠠᠭᠤ ᠪᠠᠶᠢᠭᠰᠠᠨ | ᠪᠠᠶᠢᠬᠤᠯᠠ᠂ ᠬᠦᠦ ᠲᠠᠯᠠ ᠶᠢᠨ ᠬᠢᠨ ᠵᠠᠪᠠᠯ ᠭᠡᠷ ᠨᠡᠭᠦᠯᠭᠡᠵᠦ ᠪᠠᠷᠢᠵᠤ ᠪᠤᠯᠬᠤ ᠰᠠᠶᠢᠨ ᠭᠡᠰᠡᠨ ᠡᠳᠦᠷ ᠲᠤᠨᠢ ᠵᠢᠱᠢᠨ | ᠲᠠᠭᠠᠷᠠᠭᠤᠯᠵᠤ᠂ ᠭᠡᠷ ᠪᠠ ᠬᠡᠷᠡᠭᠰᠡᠯ ᠢᠶᠠᠨ ᠲᠡᠮᠡᠭᠡᠨ ᠳᠤ ᠠᠴᠢᠵᠤ ᠬᠦᠷᠦᠭᠡᠳ᠂ ᠬᠡᠦᠬᠡᠨ ᠤ ᠡᠴᠢᠭᠡ ᠡᠬᠡ ᠶᠢᠨ | ᠭᠡᠷ ᠤᠨ ᠬᠠᠵᠠᠭᠤ ᠳᠤ ᠭᠡᠷ ᠢᠶᠠᠨ ᠪᠠᠷᠢᠵᠤ ᠪᠡᠯᠡᠳᠭᠡᠬᠦ ᠪᠤᠯᠤᠨᠠ᠃ ᠬᠦᠦ ᠲᠠᠯᠠ ᠨᠢ ᠨᠡᠭᠦᠵᠦ ᠬᠦᠷᠬᠦ ᠳᠤ ᠤᠳᠤᠷ | ᠨᠡᠭᠦᠳᠡᠯ ᠬᠢᠵᠦ ᠪᠠᠶᠢᠬᠤ ᠮᠡᠳᠦ ᠮᠠᠯ ᠰᠦᠷᠦᠭ ᠢᠶᠠᠨ ᠴᠤ ᠲᠠᠭᠤᠭᠠᠳ ᠬᠦᠷᠬᠦ ᠪᠤᠰᠤ᠂ ᠬᠠᠷᠢᠨ ᠬᠤᠷᠢᠮ ᠬᠤᠢ ᠳᠤ | ᠠᠪᠤᠨ ᠲᠤᠤᠷᠠ ᠪᠠᠨ ᠬᠡᠷᠡᠭᠯᠡᠬᠦ ᠠᠪᠳᠠᠷᠠ ᠬᠤᠷᠭᠤ᠂ ᠲᠤᠭᠤᠭᠠ ᠲᠤᠯᠭᠠ᠂ ᠠᠶᠠᠭᠠ ᠰᠢᠨᠠᠭᠠ᠂ ᠢᠳᠡᠰᠢ | ᠰᠢᠭᠦᠰᠦᠨ ᠤ ᠮᠠᠯ ᠵᠢᠴᠢ ᠭᠠᠷ ᠦᠵᠦᠭᠦᠷ ᠵᠠᠷᠤᠬᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢᠶᠠᠨ ᠠᠪᠴᠤ ᠬᠦᠷᠬᠦ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ | ᠡᠳᠡᠭᠡᠷ ᠭᠡᠷ ᠤᠳ ᠢ ᠪᠤᠰᠬᠠᠨ ᠪᠠᠷᠢᠬᠤ ᠳᠤ ᠴᠦᠮ ᠲᠤᠭᠳᠠᠭᠰᠠᠨ ᠪᠠᠶᠢᠷᠢ ᠵᠠᠢ ᠲᠠᠢ ᠪᠠᠶᠢᠳᠠᠭ᠂ ᠶᠡᠷᠦᠩᠭᠡᠢ ᠳᠡᠭᠡᠨ | ᠬᠦᠦ ᠶᠢᠨ ᠡᠴᠢᠭᠡ ᠡᠬᠡ ᠶᠢᠨ ᠭᠡᠷ ᠢ ᠪᠠᠷᠤᠭ ᠬᠤᠳᠠ ᠶᠢᠨ ᠭᠡᠷ ᠯᠦᠭᠡ ᠨᠢᠭᠡᠨ ᠤᠳᠠᠰᠤᠨ ᠲᠡᠭᠡᠷᠡ᠂ ᠪᠠᠷᠠᠭᠤᠨ ᠲᠠᠯᠠ | ᠳᠤᠨᠢ ᠡᠮᠦᠨᠡᠰᠢ ᠬᠠᠷᠠᠭᠤᠯᠤᠨ ᠪᠠᠷᠢᠳᠠᠭ ᠪᠠᠶᠢᠨᠠ᠃ ︽ᠦᠭᠡᠳᠡ ᠪᠠᠨ ᠬᠠᠯᠢᠶᠠᠭᠰᠠᠨ ︵ᠬᠠᠷᠠᠭᠰᠠᠨ︶ ᠡᠷᠦᠬᠡ ᠲᠠᠢ᠂ | ᠡᠮᠦᠨᠡᠰᠢ ᠪᠠᠨ ᠬᠠᠯᠢᠶᠠᠭᠰᠠᠨ ᠡᠭᠦᠳᠡ ᠲᠠᠢ︾ ᠭᠡᠮᠡᠨ ᠲᠤᠷᠭᠤᠳᠴᠤᠳ ᠤᠨ ᠭᠡᠷ ᠪᠠᠷᠢᠬᠤ ᠵᠠᠩ ᠦᠢᠯᠡ ᠶᠢᠨ ᠲᠤᠬᠠᠢ | ᠶᠠᠷᠢᠶᠠ ᠬᠡᠯᠡᠯᠭᠡ ᠪᠠᠶᠢᠳᠠᠭ᠃ ᠬᠦᠪᠡᠭᠦᠨ ᠤ ᠪᠠᠨ ᠰᠢᠨᠡ ᠭᠡᠷ ᠢ ᠬᠤᠶᠠᠷ ᠬᠤᠳᠠ ᠶᠢᠨ ᠭᠡᠷ ᠤᠨ ᠲᠡᠭ ᠲᠤᠮᠳᠠ ᠨᠢ | ᠲᠡᠭᠡᠷᠡᠬᠢ ᠵᠢᠷᠤᠮ ᠢᠶᠠᠷ ᠪᠠᠷᠢᠬᠤ ᠶᠤᠰᠤᠳᠠᠢ ᠪᠦᠭᠡᠳ ᠬᠡᠳᠦᠨ ᠭᠡᠷ ᠢ ᠲᠤᠩ ᠤᠶᠢᠷᠠᠬᠠᠨ ᠰᠢᠬᠠᠭᠤᠯᠵᠤ ᠪᠠᠷᠢᠵᠤ | ᠪᠤᠯᠬᠤ ᠦᠭᠡᠢ᠃ ᠲᠡᠭᠡᠪᠡᠯ ᠬᠡᠦᠬᠡᠨ ᠲᠠᠯᠠ ᠠᠴᠠ ᠪᠠᠭᠤᠯᠭᠠᠭᠤᠯᠵᠤ ᠲᠠᠬᠢᠨ ᠪᠠᠷᠢᠭᠤᠯᠬᠤ ᠳᠤ ᠬᠦᠷᠦᠨᠡ᠃ | ᠶᠡᠭᠡ ᠬᠤᠷᠢᠮ ᠤᠨ ᠲᠡᠷᠡ ᠡᠳᠦᠷ ᠨᠠᠶᠢᠷ ᠴᠡᠭᠯᠡᠵᠦ᠂ ᠭᠡᠶᠢᠴᠢ ᠦᠨᠳᠦᠷᠯᠡᠬᠦ ᠪᠤᠯᠬᠤ ᠳᠤ᠂ ᠬᠦᠦ ᠲᠠᠯᠠ ᠶᠢᠨ | ᠭᠡᠶᠢᠴᠢ ᠶᠢᠨ ᠠᠬᠠᠯᠠᠭᠴᠢ ᠰᠢᠨᠡ ᠭᠡᠷ ᠤᠨ ᠲᠤᠳᠤᠷ ᠪᠦᠰᠡ ᠶᠢ ᠰᠤᠯᠠᠳᠬᠠᠵᠤ ᠦᠭᠬᠦ ᠶᠤᠰᠤᠳᠠᠢ᠃ ᠡᠭᠦᠨ ᠤ | ᠤᠴᠢᠷ ᠶᠤᠰᠤ ᠨᠢ ᠭᠡᠪᠡᠯ᠄ ᠬᠦᠦ ᠪᠠᠨ ᠬᠡᠦᠬᠡᠨ ᠲᠠᠯᠠ ᠳᠤ ᠬᠦᠷᠭᠡᠨ ᠤᠷᠤᠭᠤᠯᠵᠤ ᠦᠭᠴᠦ ᠪᠠᠶᠢᠬᠤ ᠪᠤᠰᠤ᠂ | ᠬᠠᠷᠢᠨ ᠤᠳᠠᠯ ᠦᠭᠡᠢ ᠨᠡᠭᠦᠯᠭᠡᠵᠦ ᠠᠪᠬᠤ ᠶᠢᠨ ᠲᠡᠮᠳᠡᠭ ᠪᠤᠯᠭᠠᠳᠠᠭ᠃ ᠭᠡᠷᠪᠡ ᠬᠦᠦ ᠲᠠᠯᠠ ᠶᠢᠨ ᠭᠡᠶᠢᠴᠢ ᠶᠢᠨ | ᠠᠬᠠᠯᠠᠭᠴᠢ ᠡᠨᠡ ᠦᠢᠯᠡ ᠪᠠᠨ ᠮᠠᠷᠳᠠᠴᠢᠬᠠᠭᠠᠳ ᠶᠠᠪᠤᠭᠰᠠᠨ ᠪᠤᠯ ᠬᠡᠤᠬᠡᠨ ᠲᠠᠯᠠ ᠶᠢᠨ ᠬᠢᠨᠢ ︽ᠴᠢ ᠬᠦᠦ ᠪᠠᠨ | ᠮᠠᠨ ᠤ ᠳᠤ ᠬᠦᠷᠭᠡᠨ ᠤᠷᠤᠭᠤᠯᠵᠤ ᠪᠠᠶᠢᠭᠠ ᠶᠤᠮ ᠤᠤ︖︾ ᠭᠡᠮᠡᠨ ᠵᠠᠩᠨᠠᠵᠤ ᠲᠡᠳᠡᠨ ᠢᠶᠠᠷ ᠬᠠᠳᠠᠭ ᠪᠠᠷᠢᠭᠤᠯᠵᠤ᠂ | ᠪᠤᠷᠤᠭᠤ ᠬᠦᠯᠢᠶᠡᠯᠭᠡᠳᠡᠭ ᠶᠤᠮ ᠪᠠᠶᠢᠵᠠᠢ᠃ ᠬᠡᠷᠪᠡ ᠦᠨᠡᠭᠡᠷ ᠬᠦᠦ ᠪᠠᠨ ᠬᠦᠷᠭᠡᠨ ᠤᠷᠤᠭᠤᠯᠤᠨ ᠦᠭᠴᠦ ᠪᠠᠶᠢᠭᠠ | ᠶᠤᠮ ᠪᠤᠯ ᠰᠢᠨᠡ ᠭᠡᠷ ᠤᠨ ᠲᠤᠳᠤᠷ ᠪᠦᠰᠡᠨ ᠳᠤ ᠭᠠᠷ ᠬᠦᠷᠬᠦ ᠶᠤᠰᠤ ᠦᠭᠡᠢ ᠭᠡᠰᠡᠨ ᠢ ᠮᠡᠳᠡᠷᠡᠭᠦᠰᠢᠳᠡᠢ᠃ | ᠶᠡᠭᠡ ᠬᠤᠷᠢᠮ ᠢᠶᠠᠨ ᠬᠢᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠᠬᠢ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠲᠤᠨᠢ ᠬᠦᠰᠢᠭᠡ ᠲᠠᠶᠢᠯᠬᠤ ᠨᠠᠶᠢᠷ | ᠬᠢᠨᠡ᠃ ᠲᠤᠰ ᠨᠠᠶᠢᠷ ᠬᠢᠵᠦ ᠲᠡᠭᠦᠰᠦᠭᠰᠡᠨ ᠤ ᠮᠠᠷᠭᠠᠰᠢ ᠳᠤᠨᠢ ᠬᠦᠦ ᠶᠢᠨ ᠡᠴᠢᠭᠡ ᠡᠬᠡ ᠨᠢ ᠦᠪᠡᠷ ᠤᠨ ᠭᠡᠷ ᠢᠶᠠᠨ | ᠪᠠᠭᠤᠯᠭᠠᠭᠠᠳ᠂ ᠨᠤᠳᠤᠭ ᠤᠰᠤᠨ ᠳᠠᠭᠠᠨ ᠪᠤᠴᠠᠨ ᠤᠴᠢᠵᠤ ᠭᠡᠷ ᠢᠶᠠᠨ ᠪᠠᠷᠢᠵᠤ ᠰᠠᠭᠤᠨᠠ᠃ ᠰᠢᠨᠡ ᠬᠤᠶᠠᠷ ᠤᠨ | ᠭᠡᠷ ᠢ ᠲᠡᠳᠦᠢ ᠶᠠᠭᠠᠷᠠᠮᠠ ᠨᠡᠭᠦᠯᠭᠡᠵᠦ ᠶᠠᠪᠤᠬᠤ ᠦᠭᠡᠢ᠂ ᠬᠡᠦᠬᠡᠨ ᠤ ᠡᠴᠢᠭᠡ ᠡᠬᠡ ᠶᠢᠨ ᠭᠠᠳᠠᠨᠠ ᠤᠭ | ᠶᠤᠰᠤ ᠪᠠᠷ ᠨᠢ ᠦᠯᠡᠳᠡᠭᠡᠵᠦ᠂ ᠬᠠᠭᠠᠰ ᠰᠠᠷᠠ ᠪᠤᠶᠤ ᠬᠤᠶᠠᠷ ᠰᠠᠷᠠ ᠶᠢᠨ ᠲᠤᠳᠤᠷᠠ ᠨᠡᠭᠦᠯᠭᠡᠬᠦ ᠪᠤᠯᠤᠨᠠ᠃ ᠭᠡᠪᠡᠴᠦ | ᠬᠡᠦᠬᠡᠨ ᠲᠠᠯᠠ ᠠᠴᠠ ᠶᠠᠪᠤᠭᠤᠯᠬᠤ ᠲᠤᠷᠠ ᠮᠠᠭᠤᠳᠠᠢ ᠪᠠᠶᠢᠬᠤᠯᠠ ᠬᠠᠭᠠᠰ ᠵᠢᠯ ᠪᠠᠶᠢᠯᠭᠠᠵᠤ ᠪᠤᠯᠤᠨᠠ᠃ ᠤᠯᠠᠩᠬᠢ | ᠳᠠᠭᠠᠨ ᠬᠡᠦᠬᠡᠨ ᠬᠦᠮᠦᠨ ᠲᠦᠷᠬᠦᠮ ᠢᠶᠠᠨ ᠲᠠᠭᠠᠵᠤ ᠶᠡᠭᠡ ᠤᠳᠠᠭᠠᠨ ᠰᠠᠭᠤᠳᠠᠭ ᠨᠢ ᠴᠦᠬᠡᠬᠡᠨ ᠬᠠᠷᠠᠭᠳᠠᠨᠠ᠃ ᠬᠦᠦ | ᠪᠡᠷᠢ ᠶᠢᠨ ᠰᠢᠨᠡ ᠭᠡᠷ ᠢ ᠨᠡᠭᠦᠯᠭᠡᠵᠦ ᠠᠪᠬᠤ ᠠᠴᠠ ᠪᠠᠨ ᠡᠮᠦᠨᠡ ᠬᠦᠦ ᠶᠢᠨ ᠡᠴᠢᠭᠡ ᠪᠤᠶᠤ ᠠᠪᠠᠭᠠ ᠨᠠᠭᠠᠴᠤ | ᠮᠡᠳᠦ ᠶᠢᠨ ᠲᠤᠮᠤᠭᠠᠳᠠᠨ ᠬᠤᠳᠠ ᠶᠢᠨ ᠭᠡᠷ ᠲᠤ ᠬᠦᠷᠴᠦ᠂ ᠬᠦᠦ ᠪᠡᠷᠢ ᠪᠠ ᠲᠡᠳᠡᠨᠦᠰ ᠤᠨ ᠭᠡᠷ ᠢ ᠨᠡᠭᠦᠯᠭᠡᠨ ᠠᠪᠬᠤ | ᠡᠰᠢ ᠶᠢ ᠰᠤᠷᠴᠤ ᠵᠦᠪᠰᠢᠶᠡᠷᠢ ᠠᠪᠳᠠᠭ᠃ ᠵᠦᠪᠰᠢᠶᠡᠷᠢ ᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠬᠦᠦ ᠪᠡᠷᠢ ᠶᠢᠨ ᠭᠡᠷ ᠢ | ᠨᠡᠭᠦᠯᠭᠡᠭᠡᠳ᠂ ᠡᠴᠢᠭᠡ ᠡᠬᠡ ᠶᠢᠨ ᠭᠡᠷ ᠤᠨ ᠵᠡᠭᠦᠨ ᠲᠠᠯᠠ ᠳᠤᠨᠢ ᠵᠦᠢ ᠶᠤᠰᠤ ᠪᠠᠷ ᠪᠠᠷᠢᠵᠤ ᠦᠭᠬᠦ ᠶᠤᠰᠤᠳᠠᠢ᠃ | ᠰᠢᠨᠡ ᠭᠡᠷ ᠢ ᠪᠤᠴᠠᠭᠠᠨ ᠨᠡᠭᠦᠯᠭᠡᠵᠦ ᠶᠠᠪᠤᠬᠤ ᠳᠤ ᠬᠡᠦᠬᠡᠨ ᠲᠠᠯᠠ ᠠᠴᠠ ᠡᠬᠡ ᠲᠡᠷᠢᠭᠦᠳᠡᠢ ᠬᠡᠳᠦᠨ ᠬᠦᠮᠦᠨ | ᠬᠦᠷᠭᠡᠯᠴᠡᠨ ᠤᠴᠢᠵᠤ᠂ ᠨᠢᠬᠡ ᠬᠤᠨᠤᠭᠠᠳ ᠬᠠᠷᠢᠬᠤ ᠳᠠᠭᠠᠨ ᠬᠡᠦᠬᠡᠨ ᠤ ᠡᠬᠡ ᠨᠢ ᠬᠡᠦᠬᠡᠨ ᠢᠶᠠᠨ ᠰᠢᠨᠡ ᠭᠡᠷ ᠲᠤᠨᠢ | ᠰᠠᠭᠤᠯᠭᠠᠵᠤ᠂ ᠠᠷᠤ ᠬᠤᠷᠮᠤᠢ ᠲᠡᠭᠡᠷᠡ ᠨᠢ ᠴᠢᠯᠠᠭᠤ ᠲᠠᠷᠤᠭᠤᠯᠵᠤ ᠶᠠᠪᠤᠬᠤ ᠶᠤᠰᠤᠳᠠᠢ᠃ ᠬᠡᠷᠪᠡ ᠪᠠᠶᠠᠨ ᠴᠢᠨᠡᠭᠡᠯᠢᠭ | ᠠᠶᠢᠯ ᠪᠠᠶᠢᠭᠰᠠᠨ ᠪᠤᠯᠬᠤᠯᠠ ᠠᠯᠳᠠ ᠮᠦᠩᠭᠦ ᠡᠳ᠋ ᠡᠷᠳᠡᠨᠢ ᠮᠡᠳᠦ ᠶᠢ ᠲᠠᠯᠪᠢᠵᠤ ᠦᠭᠭᠦᠭᠡᠳ ᠶᠠᠪᠤᠬᠤ ᠶᠤᠰᠤᠳᠠᠢ | ᠰᠠᠨᠵᠠᠢ᠃ ᠡᠭᠦᠨ ᠢ ︽ᠬᠦᠳᠡᠷ ᠤᠨ ᠴᠢᠯᠠᠭᠤ ᠨᠢ ᠬᠦᠭᠡᠷᠦᠬᠦᠢ᠂ ᠤᠨᠠᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠬᠦᠨᠳᠦ᠂ ᠬᠡᠦᠬᠡᠨ | ᠦᠷᠡ ᠨᠢ ᠬᠦᠭᠡᠷᠦᠬᠦᠢ᠂ ᠬᠠᠷᠢ ᠶᠢᠨ ᠭᠠᠵᠠᠷ ᠲᠠᠭᠠᠨ ᠬᠦᠨᠳᠦ︾ ᠭᠡᠳᠡᠭ ᠪᠠ ᠬᠤᠶᠠᠷ ᠰᠢᠨᠡ ᠬᠦᠮᠦᠨ ᠤ ᠢᠨᠠᠭ | ᠬᠠᠶᠢᠷᠠ ᠶᠢᠨ ᠠᠮᠢᠳᠤᠷᠠᠯ ᠬᠠᠳᠠ ᠴᠢᠯᠠᠭᠤ ᠮᠡᠳᠦ ᠪᠠᠳᠤ ᠪᠠᠬᠢ᠂ ᠠᠯᠳᠠ ᠮᠦᠩᠭᠦ ᠪᠠᠷ ᠲᠤᠳᠠᠰᠢ ᠦᠭᠡᠢ ᠪᠠᠶᠠᠨ | ᠰᠠᠶᠢᠬᠠᠨ ᠶᠠᠪᠤᠬᠤ ᠶᠢ ᠵᠦᠩᠨᠡᠨ ᠪᠡᠯᠭᠡᠳᠡᠭᠰᠡᠨ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠭᠰᠡᠨ ᠠᠵᠢ᠃ | | ᠢᠷᠡᠯᠲᠡ᠄ ᠨᠠ᠊· ᠠᠯᠲᠠᠨᠴᠡᠴᠡᠭ ᠤᠨ ︽ᠡᠵᠡᠨᠡ ᠲᠣᠷᠭᠤᠳ ᠤᠨ ᠶᠤᠰᠦ ᠵᠠᠩᠰᠢᠯ ᠤᠨ ᠤᠯᠠᠮᠵᠢᠯᠠᠯ | ᠰᠢᠨᠠᠴᠢᠯᠡᠯ︾ | | |