ᠡᠵᠡᠨᠠ ᠬᠤᠰᠢᠭᠤ ᠪᠣᠯ ᠦᠨᠢ ᠤᠳᠠᠭᠠᠨ ᠲᠡᠤᠬᠡ ᠲᠠᠢ ᠨᠤᠲᠤᠭ ᠶᠤᠮ᠃ ᠰᠢᠨᠡ ᠴᠢᠯᠠᠭᠤᠨ ᠪᠠᠭᠠᠵᠢ ᠶᠢᠨ | ᠦᠶᠡ ᠪᠠᠷ ᠠᠳᠠ ᠬᠦᠮᠤᠨ ᠲᠦᠷᠤᠯᠬᠢᠲᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠰᠡᠭᠦᠯᠡᠷ ᠨᠢ ᠴᠢᠨ | ᠤᠯᠤᠰ ᠤᠨ ᠦᠶᠡ ᠪᠠᠷ ᠡᠨᠡ ᠨᠤᠲᠤᠭ ᠢ ︽ᠯᠢᠦ ᠱᠠ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ᠂ ᠬᠠᠨ ᠤᠯᠤᠰ ᠤᠨ ᠦᠶᠡ ᠳᠤ ︽ | ᠵᠢᠤᠢ ᠶᠠᠨ︾ ᠰᠢᠶᠠᠨ ᠢ ᠪᠠᠶᠢᠭᠤᠯᠵᠤ᠂ ᠲᠠᠩ ᠤᠯᠤᠰ ᠤᠨ ᠦᠶᠡ ᠳᠤ ︽ᠨᠢᠩ ᠭᠧᠦ ᠵᠢᠶᠦ᠋ᠨ︾ ᠢ ᠪᠠᠶᠢᠭᠤᠯᠵᠤ᠂ | ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠤᠨ ᠦᠶᠡ ᠪᠠᠷ ︽ᠡᠾᠸᠢ ᠱᠠᠨ ᠸᠧᠢ ᠹᠦ᠋ ᠵᠢᠶᠦ᠋ᠨ ᠰᠧ︾ ᠭᠡᠳᠡᠭ ᠪᠠᠶᠢᠭᠤᠯᠤᠮᠵᠢ ᠶᠢ | ᠬᠠᠷᠠ ᠬᠤᠲᠠ ᠳᠤ ᠪᠠᠶᠢᠭᠤᠯᠵᠤ᠂ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠪᠠᠷ ᠬᠠᠷᠠ ᠬᠤᠲᠠ ᠳᠤ ︽ᠠᠵᠢᠨᠠᠢ ᠴᠥᠯᠭᠡ︾ ᠶᠢ | ᠪᠠᠶᠢᠭᠤᠯᠵᠠᠢ᠃ ᠮᠢᠩ ᠴᠢᠩ ᠤᠯᠤᠰ ᠤᠨ ᠦᠶᠡ ᠪᠠᠷ ᠡᠵᠡᠨᠠ ᠬᠡᠮᠡᠨ ᠨᠡᠷᠡᠯᠡᠵᠤ ᠪᠠᠶᠢᠵᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ | ᠰᠡᠭᠦᠯᠴᠢ᠂ ᠮᠢᠩ ᠤᠯᠤᠰ ᠤᠨ ᠡᠬᠢ ᠪᠠᠷ ᠡᠵᠡᠨᠠ ᠨᠤᠳᠤᠭ ᠲᠤ ︽ᠬᠠᠷᠠ ᠬᠤᠲᠠ︾᠂ ︽ᠪᠣᠭᠤᠳᠠᠭ ᠪᠥᠭᠡᠷᠡᠭ︾᠂ | ︽ᠠᠭᠳᠠᠶᠢᠨ ᠬᠦᠷᠢᠶᠡ︾᠂ ︽ᠠᠭᠳᠠ ᠶᠢᠨ ᠳᠣᠷᠣᠭᠤ︾ ᠭᠡᠰᠡᠨ ᠨᠡᠷᠡ ᠲᠠᠢ ᠭᠠᠵᠠᠷ ᠪᠠᠶᠢᠭᠰᠠᠨ ᠪᠥᠭᠡᠳ | ᠲᠤᠷᠭᠤᠳᠴᠤᠳ ᠠᠩᠬᠠ ᠡᠵᠡᠨᠡ ᠳᠤ ᠢᠷᠡᠬᠦ ᠦᠶᠡ ᠪᠠᠷ ︽ᠮᠠᠨᠵᠤ ᠶᠢᠨ ᠲᠣᠬᠤᠢ︾᠂ ︽ᠮᠠᠨᠢ ᠶᠢᠨ ᠲᠣᠬᠤᠢ︾᠂ | ︽ᠠᠭᠲᠠ ᠶᠢᠨ ᠬᠦᠷᠢᠶᠡ︾᠂ ︽ᠪᠡᠯᠴᠢᠷ︾᠂ ︽ᠠᠷᠢᠭᠤᠨ ᠲᠣᠬᠤᠢ︾᠂ ︽ᠴᠠᠭᠠᠨ ᠲᠣᠬᠤᠢ︾ ᠬᠡᠮᠡᠨ ᠨᠤᠳᠤᠭ | ᠤᠰᠤ ᠪᠠᠨ ᠨᠡᠷᠡᠯᠡᠵᠦ ︽ᠬᠦᠷᠡᠩ ᠦᠵᠦᠭᠦᠷ ᠤᠨ ᠣᠪᠣᠭᠠ︾᠂ ︽ᠴᠠᠭᠠᠨ ᠦᠵᠦᠭᠦᠷ ᠤᠨ ᠣᠪᠣᠭᠠ︾ ᠭᠡᠬᠦ | ᠬᠤᠶᠠᠷ ᠣᠪᠣᠭᠠ ᠳᠠᠬᠢᠵᠤ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠳᠣᠷᠭᠤᠳᠴᠤᠳ ᠡᠵᠡᠨᠠ ᠭᠤᠣᠯ ᠤᠨ ᠤᠷᠤᠰᠬᠠᠯ ᠤᠨ ᠰᠠᠪᠠ | ᠭᠠᠵᠠᠷ ᠢ ᠣᠷᠣᠭᠤᠲᠠᠨ ᠨᠤᠳᠤᠭᠯᠠᠬᠤ ᠶᠢ ᠳᠠᠭᠠᠯᠳᠤᠨ ᠨᠡᠩ ᠣᠯᠠᠨ ᠨᠤᠲᠤᠭ ᠤᠰᠤᠨ ᠤ ᠨᠡᠷᠡ ᠲᠠᠯᠠᠨ ᠤᠯᠠᠰᠢᠷᠠᠵᠤ᠂ | ᠨᠡᠩ ᠣᠯᠠᠨ ᠣᠪᠣᠭᠠ ᠳᠠᠬᠢᠯᠭᠠ ᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | ᠨᠤᠲᠤᠭ ᠤᠰᠤᠨ ᠤ ᠨᠡᠷᠡ ᠪᠣᠯ ᠬᠦᠮᠤᠨ ᠲᠦᠷᠤᠯᠬᠢᠲᠡᠨ ᠤ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠶᠢᠭᠰᠠᠨ ᠬᠦᠷᠢᠶᠡ | ᠬᠡᠪᠴᠢᠶᠡᠨ ᠤ ᠬᠢᠨᠢ ᠤᠯᠠ ᠮᠥᠷ ᠪᠣᠯᠬᠤ ᠪᠥᠭᠡᠳ ᠦᠨᠳᠦᠰᠣᠲᠠᠨ ᠤ ᠲᠡᠤᠬᠡ ᠰᠣᠶᠣᠯ ᠤᠨ ᠣᠨᠴᠠᠯᠢᠭ ᠰᠢᠨᠵᠢ ᠶᠢ | ᠬᠠᠲᠠᠭᠠᠯᠠᠭᠰᠠᠨ᠂ ᠲᠦᠷᠤᠯᠬᠢ ᠰᠡᠳᠭᠢᠴᠡ᠂ ᠵᠠᠩ ᠵᠠᠩᠰᠢᠯ ᠢ ᠢᠯᠡᠷᠡᠭᠦᠯᠦᠭᠰᠡᠨ ᠭᠠᠵᠠᠷ ᠵᠦᠢ ᠶᠢᠨ ᠣᠨᠴᠠᠯᠢᠭ ᠢ | ᠬᠠᠷᠠᠭᠤᠯᠤᠭᠰᠠᠨ ᠨᠡᠶᠢᠭᠡᠮ ᠤᠨ ᠰᠣᠶᠣᠯ ᠤᠨ ᠲᠤᠰᠬᠠᠯ ᠪᠣᠯᠬᠤ ᠶᠤᠮ᠃ ︽ᠬᠦᠮᠤᠨ ᠲᠥᠷᠤᠯᠬᠢᠲᠡᠨ ᠤ ᠡᠴᠤᠰ ᠤᠨ | ᠵᠣᠷᠢᠯᠭᠠ ᠪᠣᠯ ᠭᠠᠵᠠᠷ ᠨᠤᠲᠤᠭ ᠶᠤᠮ︾ ᠭᠡᠰᠡᠨ ᠮᠡᠷᠭᠡᠨ ᠦᠭᠡ ᠪᠠᠶᠢᠳᠠᠭ᠃ ᠬᠡᠷᠪᠡ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠭᠠᠵᠠᠷ | ᠳᠡᠯᠡᠬᠡᠢ ᠠᠴᠠ ᠰᠡᠯᠪᠠᠯ ᠮᠥᠬᠦᠬᠦ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠶᠤᠮ᠃ ᠮᠠᠨ ᠤ ᠮᠤᠩᠭᠤᠯᠴᠤᠳ ᠬᠡᠴᠢᠨᠡᠭᠡᠨ ᠵᠠᠭᠤᠨ | ᠮᠢᠩᠭᠠᠨ ᠣᠨ ᠤ ᠲᠤᠷᠰᠢ ᠨᠡᠭᠦᠳᠡᠯᠯᠠᠨ ᠮᠠᠯᠵᠢᠵᠤ ᠠᠵᠤ ᠲᠦᠷᠤᠵᠤ ᠪᠠᠶᠢᠬᠤ ᠳᠠᠭᠠᠨ ᠠᠳᠤᠭᠤ ᠮᠠᠯ ᠤᠨ ᠢᠶᠠᠨ | ᠪᠠᠶᠢᠷᠢ ᠪᠠᠷ ᠪᠡᠯᠴᠢᠭᠡᠷ ᠢᠶᠠᠨ ᠪᠣᠯᠭᠠᠵᠤ᠂ ᠠᠭᠲᠠ ᠬᠦᠯᠥᠭ ᠤᠨ ᠵᠢᠯᠤᠭᠤ ᠪᠠᠷ ᠨᠤᠳᠤᠭ ᠢᠶᠠᠨ ᠡᠪᠬᠡᠳᠡᠭ ᠬᠢᠵᠡᠭᠠᠷ | ᠦᠭᠡᠢ ᠦᠷᠭᠡᠨ ᠠᠭᠤᠳᠡᠮ ᠨᠤᠲᠤᠭ ᠲᠠᠢ ᠦᠨᠳᠦᠰᠣᠲᠠᠨ ᠪᠠᠶᠢᠵᠠᠢ᠃ ᠡᠪᠦᠭᠡ ᠳᠡᠭᠡᠳᠦᠰ ᠮᠢᠨᠢ ᠠᠯᠲᠠᠨ ᠠᠮᠠᠢ᠂ | ᠠᠷᠢᠭᠤᠨ ᠴᠢᠰᠤ ᠪᠠᠷ ᠢᠶᠠᠨ ᠬᠠᠮᠠᠭᠠᠯᠠᠵᠤ᠂ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ ᠬᠤᠣᠰ ᠭᠠᠷ ᠢᠶᠠᠷ ᠢᠶᠠᠨ ᠴᠤᠭᠴᠠᠯᠠᠭᠰᠠᠨ | ᠦᠯᠤᠭᠡᠢ ᠨᠤᠳᠤᠭ ᠢᠶᠠᠨ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠦᠪᠯᠡᠵᠦ ᠦᠯᠡᠳᠡᠭᠡᠳᠡᠭ ᠶᠤᠮ᠃ ᠡᠨᠡ ᠪᠣᠯ ᠮᠠᠨ ᠤ | ᠮᠤᠩᠭᠤᠯᠴᠤᠳ ᠤᠨ ᠡᠷᠬᠢᠮ ᠨᠠᠨᠳᠢᠨ᠂ ᠦᠨᠡᠯᠡᠵᠦ ᠴᠢᠳᠡᠰᠢ ᠦᠭᠡᠢ ᠥᠪ ᠬᠦᠷᠤᠩᠬᠡ ᠮᠥᠨ᠃ | ᠲᠤᠣᠷᠠᠢ ᠪᠣᠯ ᠡᠵᠡᠨᠠ ᠨᠤᠳᠤᠭ ᠤᠨ ᠭᠤᠣᠯ ᠪᠣᠯᠬᠤ ᠣᠢ ᠰᠢᠭᠤᠢ᠂ ᠬᠦᠮᠤᠨ ᠠᠷᠠᠳ ᠤᠨ ᠬᠢᠨᠢ ᠰᠡᠳᠭᠢᠯ ᠤᠨ | ᠪᠡᠯᠭᠡᠳᠡᠯ᠂ ᠠᠵᠤ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠲᠦᠰᠢᠭ ᠪᠣᠯᠵᠤ᠂ ᠠᠵᠠ ᠵᠢᠷᠭᠠᠯ ᠤᠨ ᠬᠢᠨᠢ ᠵᠦᠩᠨᠠᠯ ᠪᠣᠯᠵᠤ ᠢᠷᠡᠭᠰᠠᠨ | ᠤᠴᠢᠷ ᠡᠨᠡ ᠨᠤᠲᠤᠭ ᠤᠨ ᠲᠡᠤᠬᠡ ᠰᠣᠶᠣᠯ ᠤᠨ ᠣᠨᠴᠠᠯᠢᠭ ᠲᠠᠢ᠂ ᠶᠣᠰᠣ ᠵᠠᠩᠰᠢᠯ ᠤᠨ ᠰᠢᠨᠵᠢ ᠲᠠᠢ ᠲᠣᠣᠷᠠᠢ | ᠮᠣᠳᠣ ᠪᠠᠷ ᠢᠶᠠᠨ ᠨᠤᠲᠤᠭ ᠤᠰᠤ ᠪᠠᠨ ᠨᠡᠷᠡᠯᠡᠭᠰᠡᠨ ᠭᠠᠵᠠᠷ ᠮᠤᠩ ᠦᠭᠡᠢ ᠤᠯᠠᠨ ᠪᠠᠶᠢᠳᠠᠭ᠃ ᠮᠢᠨᠤ ᠠᠩᠬᠠ | ᠠᠯᠬᠤᠮ ᠤᠨ ᠪᠦᠷᠢᠳᠭᠡᠯ ᠠᠴᠠ ᠦᠵᠡᠪᠡᠯ ᠡᠵᠡᠨᠠ ᠬᠤᠰᠢᠭᠤᠨ ᠤ ᠨᠤᠲᠤᠭ ᠤᠨ ᠬᠡᠪᠴᠢᠶᠠᠨᠠ ᠠᠮᠠᠨ ᠤᠯᠠᠮᠵᠢᠯᠡᠯ ᠳᠤ | ᠲᠣᠣᠷᠠᠢ ᠪᠠᠷ ᠨᠡᠷᠡᠯᠡᠭᠰᠡᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠨᠠᠶᠢᠳᠠ 165 ᠪᠠᠶᠢᠨᠠ ︵ᠡᠭᠦᠨ ᠳᠤ ︽ᠡᠵᠡᠨᠡ | ᠬᠤᠰᠢᠭᠤᠨ ᠤ ᠨᠤᠲᠤᠭ ᠤᠰᠤᠨ ᠲᠡᠮᠳᠡᠭᠯᠡᠯ︾ ᠨᠣᠮ ᠳᠤ ᠲᠣᠣᠷᠠᠢ ᠪᠠᠷ ᠨᠡᠷᠡᠯᠡᠭᠰᠡᠨ ᠭᠠᠵᠠᠷ ᠤᠨ ᠨᠡᠷᠡ 73 ᠪᠣᠢ᠃ | ᠡᠳᠡᠭᠡᠷ ᠨᠤᠲᠤᠭ ᠤᠰᠤᠨ ᠤ ᠨᠡᠷᠡ ᠶᠢ ᠡᠵᠡᠨᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠣᠯᠬᠤ | ᠰᠤᠮᠤ ᠪᠠᠷ ᠨᠢᠭᠡᠴᠢ ᠪᠣᠯᠭᠠᠨ ᠲᠤᠣᠷᠠᠬᠢ ᠮᠡᠲᠤ ᠵᠢᠭᠰᠠᠭᠠᠪᠠ᠄ | ᠳ᠋ᠦᠩ ᠹᠧᠩ ᠪᠠᠯᠭᠠᠰᠤ 27᠄ ᠭᠠᠭᠴᠠ ᠲᠤᠣᠷᠠᠢ᠂ ᠪᠥᠬᠦᠨ ᠲᠤᠣᠷᠠᠢ᠂ ᠵᠤᠰᠠᠯᠠᠩ ᠲᠤᠣᠷᠠᠢ᠂ ᠡᠬᠢᠨ ᠲᠤᠣᠷᠠᠢ᠂ | ᠨᠠᠶᠢᠷ ᠤᠨ ᠲᠤᠣᠷᠠᠢ᠂ ᠵᠠᠯᠠ ᠲᠤᠣᠷᠠᠢ᠂ ᠰᠡᠭᠡᠷ ᠲᠤᠣᠷᠠᠢ᠂ ᠬᠥᠬᠡ ᠲᠤᠣᠷᠠᠢ᠂ ᠰᠠᠯᠪᠤᠷᠢ ᠲᠤᠣᠷᠠᠢ᠂ ᠦᠵᠦᠭᠦᠷ ᠲᠤᠣᠷᠠᠢ᠂ | ᠪᠠᠭᠪᠤᠷ ᠨᠠᠶᠢᠯᠵᠠᠭ᠂ ᠦᠨᠳᠤᠷ ᠲᠤᠣᠷᠠᠢ᠂ ᠲᠤᠣᠷᠠᠢ ᠤᠰᠤ᠂ ᠲᠠᠪᠤᠨ ᠲᠤᠣᠷᠠᠢ᠂ ᠨᠠᠮᠤᠷᠵᠠᠩ ᠲᠤᠣᠷᠠᠢ᠂ ᠰᠢᠷᠠ | ᠲᠤᠣᠷᠠᠢ᠂ ᠨᠠᠷᠢᠨ ᠲᠤᠣᠷᠠᠢ᠂ ᠬᠦᠨᠲᠠᠢ ᠲᠤᠣᠷᠠᠢ᠂ ᠵᠠᠮ ᠤᠨ ᠲᠤᠣᠷᠠᠢ᠂ ᠬᠤᠶᠠᠷ ᠲᠤᠣᠷᠠᠢ᠂ ᠪᠦᠭ ᠤᠨ ᠲᠤᠣᠷᠠᠢ᠂ | ᠪᠠᠯᠠᠷ ᠤᠨ ᠲᠤᠣᠷᠠᠢ᠂ ᠬᠤᠴᠣᠲᠤ ᠶᠢᠨ ᠲᠤᠣᠷᠠᠢ᠂ ᠭᠠᠰᠢᠭᠤᠨ ᠲᠤᠣᠷᠠᠢ᠂ ᠨᠠᠶᠢᠯᠵᠠᠭ ᠲᠤᠣᠷᠠᠢ ᠂ ᠲᠤᠣᠷᠠᠢ ᠤᠰᠤ᠂ | ᠬᠠᠷᠠ ᠡᠯᠵᠢᠭᠡᠨ ᠲᠤᠣᠷᠠᠢ᠃ | ᠮᠠᠽᠦ᠋ᠩᠱᠠᠨ ᠰᠤᠮᠤ 6᠄ ᠰᠢᠯᠢᠨ ᠳᠤᠣᠷᠠᠢ᠂ ᠰᠢᠷᠠ ᠲᠤᠣᠷᠠᠢ᠂ ᠲᠣᠣᠷᠠᠶᠢᠲᠤ ᠶᠢᠨ ᠭᠤᠣᠯ᠂ ᠲᠤᠣᠷᠠᠶᠢᠲᠤ ᠶᠢᠨ | ᠪᠤᠯᠠᠭ᠂ ᠰᠢᠯᠢᠨ ᠳᠤᠣᠷᠠᠢ ᠶᠢᠨ ᠪᠤᠯᠠᠭ᠂ ᠰᠢᠷᠠ ᠲᠤᠤᠷᠠᠢ᠃ | ᠰᠠᠶᠢᠬᠠᠲᠤᠤᠷᠠᠢ ᠰᠤᠮᠤ 48᠄ ᠰᠤᠪᠤᠷᠭᠠᠨ ᠲᠣᠣᠷᠠᠢ᠂ ᠬᠦᠷᠡᠩ ᠲᠣᠣᠷᠠᠢ᠂ ᠳᠠᠮᠪᠠ ᠶᠢᠨ ᠬᠦᠪ ᠤᠨ ᠳᠤᠣᠷᠠᠢ᠂ | ᠴᠠᠭᠠᠨ ᠳᠠᠯ ᠤᠨ ᠪᠥᠬᠡᠮ ᠲᠤᠣᠷᠠᠢ᠂ ᠡᠬᠢᠨ ᠪᠠᠭ ᠤᠨ ᠲᠤᠣᠷᠠᠢ᠂ ᠳᠤᠮᠳᠠ ᠪᠠᠭ ᠤᠨ ᠲᠤᠣᠷᠠᠢ᠂ ᠠᠳᠠᠭ ᠪᠠᠭ ᠤᠨ | ᠲᠤᠣᠷᠠᠢ᠂ ᠬᠤᠨᠲᠤ ᠶᠢᠨ ᠪᠥᠭᠡᠮ ᠲᠤᠣᠷᠠᠢ᠂ ᠭᠡᠬᠡᠨ ᠲᠤᠣᠷᠠᠢ᠂ ᠱᠠᠯᠠ ᠶᠢᠨ ᠲᠤᠣᠷᠠᠢ᠂ ᠬᠤᠶᠠᠷ ᠲᠤᠣᠷᠠᠢ᠂ | ᠦᠵᠦᠭᠦᠷ ᠲᠤᠣᠷᠠᠢ᠂ ᠰᠢᠷᠠ ᠨᠠᠶᠢᠯᠵᠠᠭ᠂ ᠭᠠᠰᠢᠭᠤᠨ ᠲᠤᠣᠷᠠᠢ᠂ ᠲᠤᠣᠷᠠᠢ ᠱᠠᠩᠳᠠ᠂ ᠪᠤᠩᠬᠤᠨ ᠲᠤᠣᠷᠠᠢ᠂ | ᠠᠷᠵᠠᠭᠠᠷ ᠲᠤᠣᠷᠠᠢ᠂ ᠵᠢᠷᠬᠢᠷ ᠲᠤᠣᠷᠠᠢ᠂ ᠨᠤᠭᠤᠭᠠᠨ ᠲᠤᠣᠷᠠᠢ᠂ ᠬᠤᠶᠠᠷ ᠨᠠᠶᠢᠯᠵᠠᠭ᠂ ᠲᠡᠭᠦᠵᠢᠩ ᠨᠠᠶᠢᠯᠵᠠᠭ᠂ | ᠰᠠᠶᠢᠬᠠᠲᠤᠤᠷᠠᠢ᠂ ᠲᠣᠣᠷᠠᠢ ᠶᠢᠨ ᠤᠰᠤ᠂ ᠲᠤᠣᠷᠠᠢ ᠬᠠᠰᠢᠶᠠ᠂ ᠨᠠᠶᠢᠯᠵᠠᠭ ᠤᠨ ᠤᠰᠤ᠂ ᠭᠠᠭᠴᠠ ᠲᠤᠣᠷᠠᠢ᠂ | ᠭᠤᠷᠪᠠᠨ ᠲᠤᠣᠷᠠᠢ᠂ ᠵᠢᠷᠠᠨ ᠲᠣᠣᠷᠠᠢ᠂ ᠬᠤᠷᠣᠬᠠᠢ ᠲᠤᠣᠷᠠᠢ᠂ ᠨᠤᠭᠤᠭᠠᠨ ᠮᠣᠳᠣ᠂ ᠰᠢᠷᠠ ᠨᠠᠶᠢᠯᠵᠠᠭ᠂ ᠨᠠᠷᠢᠨ | ᠲᠤᠣᠷᠠᠢ᠂ ᠠᠭᠲᠠ ᠶᠢᠨ ᠲᠤᠣᠷᠠᠢ᠂ ᠬᠠᠪᠳᠠᠭᠠᠢ ᠲᠤᠣᠷᠠᠢ᠂ ᠪᠣᠩᠬᠤᠨ ᠲᠣᠣᠷᠠᠢ᠂ ᠲᠤᠣᠷᠠᠢ ᠪᠥᠭᠡᠷᠡᠭ᠂ ᠪᠣᠬᠠ ᠶᠢᠨ | ᠲᠤᠣᠷᠠᠢ᠂ ᠪᠢᠲᠡᠭᠦᠦ ᠶᠢᠨ ᠲᠤᠣᠷᠠᠢ᠂ ᠴᠠᠭᠠᠨ ᠬᠠᠰᠢᠶᠠ ᠶᠢᠨ ᠲᠤᠣᠷᠠᠢ᠂ ᠲᠦᠭᠦᠷᠢᠭ ᠨᠠᠭᠤᠷ ᠤᠨ ᠲᠤᠣᠷᠠᠢ᠂ ᠪᠥᠭᠡᠮ | ᠨᠠᠶᠢᠯᠵᠠᠭ᠂ ᠴᠠᠭᠳᠠᠭᠤᠯ ᠤᠨ ᠲᠤᠣᠷᠠᠢ᠂ ᠵᠢᠷᠠᠨ ᠲᠤᠣᠷᠠᠢ᠂ ᠬᠥᠭᠰᠢᠨ ᠭᠤᠣᠯ ᠤᠨ ᠲᠤᠣᠷᠠᠢ᠂ ᠪᠤᠷᠠ ᠲᠤᠣᠷᠠᠢ᠂ | ᠪᠦᠳᠦᠭᠦᠨ ᠲᠤᠣᠷᠠᠢ᠃ | ᠰᠤᠪᠨᠠᠭᠤᠷ ᠰᠤᠮᠤ 4᠄ ᠰᠢᠷᠠ ᠲᠤᠣᠷᠠᠢ᠂ ᠨᠤᠭᠤᠭᠠᠨ ᠬᠦᠪ ᠤᠨ ᠲᠤᠣᠷᠠᠢ᠂ ᠵᠢᠷᠬᠢᠷ ᠤᠨ ᠲᠤᠣᠷᠠᠢ᠂ ᠭᠠᠨᠵᠤᠤᠷ | ᠲᠤᠣᠷᠠᠢ᠂ ᠬᠤᠶᠠᠷ ᠲᠤᠣᠷᠠᠢ᠂ ᠶᠢᠰᠤᠨ ᠲᠤᠣᠷᠠᠢ᠂ ᠡᠷᠳᠡᠨᠢ ᠶᠢᠨ ᠲᠣᠣᠷᠠᠢ᠂ ᠬᠥᠬᠡ ᠲᠤᠣᠷᠠᠢ᠂ ᠨᠤᠭᠤᠭᠠᠨ ᠮᠣᠳᠣ᠂ | ᠪᠠᠯᠠᠷ ᠤᠨ ᠲᠤᠣᠷᠠᠢ᠂ ᠠᠪᠲᠡᠷᠠ ᠶᠢᠨ ᠲᠤᠣᠷᠠᠢ᠂ ᠪᠥᠬᠡᠮ ᠲᠤᠣᠷᠠᠢ᠂ ᠪᠦᠳᠦᠭᠦᠨ ᠲᠤᠣᠷᠠᠢ᠂ ᠬᠤᠵᠢ ᠶᠢᠨ ᠲᠤᠣᠷᠠᠢ᠂ | ᠮᠣᠭᠠᠶᠢᠲᠤ ᠶᠢᠨ ᠲᠤᠣᠷᠠᠢ᠂ ᠲᠤᠣᠷᠠᠢ ᠪᠥᠭᠡᠷᠡᠭ᠂ ᠤᠪᠣᠭᠠᠨ ᠲᠤᠣᠷᠠᠢ᠂ ᠰᠡᠷᠬᠢᠷᠤᠣ ᠶᠢᠨ ᠲᠤᠣᠷᠠᠢ᠂ ᠪᠥᠬᠡᠮ ᠲᠤᠣᠷᠠᠢ᠂ | ᠲᠤᠣᠷᠠᠢ ᠤᠰᠤ᠂ ᠨᠡᠶᠢᠯᠵᠠᠭ᠂ ᠪᠢᠲᠡᠭᠦᠦ ᠶᠢᠨ ᠲᠤᠣᠷᠠᠢ᠂ ᠲᠤᠤᠷᠠᠶᠢᠲᠤ ᠨᠠᠭᠤᠷ᠂ ᠭᠠᠭᠴᠠ ᠲᠤᠣᠷᠠᠢ᠂ | ᠴᠠᠭᠳᠠᠭᠤᠯ ᠤᠨ ᠳᠤᠣᠷᠠᠢ᠂ ᠳᠦᠷᠪᠡᠨ ᠳᠤᠣᠷᠠᠢ᠂ ᠲᠦᠯᠡᠩᠬᠡᠢ ᠳᠤᠣᠷᠠᠢ᠂ ᠪᠡᠭᠡᠵᠢᠩ ᠲᠤᠣᠷᠠᠢ᠂ ᠬᠥᠬᠡ ᠦᠷᠢᠶᠡ | ᠶᠢᠨ ᠲᠤᠣᠷᠠᠢ᠂ ᠪᠠᠭᠪᠠᠷ ᠨᠠᠶᠢᠯᠵᠠᠭ᠂ ᠲᠤᠭᠤᠯ ᠤᠨ ᠵᠡᠯᠠ ᠶᠢᠨ ᠲᠤᠣᠷᠠᠢ᠂ ᠨᠠᠭᠠᠳᠤᠭᠠᠢ ᠶᠢᠨ ᠲᠤᠣᠷᠠᠢ᠂ | ᠴᠢᠨ᠋ᠸᠠ ᠶᠢᠨ ᠲᠤᠣᠷᠠᠢ᠂ ᠬᠦᠷᠠᠩ ᠮᠣᠷᠢᠨ ᠲᠤᠣᠷᠠᠢ᠂ ᠰᠢᠷᠠ ᠲᠤᠣᠷᠠᠢ᠂ ᠭᠠᠭᠴᠠ ᠨᠠᠶᠢᠯᠵᠠᠭ᠂ ᠰᠠᠶᠢᠬᠠᠨ ᠲᠤᠣᠷᠠᠢ᠂ | ᠭᠠᠰᠢᠭᠤᠨ ᠬᠤᠳᠳᠤᠭ ᠤᠨ ᠲᠤᠣᠷᠠᠢ᠂ ᠭᠠᠲᠤᠯᠭᠠ ᠶᠢᠨ ᠲᠤᠣᠷᠠᠢ᠂ ᠬᠢᠰᠠ ᠶᠢᠨ ᠲᠤᠣᠷᠠᠢ᠂ ᠪᠥᠬᠦᠨ ᠲᠤᠤᠷᠠᠢ᠃ | ᠪᠠᠶᠠᠨᠳᠤᠤᠷᠠᠢ ᠲᠠᠷᠢᠶᠠᠯᠠᠩ ᠤᠨ ᠲᠠᠯᠠᠪᠠᠢ 2᠄ ᠤᠩᠭᠤᠴᠠ ᠶᠢᠨ ᠲᠤᠣᠤᠷᠠᠢ᠂ ᠲᠤᠶᠢᠷᠡᠮ ᠤᠨ ᠲᠤᠣᠷᠠᠢ | ᠳᠠᠯᠡᠶᠢᠭᠦ᠋ᠪ ᠪᠠᠯᠭᠠᠰᠤ 40᠄ ᠬᠠᠳᠠ ᠶᠢᠨ ᠲᠤᠣᠷᠠᠢ᠂ ᠵᠠᠭᠤᠨ ᠲᠤᠣᠷᠠᠢ᠂ ᠱᠢᠷᠭᠤ ᠶᠢᠨ ᠲᠤᠣᠷᠠᠢ᠂ ᠰᠡᠳᠡᠷ | ᠲᠤᠣᠷᠠᠢ᠂ ᠤᠯᠠᠭᠠᠨ ᠵᠢᠭᠳᠡ ᠶᠢᠨ ᠲᠤᠣᠷᠠᠢ᠂ ᠬᠠᠮᠠᠷ ᠬᠠᠰᠢᠶᠠ ᠶᠢᠨ ᠲᠤᠣᠷᠠᠢ᠂ ᠪᠣᠬᠠ ᠶᠢᠨ ᠲᠤᠣᠷᠠᠢ᠂ ᠲᠤᠣᠷᠠᠶᠢᠲᠤ᠂ | ᠲᠤᠣᠷᠠᠢ ᠶᠢᠨ ᠤᠰᠤ᠂ ᠪᠤᠷᠭᠠᠰᠤᠨ ᠲᠤᠣᠷᠠᠢ᠂ ᠪᠤᠩᠬᠤᠨ ᠲᠤᠣᠷᠠᠢ᠂ ᠰᠢᠷᠠ ᠲᠤᠣᠷᠠᠢ᠂ ᠬᠦᠷᠠᠩ ᠲᠤᠣᠷᠠᠢ᠂ | ᠨᠠᠶᠢᠯᠵᠠᠭ ᠤᠨ ᠬᠤᠩᠬᠤᠷ᠂ ᠵᠠᠮ ᠤᠨ ᠲᠤᠣᠷᠠᠢ᠂ ᠬᠤᠶᠠᠷ ᠲᠤᠣᠷᠠᠢ᠂ ᠬᠡᠯᠢᠭ ᠤᠨ ᠲᠤᠣᠷᠠᠢ᠂ ᠬᠡᠰᠡᠭᠦᠢ ᠶᠢᠨ ᠲᠤᠣᠷᠠᠢ᠂ | ᠲᠦᠭᠦᠷᠢᠭ ᠲᠤᠣᠷᠠᠢ᠂ ᠠᠷᠠᠯ ᠤᠨ ᠲᠤᠣᠷᠠᠢ᠂ ᠪᠣᠩᠬᠤᠨ ᠲᠣᠣᠷᠠᠢ᠂ ᠲᠦᠷᠪᠡᠨ ᠲᠤᠣᠷᠠᠢ᠂ ᠴᠠᠭᠳᠠᠭᠤᠯ ᠤᠨ ᠲᠤᠣᠷᠠᠢ᠂ | ᠪᠤᠳᠠᠩ ᠤᠨ ᠲᠣᠣᠷᠠᠢ᠂ ᠬᠤᠯᠠᠨ ᠤ ᠲᠤᠣᠷᠠᠢ᠂ ᠬᠠᠷᠠ ᠡᠯᠵᠢᠭᠡᠨ ᠲᠤᠣᠷᠠᠢ᠂ ᠲᠤᠣᠷᠠᠶᠢᠲᠤ ᠤᠨᠴᠠ᠂ ᠠᠵᠢᠷᠭᠠ ᠶᠢᠨ | ᠲᠤᠣᠷᠠᠢ᠂ ᠬᠠᠷᠠ ᠲᠤᠣᠷᠠᠢ᠂ ᠵᠤᠤᠬᠠ ᠶᠢᠨ ᠲᠤᠣᠷᠠᠢ᠂ ᠰᠡᠭᠡᠷ ᠲᠤᠣᠷᠠᠢ᠂ ᠪᠠᠷᠠᠭᠤᠨ ᠲᠤᠣᠷᠠᠢ᠂ ᠤᠯᠠᠨ ᠲᠤᠣᠷᠠᠢ᠂ | ᠵᠢᠯᠠᠭᠠ ᠶᠢᠨ ᠲᠤᠣᠷᠠᠢ᠂ ᠰᠢᠷᠭᠤᠯᠵᠢᠨ ᠲᠤᠣᠤᠷᠠᠢ᠂ ᠭᠠᠨᠵᠤᠤᠷ ᠲᠤᠣᠤᠷᠠᠢ᠂ ᠵᠠᠭᠤᠨ ᠲᠤᠣᠤᠷᠠᠢ᠂ ᠪᠢᠶᠤᠤ ᠶᠢᠨ | ᠲᠤᠣᠤᠷᠠᠢ᠂ ᠨᠠᠮᠤᠷᠵᠠᠩ ᠲᠤᠤᠷᠠᠢ᠃ | ᠳᠡᠭᠡᠷᠡᠬᠢ ᠲᠣᠣᠷᠠᠢ ᠮᠣᠳᠣ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠤᠲᠤᠭ ᠤᠰᠤᠨ ᠤ ᠨᠠᠷᠠᠰ ᠢ ᠠᠵᠢᠭᠯᠠᠵᠤ ᠦᠵᠡᠪᠡᠯ ᠲᠤᠣᠷᠠᠬᠢ | ᠮᠡᠳᠣ ᠬᠡᠳᠤᠨ ᠵᠦᠢᠯ ᠤᠨ ᠣᠨᠴᠠᠯᠢᠭ ᠰᠢᠨᠵᠢ ᠢᠯᠡᠷᠡᠬᠦ ᠰᠢᠭ ᠰᠠᠨᠠᠭᠳᠠᠨᠠ᠃ | 1᠂ ᠬᠦᠮᠤᠨ ᠤ ᠨᠡᠷᠡ ᠪᠠᠷ ᠨᠡᠷᠡᠯᠡᠭᠰᠡᠨ ᠲᠤᠣᠷᠠᠢ᠄ ᠡᠷᠳᠡᠨᠢ ᠶᠢᠨ ᠲᠤᠣᠷᠠᠢ᠂ ᠬᠡᠯᠢᠭ ᠤᠨ ᠲᠤᠣᠤᠷᠠᠢ᠂ | ᠺᠠᠨᠳᠠ ᠶᠢᠨ ᠲᠤᠣᠷᠠᠢ᠃ | 2᠂ ᠲᠤᠣᠷᠠᠢ ᠶᠢᠨ ᠲᠤᠭᠠ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠡᠷᠡ ᠄ ᠭᠠᠭᠴᠠ ᠲᠤᠣᠷᠠᠢ᠂ ᠬᠤᠶᠠᠷ ᠲᠤᠣᠷᠠᠢ᠂ ᠭᠤᠷᠪᠠᠨ | ᠲᠤᠣᠷᠠᠢ᠂ ᠳᠥᠷᠪᠠᠨ ᠲᠤᠣᠷᠠᠢ᠂ ᠲᠠᠪᠤᠨ ᠲᠤᠣᠷᠠᠢ᠂ ᠲᠤᠯᠣᠭᠠᠨ ᠲᠤᠣᠷᠠᠢ᠂ ᠶᠢᠰᠤᠨ ᠲᠤᠣᠷᠠᠢ᠂ ᠬᠤᠶᠠᠷ ᠨᠠᠶᠢᠯᠴᠠᠭ᠂ | ᠵᠢᠷᠠᠨ ᠲᠤᠣᠷᠠᠢ᠂ ᠵᠠᠭᠤᠨ ᠲᠤᠣᠷᠠᠢ᠂ ᠤᠯᠠᠨ ᠲᠤᠣᠷᠠᠢ᠂ ᠪᠥᠭᠡᠮ ᠲᠤᠣᠷᠠᠢ᠃ | 3᠂ ᠲᠤᠣᠷᠠᠢ ᠶᠢᠨ ᠦᠩᠬᠡ ᠪᠠᠷ ᠨᠡᠯᠡᠭᠰᠡᠨ ᠨᠡᠷᠡ᠄ ᠬᠥᠬᠡ ᠲᠣᠣᠷᠠᠢ᠂ ᠨᠤᠭᠤᠭᠠᠨ ᠲᠤᠣᠷᠠᠢ᠂ ᠰᠢᠷᠡ ᠲᠤᠣᠷᠠᠢ᠂ | ᠬᠠᠷᠠ ᠲᠤᠣᠷᠠᠢ᠂ ᠬᠦᠷᠡᠩ ᠲᠤᠣᠷᠠᠢ᠂ ᠰᠢᠷᠠ ᠨᠠᠶᠢᠯᠴᠠᠭ᠃ | 4᠂ ᠲᠤᠣᠷᠠᠢ ᠶᠢᠨ ᠬᠡᠯᠪᠡᠷᠢ ᠲᠦᠷᠰᠣ ᠪᠠᠷ ᠨᠢ ᠨᠡᠷᠡᠯᠡᠭᠰᠡᠨ ᠨᠡᠷᠡ᠄ ᠪᠦᠳᠦᠭᠦᠨ ᠲᠤᠣᠷᠠᠢ᠂ ᠨᠠᠷᠢᠨ ᠲᠤᠣᠷᠠᠢ᠂ | ᠠᠷᠵᠠᠭᠠᠷ ᠲᠤᠣᠷᠠᠢ᠂ ᠵᠢᠷᠭᠡᠷ ᠲᠤᠣᠷᠠᠢ᠂ ᠲᠡᠭᠦᠵᠢᠩ ᠲᠤᠣᠷᠠᠢ᠂ ᠬᠤᠷᠣᠬᠠᠢ ᠲᠤᠣᠷᠠᠢ᠂ ᠪᠥᠬᠦᠨ ᠲᠤᠣᠷᠠᠢ᠂ ᠵᠡᠯᠡ | ᠲᠤᠣᠷᠠᠢ᠂ ᠰᠢᠯᠢᠨ ᠲᠤᠣᠷᠠᠢ᠂ ᠦᠨᠳᠤᠷ ᠲᠤᠤᠷᠠᠢ᠂ ᠰᠡᠭᠡᠷ ᠲᠤᠣᠷᠠᠢ᠂ ᠰᠠᠶᠢᠬᠠᠨ ᠲᠤᠣᠷᠠᠢ᠂ ᠳᠠᠩᠬᠠᠷ ᠲᠤᠣᠷᠠᠢ᠂ | ᠪᠠᠭᠪᠤᠷ ᠨᠠᠶᠢᠯᠴᠠᠭ᠂ ᠬᠠᠪᠲᠠᠭᠠᠢ ᠲᠤᠣᠷᠠᠢ᠂ ᠰᠢᠷᠭᠤᠯᠵᠢᠨ ᠲᠤᠣᠷᠠᠢ᠂ ᠪᠤᠷᠠ ᠲᠤᠣᠷᠠᠢ᠂ ᠲᠦᠭᠦᠷᠢᠭ ᠲᠤᠣᠷᠠᠢ᠃ | 5᠂ ᠨᠤᠲᠤᠭ ᠤᠰᠤ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠡᠷᠡ᠄ ᠵᠤᠰᠠᠯᠡᠩ ᠲᠤᠣᠷᠠᠢ᠂ ᠨᠠᠮᠤᠷᠵᠠᠩ ᠲᠤᠣᠷᠠᠢ᠂ ᠲᠤᠣᠷᠠᠢ ᠤᠰᠤ᠂ | ᠭᠠᠰᠢᠭᠤᠨ ᠲᠤᠣᠷᠠᠢ᠂ ᠲᠤᠣᠷᠠᠢ ᠬᠠᠰᠢᠶᠠ᠂ ᠲᠤᠣᠷᠠᠢ ᠱᠠᠩᠳᠠ᠂ ᠳᠤᠣᠷᠠᠶᠢᠲᠤ ᠨᠠᠭᠤᠷ᠂ ᠳᠣᠣᠷᠠᠶᠢᠲᠤ ᠪᠤᠯᠠᠭ᠂ | ᠰᠢᠯᠢᠨ ᠳᠤᠣᠷᠠᠢ ᠶᠢᠨ ᠪᠤᠯᠠᠭ᠂ ᠲᠤᠤᠷᠠᠢ ᠫᠠᠩᠳᠠ᠂ ᠨᠠᠶᠢᠯᠵᠠᠭ ᠤᠨ ᠤᠰᠤ᠃ | 7᠂ ᠬᠦᠮᠤᠨ ᠤ ᠦᠢᠯᠠ ᠶᠠᠪᠤᠳᠠᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠠᠷᠡ᠄ ᠨᠠᠭᠠᠳᠤᠨᠭᠠᠢ ᠶᠢᠨ ᠲᠤᠣᠷᠠᠢ᠂ ᠤᠩᠭᠤᠴᠠ ᠶᠢᠨ | ᠲᠤᠣᠷᠠᠢ᠂ ᠴᠠᠭᠳᠠᠭᠤᠯ ᠤᠨ ᠲᠤᠣᠷᠠᠢ᠂ ᠪᠣᠩᠬᠤᠨ ᠲᠤᠣᠷᠠᠢ᠂ ᠨᠠᠶᠢᠷ ᠤᠨ ᠲᠤᠣᠷᠠᠢ᠂ ᠠᠪᠲᠠᠷᠠ ᠶᠢᠨ ᠲᠤᠣᠷᠠᠢ᠂ | ᠠᠭᠳᠠ ᠶᠢᠨ ᠲᠤᠣᠷᠠᠢ᠂ ᠬᠥᠬᠡ ᠦᠷᠢᠶᠡ ᠶᠢᠨ ᠲᠤᠣᠷᠠᠢ᠂ ᠵᠠᠮ ᠤᠨ ᠲᠤᠣᠷᠠᠢ᠂ ᠭᠠᠨᠵᠤᠤᠷ ᠲᠤᠤᠷᠠᠢ᠃ | 8᠂ ᠭᠠᠵᠠᠷ ᠵᠦᠢ ᠶᠢᠨ ᠣᠨᠴᠠᠯᠢᠭ ᠪᠠᠶᠢᠷᠢᠰᠢᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠡᠷᠡ᠄ ᠲᠤᠶᠢᠷᠠᠮ ᠤᠨ ᠲᠤᠣᠷᠠᠢ᠂ ᠲᠤᠣᠷᠠᠢ | ᠪᠥᠭᠡᠷᠡᠭ᠂ ᠪᠠᠯᠠᠷ ᠤᠨ ᠲᠤᠣᠷᠠᠢ᠂ ᠪᠢᠳᠡᠭᠦᠦ ᠶᠢᠨ ᠲᠤᠣᠷᠠᠢ᠂ ᠠᠷᠠᠯ ᠤᠨ ᠲᠤᠣᠷᠠᠢ᠂ ᠱᠠᠯᠠ ᠶᠢᠨ ᠲᠤᠣᠷᠠᠢ᠂ | ᠦᠵᠦᠭᠦᠷ ᠲᠤᠣᠷᠠᠢ᠂ ᠡᠬᠢᠨ ᠲᠤᠣᠷᠠᠢ᠂ ᠵᠤᠰᠠᠯᠠᠩ ᠲᠤᠣᠷᠠᠢ᠂ ᠰᠠᠯᠪᠤᠷᠢ ᠲᠤᠣᠷᠠᠢ᠂ ᠪᠠᠷᠠᠭᠤᠨ ᠲᠤᠤᠷᠠᠢ᠂ ᠵᠡᠭᠦᠨ | ᠲᠤᠤᠷᠠᠢ᠃ | ᠪᠤᠭᠤᠷᠤᠯ ᠲᠡᠤᠬᠡ ᠲᠠᠢ ᠡᠵᠡᠨᠠ ᠨᠤᠳᠤᠭ ᠳᠡᠭᠡᠷᠡ ᠮᠤᠩᠭᠤᠯᠴᠤᠳ ᠦᠶᠡ ᠶᠢᠨ ᠦᠶᠡ ᠪᠠᠷ ᠠᠵᠤ ᠲᠦᠷᠤᠨ | ᠨᠡᠭᠦᠳᠠᠯᠯᠠᠨ ᠮᠠᠯᠵᠢᠬᠤ ᠳᠠᠭᠠᠨ ᠠᠭᠤᠳᠠᠮ ᠬᠠᠩᠭᠠᠢ ᠨᠤᠲᠤᠭ ᠤᠨ ᠢᠶᠠᠨ ᠤᠰᠤᠨ ᠤ ᠲᠤᠩᠭᠠᠯᠠᠭ᠂ ᠡᠪᠡᠰᠤᠨ ᠤ | ᠰᠤᠷᠭᠤᠭ ᠢ ᠰᠤᠩᠭᠤᠨ ᠭᠠᠵᠠᠷ ᠪᠣᠯᠭᠠᠨ ᠳᠤ ᠨᠤᠳᠤᠭᠯᠠᠵᠤ ᠶᠠᠪᠤᠬᠤ ᠳᠠᠭᠠᠨ ᠪᠠᠶᠢᠷᠢ ᠪᠠᠯᠴᠢᠭᠡᠷ ᠨᠤᠲᠤᠭ ᠤᠰᠤᠨ | ᠳᠠᠭᠠᠨ ᠮᠠᠰᠢ ᠤᠯᠠᠨ ᠰᠠᠶᠢᠬᠠᠨ ᠨᠡᠷᠡ ᠵᠣᠬᠢᠶᠠᠨ ᠨᠡᠷᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠨᠤᠲᠤᠭ ᠤᠰᠤᠨ ᠤ ᠨᠠᠷᠠᠰ ᠲᠤ | ᠭᠠᠵᠠᠷ ᠵᠦᠢ ᠶᠢᠨ ᠣᠨᠴᠠᠯᠢᠭ᠂ ᠡᠪᠡᠰᠦ ᠤᠷᠭᠤᠮᠠᠯ ᠣᠢ ᠮᠣᠳᠣᠨ ᠤ ᠣᠨᠴᠠᠯᠢᠭ ᠰᠢᠨᠵᠢ ᠢᠯᠡᠷᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ | ᠬᠦᠮᠤᠨ ᠠᠷᠠᠳ ᠤᠨ ᠲᠡᠤᠬᠡ ᠰᠣᠶᠣᠯ ᠶᠣᠰᠣ ᠵᠠᠩᠰᠢᠯ᠂ ᠶᠣᠰᠣ ᠰᠤᠷᠲᠠᠬᠤᠨ᠂ ᠱᠠᠰᠢᠨ ᠰᠢᠲᠤᠯᠭᠡ ᠵᠡᠷᠭᠡ | ᠲᠦᠷᠤᠯᠬᠢ ᠰᠡᠳᠭᠢᠴᠠ ᠶᠢᠨ ᠦᠩᠭᠡ ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ᠃ ᠶᠠᠷᠢᠶᠠᠨ ᠦᠭᠡᠢ᠂ ᠲᠦᠷᠤ ᠬᠦᠷᠤᠨ ᠤ ᠰᠣᠯᠢᠭᠳᠠᠯ᠂ | ᠲᠡᠤᠬᠡ ᠰᠣᠶᠣᠯ ᠤᠨ ᠤᠯᠠᠷᠢᠯ ᠬᠤᠪᠢᠰᠤᠯ᠂ ᠬᠦᠮᠤᠨ ᠪᠠᠶᠢᠭᠠᠯᠢ ᠶᠢᠨ ᠭᠠᠢ ᠭᠠᠮᠰᠢᠭ ᠠᠴᠠ ᠪᠣᠯᠵᠤ ᠨᠡᠯᠢᠶᠠᠳ | ᠲᠣᠭᠠᠨ ᠤ ᠨᠤᠲᠤᠭ ᠤᠰᠤᠨ ᠤ ᠨᠡᠷᠡ ᠤᠯᠠᠷᠢᠵᠤ ᠤᠰᠠᠳᠤᠭᠰᠠᠨ ᠪᠤᠶᠤ ᠬᠤᠪᠢᠷᠠᠵᠤ ᠰᠣᠯᠢᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠤᠯᠠᠷᠢᠭᠰᠠᠨ ᠨᠡᠷᠡ ᠪᠠᠨ ᠰᠡᠷᠭᠦᠭᠡᠵᠦ᠂ ᠮᠠᠷᠲᠠᠭᠳᠠᠭᠰᠠᠨ ᠨᠡᠷᠡ ᠪᠠᠨ ᠤᠬᠠᠭᠠᠷᠠᠵᠤ ᠣᠳᠣ ᠪᠠᠶᠢᠭᠠ ᠨᠡᠷᠡ ᠪᠠᠨ | ᠲᠠᠶᠠᠭᠳᠠᠬᠤ ᠦᠭᠡᠢ ᠶᠢᠨ ᠳᠤᠯᠠᠲᠠ ᠬᠠᠭᠤᠳᠠᠰᠤ ᠡᠯᠡᠭᠡᠨ᠂ ᠪᠡᠭᠡᠰ ᠢ ᠵᠠᠷᠤᠴᠠᠭᠤᠯᠵᠤ ᠲᠤᠣᠷᠠᠶᠢᠲᠤ ᠨᠤᠲᠤᠭ ᠤᠨ | ᠲᠣᠣᠷᠠᠢ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠡᠷᠠᠰ ᠢ ᠵᠢᠭᠰᠠᠭᠠᠵᠤ᠂ ᠦᠵᠡᠬᠦ ᠮᠡᠷᠭᠡᠳ ᠲᠤ ᠲᠤᠯᠢᠯᠠᠭᠤᠯᠵᠤ ᠪᠠᠶᠢᠭᠠ ᠮᠢᠨᠢ ᠡᠨᠡ ᠪᠢᠯᠡ᠃ | ᠥᠨᠢ ᠤᠳᠠᠭᠠᠨ ᠲᠡᠤᠬᠡ᠂ ᠭᠡᠷᠡᠯ ᠰᠠᠴᠤᠷᠤᠩᠭᠤᠢ ᠰᠣᠶᠣᠯ ᠲᠠᠢ ᠡᠵᠡᠨᠡ ᠨᠤᠲᠤᠭ ᠤᠨ ᠬᠦᠷᠤᠰᠤᠨ ᠲᠡᠭᠡᠷᠡ | ᠬᠡᠳᠤᠨ ᠮᠢᠩᠭᠠᠨ ᠣᠨ ᠤ ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠤ ᠠᠵᠤ ᠠᠮᠢᠳᠤᠷᠠᠯ ᠤᠨ ᠤᠯᠠ ᠮᠥᠷ ᠬᠠᠷᠠᠭᠳᠠᠬᠤ ᠪᠠᠷ ᠪᠠᠷᠠᠬᠤ | ᠦᠭᠡᠢ᠂ ᠬᠡᠳᠤᠨ ᠵᠠᠭᠤᠨ ᠵᠢᠯ ᠤᠨ ᠡᠮᠤᠨᠡᠬᠢ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠲᠣᠷᠭᠤᠳᠴᠤᠳ ᠤᠨ ᠡᠬᠡ ᠤᠯᠤᠰ ᠲᠠᠭᠠᠨ | ᠪᠤᠴᠠᠨ ᠢᠷᠡᠭᠰᠠᠨ ᠢᠯᠠᠭᠤᠭᠰᠠᠨ ᠲᠡᠤᠬᠡ ᠲᠤᠷᠠᠶᠢᠲᠠᠯᠠ ᠬᠠᠷᠠᠭᠳᠠᠨᠠ᠃ ᠡᠵᠡᠨᠠ ᠨᠤᠲᠤᠭ ᠢᠶᠠᠷ ᠨᠡᠶᠢᠳᠡᠮ ᠲᠦᠭᠡᠵᠦ | ᠪᠠᠶᠢᠭᠠ ᠨᠤᠲᠤᠭ ᠤᠰᠤᠨ ᠤ ᠨᠡᠷᠡᠰ ᠨᠢ ᠶᠠᠭ ᠢᠷᠠᠭᠤ ᠨᠠᠶᠢᠷᠠᠭ ᠰᠢᠭ᠋ ᠢᠶᠠᠷ ᠡᠵᠡᠨ ᠨᠢ ᠪᠣᠯᠤᠭᠰᠠᠨ ᠡᠷᠡᠯᠬᠡᠭ | ᠰᠦᠰᠦ ᠲᠠᠢ ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ ᠮᠤᠩᠭᠤᠯᠴᠤᠳ ᠤᠨ ᠢᠶᠠᠨ ᠶᠠᠪᠤᠵᠤ ᠢᠷᠡᠭᠰᠡᠨ ᠮᠥᠷ᠂ ᠲᠤᠭᠤᠯᠵᠤ | ᠢᠷᠡᠭᠰᠡᠨ ᠲᠡᠤᠬᠡ ᠶᠢ ᠲᠡᠮᠳᠡᠭᠯᠡᠵᠤ ᠪᠠᠶᠢᠭᠠ ᠰᠢᠭ᠋ ᠰᠠᠨᠠᠭᠲᠠᠨᠠ᠃ | | | | — ᠴᠠ᠊ · ᠰᠠᠶᠢᠵᠢᠷᠠᠬᠤ ᠶᠢᠨ ︽ᠡᠵᠡᠨᠡ ᠲᠤᠤᠷᠠᠢ ᠶᠢᠨ ᠰᠤᠶᠤᠯ︾ ᠬᠡᠭᠦ ᠨᠣᠮ ᠠᠴᠠ | |